পশ্চিমবংগত বিগত সময়ছোৱাত ভাৰত-বাংলাদেশ সীমান্তত কাঁইটীয়া তাঁৰৰ বেৰ স্থাপনৰ প্ৰসংগটো এক জটিল চৰ্চিত বিষয় হৈ পৰিছিল ৷ পূৰ্বৰ তৃণমূল কংগ্ৰেছ চৰকাৰে এই বেৰা স্থাপনৰ বাবে সীমান্ত সুৰক্ষা বাহিনী চমুকৈ বিএছএফক ভূমি হস্তান্তৰ নকৰাৰ অভিযোগ আছিল৷ কিন্তু এতিয়া পৰিৱেশ সলনি হৈছে৷ বংগত প্ৰথমবাৰলৈ বিজেপিৰ চৰকাৰ গঠন হোৱাৰ পিছতেই মুখ্যমন্ত্ৰী শুভেন্দু অধিকাৰীয়ে বিএছএফক সীমান্ত সুৰক্ষিত কৰাৰ স্বাৰ্থত ভূমি হস্তান্তৰ কৰিছে কাঁইটীয়া তাঁৰৰ বেৰা নিৰ্মাণৰ বাবে৷ মুখ্যমন্ত্ৰী শুভেন্দু অধিকাৰীয়ে বুধবাৰে উল্লেখ কৰে যে বিএছএফৰ পহৰা চকী স্থাপন আৰু কাঁইটীয়া তাঁৰৰ বেৰা নিৰ্মাণৰ সুবিধা প্ৰদান কৰি সীমান্ত সুৰক্ষা শক্তিশালী কৰাৰ বাবে চৰকাৰে তীব্ৰ পদক্ষেপ গ্ৰহণ কৰিছে ৷

অধিকাৰীয়ে কয় যে এতিয়া অতিৰিক্ত ভূমি সীমান্ত সুৰক্ষা বাহিনীক গতাই দিয়া হৈছে, যাৰ ফলত মুঠ হস্তান্তৰ কৰা ভূমিৰ পৰিমাণ ১৪২.৭৯ একৰ হৈছে৷ এক্সত এটা পোষ্টত অধিকাৰীয়ে কয়, ‘পশ্চিমবংগ চৰকাৰে বিএছএফ আউটপোষ্ট আৰু কাঁইটীয়া তাঁৰৰ ফেন্সিং নিৰ্মাণৰ সুবিধা প্ৰদান কৰি সীমান্ত নিৰাপত্তা শক্তিশালী কৰাৰ বাবে তীব্ৰ ব্যৱস্থা গ্ৰহণ কৰিছে, যাৰ ফলত সীমান্ত অঞ্চলত নিৰাপত্তা অধিক বৃদ্ধি পাইছে ৷ এতিয়া অতিৰিক্ত মাটি বিএছএফৰ হাতত অৰ্পণ কৰা হৈছে, যাৰ ফলত মুঠ মাটিৰ পৰিমাণ ১৪২.৭৯ একৰলৈ বৃদ্ধি পাইছে৷’ অধিকাৰীয়ে সদৰী কৰা তথ্য অনুসৰি মুৰ্শিদাবাদত সৰ্বাধিক আবণ্টন দিয়া হৈছে ৩৮.৮০৫ একৰ ভূমি, তাৰ পিছতে জলপাইগুৰিত ৩৫.১৬৫ একৰ আৰু কোচবিহাৰত ২২.৯৫ একৰ ভূমি বিএছএফক অৰ্পণ কৰা হৈছে৷

‘এই চলি থকা পদক্ষেপৰ অংশ হিচাপে ইতিমধ্যে জ্ঝখন জিলাত যথেষ্ট পৰিমাণৰ মাটি হস্তান্তৰ কৰা হৈছে৷ এতিয়ালৈকে বিএছএফলৈ হস্তান্তৰ কৰা মাটিৰ পৰিমাণ এনে ধৰণৰ– কোচবিহাৰত ২২.৯৫ একৰ, জলপাইগুৰিত ৩৫.১৬৫ একৰ, দাৰ্জিলিঙৰ জ্জ্ব.৮১৫ একৰ, উত্তৰ দিনাজপুৰত ২.৮৪ একৰ, দক্ষিণ দিনাজপুৰত ২০.১৭০১ একৰ, মালদাত ১০.৯০ একৰ, মুৰ্শিদাবাদত ৩৮.৮০৫ একৰ, নদিয়াত ০.৫৫ একৰ আৰু উত্তৰ ২৪ পৰগনাত ২.৬ একৰ৷’ পোষ্টটোত উল্লেখ কৰা হৈছে৷ পশ্চিম বংগ চৰকাৰে সীমান্ত সুৰক্ষা বাহিনীক ২৭ কিলোমিটাৰ ভূমি অৰ্পণ কৰাৰ পিছতে শিলিগুৰি মহকুমাৰ ফাঁচিদেৱা অঞ্চলত ভাৰত-বাংলাদেশ সীমান্তত ফেন্সিং স্থাপনৰ কাম আৰম্ভ হৈছে, যিটোৱে অঞ্চলটোৰ সীমান্ত সুৰক্ষা শক্তিশালী কৰাৰ দিশত এক গুৰুত্বপূৰ্ণ পদক্ষেপ হিচাপে চিহ্নিত কৰিছে ৷ তদুপৰি, পশ্চিমবংগত ভাৰতীয় জনতা পাৰ্টী চৰকাৰে ‘ডিটেক্ট, ডিলিট এণ্ড ডিপ’ৰ্ট’ নীতি প্ৰৱৰ্তন কৰা মাজতে কতৃৰ্পক্ষই নথি-পত্ৰবিহীন বাংলাদেশী প্ৰব্ৰজনকাৰীৰ ওপৰত দমন আৰম্ভ কৰাৰ পিছত বাংলাদেশ সীমান্তৰ সমীপৰ হাকিমপুৰ চেকপোষ্টত একাধিক লোকৰ সমাগম ঘটে৷ উত্তৰ ২৪ পৰগনা জিলাত অৱস্থিত হাকিমপুৰ চেকপোষ্ট হৈছে আন্তঃৰাষ্ট্ৰীয় সীমান্ত পথ ৷ হাওৰাত মেকানিক হিচাপে কাম কৰা এজন বাংলাদেশী প্ৰব্ৰজনকাৰীয়ে কয় যে তেওঁলোকে কাম বিচাৰি নোপোৱাৰ বাবেই গুচি গৈছে আৰু পশ্চিমবংগ চৰকাৰৰ ‘ডিটেক্ট, ডিলিট, ডিপ’ৰ্ট’ নীতি ৰূপায়ণৰ বাবে তেওঁলোকক থাকিবলৈ দিয়া হোৱা নাই ৷

গুৱাহাটী মহানগৰীত চাঞ্চল্যকৰ ঘটনা।

জাইকাৰ পানী টেংকিত যুৱকৰ মৃতদেহ উদ্ধাৰ।

গুৱাহাটী লোকভৱনৰ সমীপত থকা পানী টেংকিত উদ্ধাৰ মৃতদেহটো।

মৃত যুৱকজনৰ নাম কামেশ বুলি জানিব পৰা গৈছে।

নিহত কামেশ আছিল জাইকাৰ কৰ্মচাৰী।

মন গ’লেই গাহৰি মাংস খাই নিদিব।

ভয়ংকৰ ৰূপত বৃদ্ধি পাইছে আফ্ৰিকান ছোৱাইন ফ্লু।

সাৱধান হ’বলৈ আহ্বান প্ৰশাসনৰ।

শদিয়া সমজিলাত আফ্ৰিকান ছোৱাইন ফিভাৰৰ প্ৰাদুৰ্ভাৱ।

কাকপথাৰৰ উত্তৰ ৰংপুৰীয়া গাঁৱত প্ৰশাসনৰ নিৰ্দেশনা জাৰি।

৩০ দিনলৈ গাহৰিৰ মাংস বিক্ৰী, পৰিবহণ সম্পূৰ্ণ নিষিদ্ধ।

তিনিচুকীয়া জিলা প্ৰশাসন জাৰি কৰিছে নিষেধাজ্ঞা ।

আফ্ৰিকান ছোৱাইন ফিভাৰৰ সংক্ৰমণক লৈ এই সিদ্ধান্ত গ্ৰহণ কৰে ।

বিতৰ্কিত ব্যৱসায়ী মুকেশ জালানক পুনৰ গ্ৰেপ্তাৰ।

দীৰ্ঘদিন ধৰি কৰ ফাকি দি আহিছিল বিতৰ্কিত ব্যৱসায়ীজনে।

কৰ ফাঁকিৰ অভিযোগত GST বিভাগে গ্ৰেপ্তাৰ কৰে ব্যৱসায়ী জালানক।

আঠগাঁৱৰ হনুমান টাৱাৰৰ কাৰ্যালয়ৰ পৰা গ্ৰেপ্তাৰ ব্যৱসায়ী মুকেশ জালানক ।