অসমৰ বিভিন্ন ঠাইত অস্থায়ী কৰ্মচাৰী হিচাপে কাম কৰা অসম বিদ্যুৎ নিগমৰ কৰ্মচাৰী সকলৰ লখিমপুৰ সংমণ্ডল কৰ্মচাৰী সকলেও আজি চিলাপথাৰত এখন সংবাদ মেলৰ জৰিয়তে চৰকাৰক চাকৰি নিয়মীয়া কৰণৰ দাবী উত্থাপন কৰে।বিদ্যুৎ বিভাগত অস্থায়ী কৰ্মচাৰী হিচাপে কৰ্মৰত হৈ থকা কৰ্মীসকলৰ উমৈহতীয়া মঞ্চ আসাম ষ্টেট আউটচ’চ পাৱাৰ ৱ’কাচ ইউনিয়নৰ লখিমপুৰ বিদ্যুত চক্ৰ সমিতিয়ে চিলাপথাৰত আয়োজন কৰা এক সংবাদ মেল যোগে বিদ্যুৎ খণ্ডত নিয়োজিত হৈ থকা পাঁচ হাজাৰৰোধিক অস্থায়ী শ্ৰমিকক স্থায়ীকৰণৰ দাবীত সৰব হৈ পৰে৷

সংবাদ মেলত তেখেত সকলে কয় যে অসমৰ ভিন্ন প্ৰান্তত পাঁচ হাজাৰতকৈ অধিক লোক বিগত কেইবাবছৰ ধৰি অস্থায়ী ভিত্তিত বিদ্যুৎ খণ্ডত নিয়োজিত থাকি লাখ লাখ গ্ৰাহকক সেৱা আগবঢ়াই আহিছে যদিও চৰকাৰে এই পৰ্যন্ত স্থায়ীকৰণৰ বাবে কোনো ধৰণৰ পদক্ষেপ গ্ৰহণ নকৰা বুলি ক্ষোভ উজাৰে।চৰকাৰে তেখেতসকলক অতি শীঘ্ৰে স্থায়ী নিযুক্তিৰ ব্যৱস্থা গ্ৰহণ নকৰিলে ইউনিয়নে গণতান্ত্ৰিক পদ্ধতিৰে আন্দোলন কৰিবলৈ বাধ্য হ’ব বুলি নেতৃবৃন্দই সংবাদ মেলত সদৰী কৰে।

নৰক কুণ্ডত পৰিণত হৈছে এখন ঐতিহাসিক চহৰ । শিৱসাগৰ পৌৰসভাৰ বিৰুদ্ধে ক্ষোভ প্ৰকাশ কৰি চাফাই কৰ্মীসকলে ধৰ্মঘট কৰাৰ ফলতে এক অভাৱনীয় দোৰ্গন্ধময় পৰিৱেশৰ সৃষ্টি হৈছে ঐতিহাসিক শিৱসাগৰ চহৰখনত। বিগত শণিবাৰৰ পৰা দৰমহা বৃদ্ধি কৰা আৰু চাকৰি স্থায়ীকৰন কৰাৰ দাবীত চাফাই কৰ্মীসকলে অব্যাহত ৰাখিছে ধৰ্মঘট। ফলত চহৰৰ চৌদিশে দ’ম বান্ধিছে জাবৰে । ইয়াৰ মাজতে সোমবাৰে সৃষ্টি হয় উত্তপ্ত পৰিস্থিতি। চাফাই কৰ্মীসকলৰ দাবীৰ প্ৰতি পৌৰসভাৰ শীৰ্ষ নেতৃত্বই কোনো গুৰুত্ব নিদি উপলুঙাহে কৰা বুলি অভিযোগ তুলি সাব্যস্ত কৰে প্ৰতিবাদ।

বছৰ বছৰ ধৰি চাফাই কাম কৰি অহাৰ পিছতো পৌৰসভাৰ বিষয়ববীয়া সকলে বৰ্তমান চাফাই কৰ্মীসকলৰ দাবীক কাণ-সাৰ নিদিয়াৰ লগতে দাবী মানি লোৱাৰ পৰিৱৰ্তে কামৰ পৰাহে অব্যাহতি দিয়াৰ ভাবুকি দিয়া বুলি ক্ষোভ প্ৰকাশ কৰিছে চাফাই কৰ্মীসকলে। জিলা প্ৰশাসনৰ বিষয়ববীয়া, পৌৰনেত্ৰীৰ সন্মুখতে ক্ষোভ উজাৰে চাফাই কৰ্মীসকলে । ইপিনে চাফাই কৰ্মীসকলৰ দাবী বৰ্তমান মানি ল’ব পৰা নহ’ব বুলি ইংগিত দিছে শিৱসাগৰ পৌৰসভাই।

এনে পৰিস্থিতিত কোনোপধ্যেই ধৰ্মঘট প্ৰত্যাহাৰ নকৰে বুলি স্পষ্ট কৰি দিছে চাফাই কৰ্মীসকলে । ফলত দুই ম’হৰ যুঁজত আবৰ্জনাৰ পাহাৰ সৃষ্টি হোৱাত দুৰ্ভোগ ভুগিছে চহৰবাসী ৰাইজে।

“অসমীয়া বিজেপি বাৰ্তা” মুখপত্ৰখন তৰুণৰাম ফুকন প্ৰেক্ষাগৃহত উন্মোচন কৰা হয়।৬৮ সংখ্যক অসমীয়া বিজেপি বাৰ্তাৰউন্মোচনী সভাত অংশ গ্ৰহণ কৰে বিজেপিৰ অসম প্ৰদেশৰ সভাপতি ভৱেশ কলিতা, অভিভাৱক মন্ত্ৰী ৰঞ্জিত কুমাৰ দাস, জিলা সভাপতি অনিল কুমাৰ দাস,বিজেপিৰ বাৰ্তাৰ সম্পাদক জিতেন শৰ্মা লগতে বিজেপিৰ কৰ্মকৰ্তা সকল।

এই গ্ৰন্থখন উন্মোচন কৰে বিশিষ্ট শিক্ষাবিদ সত্য কুমাৰ মিশ্ৰই।উন্মোচনী সভাত অংশ গ্ৰহণৰ অন্তত সংবাদ মাধ্যমৰ আগত বিজেপিৰ ৰাজ্যিক সভাপতি ভবেশ কলিতাই এ আই ইউ ডি এফ আৰু কংগ্ৰেছ দলৰ তীব্ৰ কটাক্ষ কৰে ৷এ আই ইউ ডি এফ ভাৰত বিৰোধী দল ৷ এই দলৰ সদস্য সকলে ত্ৰিৰংগ পতাকা উত্তোলনতো বিৰোধিতা কৰে ৷ এই দলটোৰ ভাৰতৰ মাটিৰ গোন্ধৰ প্ৰতি জলবাযুৰ প্ৰতি কোনো চিন্তাধাৰা নাই ৷আনহাতে কংগ্ৰেছ দলক আক্ৰমণৰ লক্ষ্য কৰি তেও কয় যে, কংগ্ৰেছ দলে ভৰিৰ তলৰ মাটি হেৰুৱাই পেলাইছে৷

কংগ্ৰেছৰ বাবেই এ আই ইউ ডি এফে ৰাজ্যত খোপনি পুতিবলৈ সক্ষম হৈছেে ৷ইপিনে ৰাজ্যত জেহাদী কাৰ্যকলাপ প্ৰসংগত ভবেশ কলিতাৰ বিস্ফোৰক মন্তব্য-এ আই ইউ ডি এফ আৰু কংগ্ৰেছ দল জেহাদীৰ পৃষ্ঠপোষক ৷ড০ হিমন্ত বিশ্ব শৰ্মাৰ নেতৃত্বাধীন বিজেপি চৰকাৰে জেহাদিক পলি পোখালিৰে উভালি পেলাৱ বুলি ভবেশ কলিতাই মন্তব্য কৰে।

বৰপেটাৰ পৰা নিখিল দাসৰ প্ৰতিবেদন