নৱবৰ্ষৰ দিনা মধ্য জাপানৰ উপকূলত হোৱা এক প্ৰচণ্ড ভূমিকম্পৰ ফলত অতি কমেও ৩০ জন লোকৰ মৃত্যু হোৱাৰ খবৰ পোৱা গৈছে। ইয়াৰ পিছতে জাপানৰ প্ৰধানমন্ত্ৰী ফুমিও কিছিদাই সতৰ্ক কৰি দিছে যে ক্ষয়ক্ষতি ব্যাপক আৰু হতাহতহোৱাৰ সম্ভাৱনা আছে।
ইশিকাৱা প্ৰিফেকচাৰৰ নোটো উপদ্বীপৰ ওচৰত সোমবাৰে আবেলি ৭.৬ প্ৰাবল্যৰ ভূমিকম্পটো সংঘটিত হয়। ২০১১ চনৰ মাৰ্চ মাহত হোৱা ভূমিকম্প আৰু চুনামিৰ পিছত দেশখনৰ প্ৰথমটো ডাঙৰ চুনামিৰ সতৰ্কবাণী জাৰি কৰা হৈছিল। উল্লেখ্য যে ২০১১চনৰ চুনামিত দেশখনৰ উত্তৰ-পূবত প্ৰায় ১৮,৫০০ লোকক মৃত বা সন্ধানহীন বুলি ঘোষণা কৰা হৈছিল।
মঙলবাৰে ভাষণ দি কিছিদাই কৈছিল যে ভূমিকম্পৰ ফলত অট্টালিকাসমূহ তললৈ খহি পৰা আৰু জুই লগাৰ ফলত “ব্যাপক ক্ষতি” নিশ্চিত কৰা হৈছে।
তেওঁ কয় যে হতাহতসকল “অজস্ৰ”…ভুক্তভোগীসকলক উদ্ধাৰ কৰাটো তীব্ৰতৰ হ’ব।
কৰ্তৃপক্ষই কৈছিল যে ক্ষতিগ্ৰস্ত ৰাস্তাৰ দ্বাৰা উদ্ধাৰ প্ৰচেষ্টা বাধাগ্ৰস্ত হৈছিল আৰু তেওঁলোকে পৰিণামৰ সম্পূৰ্ণ পৰিমাণ মূল্যাঙ্কন কৰাত অসুবিধা পাইছিল।
চুনামিৰ সতৰ্কবাণী মঙলবাৰে ৰাতিপুৱা উঠাই লোৱা হয়।
