গোগামুখৰ অন্যতম ক্লাব আটাই ইউনাইটেড ক্ৰিকেট ক্লাবৰ উদ্যোগত আজিৰে পৰা প্ৰাইজমাণি আৰু ট্ৰফী গোগামুখ ক্ৰিকেট লীগ আৰম্ভ হৈছে ৷ মুঠ ১৩ টা দলে অংশগ্ৰহণ কৰা উক্ত ক্ৰিকেট লীগখন আজিৰ পৰা ৬ জানুৱাৰীলৈ অনুষ্ঠিত হ’ব ৷
আজি আৰম্ভণি অনুষ্ঠানটোত উপস্থিত থাকে এম এ চিৰ কাৰ্যবাহী সদস্য প্ৰভাত বসুমতাৰীয়ে ৷ উপস্থিত থাকে বিশিষ্ট ব্যৱসায়ী তথা প্ৰাক্তন ক্ৰিকেট খেলুৱৈ অজিৎ প্ৰসাদ, শিৰোমণি দাস আদিয়ে ৷ অনুষ্ঠানটোত সভাপতিত্ব কৰে আটাই ইউনাইটেড ক্লাবৰ সভাপতি খনিন্দ্ৰ কামানে ৷ আঁত ধৰে ধ্যান দলে আৰু চন্দন দলেয়ে ৷
ৰাভা হাছং স্বাযত্ব শাসিত পৰিষদীয় এলেকাৰ গ্ৰামাঞ্চলৰ সকলো গ্ৰাম্য পথৰ উন্নতি কৰি যাতায়তৰ বাবে সুচল কৰাই হৈছে পৰিষদৰ প্ৰধান লক্ষ্য৷পৰিষদৰ দক্ষিণ দুধনৈ পৰিষদীয় সমষ্টিৰ অন্তৰ্গত খাৰা বগৰীবাৰী গাওঁৰ ৪৫০ মিটাৰ দৈৰ্ঘৰ এটি গ্ৰাম্য পথ নতুনকৈ নিৰ্মাণৰ শুভাৰম্ভ কৰি মন্তব্য কৰে ৰাভা হাছং পৰিষদৰ মুখ্য কাৰ্যবাহী টংকেশ্বৰ ৰাভাই৷ তেওঁ পুনৰ কয় যে পৰিষদীয় এলেকাৰ দীৰ্ঘ দুৰত্বৰ পথৰ লগতে গাওঁ সমুহৰ মাজত থকা চুটি পথ সমুহো উন্নয়নৰ জৰিয়তে যাতায়ত ব্যবস্থা সুচল কৰি তোলা হব৷
২০২০- ২০২১ বিত্তীয় বৰ্ষৰ আৰ্থিক সাহাৰ্যৰে নিৰ্মাণ কৰিব লগীয়া পথটোৰ বাবে মুঠ ১০ লাখ টকা ধাৰ্য কৰা হৈছে৷ এই পথটো নিৰ্মাণ হৈ উঠিলে খাৰা বগৰীবাৰী গাওঁৰ ৰাইজে যাতায়তৰ ক্ষেত্ৰত দীৰ্ঘদিনে ভুগি অহা এটা সমস্যাৰ পৰা মুক্তি পাব৷ আজিৰ এই কামৰ শুভাৰম্ভত অনুষ্ঠানত উপস্থিত থাকে গড় কাপ্তানী বিভাগৰ কণিষ্ঠ অভিযন্তা উৎপল খাখলাৰী, পৰিষদৰ কনিষ্ঠ অভিযন্তা মুনদ্বীপ ৰাভাৰ লগতে স্থানীয় ৰাইজ।
ডিকম উচ্চ মাধ্যমিক বিদ্যালয়ৰ চৌহদত অৱস্থিত তথা ৰাষ্ট্ৰীয় মাধ্যমিক শিক্ষা অভিযান চমুকৈ আৰ. এম. এচ. এৰ অধীনস্থ কস্তুৰবা গান্ধী বালিকা বিদ্যালয় ছাত্ৰী নিবাসত এখন গুৰুত্বপূৰ্ণ সভা অনুষ্ঠিত হয়। উল্লেখ্য যে বিগত সময়ত উক্ত নিবাসীটি ক’ভিড আক্ৰান্ত ৰোগীৰ বাবে ডিব্ৰুগড় জিলা প্ৰশাসনে কভিড কেয়াৰ চেন্টাৰ হিচাপে দীৰ্ঘ দিন ব্যৱহাৰ কৰা ফলত নিবাসটি বন্ধ হৈ আছিল । সম্প্ৰতি ক’ভিড সংক্ৰমণ ৰোগীৰ সংখ্যা হ্ৰাস পোৱাৰ সমান্তৰালকৈ শিক্ষানুষ্ঠানসমূহো চৰকাৰে মুকলি কৰি দিয়াৰ পাছত নিবাসটি চৰকাৰী নিৰ্দেশনা অনুসৰি আবাসীৰ বাবে পুনৰ মুকলি কৰাৰ পদক্ষেপ গ্ৰহণ কৰিছে।
ডিকম উচ্চ মাধ্যমিক বিদ্যালয়ৰ প্ৰধান শিক্ষক তথা নিবাসৰ সদস্য সচিব তৰুণ তামুলীৰ পৌৰোহিত্যত নিবাসৰ প্ৰাংগনত আবাসী, অভিভাৱক আৰু অভিভাৱিকাৰ উপস্থিতিত নিবাস পৰিচালনা সম্পৰ্কীয় এখনি সৌহাদ্যমুলক আলোচনা সম্পন্ন হয়। উল্লেখ্য যে প্ৰায় এশ গৰাকী দৰিদ্ৰ সমীৰেখা তলৰ ছাত্ৰী বাবে বিনামূলীয়া চৰকাৰী থকা-খোৱা সুবিধা উপলব্ধ এই আবাসত গৃহ জিলাৰ লগতে চুবুৰীয়া জিলাৰ বিভিন্ন অঞ্চলৰ বিভিন্ন শিক্ষানুষ্ঠানত অধ্যয়ণৰত ছাত্ৰীয়ে এই সুবিধা গ্ৰহণ কৰি আহিছে।
অসম জাতীয়তাবাদী যুৱ-ছাত্ৰ পৰিষদ গোগামুখ আঞ্চলিক সমিতিৰ উদ্যোগত গোগামুখত ২৩-২৬ ডিচেম্বৰত গোগামুখ ৰে’লৱে কলনি খেলপথাৰত দিবা-নৈশ প্ৰাইজমাণি আৰু চলন্ত ট্ৰফী ক্ৰিকেট প্ৰতিযোগিতাৰ আয়োজন কৰিছে ৷
মুঠ এক লাখ টকাৰ পুৰস্কাৰ সম্বলিত খেলখনত অংশগ্ৰহণ কৰিব বিছৰা ইচ্ছুক সকলক আগতীয়াকৈ যোগাযোগ কৰিবলৈ আহ্বান জনাইছে উদ্যোক্তাসকলে ৷ যোগাযোগৰ নম্বৰ ৮০৯৯৫৩৫৪৯৭, ৯৩৬৫৭৩৮২৬২, ৯৭০৭৭৪৭৪১ ৷
ৰাজ কাপুৰ,ভাৰতীয় চিনেমাৰ যুগদ্ৰষ্টা। ভাৰতীয় চিনেমাৰ সৰ্বশ্ৰেষ্ঠ ‘শ্ব’মেন’ হিচাপে পৰিচিত ৰাজ কাপুৰৰ বায়’পিক নিৰ্মাণ কৰিবলৈ আগ্ৰহী নাতি ৰণবীৰ কাপুৰ। বলীউডৰ জনপ্ৰিয় অভিনেতা ৰণবীৰে বিচাৰে তেওঁৰ ককাক ৰাজ কাপুৰৰ জীৱনটোৰ বিষয়ে সকলো লোকেই জ্ঞাত হোৱা উচিত। ৰাজ কাপুৰ তেওঁৰ অভিনয়ৰ বাবে যিমান প্ৰশংসিত, সিমানেই “ববি” আৰু “সংগম”ৰ দৰে চলচ্চিত্ৰ পৰিচালনাৰ বাবেও প্ৰশংসিত ৷ অভিনেতা পৃথ্বীৰাজ কাপুৰৰ পুত্ৰ ৰাজ কাপুৰৰ পৰিয়ালটো পূৰ্বৰে পৰা বিনোদন জগতৰ সৈতে জড়িত আছিল৷ যিটো পৰিয়ালৰ প্ৰতি প্ৰজন্মৰ কেইবাগৰাকীও সদস্য এই জগতৰ সৈতে জড়িত হৈ আহিছে৷ ৰাজ কাপুৰৰ ভাতৃ শাম্মী আৰু শশী, পুত্ৰ ঋষি আৰু নাতি-নাতিনী কৰীণা আৰু ৰণবীৰ বলীউডৰ সৈতে জড়িত৷ সন্মানীয় কাপুৰ চলচ্চিত্ৰ পৰিয়ালৰ চতুৰ্থ প্ৰজন্মৰ অভিনেতাজনে ৰাজধানীত ‘ৰাজ কাপুৰ: দ্য মাষ্টাৰ এট ৱৰ্ক’ নামৰ কিতাপখন মুকলি কৰাৰ পিছত এক পেনেল আলোচনাত ভাষণ দি আছিল।
ৰাহুল ৰাৱেল নামৰ এজন লেখকে লিখা ‘ৰাজ কাপুৰ: দ্য মাষ্টাৰ এট ৱৰ্ক’ নামৰ কিতাপখনৰ মুকলি অনুষ্ঠানত ভাগ লৈ এই কথা সদৰী কৰে ৰণবীৰ কাপুৰে। ৰণবীৰে এই সন্দৰ্ভত কয় যে মই মোৰ ককাৰ ওপৰত এখন বায়পিক নিৰ্মাণ কৰাৰ সপোন বহুদিনীয়া। এই অনুষ্ঠানতে এজন সাংবাদিকে ৰণবীৰ কাপুৰক সুধিছিল যে তেওঁ এতিয়াও জীয়াই থকা হলে আপুনি কি কৰিলেহেঁতেন? এই প্ৰশ্নৰ উত্তৰ দি ৰণবীৰে কয় মই ককাৰ সৈতে জীৱনৰ কথা পাতিলোহেঁতেন। আনকি মই তেওঁৰ সৈতে বহি সুৰাপানো কৰিলোহেঁতেন।ৰাহুল ৰাৱেলে মোৰ ককাক বহু ওচৰৰ পৰা পাইছিল, তেওঁ ককাৰ বহু কাহিনী জানে, যিবোৰ এই কিতাপত লিখা হোৱা নাই। ককাৰ জীৱনৰ উন্মোচিত নোহোৱা কথাবোৰেৰে মই এখন বায়পিক নিৰ্মাণ কৰিবলৈ বিচাৰোঁ। উল্লেখ্য যে ১৯২৪ চনৰ ১৪ ডিচেম্বৰত পেছোৱাৰত ৰাজ কাপুৰৰ জন্ম হৈছিল৷
তেওঁ আৱাৰা, শ্ৰী ৪২০, আগ, বৰসাত, মেৰা নাম জ’কাৰ আৰু সত্যম শিৱম সুন্দৰমৰ দৰে চলচ্চিত্ৰত কৰা অভিনয়ে দৰ্শকক আপ্লুত কৰি তুলিছিল।ৰাজ কাপুৰে কেৰিয়াৰৰ আৰম্ভণি কৰিছিল ১০ বছৰ বয়সত৷ ৰাজ কাপুৰৰ বয়স মাত্ৰ ২৪ বছৰ থাকোতেই তেওঁ আৰ কে ষ্টুডিঅ’ প্ৰতিষ্ঠা কৰিছিল৷ ১৯৪৯ চনত দিলীপ কুমাৰ আৰু নাৰ্গিছৰ সৈতে আন্দাজত কৰা অভিনয়ে অভিনেতা হিচাপে ৰাজ কাপুৰক প্ৰতিষ্ঠা কৰাত সহায় কৰিছিল। চিনেমা জগতলৈ আগবঢ়োৱা অনবদ্য অৱদানৰ বাবে ৰাজ কাপুৰে ভাৰত চৰকাৰৰ তৰফৰ পৰা লাভ কৰিছিল পদ্মভূষণ আৰু দাদাচাহেব ফাল্কে বঁটা ৷ তদুপৰি তেওঁ পাইছিল তিনিটাকৈ ৰাষ্ট্ৰীয় বঁটা আৰু ১১টাকৈ ফিল্মফেয়াৰ বঁটা৷ ১৯৮৮ চনত ৬৩ বছৰ বয়সত মৃত্যুবৰণ কৰে বিশিষ্ট অভিনেতা ৰাজ কাপুৰে। ৰণবীৰ কাপুৰৰ মন্তব্যৰ পাছতেই ভাৰতীয় চিনেমাৰ সৰ্বশ্ৰেষ্ঠ ‘শ্ব’মেন’ ৰাজ কাপুৰৰ বায়’পিক চাবলৈ আগ্ৰহী হৈ পৰিছে চিনেমাপ্ৰেমীসকল।
ভাৰতীয় ৰিজাৰ্ভ বেংকে পঞ্জাব নেচনেল বেংকক ১.৮ কোটি টকাৰ জৰিমনা বিহিছে৷ একেদৰে, আইচিআইচিআই বেংকক নিয়ন্ত্ৰক অনুপালনৰ অভাৱৰ বাবে ৩০ লাখ টকাৰ জৰিমনা বিহা হৈছে। ৰিজাৰ্ভ বেংকে জাৰি কৰা এক বিবৃতি অনুসৰি, পাঞ্জাব নেচনেল বেংকক বেংকিং নিয়ন্ত্ৰণ আইন, ১৯৪৯ৰ ব্যৱস্থা উলংঘন কৰাৰ বাবে দোষী সাব্যস্ত কৰা হৈছিল৷ আৰবিআইৰ অনুসন্ধানত দেখা গৈছে যে পঞ্জাব নেচনেল বেংকে ঋণ লওঁতা কোম্পানীবোৰত শ্বেয়াৰ ৰাখিছিল, প্ৰতিশ্ৰুতি অনুসৰি, সেই কোম্পানীবোৰৰ পেইড-আপ শ্বেয়াৰ মূলধনৰ ত্ৰিশ শতাংশতকৈ অধিক পৰিমাণৰ। আৰবিআইয়ে এই কথা নিশ্চিত হৈ পঞ্জাব নেচনেল বেংকক নিয়ম উলংঘনৰ বাবে জৰিমনা বিহিছে৷
একেদৰে, আইচিআইচিআই বেংকৰ ক্ষেত্ৰত, আৰবিআইয়ে কৈছিল যে বেংকৰ পৰ্যবেক্ষক মূল্যাংকনৰ বাবে এক বিধিবদ্ধ পৰিদৰ্শন কৰাৰ পিছত, আইচিআইচিআই বেংকে সঞ্চয় একাউণ্টত নিম্নতম বেলেন্স ৰক্ষণাবেক্ষণ নকৰাৰ বাবে মাচুল আৰোপ সম্পৰ্কীয় নিৰ্দেশনা পালন নকৰা দেখা গৈছে।
আৰবিআইয়ে অৱশ্যে স্পষ্ট কৰি দিছে যে দুয়োটা ক্ষেত্ৰতে নিয়ামক অনুপালনৰ অভাৱৰ ওপৰত জৰিমনা আৰোপ কৰা হৈছে আৰু অৱশ্যে এই জৰিমনাই বেংকবোৰে তেওঁলোকৰ নিজ নিজ গ্ৰাহকৰ সৈতে কৰা কোনো লেনদেন বা চুক্তিৰ বৈধতাক প্ৰভাৱিত নকৰে৷
দেওবাৰে বিহালী সমষ্টিৰ ৰাংছালী ৰংঘ মঞ্চত প্ৰাংগণত ৰাংছালী ৰামধেনু মইনা পাৰিজাতৰ উদ্যেগত আৰু বিহালী আঞ্চলিক মাইনা পাৰিজাতৰ সহযোগত আকস্মিক বক্তৃতা প্ৰতিযোগিতা অনুষ্ঠিত হয়। বিহালী আঞ্চলিক মইনা পাৰিজাতৰ ১২ টা শাখাৰ মাজত এই প্ৰতিযোগিতা অনুষ্ঠিত কৰে ৰাংছালী ৰামধেনু মইনা পাৰিজাতে। এই অনুষ্ঠানটোত বিশেষ ভাৱে উদ্যোগ লয় ৰাংছালী যুৱক সমাজৰ কৰ্মী তথা ৰামধেনু মইনা পাৰিজাতৰ সম্পাদক অৱনী হাজৰীকাই।
এই অনুষ্ঠানত বিহালীৰ বিভিন্ন প্ৰান্তৰ কণ কণ শিশু ছাত্ৰ-ছাত্ৰী সকলে অংশগ্ৰহণ কৰে এই প্ৰতিযোগিতাত। এই প্ৰতিযোগিতাত অতিথি হিচাপে উপস্থিত থাকে সমাজ কৰ্মী মহম্মদ আলি, দিপক শৰ্মা, শিক্ষক বিশ্বজিৎ ৰয়, শুকদেব বৰুৱা, কাৰ্তিক দাস, বিবেকানন্দ দাস, আৰু বহুকেইগৰাকী গন্য মান্য ব্যক্তি তথা মহিলা আৰু যুৱক যুবতি।
দক্ষিণ আফ্ৰিকাত উপস্থিত হোৱাৰ পাছতে কঠোৰ অনুশীলনত নামি পৰিছে ভাৰতীয় দলটো। টেষ্ট শৃংখলা আৰম্ভ হোৱাৰ প্ৰাকমুহূৰ্তত প্ৰথম অনুশীলনত নামি পৰিছে দলটো। ভাৰতীয় দলটোৰ অনুশীলনৰ দৃশ্যপট বিচিচিআইয়ে সামাজিক মাধ্যমত শ্বেয়াৰ কৰিছে। ভিডিঅটোত ভাৰতীয় দলৰ প্ৰশিক্ষক ৰাহুল দ্ৰাবিড় আৰু অধিনায়ক বিৰাট কোহলীক জোহান্সবাৰ্গৰ ছুপাৰস্পৰ্ট পাৰ্কত ‘ফুটভলী’ খেলি থকা দেখা গৈছে। কোহলীয়েও ইনষ্টাগ্ৰামত এখন ফটো পোষ্ট কৰিছে। কেপচনত কোহলীয়ে লিখিছে, ‘প্ৰথম ছেছনৰ অনুশীলনৰ সামৰণি পৰিছে।‘
কোহলীয়ে পোষ্ট কৰা ছবিখনত উমেশ যাদৱ, মহম্মদ ছিৰাজ, ঈশান্ত শৰ্মা, জয়ন্ত যাদৱ, ৰবিচন্দ্ৰন অশ্বিন আৰু চেতেশ্বৰ পূজাৰাক একেটা ফ্ৰেমতে দেখিবলৈ পোৱা গৈছে। ভিডিঅ’টোত প্ৰথমে কোহলী আৰু দ্ৰাবিড়ক দৌৰি থকা দেখা গৈছে। উল্লেখ্য যে, ভাৰত আৰু দক্ষিণ আফ্ৰিকাৰ মাজত অনুষ্ঠিত হবলগীয়া প্ৰথম টেষ্ট মেচখন ২৬ ডিচেম্বৰত চেঞ্চুৰিয়ানত অনুষ্ঠিত হ’ব। সম্প্ৰতি কোহলী ব্ৰিগেডে জোহান্সবাৰ্গৰ এটা ৰিজৰ্টত বাহৰ পাতি আছে।
কৰ’না মহামাৰীৰ প্ৰতি লক্ষ্য ৰাখি ভাৰতীয় দলটোক বিশেষ সুৰক্ষা-ব্যৱস্থাৰ মাজত ৰখা হৈছে। আগন্তুক মেচখনক লৈ আশাবাদী ভাৰতীয় অনুৰাগী। নানা বাদ-বিবাদে ভাৰতীয় ক্ৰিকেট বৰ্ডক চুই গলেও দক্ষিণ আফ্ৰিকাৰ বিৰুদ্ধে সবল স্থিতি লাভ কৰাৰ লগতে ভাৰতীয় দলটোৱে নিজ মতত অলৰ-অচৰ-অবিচল হৈ থকাৰে পোষকতা ক্ৰীড়ানুৰাগীৰ।
অসম ৰাজ্যিক সাংবাদিক সন্থা গোলাঘাট জিলা সমিতিখন আজি পূৰ্ণাংগ ৰূপত গঠন কৰি কাৰ্যভাৰ প্ৰদান কৰা হয় ৷ সেই উপলক্ষে বাদুলিপাৰ আঞ্চলিক সাংবাদিক সন্থাৰ আতিথ্যত বাদুলিপাৰৰ ভোলাগুৰি লাচিত ক্লাৱত অনুষ্ঠিত হোৱা সভাত সভাপতিত্ব কৰে গোলাঘাট জিলা সাংবাদিক সন্থাৰ ভাৰপ্ৰাপ্ত সভাপতি বুবুল দত্তই ৷ গোলাঘাট জিলা সাহিত্য সভাৰ সভাপতি পবিত্ৰ বৰবৰাই উদ্বোধন কৰা অনুষ্ঠানটোৰ উদ্দেশ্য ব্যাখ্যা কৰে গোলাঘাট জিলা সাংবাদিক সন্থাৰ ভাৰপ্ৰাপ্ত সম্পাদক পৱন কামানে ৷
অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা,জেষ্ঠ সাংবাদিক তথা প্ৰকৃতি প্ৰেমী অপূৰ্ব ভল্লব গোস্বামী,অসম ৰাজ্যিক সাংবাদিক সন্থাৰ সাংগঠনিক সম্পাদিকা তথা কবি পলিমা চেতিয়া বসুমতাৰীয়ে বক্তব্য প্ৰদান কৰে৷ গোলাঘাট জিলাৰ বিভিন্ন প্ৰান্তৰ পৰা অহা দুকুৰিৰো অধিক সাংবাদিকৰ উপস্থিতিত থকা অনুষ্ঠানতোত অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱা আৰু সাংগঠনিক সম্পাদিকা পলিমা চেতিয়া বসুমতাৰীৰ তত্ত্বাৱধানত পৰাগ বৰুৱা সভাপতি আৰু পৱন কামানক সম্পাদক হিচাপে লৈ পূৰ্ণাংগ সমিতিখন গঠন কৰি দায়িত্ব ভাৰ প্ৰদান কৰে৷
অসমৰ আগশাৰীৰ সাহিত্য-সংস্কৃতিমূলক অনুষ্ঠান বাসনা সাহিত্য গোষ্ঠীৰ ২০২১ বৰ্ষৰ বিভিন্ন ক্ষেত্ৰৰ বঁটা প্ৰদান অনুষ্ঠান অলপতে গুৱাহাটী প্ৰেছ ক্লাবত এক গাম্ভীৰ্যপূৰ্ণভাবে অনুষ্ঠিত হৈ যায়। এই অনুষ্ঠানতে আজাৰাৰ নিৰ্মলা শৰ্মাক “সুন্দৰ সাধনা বঁটা -২০২১” প্ৰদান কৰা হয়। অনুষ্ঠানত বিশিষ্ট সাহিত্যিক ডালিমী কোঁৱৰ, অজিত দত্ত, ৰণাল্ডো টাইড,ৰত্নেশ্বৰ বসুমতাৰী,ৰিজু হাজৰিকা প্ৰমুখ্যে ভালেকেইগৰাকী বিশিষ্ট ব্যক্তি উপস্থিত থাকে। উল্লেখ যে ভাৰতীয় বায়ু সেনাৰ প্ৰাক্তন চাৰ্জেণ্ট সুভাষ শৰ্মাৰ পত্নী নিৰ্মলা শৰ্মা ভাৰতীয় বায়ু সেনা বাহিনীৰ প্ৰী নাৰ্চাৰী স্কুল বৰঝাৰৰ এগৰাকী শিক্ষয়িত্ৰী।
