আসন্ন লোকসভা নিৰ্বাচনৰ দিন চমু চাপি অহাৰ লগে লগেই ভাৰতীয় জনতা পাৰ্টিৰ সাংগঠনিক তৎপৰতা বৃদ্ধি পাইছে। মাজুলীত ভাৰতীয় জনতা পাৰ্টিৰ সাংগঠনিক স্থিতি অধিক শক্তিশালী কৰিবৰ বাবে মঙলবাৰে নামনি মাজুলীত এখন বৃহৎ সাংগঠনিক সভা অনুষ্ঠিত হয়। নামনি মাজুলীৰ বালিচাপৰি মিলিত কৃষ্টি সংঘত আজি বিয়লি অনুষ্ঠিত হোৱা উক্ত বিশেষ সাংগঠনিক সভাৰ আঁত ধৰে ভাৰতীয় জনতা পাৰ্টিৰ নামনি মাজুলী মণ্ডলৰ সাধাৰণ সম্পাদক বুদ্ধিন শইকীয়াই।

বিজেপিৰ নামনি মণ্ডলৰ সভাপতি লক্ষ্মীকান্ত দাসে সভাপতিত্ব কৰা উক্ত বিশেষ সাংগঠনিক সভাত মুখ্য অতিথি হিচাপে অংশগ্ৰহণ কৰে অসম বিধানসভাৰ উপাধ্যক্ষ ডা০ নোমল মমিনে। নিজৰ ভাষনত ডা০ নোমল মমিনে তৃণমূল পৰ্য্যায়ত ভাৰতীয় জনতা পাৰ্টিৰ দল শক্তিশালী কৰিবৰ বাবে দলৰ নেতা কৰ্মীক আহ্বান জনায়। তেওঁ ত্যাগৰ মনোভাৱৰে দলৰ সেৱাত ব্ৰতী হবলৈ কৰ্মীসকলক আহ্বান জনায়।

ডা০ মোমিনে তৃতীয় বাৰৰ বাবে ভাৰত বৰ্ষৰ প্ৰধানমন্ত্ৰী হিচাপে নৰেন্দ্ৰ মোদীক আৰু যোৰহাট লোকসভা সমষ্টিৰ সাংসদ তপন কুমাৰ গগৈক পুনৰ বাৰ মাজুলীৰ পৰা বৃহৎ সংখ্যক ভোটৰ জৰিয়তে সমাগত লোকসভা নিৰ্বাচনত জয়ী কৰিবলৈ আহ্বান জনায়।

সভাত, যোৰহাট লোকসভা সমষ্টিৰ সাংসদ তপন কুমাৰ গগৈয়ে ভাৰতীয় জনতা পাৰ্টিৰ কাৰ্যকালত অসম মাতৃয়ে লাভ কৰা উন্নয়নৰ খতিয়ান দাঙি ধৰি উন্নয়নৰ বাবে ৰাজনীতি কৰিবলৈ দলৰ নেতা কৰ্মীক আহ্বান জনায়।

উক্ত বিশেষ সাংগঠনিক সভাত মাজুলীৰ বিধায়ক ভুবন গাম, ভাৰতীয় জনতা পাৰ্টিৰ মাজুলী জিলাৰ প্ৰভাৰী কামাখ্যা মোহন দাস,সহ-প্ৰভাৰী বসন্ত শইকীয়া, বিজেপিৰ মাজুলী জিলা সমিতিৰ সভাপতি বীৰেন শইকীয়া, প্ৰাক্তন সভাপতি তথা দলৰ জ্যেষ্ঠ নেতা পুতুল চন্দ্ৰ মহন্ত, মাজুলী জিলা পৰিষদৰ সভানেত্ৰী পাপু দত্ত হাজৰিকা, মধ্য মণ্ডলৰ সভাপতি দেৱজিত বৰাই অংশগ্ৰহণ কৰি সাংগঠনিক দিশত বিভিন্ন পৰামৰ্শ প্ৰদান কৰে।

নামনি মাজুলীৰ তিনি শতাধিক বিজেপিৰ দলীয় কৰ্মীয়ে অংশগ্ৰহণ কৰা উক্ত সাংগঠনিক সভাত বিজেপিৰ নামনি মণ্ডলৰ পৰা লোকসভা নিৰ্বাচনত সকলো স্তৰৰ পৰা সৰ্বাধিক ভোট প্ৰদান কৰাৰ বাবে সকলোৱে সংকল্প গ্ৰহণ কৰে। সভাত সভাপতি লক্ষ্মীকান্ত দাসে সকলোকে শলাগ জ্ঞাপন কৰি ভাষণ প্ৰদান কৰে।