তেওঁ কয়, ‘প্ৰত্যেকটো বিপদে মোক আৰু সাহসী কৰি তোলে। এই সময়ো পাৰ হৈ যাব। বহু মানুহে মোৰ বাবে প্ৰাৰ্থনা কৰিছে। যি হয় ভালৰ বাবেই হয়।’

কেঞ্চাৰত আক্ৰান্ত মডেল ৰোজলিন খান। এটা ইনষ্টাগ্ৰাম পোষ্টৰ জৰিয়তে নিজৰ অসুস্থতাৰ কথা জনাইছে তেওঁ। বৰ্তমান চিকিৎসাৰ বাবে মুম্বাইৰ এখন হাস্পতালত ভৰ্তি হৈ আছে ৰোজলিন। আগন্তুক সাত মাহ ধৰি চলিব তেওঁৰ কেমোথেৰাপি।

হাস্পতালৰ বিছনাত শুই এখন ফটো পোষ্ট কৰিছে ৰোজলিনে। তেওঁ লিখিছে, ‘ঈশ্বৰে আটাইতকৈ সাহসী সৈনিকসকলক যুদ্ধত যুঁজিবলৈ দিয়ে। হয়তো এয়া মোৰ জীৱনৰ এক অধ্যায়। মনত বিশ্বাস আৰু আশা আছে।’

সাহস হেৰুৱাব নিবিচাৰে ৰোজলিনে। তেওঁ কয়, ‘প্ৰত্যেকটো বিপদে মোক আৰু সাহসী কৰি তোলে। এই সময়ো পাৰ হৈ যাব। বহু মানুহে মোৰ বাবে প্ৰাৰ্থনা কৰিছে। যি হয় ভালৰ বাবেই হয়।’

ৰোজলিনে জনায়, তেওঁৰ ডিঙি আৰু পিঠিচ প্ৰচণ্ড বিষ আৰম্ভ হয়। তেওঁ ভাবিছিল, জিমনাষ্টিকৰ বাবে এই বিষ। কিন্তু পৰীক্ষা কৰোতে ধৰা পৰে কেঞ্চাৰ। কিন্তু কাম কৰিবলৈ নেৰে ৰোজলিনে। এই পোষ্টতো এই কথা স্পষ্ট কৰি দিছে অভিনেত্ৰীগৰাকীয়ে।

অভিষেক বচ্চন আৰু ঐশ্বৰ্য ৰায় বচ্চনৰ মাজত কোন বেছি সফল? পাৰিশ্ৰমিকৰ ক্ষেত্ৰত কোন আগবাঢ়ি আছে? এই প্ৰসংগত প্ৰায়ে চৰ্চা হয়। অভিষেকতকৈ ঐশ্বৰ্যই বেছি পাৰিশ্ৰমিক লাভ কৰে। আনকি একেখন ছবিত অভিনয় কৰিও ঐশ্বৰ্যই অভিষেকতকৈ লাভ কৰে অধিক পাৰিশ্ৰমিক। 
২০১৮ চনত এক সাক্ষাৎকাৰত অভিষেকে কয় যে তেওঁ আৰু ঐশ্বৰ্যই এতিয়ালৈকে যি ৯খন ছবিত কাম কৰিছে তাৰ ভিতৰত ৮খন ছবিত ঐশ্বৰ্যৰ পাৰিতোষিক অভিষেকতকৈ বেছি। উদাহৰণ দি অভিষেকে কয় যে ‘পিকু’ ছবিখনত অমিতাভ আৰু ইৰফান খানতকৈ দীপিকা পাডুকনক অধিক দৰমহা দিয়া হৈছিল।
আচলতে চিনেমাৰ ক্ষেত্ৰত যি তাৰকাৰ ব্ৰেণ্ড ভেল্যু বেছি, তেওঁকৰে পাৰিশ্ৰমিক বেছি। ঐশ্বৰ্যৰ ব্ৰেণ্ড ভেল্যু অভিষেকতকৈ বেছি বাবে তেওঁ বেছিকৈ টকা লাভ কৰে। অভিষেক আৰু ঐশ্বৰ্যৰ সম্পৰ্কৰ মাজত ঐশ্বৰ্যই বেছি পাৰিশ্ৰমিক পোৱাক লৈ কেতিয়াও কোনো প্ৰত্যক্ষ সমস্যাৰ উদ্ভৱ হোৱা নাই। দুয়ো প্ৰফেছনেল আৰু পাৰ্চনেল লাইফ সুন্দৰকৈ বৰ্তাই ৰাখিছে। অভিষেক-ঐশ্বৰ্যই বৈবাহিক জীৱনৰ ১৫ বছৰ সম্পূৰ্ণ কৰিলে।

অভিষেক-ঐশ্বৰ্যৰ প্ৰথম সাক্ষাৎ হৈছিল ১৯৯৭ চনত। ববি দেউলে তেওঁলোকক প্ৰথমবাৰৰ চিনাকি কৰাই দিছিল। সেইসময়ত অৱশ্যে দুয়োজনেই আন সম্পৰ্কত বান্ধ খাই আছিল। ছলমান খানৰ সৈতে ঐশ্বৰ্যৰ প্ৰেমৰ সম্পৰ্ক তেতিয়া বলীউডৰ এক উত্তপ্ত বিষয় আছিল। অন্যহাতে অভিষেকৰ কৰিশ্মা কাপুৰৰ লগত বিচ্ছেদ হোৱাৰ খবৰেও চৰ্চা লাভ কৰিছিল। লাহে লাহে অভিষেক-ঐশ্বৰ্য ইজনে সিজনৰ ওচৰ চাপি আহিবলৈ ধৰিলে।
তেওঁলোকৰ বন্ধুত্বৰ আৰম্ভণি হৈছিল ২০০০ চনত। লগ পোৱাৰ ঠিক তিনিবছৰৰ পাছত ‘ধাই অক্ষৰ প্ৰেম কি’ ছবিখনৰ পৰা। তাৰ পিছত ‘কিউ হো গয়া না’ ছবিখনৰ পিছত বলীউডত আৰম্ভ হ’ল তেওঁলোকৰ প্ৰেমৰ গুণগুণনি। অভিষেক-ঐশ্বৰ্যৰ সম্পৰ্কক চিৰস্থায়ী কৰাত আগভাগ ললে অমিতাভ আৰু জয়াই। দুয়োটা পৰিয়ালৰ সন্মতিত ২০০৭ চনৰ ২০ এপ্ৰিলত ধুমধামেৰে অভিষেক-ঐশ্বৰ্যৰ বিয়া হৈ যায়। ২০১১ চনৰ ১৬ নৱেম্বৰত তেওঁলোকৰ সংসাৰলৈ আহে কন্যা সন্তান আৰাধ্যা। 

অমিতাভ আৰু জয়া, বলিউডৰ তাৰকা দম্পত্তিসকলৰ ভিতৰত অন্যতম।

কিন্তু বলিউডৰ বিগবি অমিতাভ বচ্ছনেও মাজে মাজে গালি শুনিব লগা হয় পত্নী জয়াৰ। কিন্তু কি পৰিস্থিতিত জয়াই অমিতাভক গালি দিয়ে? শেহতীয়াকৈ কেবিচিৰ এগৰাকী প্ৰতিযোগীয়ে এই প্ৰশ্ন সুধে বিগ বিক। তাৰ উত্তৰত বিগ বিয়ে কয় যে যেতিয়া জয়াৰ ফোন কল অমিতাভে নধৰে, তেতিয়াই তেওঁৰ পত্নীৰ পৰা গালি শুনিব লগা হয়।

”মই ভাবো, সকলো পুৰুষেই মোৰ স’তে সহমত হ’ব। সেইফালৰ পৰা ফোন আহিল। আৰু আপুনি সেই ফোন কলটো ধৰিব নোৱাৰিলে। বচ্, তেনেহ’লে হৈ গ’ল আৰু!’’- বিগ বিয়ে কয়।

বিগবিয়ে কয় যে পত্নী জয়াই যেতিয়াই ফোন কৰিব, তেতিয়াই সেই ফোন কলটো তেওঁ ধৰিব লাগিব। অন্যথা তীব্ৰ গালি শুনিব লগা হয়।

ছৱিৰ শ্বুটিংঙৰ মাজতো বিগবিয়ে পত্নী জয়াৰ ফোনকল চম্ভালিব লগা হয়। ব্যস্ততাৰ মাজতো যাতে জয়াৰ ফোন মিছ নহয়, সেইবাবে এটা উপায় অবলম্বন কৰিছে তেওঁ।

”মোৰ চেক্ৰেটাৰীক কোৱা আছে যে জয়াৰ ফোন আহিলে যাতে ৰিচিভ কৰে। মই কি কৰিছো, ক’ত আছো, সকলো যাতে তেওঁক জনাই দিয়ে।’’- বিগ বিয়ে কয়।

কিন্তু ইয়াৰ পাছতো জয়াৰ গালি শুনে বিগবিয়ে। জয়াই বিগবিৰ আগত আপত্তি কৰে যে নিজৰ স্বামীৰ স’তে কথা পাতিবলৈও পত্নীয়ে চেক্ৰেটাৰীৰ জৰিয়তে সংযোগ কৰিব লগা হৈছে।

বিগ বিৰ এই উত্তৰ শুনি অনুৰাগীসকলে হাঁহিত বাগৰি পৰে। উল্লেখ্য যে শুক্ৰবাৰে বিগবিৰ এখন নতুন ছৱি ‘উঁচাই’ মুক্তি লাভ কৰিছে। বৃহসপ্তিবাৰে ছৱিখনৰ বিশেষ প্ৰদৰ্শনিত উপস্থিত আছিল জয়া বচ্ছন।