ৰাজ্যখনৰ শ্ৰমজীৱী কৃষকৰ আয় বৃদ্ধিৰ জৰিয়তে তেখেতলোকৰ আৰ্থিক অৱস্থা  স্বচ্ছল কৰাৰ লক্ষ্যৰে ৰাজ্য চৰকাৰখনে সম্প্ৰতি এখন ধান ক্ৰয় আঁচনিৰ জৰিয়তে প্ৰতি কুইন্টল ধানক ১৯৪০ টকাৰ নিৰিখত চৰকাৰৰ অনুমোদিত ধান বিক্ৰী কেন্দ্ৰত বিক্ৰীৰ বাবে কৃষকক সজাগ কৰি তোলাৰ অৰ্থে ইতিমধ্যে পঞ্চায়তে পঞ্চায়তে গাঁও সভা অনুষ্ঠিত হৈছে। ডিব্ৰুগড় জিলাৰ অন্তৰ্গত চাবুৱা পানীতোলা উন্নয়ন খণ্ডৰ অন্তৰ্গত জেৰাই পঞ্চায়তৰ এখন গুৰুত্বপূৰ্ণ গাঁও সভা ১৬ জানুৱাৰীত অনুষ্ঠিত হৈ যায়। চাবুৱা নিকটৱৰ্তী জেৰাই গাঁৱত অৱস্থিত কাৰ্যালয়ত অনুষ্ঠিত উক্ত সভাত পানীতোলা উন্নয়ন খণ্ডৰ খণ্ড উন্নয়ন বিষয়াকে ধৰি চাবুৱা বিধায়কৰ প্ৰতিনিধিৰ লগতে চি ই অ ৰীণা মেছ, জিলা কৃষি বিষয়াকে ধৰি অন্যান্য বহু গণ্যমাণ্য লোকৰ উপৰি বহুকেইগৰাকী কৃষক  উপস্থিত থাকে।

জেৰাই পঞ্চায়তৰ সভানেত্ৰী মেদিনা মেচ বৰুৱাৰ সঞ্চালনাত অনুষ্ঠিত উক্ত গাঁও সভাত কৃষৰ উৎপাদিত ধানৰ উচিত মূল্যৰ ক্ষেত্ৰত ৰাজ্য চৰকাৰে বান্ধি দিয়া ১৯৫০ টকা নিৰিখত কি প্ৰক্ৰিয়াৰে অংশগ্ৰহণ কৰিব পাৰিব সেই সন্দৰ্ভত বিস্তাৰিত আলোচনা হয় গাঁও সভাখনত । এই সন্দৰ্ভত জিলা কৃষি বিষয়াকে ধৰি খণ্ড উন্নয়ন বিষয়াই 

সদৌ বঙাইগাঁও জিলা কোচ-ৰাজবংশী ছাত্র সন্থাৰ এটি সঁজাতি দলে সোমবাৰে বঙাইগাঁও জিলাৰ উত্তৰ শালমাৰা মহকুমাৰ অন্তৰ্গত উত্তৰ শালমাৰা পাহাৰতলিত ৰে’ল বিভাগে ৰে’ল লাইনৰ বাবে দুবিঘা মাটি কাঢ়ি নি এটকাও ক্ষতিপূৰণ নিদিয়া, দুৰ্বিষহ জীৱন যাপন কৰি থৰা এগৰাকী অতি দুখীয়া অকলশৰীয়া বৃদ্ধা সুশীলা ৰায়ৰ ঘৰত খা-খবৰ লবলৈ উপস্থিত হয়। ছাত্ৰ সংগঠনটোৰ প্ৰতিনিধি দলে বৃদ্ধা সুশীলা ৰায়ৰ খা-খবৰ লোৱাৰ লগতে তেওঁলোকে নিজৰ প্ৰচেষ্টাৰে কম্বল, তচক, উৰা চাদৰ আদি প্ৰদান কৰে ৷ বৃদ্ধা গৰাকীক  সকলো সা-সুবিধা প্ৰদানৰ বাবে প্ৰশাসনৰ লগত যোগাযোগ কৰে প্ৰতিনিধি দলটেৱে ৷

উল্লেখ্য যে প্ৰশাসনে সকলো ধৰণৰ সহযোগিতা আগবঢ়োৱাৰ বাবে সংগঠনটোক প্ৰতিশ্ৰুতি দিয়ে। প্ৰতিনিধি দলটোত সদৌ বঙাইগাঁও জিলা আক্ৰাছুৰ সভাপতি সঞ্জীৱ কোচ, কেন্দ্রীয় আক্ৰাছুৰ প্ৰচাৰ সম্পাদক ধীৰাজ পাঠক, বঙাইগাঁও জিলা আক্ৰাছুৰ সাধাৰণ সম্পাদক শিৱেন নাৰায়ণ দেৱ, বঙাইগাঁও জিলা আক্ৰাছুৰ বিভিন্ন বিষয়ববীয়া আৰু উত্তৰ  শালমাৰা আঞ্চলিকৰ সভাপতি, সম্পাদক তথা  আঞ্চলিকৰ বিষয়ববীয়াসকলে দলটিত সৈতে সংগ দিয়ে ৷

ওদালগুৰি জিলাৰ খৈৰাবাৰীত  অনুষ্ঠিত হ’ব ১৭ সংখ্যক ছিনিয়ৰ আৰ্চাৰী প্ৰতিযোগিতা। অসম আৰ্চাৰী সন্থাৰ উদ্যোগত অহা ২১,২২আৰু ২৩ জানুৱাৰীত  অনুষ্ঠিত হ’বলগীয়া  প্ৰতিযোগিতাৰ বাবে অনুশীলনত ব্যস্ত ওদালগুৰি,ভেৰগাওঁ জিলাৰ আৰ্চাৰী খেলুৱৈ সকল। আন্তঃগাঠনিৰ অভাৱৰ মাজতে ওদালগুৰি জিলাৰ খৈৰাবাৰী ক্ৰীড়া সন্থাৰ খেল পথাৰত ল’ৰা-ছোৱালী উভয়ে ব্যস্ত লক্ষ্য ভেদ কৰি পদক অৰ্জন কৰিবলৈ। খেলুৱৈ সকলৰ বাবে আন্ত: গাঠনিক ওপৰত গুৰুত্ব দিবলৈ অসম চৰকাৰ আৰু বিটিচি চৰকাৰৰ প্ৰতি খেলুৱৈ সকলে  আহ্বান জনাইছে।

ওদালগুৰি জিলা উপায়ুক্ত পি উদয় প্ৰবীনৰ উপস্থিতিত  খাউৰাঙৰ গাওঁবুঢ়া বস্তিত ওদালগুৰি জিলা প্ৰশাসনৰ উদ্যোগত ১৭ জানুৱাৰীত শ্ৰীশ্ৰীৰাধাকৃষ্ণ মন্দিৰ প্ৰাঙ্গণত ৰাজ্য আৰু কেন্দ্ৰীয় চৰকাৰে জনসাধাৰনক প্ৰদান কৰা বিভিন্ন আচনী আৰু সেৱা সমুহৰ বিষদ বিৱৰণ ৰাইজৰ পৰা জানিব বিছাৰে। উপায়ুক্ত পি উদয় প্ৰবীনৰ উপস্থিতিত কৃষি বিষয়া, জনস্বাস্থ্য কাৰিকৰি বিষয়া, সমাজ কল্যাণ বিষয়া, হেণ্ডলুম বিষয়া, মধ্যাহ্ন ভোজন, জবকাৰ্ড, ৰাচিন কাৰ্ড আদিৰ বিষদ তথ্য প্ৰত্যেক জন বিষয়াৰ পৰা ৰাইজৰ আগত অৱগত কৰাবলৈ আৰু ৰাইজৰ পৰা উক্ত সুবিধাৰ পৰা উপকৃত হৈছে নে নাই সেই বিষয় বিতংকৈ জানিব বিচাৰে।

সভাত বহু সংখ্যক ৰাইজৰ আগত নিজ নিজ বিভাগৰ বিষয়া সকলে ৰাইজৰ আগত তথ্য সহকাৰে আচনী সমুহৰ বিষয় অৱগত কৰোৱায়ে আৰু ৰাইজেও উক্ত আচনী সমুহৰ পৰা কিমান সকাহ পাইছে সেই বিষয় সভাত ব্যক্ত কৰে। উক্ত আমাৰ গাওঁ আমাৰ প্ৰশাসন অনুষ্ঠানত বৃহত্তৰ খাউৰাংবাসী ৰাইজ উপস্থিত হৈ চৰকাৰে প্ৰদান কৰা আচনী আৰু সুবিধা সমুহ পোৱা-নোপোৱা বিষয় উপায়ুক্ত পি উদয় প্ৰবীনৰ আগত ব্যক্ত কৰে। ভাৰত স্বাধীনতাৰ সাত দশকৰ পিছত পোন প্ৰথম বাৰে অনুষ্ঠিত হোৱা আমাৰ গাওঁ আমাৰ প্ৰশাসন অনুষ্ঠানত উপস্থিত হৈ ৰাইজে বহুত জানিব লগীয়া আৰু গোপনীয় ভাৱে ৰখা আচনী সমুহৰ বিতং তথ্য জানিব পোৱাত খাউৰাংবাসী ৰাইজে ওদালগুৰি জিলা উপায়ুক্ত পি উদয় প্ৰবীনক ধন্যবাদ জ্ঞাপন কৰে। ৰাইজে উপায়ুক্তৰ সম্মুখত নিজ অঞ্চল আৰু এচাম ৰাজনৈতিক দলৰ কাৰ্য্যকৰ্তাই ৰাইজৰ পৰা গোপন কৰি ৰখা বিভিন্ন অনুদান আৰু আচনীসমুহৰ বিষয় তন্ন তন্নকৈ জানিবলৈ পোৱাত নথৈ আনন্দিত হৈছে।