যি সময়ত সত্ৰ তথা দেৱালয় আদিৰ নামত সংৰক্ষিত বেদখলকৃত ভুমি বেদখল মুক্ত কৰাৰ বাবে চৰকাৰে কঠোৰ পদক্ষেপ গ্ৰহণ কৰিছে তেনে সময়তে ছিপাঝাৰত এখন সত্ৰৰ নামত দীৰ্ঘদিন ধৰি সংৰক্ষিত হৈ অহা ভুমি এটা দুষ্ট চক্ৰই গোপনে নিজৰ নামত নামজাৰি কৰাক লৈ ক্ষোভিত হৈ পৰিছে সত্ৰখনৰ লগত জড়িত ৰাইজ।উল্লেখযোগ্য যে ছিপাঝাৰৰ বিজুলীবাৰীৰ “শ্ৰী শ্ৰী ৰঘুনাথ সোৱৰি সত্ৰ”ৰ নামত প্ৰায় বিয়াল্লিছ বিঘা ভুমি সংৰক্ষিত হৈ আছিল।কিন্তু উক্ত ভুমিৰ প্ৰায় সাত বিঘা ভুমি এটা দালাল চক্ৰই ১৯৯৫চনতে নামজাৰি কৰা বুলি শেহতীয়াকৈ দখল কৰিবলৈ যোৱাৰ পিছত ক্ষোভিত হৈ পৰে ৰাইজ।
আনকি ইয়াকে লৈ প্ৰশাসনৰ লোকৰ সন্মুখতে ৰাইজে প্ৰকাশ কৰে ক্ষোভ।কেনেকৈ সত্ৰৰ নামত সংৰক্ষিত ভুমি নামজাৰি কৰিব পাৰিলে সেয়া ৰাইজে আশ্চৰ্য প্ৰকাশ কৰিছে । তদুপৰি ৯৫চনতে নামজাৰি মাটি এতিয়াহে কিয় দখল কৰিবলৈ গৈছে তাক লৈও ৰাইজে প্ৰশ্ন তুলিছে।
