মৈৰাবাৰীৰ ৰাজহুৱা পুথিভঁৰালত চেইব চব কোম্পানীৰ কৰ্মচাৰী সকলে আজি কোম্পানীৰটোৰ সন্দৰ্ভত এখনি সজাগতামূলক সভা অনুষ্ঠিত কৰে।

কোম্পানীৰটোৰ কোনো বেনাৰ তথা ছাইনবোৰ্ড নথকা সজাগতা সভা খনত মৈৰাবাৰী অঞ্চলৰ প্ৰায়
শতাধিক পুৰুষ- মহিলা, যুৱক-যুৱতিয়ে অংশগ্ৰহণ কৰে যদিও সভা আধা হওঁতে লাগে কেনা।

চেইন চিষ্টেমৰ মাধ্যমৰে কোম্পানীটোৱে উপস্থিত থকা প্ৰতি গৰাকী পুৰুষ-মহিলা তথা যুৱক-যুৱতিৰ পৰা সাত হাজাৰ টকাৰ পৰা পোন্ধৰ হাজাৰ টকা পঞ্জীয়নৰ নামত লোৱাৰ অভিযোগ আনে একাংশই।

বিভিন্ন প্ৰলোভনেৰে ধন সৰকাই লোৱা কোম্পানীৰ এজেণ্টৰ সৈতে ভুক্তভোগীয়ে নিজৰ ধন ওভতাই বিচৰাত এক হুলস্হলীয়া পৰিবেশৰ সৃষ্টি হয়।হুলস্হলীয়া পৰিবেশৰ খবৰ পাই ঘটনাস্হলীলৈ যোৱা সাংবাদিকৰ দল এটাকো অভব্য আচৰণ কৰে কোম্পানীটোৰ কৰ্মচাৰী সকলে।

এতিয়া ৰাইজৰ আশা- কোম্পানীটো ভুৱা নে চৰকাৰী বাবে বৈধ সেয়া প্ৰশাসনে তদন্ত কৰিলেহে ওলাই পৰিব।

বদৰুজ জামান আকতাৰ

কা’ আন্দোলন শেষ হ’ল,ৰাইজে কা’ আদৰি ল’লে বুলি ঢোল পিটি থকা চৰকাৰৰ স্বৰূপ উদঙাই দিলে আজি সদৌ অসম ছাত্ৰ সন্থাই।শিৱসাগৰত কা’ৰ বিৰোধ কৰা এমুঠি ছাত্ৰ সন্থাৰ সদস্যৰ ওপৰত জপিয়াই পৰিল আৰক্ষী আৰু অৰ্দ্ধ সামৰিক বাহিনী।

কলা দিৱস পালন কৰা ছাত্র সন্থাৰ এমুঠি সদস্যক শাৰিৰীক ভাৱে অপদস্ত কৰে আৰক্ষী-অৰ্দ্ধ সামৰিক বিহিনীয়ে।

২০১৯ চনৰ ১১ ডিচেম্বৰ তাৰিখে ভাৰত চৰকাৰে নাগৰিকত্ব সংশোধনী আইন বলপূৰ্বক ভাৱে জাপি দিছিল।

সেয়েহে সদৌ অসম ছাত্ৰ সন্থাই এই দিনটোক “কলা দিৱস”ৰূপে পালন কৰি অহা হৈছে।সেয়েহে আজি শিৱসাগৰ নগৰৰ দ’লমুখ চাৰিআলিত শিৱসাগৰ জিলা,আঞ্চলিক আৰু মহকুমা ছাত্ৰ সন্থাই পালন কৰা শান্তিপূৰ্ণ প্ৰতিবাদী কাৰ্যসূচীক আৰক্ষীয়ে বাধা দিবলৈ গৈ এক অনাহুত পৰিস্থিতিৰ সৃষ্টি কৰে।

সদৌ অসম ছাত্ৰ সন্থাৰ সহকাৰী সাধাৰণ সম্পাদক সমীৰণ ফুকনকে ধৰি বহু কেইজন ছাত্ৰ নেতাক ঠেলি-গতিয়াই,পতাকা কাঢ়ি অত্যাচাৰ কৰে আৰক্ষীয়ে।

আৰক্ষীৰ এনে অত্যাচাৰে প্ৰমাণ কৰিলে যে এতিয়াও কা’ক লৈ চৰকাৰৰ ভয় আছে।এতিয়াও চৰকাৰে কা’ক কেন্দ্ৰ কৰি ৰাইজ জাগ্ৰত হোৱাৰ ভয়ত কম্পমান হৈ আছে।