ভাৰতীয় জনতা পাৰ্টীৰ জন সম্পৰ্কৰ লগত সংগতি ৰাখি তেজপুৰ লোকসভা সমষ্টি ভিত্তিত এখনি জনসভা অনুষ্ঠিত কৰা হয়। এই জন সভাত দিনৰ ২ বজাত অসমৰ মুখ্যমন্ত্ৰী ড০হিমন্ত বিশ্ব শৰ্মা বিশ্বনাথ চাৰিআলি স্থিত আৱৰ্ত ভৱন খেলপথাৰৰ ৰাজহুৱা সভাত অংশ গ্ৰহণ কৰাত তেওঁক উষ্ম আদৰণি জনাই সভাত আদৰি অনা হয়। জনসম্পৰ্ক অভিযান উপলক্ষে ২৩ জুন বলিদান দিৱসত ভাৰতীয় জনসংঘৰ প্ৰতিষ্ঠাপক মহান দেশভক্ত ড° শ্যামা প্রসাদ মুখাৰ্জীৰ ৭০তম মৃত্যু তিথিত শ্ৰদ্ধাঞ্জলি জনোৱা হয়। অগণন ৰাইজৰ উপস্থিতিত মুখ্যমন্ত্ৰী হিমন্ত বিশ্ব শৰ্মাক ফুলাম গামোছা জাপি শৰাই আদিৰে উষ্ম আদৰণি জনোৱাৰ লগতে “বন্দে মাতৰম“ গীত পৰিবেশন কৰা হয় আৰু বন্তি প্ৰজ্বলন কৰি সভা আৰম্ভ হয়।

ভাৰতীয় জনতা পাৰ্টী অসম প্ৰদেশৰ মহা জনসম্পৰ্ক অভিযানৰ জনসভাত অংশগ্ৰহণ কৰি মুখ্যমন্ত্ৰী ড০হিমন্ত বিশ্ব শৰ্মাই ৰাইজক সম্বোধন কৰে । উপস্হিত থাকে তেজপুৰ লোকসভা সমষ্টিৰ সাংসদ পল্লব লোচন দাস, মন্ত্ৰী অশোক সিংহল,প্ৰাক্তন মন্ত্ৰী তথা বিহালী সমষ্টিৰ বিধায়ক ৰঞ্জিত দত্ত,বিশ্বনাথৰ বিধায়ক প্ৰমোদ বৰঠাকুৰ,গহপুৰৰ বিধায়ক উৎপল বৰা,ৰঙাপাৰাৰ বিধায়ক কৃষ্ণ কমল তাঁতি,বিহপুৰীয়াৰ বিধায়ক অমিয় ভূঞা, বৰচলাৰ বিধায়ক গনেশ লিম্বু আদি কৰি দলীয় নেতা ,জেষ্ঠ নেতা কৰ্মকৰ্তা সকলে ৷

বালিচাঙৰ পৰা ৰমেশ চন্দ্ৰ চৰেৰ প্ৰতিবেদন

[5:23 PM, 6/23/2023] Dimpul Chutia: গোলাঘাট জিলাৰ ধনশিৰি মহকুমাৰ বৰপথাৰত অসম চাহ জনজাতি ছাত্ৰ সন্থাই আজি এঘণ্টীয়া ধৰ্ণা কাৰ্যসূচী গ্ৰহণ কৰে। অসম চাহ জনজাতি ছাত্ৰ সন্থা চমুকৈ আটছাৰ বৰপথাৰ আৰু সৰুপথাৰ শাখাই বহুকেইটা গুৰুত্বপূৰ্ণ দাবীত বৰপথাৰ মৌজাৰ পাভজান চাহ বাগিছাত এই কাৰ্যসূচী গ্ৰহণ কৰে। আটছাৰ কেন্দ্ৰীয় সমিতিৰ আহ্বান ক্ৰমে বিভিন্ন সমস্যা সমাধানৰ দাবীত ধাৰাবাহিক ভাৱে গ্ৰহণ কৰা প্ৰতিবাদী কাৰ্যসূচীৰ অংশ হিচাপে বৰপথাৰৰ পাভজান চাহ বাগিছাত গ্ৰহণ কৰা ধৰ্ণা কাৰ্যসূচীত আটছাৰ বৰপথাৰ আৰু সৰুপথাৰ শাখাৰ বিষববীয়া, পাভজান, দীঘলী হোলা আৰু ভগৱান বাগিচা উপ শাখাৰ আটছা কৰ্মী আৰু পাভজান বাগিছাৰ চাহ শ্ৰমিক সকলৰ সহযোগত এই ধৰ্ণা কাৰ্যসূচী ৰূপায়ণ কৰে। পাভজান চাহ বাগিছাৰ কাৰ্যালয়ৰ সন্মুখত পুৱাই গ্ৰহণ কৰা ধৰ্ণা কাৰ্যসূচী অনুসৰি পাভজান চাহ বাগিছাত স্থায়ী চিকিৎসক নিযুক্তিৰ লগতে অতিকে নিম্ন মানদণ্ডৰ চিকিৎসালয় খনৰ চিকিৎসা সেৱা উন্নত কৰা, চাহ শ্ৰমিক সকলৰ চিকিৎসাৰ সুবিধাৰ্থে এখন এম্বুলেঞ্চৰ ব্যৱস্থা কৰা, দীৰ্ঘ বছৰ ধৰি চাহ বাগিছাৰ ভূমিত বসবাস কৰি অহা চাহ শ্ৰমিক সকলক ভূমি আবন্টন দি ম্যাদী পট্টাকৰণ কৰা, আৰু চাহ শ্ৰমিক সকলক প্ৰাৰ্থমিক সা-সুবিধাৰ লগতে অন্যান্য সমস্যা সমূহ সমাধান কৰাৰ বাবে দাবী জনায়। লগতে চৰকাৰৰ ওপৰতো তীব্ৰ ক্ষোভ উজাৰে আটছা কৰ্মীসকলে। চৰকাৰে চাহ জনগোষ্ঠীটোৰ সামগ্ৰিক উন্নয়নৰ বাবে আজিলৈকে পিঠি দি থাকিল বুলিয়ে গুৰুতৰ অভিযোগ উত্থাপিত কৰে। ইপিনে পাভজান চাহ বাগিছা কৰ্তৃপক্ষৰ ওপৰতো বহুকেইটা অভিযোগ উত্থাপিত কৰে।

বাৰিষাৰ সময়ত মহ, ডাহঁ, মাখি, সাপ আদিৰ পৰা ৰক্ষা পাবলৈ বাগিছা কৰ্তৃপক্ষই চাহ শ্ৰমিক সকলক প্ৰদান কৰিব লগা কীটনাশক দ্ৰব্যৰ যোগান কেইবছৰ মানৰ পৰা বন্ধ কৰি ৰাখিছে বুলি অভিযোগ উত্থাপন কৰে। উল্লেখ্য যে অসমৰ সুন্দৰ প্ৰাকৃতিক পৰিৱেশত কঠোৰ পৰিশ্ৰমেৰে চাহ বাগিছা সমূহ গঢ় দি অসমক বিশ্ব দৰবাৰত পৰিচয় কৰাই দিয়া চাহ জনগোষ্ঠীৰ লোকসকল আজিও শিক্ষা, স্বাস্থ্য, আৰ্থিক, সামাজিক আদি বহু দিশত পিছপৰি ৰৈছে। চাহ জনগোষ্ঠীটোৰ সমস্যা সমূহক চৰকাৰ তথা বাগিছা কৰ্তৃপক্ষই সদিচ্ছাৰে নোলোৱাৰ বাবেই আজিকোপতি সমস্যা সমূহৰ বাট মুকলি নহ’ল। যাৰ পৰিপ্ৰেক্ষিততেই এনেদৰে প্ৰতিবাদী কাৰ্যসূচী গ্ৰহণ কৰিব লগা হৈছে বুলি আটছাৰ বৰপথাৰ আৰু সৰুপথাৰ শাখাৰ বিষববীয়াই জানিবলৈ দিয়ে। আজিৰ এই ধৰ্ণা কাৰ্যসূচীৰ অন্তত আটছাৰ বৰপথাৰ শাখাৰ সভাপতি ৰবীন মহুৱা, সম্পাদক মনোজ মহানন্দ আৰু সৰুপথাৰ শাখাৰ সম্পাদক উমেশ ঘাটোৱাৰ স্বাক্ষৰ সম্বলিত এখন চাৰিদফীয়া স্মাৰক পত্ৰ পাভজান চাহ বাগিছাৰ পৰিচালকক প্ৰদান কৰে। ইপিনে সংগঠনটোৰ দাবী সমূহ শীঘ্ৰেই সমাধানৰ বাবে কায্যকৰী ব্যৱস্থা গ্ৰহণ কৰিব বুলি আশা প্ৰকাশ কৰে।