বিশ্বজুৰি হ্ৰাস পাইছে শুক্ৰাণুৰ সংখ্যা৷ এই  ভাষ্য আগবঢ়াইছে এটি গৱেষণা সংস্থাই৷ সংস্থাটোৱে কৈছে যে ভাৰতকে ধৰি সমগ্ৰ বিশ্বত পুৰুষৰ শুক্ৰাণু কমি আহিছে৷ ইয়াক অতি গুৰুত্বপূৰ্ বুলি তেওঁলোকে আখ্যা দিছে৷

মঙলবাৰে হিউমেন ৰিপ্ৰডাকচন আপডেট নামৰ এখন জাৰ্ণালত এই গৱেষণাটো প্ৰকাশ হৈছে৷ গৱেষণাটোত ৫৩ খন দেশক সাঙুৰি লোৱা হৈছে৷

উলা্লেখ্য যে শুক্ৰাণুৱে কেৱল প্ৰজনন ক্ষমতাই নহয়, পুৰুষৰ স্বাস্থ্যও নিয়ন্ত্ৰণ কৰে৷ যদি নিম্ন হাৰত শুক্ৰাণু থাকে, তেন্তে নানা ধৰণৰ অসুখ, ডিম্বাশয়ৰ কেঞ্চাৰ আৰু আয়ুস কমাৰ দৰে অথন্তৰে দেখা দিব পাৰে৷

সংস্থাটোৱে বিশ্বজুৰি শুক্ৰাণু কমি অহাৰ বিষয়ে কয় যে ই এটা গোলকীয় সমস্যা৷ এই সমস্যা আধুনিক জীৱনযাত্ৰা আৰু পৰিৱেশৰ ফলত উদ্ভৱ হৈছে৷

আনহাত, ভাৰতৰ বিষয়ে বিশেষভাৱে উল্লখ কৰি গৱেষণাটোত কোৱা হৈছে দেশখনত ইয়াক গভীৰভাৱে দেখা পোৱা গৈছে৷ এগৰাকী গৱেষক হাগাই লেভিনে কয় যে ভাৰতত লাভ কৰা নিৰ্ভৰৃযোগ্য তথ্য অনুসৰি, দেশখনত অত্যন্ত শক্তিশালীভাৱে শুক্ৰাণুৰ সংখ্যা হ্ৰাস পাব ধৰিছে৷

গৱেষকগৰাকীয়ে কয় যে এয়া মানৱজাতিৰ অস্তিত্বৰ বাবেই এটা ভাবুকিস্বৰূপ৷ সেয়ে বিশ্বজুৰি এই সম্পৰ্কে ব্যৱস্থা লোৱাৰ প্ৰয়োজন বুলি তেওঁ উল্লেখ কৰে৷

চিনেমাৰ দৰে এক সঁচা প্ৰেম কাহিনী। ৭৮ বছৰৰ পাছত যেন পূূৰ্ণতা পালে এটি অসাধাৰণ প্ৰেম কাহিনীয়ে! যি আৰম্ভ হৈছিল দ্বিতীয় বিশ্বযুদ্ধৰ সময়ত। ৭৮ বছৰৰ পাছত ৰেগে নামৰ এজন ইংৰাজ লোকে সেই ফৰাচী ছোৱালীজনীক লগ পায়, যাৰ ছবি তেওঁ মানিবেগত ৰাখি থৈছিল। দুয়োৰে প্ৰথম সাক্ষাৎ দ্বিতীয় বিশ্বযুদ্ধৰ সময়ত হৈছিল।
১৯৪৪ চনত,ব্ৰিটিছ সৈন্য ৰেগ পাই ফ্ৰান্সৰে নৰ্মাণ্ডি বীচৰ ওচৰত তেওঁৰ এটা গোটৰ সৈতে নিয়োজিত আছিল। সেই সময়তে ৰেগে এজনী ছোৱালী দেখিছিল।ৰেগে ছোৱালীজনীলৈ এখন ব্ৰেড আগবঢ়াই দিছিল, ব্ৰেডত জাম লগাই থোৱা আছিল।
ৰেগে জানিবলৈ দিয়া মতে যুৱতীগৰাকীয়ে ব্ৰেড লোৱা নাছিল আৰু সেই সময়তে যুৱতীগৰাকী ওচৰতে থকা গীৰ্জালৈ দৌৰি যোৱাৰ কথা তেওঁৰ মনত আছে। এই যুৱতীগৰাকীৰ নাম আছিল হুগেট।

ৰেগেই কৈছিল যে ‘প্ৰথম সাক্ষাতৰ পাছদিনা মই ৰাতিপুৱা একে ঠাইতে উপস্থিত হৈছিলোঁ। আৰু আচৰিত যে হুগেটো সেই ঠাইলৈ আহিছিল। মই তেতিয়া হুগেটৰ এখন ফটো উঠাইছিলো। সেই ফটোখন মই মোৰ মানিবেগত সদায়ে ৰাখিছিলো। কিবা যেন অজান এক ভালপোৱা জাগি উঠিছিল তেওঁৰ মনত।’

কিন্তু তাৰ পিছত তেওঁলোকে কেতিয়াও আৰু ইজনে সিজনক লগ পোৱা নাছিল। কিন্তু যোৱা ৭৮ টা বছৰ ধৰি ৰেগেই হুগেটক আকৌ এবাৰ লগ পোৱাৰ হেঁপাহ পুহি ৰাখিছিল বুকুত।
সেয়েহে ২০১৫ চনৰ পাছত ৰেগে তেওঁৰ পুত্ৰৰ সহায়ত হুগেটক বিচাৰি উলিয়াবলৈ চেষ্টা আৰম্ভ কৰিছিল। আৰু অৱশেষত ৭৮ টা বছৰৰ পাছত ৰেগে হুগেটক লগ পাইছিল। ৰেগেই তেতিয়া হুগেটক এখন অস্পষ্ট ফটো দেখাইছিল। নিজৰ ফটোখন দেখি হুগেট আচৰিত হৈছিল। কাৰণ সেই ফটোখন তেওঁলোকৰ প্ৰথম সাক্ষাতৰ সময়ৰে আছিলে। তাৰ পিছতে হুগেট আৱেগিক হৈ পৰিছিল। প্ৰথম সাক্ষাৎকাৰ মনত পেলাবলৈ ৰেগেই লগত ব্ৰেড লৈ আহিছিল। ব্ৰেডৰ ওপৰত জাম আছিল। তেওঁ সেয়া হুগেটলৈ আগবঢ়াই দিলে, কিন্তু হুগেটে প্ৰথম সাক্ষাতৰ দৰেই এইবাৰো ল’বলৈ অস্বীকাৰ কৰিলে।
হুগেটে এটা কথা ভাবি আৱেগিক হৈ পৰিল যে ৰেগে ইমান বছৰৰ পাছতো তেওঁক বিচাৰি আহিছে, যাক তেওঁ জীৱনত এবাৰহে লগ পাইছিল। উল্লেখ্য যে দুয়ো কথা পাতিবৰ বাবে অনুবাদক নিয়োগ কৰিবলগীয়া হৈছিল। কাৰণ ইজনে সিজনৰ ভাষা বুজি পোৱা নাছিল। এনেদৰে জীৱনৰ ভাটি বেলাত লগ পাই আৱেগিক হৈ দুয়োজনে ইজনে সিজনক সাৱটি ধৰিলে। হুগেটে হাঁহি হাঁহি ধেমালিৰ সুৰত কয় যে এতিয়া তেওঁলোকৰ বিয়া হ’ব লাগিব। ৰেগেও হাঁহি হাঁহি ধেমালিতে উত্তৰ দিয়ে যে ‘মই বিয়াৰ বাবে সাজু।’

কংগ্ৰেছত যোগ দিব নেকি ৰিয়া সেনে? বলিউডৰ অভিনেত্ৰী তথা মুনমুন সেনৰ কন্যা ৰিয়া সেনক লৈ এইদৰে চৰ্চা চলা দেখা গৈছে৷

শেহতীয়াকৈ ৰাহুল গান্ধীৰ ভাৰত জোড়ো যাত্ৰাত ৰিয়া সেনক দেখা গ’ল৷ বৃহস্পতিবাৰে গান্ধীৰ স’তে ৰিয়াই যাত্ৰাত অংশ লয়৷ পিন্ধনত আছিল চকুত চানগ্লাছ, ভৰিত বগা স্নিকাৰ্ছ,  বাদামী আৰু ৰঙা ৰঙৰ টপ আৰু জিনছৰ ট্ৰাউজাৰ্ছ৷

ৰাহুল গান্ধীৰ স’তে কেইবাবাৰো বাৰ্তালাপতো মিলিত হোৱা দেখা গ’ল ৰিয়াক৷ কেৱল ৰিয়া সেনেই নহয়, ৰাহুল গান্ধীৰ স’তে যোগ দিয়া দেখা গৈছিল বলিউডৰ অভিনেত্ৰী পূজা ভাটো৷

উল্লেখ্য যে ৰিয়াৰ মাতৃ মুনমুন সেনে তৃণমূল কংগ্ৰেছৰ হৈ ২০১৪ চনৰ লোকসভা নিৰ্বাচনত বিজয়ী হৈছিল৷ কিন্তু ২০১৯ চনৰ নিৰ্বাচনত তেওঁ পৰাজীত হয়৷

এতিয়া ৰিয়াই ভাৰত জোড়ো যাত্ৰাত অংশ লোৱাৰ পাছতে চৰ্চা চলিছে যে মাতৃৰ পদাংক অনুসৰণ কৰি তেওঁৱো ৰাজনীতিত অংশ ল’ব নেকি?

অভিনেত্ৰীগৰাকীয়ে এই সম্পৰ্কত এতিয়ালৈকে কোনো প্ৰতিক্ৰিয়া ব্যক্ত কৰা নাই৷

প্ৰাক্তন ৰাষ্ট্ৰপতি ডনাল্ড ট্ৰাম্প পুনৰ সাজু আমেৰিকাৰ ৰাষ্ট্ৰপতি হ’বলৈ।২০২৪ চনৰ আমেৰিকা যুক্তৰাষ্ট্ৰৰ ৰাষ্ট্ৰপতি নিৰ্বাচনত অৱতীৰ্ণ হ’ব বুলি বুধবাৰে তেওঁ ঘোষণা কৰে। তেওঁ কয়, “মই আজি ৰাতি আমেৰিকা যুক্তৰাষ্ট্ৰৰ ৰাষ্ট্ৰপতি পদৰ বাবে মোৰ প্ৰাৰ্থিত্ব ঘোষণা কৰিছো।” ট্ৰাম্পে ইয়াৰ পূৰ্বে তেওঁৰ সত্য সামাজিক মঞ্চত পোষ্ট কৰিছিল যে “আশা কৰিছোঁ যে আজি আমাৰ দেশৰ ইতিহাসৰ আটাইতকৈ গুৰুত্বপূৰ্ণ দিনবোৰৰ ভিতৰত অন্যতম হিচাপে প্ৰমাণিত হ’ব।”

২০১৬ চনৰ নিৰ্বাচনত ব্যৱসায়িক টাইকুন আৰু ৰিয়েলিটি টিভি তাৰকাৰ বিজয়ে বিশ্বক হতবাক কৰি তুলিছিল। এতিয়াও ৰিপাব্লিকান নেতা ডনাল্ড ট্ৰাম্প তেওঁৰ অনুগামীসকলৰ মাজত যথেষ্ট জনপ্ৰিয় আৰু হোৱাইট হাউচলৈ পুনৰ নিৰ্বাচিত হোৱাৰ তেওঁৰ উচ্চাকাংক্ষাৰ বিষয়ে যথেষ্ট সৰৱ হৈ আছে।

২০২০ চনৰ আমেৰিকা যুক্তৰাষ্ট্ৰৰ ৰাষ্ট্ৰপতি নিৰ্বাচনত ৰাষ্ট্ৰপতি হিচাপে একেৰাহে দ্বিতীয়বাৰৰ বাবে কাৰ্যকাল লাভ কৰাৰ আশাত প্ৰতিদ্বন্দিতা কৰা ডনাল্ড ট্ৰাম্পে বৰ্তমানলৈকে সেই সময়ৰ পৰাজয় স্বীকাৰ কৰিব পৰা নাই, আৰু কেইবামাহ ধৰি তেওঁ ৰাষ্ট্ৰপতিৰ দৌৰত পুনৰ যোগদান কৰিবলৈ সাজু হৈ আছে বুলি ইংগিত দি আহিছে।
ডনাল্ড ট্ৰাম্পে শেহতীয়াকৈ কৈছিল যে তেওঁ আগন্তুক সপ্তাহত এটা ‘ডাঙৰ ঘোষণা’ কৰিবলৈ গৈ আছে। তেতিয়াৰ পৰা, বিশ্বাস কৰা হৈছিল যে ট্ৰাম্পে আকৌ এবাৰ ২০২৪ চনত অনুষ্ঠিত হ’বলগীয়া আমেৰিকা যুক্তৰাষ্ট্ৰৰ ৰাষ্ট্ৰপতি নিৰ্বাচনত শীৰ্ষ পদৰ দৌৰত যোগদান কৰিব।