আজি দিছপুৰৰ জনতা ভৱনত আয়োজিত ৰাজ্যিক কেবিনেটৰ বৈঠকত তিনিটা গুৰুত্বপূৰ্ণ সিদ্ধান্ত গ্ৰহণ কৰা হয়। মন্ত্ৰী জয়ন্ত মল্ল বৰুৱাই কেবিনেটে গ্ৰহণ কৰা সিদ্ধান্তৰ কথা সদৰী কৰি কয় যে আহতগুৰিৰ মহযুজঁ আকৌ আৰম্ভ কৰা হব । পৰম্পৰাগতভাৱে চলি অহা মহযুজঁ নতুন পৰামৰ্শাৱলীৰ আধাৰত পুনৰ আৰম্ভ হ’ব। কেবিনেটে লগতে ৰাজ্যৰ ২১৯৭ খন গাঁও পঞ্চায়ত আৰু ৪০০ টা জিএমচি ৱাৰ্ডত ডিজিটেল লাইবেৰী স্থাপনৰো সিদ্ধান্ত গ্ৰহণ কৰে।প্ৰতিখন পঞ্চায়তত ডিজিটেল লাইবেৰী স্থাপনৰ বাবে অসম কেবিনেটে মুকলি কৰিলে ২৬৯ কোটি টকা। চৰৰ খিলঞ্জীয়া মুছলমান সকলৰ বাবে নতুন সঞ্চালকালয় গঠনৰো সিদ্ধান্ত লোৱা হয় । খিলঞ্জীয়া মুছলমান সকলৰ জিলা ভিত্তিক তথ্য সংগ্ৰহ কৰা হব।। যাৰ বাবে নতুনকৈ সংখ্যালঘু সঞ্চালকালয় গঠন কৰা হ’ব। আহতগুৰিৰ মহযুজঁ পাতিবলৈ অসম চৰকাৰে অনুমতি অচিৰেই প্ৰকাশ পাব নতুন SOP।

ন্যায়ালয়ে নিষেধাজ্ঞা আৰোপ কৰা মহযুজঁ নিৰ্দিষ্ট sop ৰ মাজেৰে অনুষ্ঠিত কৰি পৰম্পৰা ৰক্ষা কৰা হ’ব ।

গৰীয়া মৰিয়া চৈয়দ জোলহা দেশী আদি জনগোষ্ঠীৰ বাবে হ’ব সমীক্ষা।

তেওঁলোকক বহুতে অনুপ্ৰৱেশকাৰীৰ সৈতে একাকাৰ কৰি থকা বাবেই তেওঁলোকে নিজৰ সমীক্ষা হোৱাটো বিচাৰিছিল।

নিৰ্বাচন আয়োগে শুকুৰবাৰে অসমৰ ১২৬ টা সমষ্টিৰ বাবে খচৰা ভোটাৰ তালিকা প্ৰকাশ প্ৰকাশষ কৰে। সমষ্টিৰ সীমা পুনৰ নিৰ্ধাৰণৰ পিছত প্ৰথমবাৰৰ বাবে কেন্দ্ৰীয় নিৰ্বাচন আয়োগে অসমৰ আটাইকেইটা সমষ্টিৰ খচৰা ভোটাৰ তালিকা প্ৰকাশ কৰে। ভোটাৰ তালিকা অনুসৰি অসমত মুঠ ভোটাৰ : ২,৪৩,০২,৪৬০ গৰাকী। পুৰুষ ভোটাৰঃ ১,২২,১২,৪৮৩ গৰাকী, মহিলা ভোটাৰঃ ১,২০,৮৯,৫৬৯ গৰাকী আৰু তৃতীয় লিংগৰ ভোটাৰ ৪০৮ গৰাকী৷ ৰাজ্যখনৰ মুঠ ২৮,৬৪৫ টা ভোটকেন্দ্ৰৰ বাবে এই খচৰা ভোটাৰ তালিকা প্ৰকাশ কৰা হৈছে।

উল্লেখ্য সমষ্টিৰ সীমা পুনৰ নিৰ্ধাৰণৰ পিছত ৰাজ্যখনৰ মুঠ ভোটকেন্দ্ৰৰ সংখ্যা ২৮,২০৫ ৰ পৰা ২৮,৬৪৫ লৈ বৃদ্ধি পাইছে। ৰাজ্যখনত সামগ্ৰিকভাৱে ১,৯০,৭১৭ গৰাকী ভোটাৰ (০.৮%) বৃদ্ধি হৈছে। ভোটাৰ তালিকা সন্দৰ্ভত আপত্তি দাখিল কৰাৰ সময় ৮-১২-২০২৩ ৰ পৰা ৮-১-২০২৪ লৈ নিৰ্ধাৰণ কৰা হৈছে । ১৮ বছৰ বয়সৰ আবেদনকাৰীসকলে https://voters.eci.gov.in/ পৰ্টেল বা ভোটাৰ হেল্পলাইন এপৰ জৰিয়তে অনলাইনত ভোটাৰ তালিকাত তেওঁলোকৰ নাম অন্তৰ্ভুক্ত কৰিবলৈ আবেদন কৰিব পাৰে। সকলো দাবী আৰু আপত্তি নিষ্পত্তি কৰাৰ পিছত ২০২৪ চনৰ ৮ ফেব্ৰুৱাৰীত চূড়ান্ত ভোটাৰ তালিকা প্ৰকাশ কৰা হ’ব।

অসম ম্যানমাৰৰ অংশ আছিল বুলি কপিল চিবালে কৰা মন্তব্যই এতিয়া বিভিন্ন মহলত তীব্ৰ প্ৰতিক্ৰিয়াৰ সৃষ্টি কৰিছে। চিবালৰ মন্তব্য সন্দৰ্ভত প্ৰতিক্ৰিয়া ব্যক্ত কৰি মুখ্যমন্ত্ৰী হিমন্ত বিশ্ব শৰ্মাই কয় যে যিসকলৰ ইতিহাসৰ কোনো জ্ঞান নাই তেওঁলোকে এনে বিষয়ত একো কথা ক’ব নালাগে। মুখ্যমন্ত্ৰী শৰ্মাই কয় “যদি কাৰোবাৰ ইতিহাসৰ বিষয়ে জ্ঞান নাথাকে, তেন্তে তেওঁ এই বিষয়ে কোৱা উচিত নহয়। অসম কেতিয়াও ম্যানমাৰৰ অংশ নাছিল। ম্যানমাৰৰ মানুহে এবাৰ অসম আক্ৰমণ কৰিছিল।

এয়া হৈছে অসম আৰু ম্যানমাৰৰ মাজৰ সম্পৰ্ক। কিন্তু আজিলৈকে মই এনে কোনো তথ্য পোৱা নাই যিয়ে সূচায় যে অসম ম্যানমাৰৰ অংশ আছিল,” ।অসম এসময়ত ম্যানমাৰৰ অংশ আছিল বুলি জ্যেষ্ঠ অধিবক্তা কপিল চিবালে মন্তব্যৰ কৰাৰ বিষয়ত ক্ষ্যভ প্ৰকাশ কৰে মুখ্যমন্ত্ৰী শৰ্মাই। উল্লেখ্য উচ্চতম ন্যায়ালয়ত ১৯৫৫ চনৰ নাগৰিকত্ব আইনৰ ৬ক দফাক প্ৰত্যাহ্বান জনাই দাখিল কৰা কেইবাখনো আবেদনৰ শুনানি চলি আছে। শুনানিৰ সময়তে চিবালে অসম ম্যানমাৰৰ অংশ আছিল বুলি মন্তব্য কৰে। ভাৰতৰ মুখ্য ন্যায়াধীশ ডি ৱাই চন্দ্ৰচূড়ৰ নেতৃত্বত গঠিত বিচাৰপীঠে নাগৰিকত্ব আইনৰ সেই দফাক প্ৰত্যাহ্বান জনোৱা কেইবাখনো আবেদনৰ শুনানি আৰম্ভ কৰিছে। আজি শুনানিৰ তৃতীয় দিন আছিল। চিবালে কৈছিল যে অসম ম্যানমাৰৰ এটা অংশ আছিল আৰু তাৰ পিছত ব্ৰিটিছে ম্যানমাৰৰ এটা অংশ জয় কৰিছিল । পিছত অসমক ব্ৰিটিছৰ হাতত গতাই দিয়া হৈছিল । উচ্চতম ন্যায়ালয়ে কালি কেন্দ্ৰীয় চৰকাৰক ১৯৭১ চনৰ ২৫ মাৰ্চৰ পিছত অসম আৰু উত্তৰ-পূবৰ ৰাজ্যসমূহলৈ হোৱা অবৈধ প্ৰব্ৰজনকাৰীৰ তথ্য দাখিল কৰিবলৈ নিৰ্দেশ দিছিল।