লাহৰীঘাটৰ কুশতলীত মণিপুৰৰ টুপুলত ভূমিস্কলনত নিহত হোৱা শ্ৰমিক সকলৰ বাসগৃহত বিৰোধী দলপতিৰ লগতে কংগ্ৰেছৰ বহু বিধায়ক

বিৰোধী দলপতি শইকীয়াই কয় : পঞ্চায়ত , তিৱা কাউঞ্চিল আছে যদিও ইয়াৰ পৰা ৰাইজ লাভাম্বিত হোৱা নাই । ভূমিস্খলনত নিহত দেৱজিৎ ফুকন নামৰ শ্ৰমিক জনে নিজৰ ৯ বছৰীয়া ছোৱালী জনীৰ দাঁতৰ চিকিৎসাৰ ধন গোটাবলৈ মণিপুৰলৈ গৈছিল । দু্ৰ্ঘটনাটোত নিহত দুখীয়া শ্ৰমিক সকল ৰেল বিভাগৰ দৰে ৰাষ্ট্ৰীয় প্ৰকল্পত কাম কৰিবলৈ গৈছিল । বিষয়টো বিষয়টো দৃষ্টি গোচৰ কৰি প্ৰধান মন্ত্ৰী আৰু ৰেলমন্ত্ৰীক ক্ষতিপূৰণ কৰি দাবী পত্ৰ সুদুত্তৰ নোপোৱা বুলি আক্ষেপ কৰি বিৰোধী দলপতি গৰাকীয়ে ।

আনহাতে মণিপুৰৰ ভূমিস্খলনত নিহত পৰিয়ালবোৰলৈ সাহাৰ্য আগবঢ়োৱা তথা ঘোষণা কৰাৰ দায়িত্ব আছিল অসম চৰকাৰৰ ।
বিভন্ন সময়ত চৰকাৰে যুৱকৰ বাবে বহু আঁচনি ঘোষণা কৰিছিল যদিও ১৭ জনকৈ শ্ৰমিকে কৰ্মহীন হৈ বাহিৰলৈ যাব লগা হ’ল সেই বিলাক আঁচনিয়ে ঢুকি নোপোৱাত । মুখ্যমন্ত্ৰীয়ে ১৭ খিলঞ্জীয়া যুৱক নিহত পৰিয়ালৰ ওচৰলৈ আহি সমবেদনা জনাব লাগিছিল । দুৰ্ভাগ্যজনক ।

আজিৰ মূল্যবৃদ্ধিৰ দিনত জৱকাৰ্ডৰ যি নিৰিখ সেয়া বৃদ্ধি কৰিব লাগে বুলি উল্লেখ্য কৰা শইকীয়াই ইউ ডি এফৰ বিধায়ল কৰীমুদ্দিন বৰভূঞাই ৰাষ্ট্ৰপতিৰ ৰ্নিবাচত কংগ্ৰেছৰ ২০ জন বিধায়কে NDA প্ৰাৰ্থীক ভোট দিয়া বুলি কৰা বিস্ফোৰক মন্তব্য কৰাৰ প্ৰতিক্ৰিয়া প্ৰকাশ কৰি কয় যে ৰাজ্যসভা ৰ্নিবাচনৰ সময়ত কৰা তেনে মন্তব্য দিয়াৰ বাবে উচ্চ ন্যায়লয়ত আইনী ব্যৱস্থা ব্যৱস্থা লোৱা লৈছে । গতিকে তেওঁ যি কৰে কৰি থাকক ।
লাহৰীঘাটৰ পৰা খাইৰুল ইছলামৰ ৰিপোৰ্ট

মুকালমুৱাৰ কচুৱাত খেতি পথাৰত ট্ৰেক্টৰেৰে হাল বোৱাক কেন্দ্ৰ কৰি দুই ভাতৃৰ মাৰপিট। জ্যেষ্ঠ ভাতৃ বসন্ত মেধিক আক্ৰমণ কৰাৰ পিছত বিষাক্ত দ্ৰব্য সেৱন কৰি আত্মহত্যাৰ অপচেষ্টা চলাই কনিষ্ঠ ভাতৃ প্ৰণৱ মেধিয়ে।

বিষাক্ত দ্ৰব্য সেৱন কৰা প্ৰণৱ মেধিক মুকালমুৱা চিকিৎসালয়ত ভৰ্তি কৰোৱাই। বৰ্তমান সংকটমুক্ত অৱস্থাত আছে প্ৰণৱ মেধি। আনহাতে প্ৰণৱ মেধিৰ আক্ৰমণত গুৰুতৰভাৱে আহত বসন্ত মেধিক সংকটজনক অৱস্থাত GMCH লৈ প্ৰেৰণ কৰা হৈছিল যদিও পৰিয়ালৰ লোকে উত্তৰ গুৱাহাটীস্থিত GNRCলৈ লৈ গৈছিল।

কিন্তু GNRCত বসন্ত মেধিৰ মৃত্যু হোৱা বুলি জানিব পৰা গৈছে। ইতিমধ্যে ঘটনা সংক্ৰান্তত দৌলাশাল আৰক্ষীয়ে তদন্ত আৰম্ভ কৰিছে।

মুকালমুৱাৰ পৰা শংকৰ দাস

এন আৰ চিত নহয়,পতাকা উত্তোলন কৰি প্ৰমাণ দিব লাগিব ভাৰত মাতাৰ সন্তান।১৩ৰ পৰা ১৫ আগষ্টলৈ অসমৰ প্ৰতিটো পৰিয়ালক ঘৰত জাতীয় পতাকা লগাবলৈ মুখ্যমন্ত্ৰীৰ আহ্বান । ১৩ৰপৰা ১৫ আগষ্টলৈ সকলোকে নিজ নিজ গৃহত জাতীয় পতাকা উত্তোলনৰ আহ্বান মুখ্যমন্ত্ৰীৰ। ওদালগুৰিত সৌৰশক্তি প্ৰকল্পৰ শুভাৰম্ভ কৰে মুখ্যমন্ত্ৰী হিমন্ত বিশ্ব শৰ্মাই। এই প্ৰকল্পৰ জৰিয়তে ৬৫ হাজাৰ লোকে পোনপটীয়াকৈ পাব বিদ্যুৎ সেৱা।

২০২৬ চনৰ ভিতৰত ৫০ শতাংশ সৌৰশক্তিৰ দ্বাৰা উৎপাদিত বিদ্যুৎ শক্তি উৎপাদনৰ লক্ষ্য অসম চৰকাৰৰ।উদ্বোধনী অনুষ্ঠানত মুখ্যমন্ত্ৰী ড০ হিমন্ত বিশ্ব শৰ্মাই কয় যে,”এন আৰ চি কাৰ্যালয়ত নহয়, এইবাৰ পতাকা উত্তোলন কৰিহে প্ৰমাণ দিব লাগিব ভাৰত মাতাৰ সন্তান।

স্বদেশ প্ৰেমৰ প্ৰমাণ দিবলৈ ১৩ আগষ্টৰ পৰা ১৫ আগষ্টলৈ সকলোৱে প্ৰতিঘৰত উত্তোলন কৰিব লাগিব ত্ৰিৰংগা পতাকা।ৰেচনৰ দোকানৰ পৰা ১৬ টকাত কিনিব লাগিব ৰাষ্ট্ৰীয় পতাকা।”উল্লেখযোগ্য যে ,১৩ৰ পৰা ১৫ আগষ্টলৈ অসমৰ প্ৰতিটো পৰিয়ালক ঘৰত জাতীয় পতাকা লগাবলৈ আহ্বান মুখ্যমন্ত্ৰীৰ।

তামুলপুৰত ৰাভালোক নৃত্য কৰ্মশালাৰ সফল সামৰণি । হামজাৰ, চাথাৰ আদি ৰাভা লোক নৃত্যৰে মুখৰিত তামুলপুৰ ৰাজহুৱা প্ৰেক্ষাগৃহ ।

বিটিআৰৰ সাংস্কৃতিক পৰিক্ৰমা বিভাগৰ অধীনস্থ তামুলপুৰ সাংস্কৃতিক কেন্দ্ৰৰ উদ্যোগত আৰু নৃত্যাঞ্জলী কলা কৃষ্টি কেন্দ্ৰৰ সহযোগত তামুলপুৰৰ ৰাজহুৱা প্ৰেক্ষাগৃহত ১২ জুলাইৰ পৰা আৰম্ভ হোৱা ৰাভা লোক নৃত্যাৰ কৰ্মশালাৰ আজি সফল সামৰণি পৰে।

এই উপলক্ষে সাংস্কৃতিক কৰ্মী চিন্ময় পাঠকৰ সঞ্চালনাত অনুষ্ঠিত সভাত মুখ্য অতিথি হিচাপে অংশগ্ৰহণ কৰে তামুলপুৰ সাংস্কৃতিক কেন্দ্ৰৰ সাংস্কৃতিক উন্নয়ন বিষয়া যুগান্ত বায়নে । বিটিআৰৰ মনোনীত এমচিএল এ হেমন্ত কুমাৰ ৰাভাই বিশিষ্ট অতিথি হিচাপে অংশগ্ৰহণ কৰা সভাত তামুলপুৰ জিলা ৰাভা ছাত্র সন্থাৰ সভাপতি পূৰ্ণ সিং ৰাভা, মেনকা ৰাভা আদি বিশিষ্ট ব্যক্তি সকলে অংশগ্ৰহণ কৰে। প্ৰশিক্ষক সঞ্জয় ৰাভা,জ্যোতিষ্মা ৰাভাৰ পৰিচালনা ত প্ৰশিক্ষাৰ্থী সকলে হামজাৰ,চাথাৰ আদি ৰাভা লোক নৃত্য পৰিৱেশন কৰি কৰ্মশালাৰ সামৰণি অনুষ্ঠানটি উপভোগ্য কৰি তোলে।

তামুলপুৰৰ পৰা প্ৰসাদ দাস