মৃত্যু উপত্যকাত পৰিণত হৈছে নামনি অসমৰ চাপৰ আৰু বিলাসীপাৰা |
এটাৰ পিছত আন এটা কৈ হত্যাকাণ্ডই জোঁকাৰি গৈছে চাপৰ তথা বিলাসীপাৰা |
শেহতীয়া কৈ পুনৰ সংঘটিত হৈছে এক লোমহৰ্ষক হত্যাকাণ্ড |
চাপৰৰ শালকোচা চৰুৱাবাখৰাত নিশা সংঘটিত হৈছে এই লোমহৰ্ষক হত্যাকাণ্ডৰ |
অচিনাক্ত দুৰ্বৃত্তই চোকা অস্ত্ৰৰে হানি খুচি হত্যা কৰে আনোৱাৰ হুছেইন নামৰ লোক এজনক |
আনোৱাৰ হুছেইন গাঁও খনৰ পৰছ আলীৰ ২৬ বছৰীয়া পুত্ৰ |
আনোৱাৰ হুছেইন পেষাত স্থানীয় মছজিদ এটাৰ ইমাম আছিল আৰু ঘৰুৱা আৰবী শিক্ষকৰ কাম কৰিছিল |
নিজৰ ঘৰৰ চোতালতে নিশা কোনো দুৰ্বৃত্তই চোকা অস্ত্ৰৰে হত্যা কৰে আনোৱাৰ হুছেইনক |
হত্যাকাণ্ড সংঘটিত কৰি নিশাৰ এন্ধাৰৰ সুযোগ লৈ পলাই যায় হত্যাকাৰী |
ঘটনাস্থলীত শালকোচা আৰক্ষী উপস্থিত হৈ উদ্ধাৰ কৰে মৃতদেহটো |
আৰক্ষীয়ে তদন্ত অব্যাহত ৰাখিছে যদিও ঘটনাৰ কোনো শুংসূত্ৰ উলিয়াবলৈ সক্ষম হোৱা নাই |
এই হত্যাকাণ্ডৰ ঘটনাই সমগ্ৰ অঞ্চলটোত ব্যাপক চাঞ্চল্যৰ সৃষ্টি কৰিছে |
