খৰখেদাকৈ খাদ্য খাই নেকি? নাখাব, বহু সমস্যাৰ সন্মুখীন হ’ব। খাদ্য সদায় লাহে ধীৰে খাব লাগে। বিখ্যাত পুষ্টি বিশেষজ্ঞ ‘নিখিল ভাটছে’ কয় যে যদি আপুনি সুস্থ হৈ থাকিব বিচাৰে তেন্তে আপুনি প্ৰায় ২৫ৰ পৰা ৩০ মিনিট সময় খাব লাগে। কিয়নো খৰকৈ খোৱাৰ আছে বহু সমস্যা। বেছি খৰকৈ খোৱাৰ অসুবিধা সমূহৰ বিষয়ে জানি লওক-

১/ যদি আপুনি খৰকৈ খাদ্য খাই তেন্তে ডিঙিত খাদ্য আবদ্ধ হৈ পৰাৰ সম্ভৱ। এনে পৰিস্থিতিৰ বিপদ সৃষ্টি হ’ব পাৰে।

২) যদি আপুনি খৰখেদাকৈ খাদ্য খায় তেন্তে আমাৰ পাচনতন্ত্ৰত অতিৰিক্ত চাপ পৰে। আনহাতে আমি যদি সম্পূৰ্ণ চোবাই খাওঁ তেন্তে পাচনতন্ত্ৰৰ কাম বহুত সহজ হৈ পৰে।

৩) খৰকৈ খাদ্য খোৱাৰ ফলত বদহজম, কোষ্ঠকাঠিন্য, গেছ, অৰ্শ জ্বলন, এচিডিটি আদি সমস্যাৰ সৃষ্টি হয়। যিয়ে দৈনন্দিন জীৱনৰ স্বাভাৱিক কাম-কাজত প্ৰভাৱ পেলায়। মনত ৰাখিব যে খাদ্য চোবাই খালে পেটৰ কাম সহজ হৈ পৰে।

৪) খৰখেদাকৈ খোৱা মানুহৰ ওজন দ্ৰুতগতিত বৃদ্ধি পায়।

৫) খৰখেদাকৈ খাদ্য গ্ৰহণ কৰিলে আপোনাৰ শৰীৰত ডায়েবেটিছৰ সম্ভাৱনা বৃদ্ধি পায়, কাৰণ এই অভ্যাসে ইনচুলিনৰ প্ৰভাৱ কমায় আৰু তেজত গ্লুক’জৰ মাত্ৰা বৃদ্ধি কৰে।

৬) এই বেয়া অভ্যাসৰ বাবে আপুনি মেটাবলিক চিণ্ড্ৰমৰ বলিও হ’ব পাৰে, যাৰ বাবে ৰক্তচাপ নিয়ন্ত্ৰণৰ বাহিৰলৈ যায়, যাৰ ফলত হাৰ্ট এটেক হয়।

গতিকে খাদ্য সদায় লাহে লাহে চোবাই খাবলৈ চেষ্টা কৰিব।

ৰাতিপুৱা, দুপৰীয়া আৰু ৰাতিৰ আহাৰ আমাৰ শৰীৰৰ বাবে অতি উপকাৰী। যদি এই তিনিওটাৰ সময় সঠিক নহয়, তেন্তে স্বাস্থ্যৰ বহু সমস্যাৰ আহি পৰিব পাৰে। আজি আমি আপোনালোকক ব্ৰেকফাষ্ট, দুপৰীয়াৰ আহাৰ, ৰাতিৰ আহাৰ গ্ৰহণৰ উপযুক্ত সময়ৰ বিষয়ে জনাম। যদি আমি সঠিক সময়ত ব্ৰেকফাষ্ট, লাঞ্চ আৰু ডিনাৰ নকৰো তেন্তে আমাৰ শৰীৰত কি কি সমস্য়া হ’ব পাৰে-

যদি আমাৰ ব্ৰেকফাষ্ট, লাঞ্চ আৰু ডিনাৰৰ সময় সঠিক নহয়, তেন্তে মেদবহুলতা হ’ব পাৰে।

ৰাতিপুৱা সাৰ পোৱাৰ ৩ ঘণ্টাৰ ভিতৰত ব্ৰেকফাষ্ট খাব লাগে। অৰ্থাৎ ৰাতিপুৱা ৭ বজাৰ পৰা ৯ বজাৰ ভিতৰত ব্ৰেকফাষ্ট খাব লাগে। ব্ৰেকফাষ্টত কেৱল গাখীৰ, ৰুটি, সেউজীয়া শাক-পাচলি, ওটচ, কণী আৰু আঁহযুক্ত প্ৰটিন সমৃদ্ধ খাদ্যহে খাব লাগে।

শৰীৰক ৰোগৰ পৰা আঁতৰাই ৰাখিবলৈ তেতিয়া দুপৰীয়াৰ আহাৰো উপযুক্ত সময়ত খাব লাগে। দুপৰীয়াৰ আহাৰ গ্ৰহণৰ সময় নিৰ্ধাৰণ কৰিব লাগে। মনত ৰাখিব দুপৰীয়াৰ আহাৰ ৫ ঘণ্টা ব্ৰেকফাষ্টৰ পিছতহে কৰিব লাগে। অন্যথা শৰীৰৰ বহু ধৰণে ক্ষতি হব পাৰে।

গভীৰ নিশা ৰাতিৰ আহাৰ খোৱাটো স্বাস্থ্যৰ বাবে বিপদজনক হ’ব পাৰে। পাচনতন্ত্ৰত ইয়াৰ নেতিবাচক প্ৰভাৱ পৰে। বহুতো ৰোগে শৰীৰকো আগুৰি ধৰিব পাৰে। সেইবাবেই ৰাতি ৭ বজাৰ পৰা ৯ বজাৰ ভিতৰত খাদ্য খাব লাগে।