ৰাতি পিয়াহ অনুভৱ কৰাটো সাধাৰণ কথা, কিন্তু যদিহে অত্যধিক পিয়াহৰ বাবে প্ৰতি নিশাই টোপনি কমিবলৈ ধৰে তেন্তে ই এক চিন্তনীয় পৰিস্থিতি হ’ব পাৰে। সকলোৱে ৰাতিৰ টোপনি ভাল পায়, সুস্বাস্থ্যৰ বাবে আমি ৭ৰ পৰা ৮ ঘণ্টা শুব লাগে, কিন্তু কেতিয়াবা হঠাতে মাজনিশা আমি তীব্ৰ পিয়াহৰ অনুভৱ কৰো, যিয়ে টোপনিত ব্যাঘাত জন্মায়। এই সমস্যাৰ আঁৰৰ আচল কাৰণ কি জানো আহক-

বিশেষজ্ঞৰ মতে এজন সুস্থ ব্যক্তিক দৈনিক ৮ৰ পৰা ১০ গিলাচ পানীৰ প্ৰয়োজন। যদি আপুনি গোটেই দিনটো পানী কমকৈ খাই, তেন্তে ৰাতি শৰীৰে আমাক সংকেত দিব যে শৰীৰত পানীৰ নাটনি হৈছে। গতিকে নিয়মীয়াকৈ ডিঙি তিয়াই থাকিব।

ভাৰতত চাহ-কফি খোৱাৰ প্ৰতি আকৰ্ষিত লোকৰ অভাৱ নাই, কিন্তু ইয়াৰ ফলত স্বাস্থ্যৰ যথেষ্ট ক্ষতি হ’ব পাৰে। যিহেতু এই পানীয়বোৰত কেফেইনৰ পৰিমাণ বেছি থাকে যাৰ বাবে শৰীৰত পানীৰ পৰিমাণ কমিবলৈ আৰম্ভ কৰে আৰু সেইবাবে ৰাতি পিয়াহ লাগে।

সুস্থ হৈ থাকিবলৈ এদিনত মাত্ৰ ৫ গ্ৰাম নিমখ খাব লাগে। যদি আপুনি ইয়াতকৈ বেছি খাই তেন্তে ই নিশ্চিতভাৱে শৰীৰত বেয়া প্ৰভাৱ পেলাব। নিমখত ছডিয়াম থাকে যাৰ ফলত পানীলগা হয়, সেয়েহে প্ৰায়ে ৰাতি তীব্ৰ পিয়াহ অনুভৱ হয়।

দিনটোত পৰ্যাপ্ত পৰিমাণৰ পানী খাই থাকিব।
চাহ-কফি খোৱাৰ সীমিত কৰিব।
চোডা পানীয়ত কেফেইন থাকে, এইটোও পৰিহাৰ কৰিব।
নেমু পানী, মাখন, ফলৰ ৰস আদি খাদ্য গ্ৰহণ কৰক।
নিমখীয়া বস্তু, যেনে ফ্ৰেঞ্চ ফ্ৰাই আৰু চিপচ নাখাব।
মছলাযুক্ত খাদ্যইও পিয়াহ বৃদ্ধি কৰে, পৰাপক্ষত আঁতৰি থাকিব।

চৰ্বি বৃদ্ধিৰ অভ্যাস: ওজন বৃদ্ধিৰ বহু কাৰণ থাকিব পাৰে, কিন্তু কেতিয়াবা আমাৰ নিজৰ বেয়া অভ্যাসৰ বাবে পেট আৰু কঁকালৰ চাৰিওফালে চৰ্বি জমা হ’বলৈ আৰম্ভ কৰে। যদিও ওজন বৃদ্ধি ফলত স্বাস্থ্যৰ বহু ক্ষতি হয়। প্ৰথমে আমি জনা উচিত পেটৰ চৰ্বি কিয় বাঢ়ে, তেতিয়াহে ইয়াক কমাবলৈ সহজ হ’ব-

আমাৰ বহুতেই আৰাম কৰি পায়, গতিকে বেছিভাগ সময়তে আমি বহি বা শুই ভাল পাওঁ, জিৰণি লোৱাটো প্ৰয়োজন, কিন্তু শাৰীৰিক ক্ৰিয়া-কলাপ কমি যোৱাৰ ফলত শৰীৰত চৰ্বি জমা হয়। ইয়াৰ ফলত ক্ৰমান্বয়ে পেট আৰু কঁকালৰ চাৰিওফালে চৰ্বি বৃদ্ধি পায়। ইয়াৰ পৰা হাত সাৰিবলৈ কিছু কঠোৰ পৰিশ্ৰম কৰিব লাগিব, য’ত খোজ কঢ়া, লিফ্টৰ সলনি চিৰি ব্যৱহাৰ কৰা, দৌৰা, জগিং কৰা, গধুৰ বস্তু তুলি লোৱা আৰু সাঁতুৰিব লাগিব। জীৱনশৈলী সলনি কৰিলেহে ওজন কমাব পাৰিব।

মানসিক চাপ বৃদ্ধিৰ বাবে মেদবহুলতা বৃদ্ধি পাব পাৰে, ইয়াৰ ফলত ভোকৰ লোভ বৃদ্ধি পায় যিটো এক বিপদজনক পৰিস্থিতি। মানসিক চাপ বহু কাৰণত হ’ব পাৰে, ইয়াৰ ভিতৰত অফিচ, দায়িত্বৰ বোজা, পাৰিবাৰিক বিবাদ, পুৰণি শত্ৰুতা, প্ৰেম বা বন্ধুত্বত বিশ্বাসঘাতকতা, পৰীক্ষাৰ ভয় আদি অন্যতম। যিমানেই সুখী হ’ব সিমানেই ওজন বজাই ৰখাটো সহজ হ’ব।

সকলোৱে জানে যে মদ খোৱাটো স্বাস্থ্যৰ বাবে গুৰুতৰ সমস্য়া। নিয়মিতভাৱে মদ্যপানৰ প্ৰতি আসক্ত লোকৰ পেট আৰু কঁকালৰ চাৰিওফালে চৰ্বি জমা হ’বলৈ আৰম্ভ কৰে। গতিকে মদ্যপানৰ অভ্যাস ত্যাগ কৰক, নহ’লে মেদবহুলতাই আপোনাৰ স্বাস্থ্যৰ ক্ষতি কৰিব।

​