ভাৰত চৰকাৰ আৰু অসম চৰকাৰৰ বিকশিত ভাৰত সংকল্প যাত্ৰা অনুষ্ঠান বৃহস্পতিবাৰে যোৰহাটৰ ৬৯ নং পশ্চিম খঙীয়া গাঁও পঞ্চায়তত অনুষ্ঠিত হয়।

পঞ্চায়তখনৰ তৰফৰ পৰা ৰাজ্যৰ মন্ত্ৰী পীয়ূষ হাজৰিকা আৰু অতুল বৰা আহিব বুলি দিনৰ ১বজাত হাজাৰৰো অধিক ৰাইজক সভাস্থলীত গোট খোৱাই যদিও প্ৰায় ৩মান বজাত বিকশিত ভাৰত সংকল্প যাত্ৰা কাৰ্যসূচীত মন্ত্ৰীৰ পৰিৱৰ্তে আহিল স্থানীয় বিধায়ক ভবেন্দ্ৰ নাথ ভৰালী।

চৰকাৰী বিভিন্ন আঁচনিৰ সজাগতাৰ উদ্দেশ্যৰে অনুষ্ঠিত এই সংকল্প যাত্ৰাত মন্ত্ৰীৰ অপেক্ষাত থকা উপস্থিত ৰাইজে স্থানীয় বিধায়ক অহাত অসন্তোষ্ট হৈ মুকলি ক্ষোভ প্ৰকাশ কৰে।

উল্লেখ্য যে যোৰহাটৰ ৬৯ নং পশ্চিম খঙীয়া গাঁও পঞ্চায়তৰ বহু দৰিদ্ৰ পৰিয়ালে বিভিন্ন চৰকাৰী আঁচনিৰ পৰা বঞ্চিত হৈ আছে।

ইফালে বিধায়ক ভবেন্দ্ৰ নাথ ভৰালীয়ে “মন্ত্ৰীৰ কাম আছে কেবিনেটত, আমাৰটো কাম নাই” বুলি সংবাদ মাধ্যমক দিয়া মন্তব্যই বিশেষ তাৎপৰ্য বহন কৰিছে।

ওদালগুৰি জিলাৰ সীমামূৰীয়া তথা সাৰংগ মুনীয়ে বাস কৰা গাঁও তথা কালক্ৰমত সলনি হোৱা সাৰেঙত ১৯৭২ চনত কেইগৰাকীমান দুৰদৰ্শী ব্যক্তিৰ প্ৰচেষ্টাত প্ৰতিষ্ঠা হৈছিল নৱজ্যোতি সংঘ।

পঞ্চাশ বছৰীয়া সাক্ষৰ বহন কৰা নৱজ্যোতি সংঘৰ সোনালী জয়ন্তী সমাৰোহৰ বাবে অতিথি আপ্যায়ন,স্মৃতি গ্ৰন্থকে ধৰি যাৱতীয় কাম কাজ প্ৰায় সম্পূৰ্ণ বুলি উদযাপন সমিতিয়ে জানিব দিয়ে।

আনহাতে দুদিনীয়া কাৰ্যসূচীৰে অনুষ্ঠিত হবলগীয়া ২৩, ২৪ ডিচেম্বৰৰ বৰ্ণাঢ্য কাৰ্যসূচীৰ অন্যতম সাংস্কৃতিক শোভাযাত্ৰা, এন ডি ২৪ ৰ এপলক, মুকলি সভা আৰু অসমৰ আগশাৰীৰ জনপ্ৰিয় শিল্পীৰ গীতৰ শৰাইৰে সোণালী জয়ন্তী উৎসৱ উখল মাখল হৈ পৰিবলগীয়া সমূহ কাৰ্যসূচীত ৰাইজৰ উপস্থিতি আন্তৰিকতাৰে কামনা কৰিছে সোণালী জয়ন্তী উৎসৱ উদযাপন সমিতিয়ে।

দ্বীপেন ডেকা, নামখলা

অসম চৰকাৰৰ সাংস্কৃতিক মহাসংগ্ৰাম অনুষ্ঠানৰ যোগেদি স্কুলীয়া ছাত্ৰীসকলক নৃত্য গীতৰ যোগেদি বাছনি কৰিবলৈ পদক্ষেপ গ্ৰহণ কৰিছে।

জিলা প্ৰশাসনৰ তৰপৰ পৰা মানকাচৰ বিধানসভা সমষ্টিৰ অন্তৰ্গত স্কুলীয়া ছাত্ৰীসকলক ইতিমধ্যে গাঁও পঞ্চায়ত সমূহৰ পৰা বাছনি প্ৰক্ৰিয়া সম্পন্ন কৰিছে।

এই বাছনি হোৱা ছাত্ৰীসকলৰ মাজৰ পৰা জিলা পৰ্যায়ৰ বাবে নৃত্য প্ৰতিযোগিতাৰ আয়োজন কৰা হৈছে। উক্ত নৃত্য প্ৰতিযোগিতাত ৰাভা নৃত্য; লোক সংগীত; বিহু নৃত্য; আদিৰ আয়োজন কৰা হৈছে।

ইয়াৰ মাজৰ পৰা যিবিলাক বাছনি হ’ব সিহঁতক ৰাজ্যিক পৰ্যায়ৰ বাবে বাছনি কৰা হয়। এনেকৈ এই নৃত্য প্ৰতিযোগিতা চলি থাকিব আৰু প্ৰতিভা থকা নৃত্য শিল্পী সকলৰ বাবে চৰকাৰে বিভিন্ন ধৰণৰ সুবিধা গ্ৰহণ কৰিব।

বৃহস্পতিবাৰৰ এই অনুষ্ঠানত উপস্থিত থাকে জিলা আয়ুক্ত ৰাহুল কুমাৰ গুপ্তা ; জিলাখনৰ বুদ্ধি জীৱি,শিক্ষক সমাজ, সমাজ সেৱক‌ আৰু স্কুলীয়া ছাত্ৰ-ছাত্ৰীসকল।