আজি ষঠ পূজা ৷কাতি মাহৰ শুক্লপক্ষৰ ষষ্ঠী তিথিত ষঠ পূজা পালন কৰা হয় ৷ মহাভাৰতৰ দিনৰ পৰাই এই ষঠ পূজা চলি আহিছে ৷ ইয়াৰ সম্পৰ্কে বিভিন্ন কাহিনী আছে৷ ইয়াৰে এটা ইতিহাস মতে, পাণ্ডৱে  কৌৰৱৰ লগত জুৱাত বহি ৰাজপাট হেৰুৱাৰ পিছত দ্ৰোপদীয়ে উপবাসে থাকি ষঠ পূজা কৰাৰ পিছত পুনৰ ৰাজপাট ঘূৰাই পাইছলি, তেতিয়াৰ পৰাই এই পূজা পালন কৰা হয় । আৰু অন্য এক পুৰণী কাহিনীমতে ৰজা প্ৰিয়ম্বদ নিঃসন্তান হোৱাত সূৰ্যক পূজা কৰি পুত্ৰ লাভ কৰিছিল, তেতিয়াৰ পৰাও ষঠ পূজা পালন কৰা হয় বুলি কোৱা হয় বুলি লোক বিশ্বাস।এনে বিভিন্ন কাহিনী ষঠ পূজাৰ সম্পৰ্কত আছে ৷ ৷সূৰ্য আৰু ষঠ দেৱীক ভাই ভনী বুলি কোৱা হয়, সেয়ে সূৰ্য দেৱতাক পূজা কৰিলে মনোকামনা পূৰ্ণ হয় বুলি কোৱা হয়৷দেশৰ বিভিন্ন প্ৰান্তৰ লগতে ধুবুৰীতো বিভিন্ন স্থানত ষঠ পূজা পালন কৰা হৈছে ৷ বিশেষকৈ ভোজপুৰী সম্প্ৰদায়ৰ  হিন্দু ধৰ্মাৱলম্বীলোকৰ বাবে ই এক পবিত্ৰ পূজা যদিও ইয়াত সকলো ধৰ্ম বৰ্ণ নিৰ্বিশেষে এই পবিত্ৰ ষঠ পূজা পালন কৰা  পৰিলক্ষিত হৈছে ৷  এই পূজাৰ বিশেষত্ব হৈছে মাৰ যোৱা সূৰ্যক  পূজা কৰা হয়৷ অতি ভক্তি আৰু শুদ্ধমনেৰে  পবিত্ৰভাবে এই পূজা কৰা হয়৷ পূজাকৰা মহিলাসকলে আগদিনাৰ পৰা এটুপি পানী নোখোৱাকৈ  কঠিন ব্ৰত ৰাখে ৷ আবেলি পাচিত বিভিন্ন ফলমূল ধূপ দীপ নৈৱদ্য আদি লৈ ষঠ পূজাৰ ঘাটলৈ ভক্তগণে আহি পশ্চিমত মাৰ যাবলৈ ধৰা সূৰ্যক পূজা  অৰ্চনা কৰে৷ সূৰ্য মাৰ যোৱাৰ লগে লগে পূজাৰ সকলো নৈৱেদ্য মুৰত পাচিত লৈ ঘৰ মুখে যাত্ৰা কৰে পুনৰ পিছৰ দিনা সূৰ্য উদয় হোৱাৰ আগতে পূজাৰ স্থলীত উপস্থিত হৈ উদিত সূৰ্যক পূজা কৰে ৷ এই পূজা ভাগ বিভিন্ন ভক্তগণে পূজা স্থলিত সমাগম  হয় যদিও চৰকাৰে বান্ধি দিয়া কভিদৰ সকলো SOP  মানি অতি উলহমালহেৰে ধুবুৰীৰ মেলা ঘাট, পঞ্চুঘাট, কাছাৰী ঘাট ব্ৰহ্মপুত্ৰ নদী আৰু গদাধৰ নদী পাৰঘাট আদি ঠাইত উখল মাখল পৰিবেশৰ মাজেৰে উদযাপন কৰা হয় ষঠ পূজা।

আজি মৰিগাঁও জিলাৰ লাহৰীঘাট খন্ড উন্নয়ন বিষয়াৰ কাৰ্যালয়ৰ কমিনিউটি হলত দিনৰ ১২ বজাত মৰিগাঁও AHSUS Foundation   ৰ উদ্যোগত প্ৰশিক্ষণ প্ৰাপ্ত সংখ্যালঘু সম্প্রদায়ৰ মহিলা সবলীকৰণৰ মান পত্র প্ৰদান কৰাৰ বাবে এখনি আনুষ্ঠানিক সভা অনুষ্ঠিত হয়।  মুকলি সভাটি সঞ্চালনা কৰে AHSUS foundation ৰ প্রধান সঞ্চালক তথা জিলাৰ জেষ্ঠতম সাংবাদিক উপেন চন্দ্র ডেকাই। গোটেই অনুষ্ঠানটিৰ আঁত ধৰে AHSUS foundation ৰ প্ৰধান সচিব আহাদ উল্লাহ হাজৰিকাই। মূখ্য অতিথি হিচাপে অৱসৰপ্ৰাপ্ত আৰক্ষী অধীক্ষক আব্দুল কুদ্দুছ ডাঙৰীয়া উপস্থিত আছিল। অনুষ্ঠানটিত ৭ টা আত্ম সহায়ক গোটৰ ১৭৫ জনী প্ৰশিক্ষণ প্ৰাপ্ত মহিলাক মানপত্র প্ৰদান কৰা হয়। উল্লেখ্য যে বিগত ১২ অক্টোবৰত কাঠনি গাঁও পঞ্চায়তৰ কমিনিউটি হলত ৭ টা আত্ম সহায়ক গোটৰ মহিলা সকলক AHSUS foundation ৰ উদ্যোগত নঈ- ৰশ্মি আঁচনিৰ জৰিয়তে সংখ্যালঘু সম্প্রদায়ৰ মহিলা সকলক মহিলা সবলীকৰণৰ ওপৰত ৬ দিনীয়া প্ৰশিক্ষণ শিবিৰ পাতি প্ৰশিক্ষণ দিয়াইছিল। আজি তাৰেই লগত সংগতি ৰাখি প্ৰশিক্ষণত সুখ্যাতিৰে উৰ্ত্তীণ হোৱা মহিলা সকলকআনুষ্ঠানিক ভাবে প্ৰ পত্র প্ৰদান কৰা হয়। অৱশ্যে মুকলি সভাত মহিলা সবলীকৰণৰ ওপৰত বিশেষ আলোচনাৰ কাৰ্যসূচীও ৰখা হয়। 

লাহৰীঘাটত ছাইবাৰ অপৰাধীত জড়িত এগৰাকী ছাইবাৰ অপৰাধী  আৰক্ষীৰ জালত ।লাহৰীঘাট থানাৰ ভাৰপ্ৰাপ্ত বিষয়া অদিত বড়োৰ  তৎপৰতাত লাহৰীঘাটত অব্যাহত থকা ছাইবাৰ ক্ৰাইমৰ এগৰাকী অপৰাধীক  দোৱামাৰীৰ পৰা আৰক্ষীয়ে গ্ৰেপ্তাৰ কৰে । গ্ৰেপ্তাৰ হোৱা ছাইবাৰ অপৰাধীজনৰ নাম ৰাজিবুল ইছলাম।ছাইবাৰ অপৰাধীটোৰ পৰা আৰক্ষীয়ে 52 টা চীম কাৰ্ড,2 টা মবাইল ছেট আৰু 16 টা এ টি এম কাৰ্ড জব্দ কৰে ।এই ছাইবাৰ অপৰাধীজনে মবাইলত বিভিন্ন ধৰণৰ এপচ ব্যৱহাৰ কৰি বিভিন্ন জন ব্যক্তিৰ নামত ভূৱা আধাৰ কাৰ্ড আৰু ছিমকাৰ্ড ব্যৱহাৰ কৰি  লোণ লোৱাৰ দৰে ঘটনা সংঘটিত কৰি আহিছে ।উল্লেখ্য যে কোনো ব্যক্তিয়ে নিজে অৱগত নোহোৱাকৈয়ে তেওঁলোকৰ নামত ভূৱা লোণ উঠাইছিল এই ছাইবাৰ অপৰাধীটোৱে ।যাৰ ফলত অঞ্চলটোত বহু দিনৰ পৰাই এক চাঞ্চল্যই বিৰাজ কৰি আছিল।লাহৰীঘাট আৰক্ষীয়ে এই অপৰাধীজনক আটক কৰাত অঞ্চলটোৰ বহু ব্যক্তিয়ে সুস্হিৰ নিশ্বাস এৰিছে।এই ছাইবাৰ অপৰাধীজনৰ বিৰুদ্ধে770/21নম্বৰত  120(B)/419/420/468/471/406/34,R/W sention 66(C)/66 D IT Act অধীনত গোচৰ ৰুজু কৰি জেল হাজতলৈ প্ৰেৰণ কৰে।

সমগ্ৰ ৰাজ্যৰ  লগতে  ওদালগুৰি জিলাৰ  মাজবাটৰ গনেশ ঘাটত দুদিনিয়া কাৰ্যসূচীৰে  উলহ মালহেৰে ষট্ পূজা উদযাপন কৰে  সদৌ অসম হিন্দী ভাষি যুৱ ছাত্র পৰিষদৰ  মাজবাট আঞ্চলিক সমিতিৰ  উদ্যোগ ও মাজবাট বাসি ৰাইজৰ সহযোগত দুদিনিয়া কাৰ্যসূচীৰে  সূৰ্য দেৱতাক আৰধনা আৰু পৰিয়ালৰ অপায় অমংগল দূৰ কৰিবলৈ বিভিন্ন ভাষা ভাষী ভক্ত প্ৰান ৰাইজে  ষট্ পূজা পালন কৰে। লগতে নৈ ঘাটত সূৰ্য দেৱতাক পূজা অৰ্চনাও কৰে। মাজবাটৰ ফুলগুৰি নৈৰ গনেশ   ঘাটত মাজবাট অঞ্চলৰ  শ শ ভক্ত প্ৰান ৰাইজে সূৰ্য উদয় আৰু সূৰ্য অস্ত ৰ এই দুয়োটা সময়ত ভক্তি অৰ্চনাৰে ষট্ পূজা উদযাপন কৰে। পূজা পৰিচালনা সমিতিৰ সভাপতি ৰাকেশ ৰায় সম্পাদক অজয় ছাহৰ উপস্থিতিত বিশিষ্ট অতিথি হিসাবে উপস্থিত থাকে ৭০ নম্বৰ মাজবাট বিধান সভা সমষ্টিৰ স্থানীয় বিধায়ক চৰন বড়ো, ৩৯ নম্বৰ পাচঁনৈ ছেৰফাং বি টি আৰ পৰিষদীয়  এম চি এল এ দীপক মৌৰ,মাজবাট ৰাজহ চক্রৰ চক্র বিষয়া উৎপল কুমাৰ ডেকা মাজবাট আৰক্ষী থানাৰ ভাৰপ্ৰাপ্ত আৰক্ষী বিষয়া মিন্টু সন্দিকৈ আদিৰ লগতে মাজবাট অঞ্চলৰ বিশিষ্ট ব্যক্তি সকল উপস্থিত থাকে বুলি পুজা পৰিচালনা সমিতিৰ উপদেষ্টা ৰাজকুমাৰ প্রসাদ ও কৈলাশ চৌধুৰীয়ে সাংবাদিকক জানিবলৈ দিয়ে।

সমগ্র ভাৰত বৰ্ষৰ লগতে অসমৰ মৰিগাঁও জিলাৰ লাহৰীঘাটতো বিহাৰী হিন্দু লোক সকলে  লাহৰীঘাটৰ শিৱ মন্দিৰৰ ঘাটত কেবা শতাধিক বিহাৰী হিন্দু ভক্তপ্ৰাণ পৰিয়ালে সূৰ্য দেৱতাক সন্তোষ্ট কৰিবৰ বাবে ষট পূজা ওলহ মালহেৰে সম্পন্ন কৰে। ষট পূজা অৱশ্যে আগদিনা সূৰ্য ডুব যোৱাৰ আগত আৰু পিছদিনা সূৰ্য উদয় হোৱাৰ সময়ত ভক্ত সকলে নিজৰ মনোকামনা পূৰণ হোৱাৰ বাবে সূৰ্য দেৱতাক আৰাধনা কৰে। বিশেষকৈ ষট পূজাত বাৰেবৰণৰ ফলমূলৰ লগতে কুঁহিয়াৰ আৰু বাকি পূজাৰ সমগ্র প্ৰয়োজনীয় সামগ্রী আদি ব্যৱহাৰ কৰা হয়। অৱশ্যে এই ষট পূজা আজি দোকমোকালিতো অনুষ্ঠিত হয়   কাৰণ সূৰ্য উদয়ৰ লগত সান্নিধ্য আছে বুলি ভক্ত সকলে জনাইছে। 

মুখ্যমন্ত্ৰী যোগী আদিত্যনাথে ১৫ নৱেম্বৰত কাশী বিশ্বনাথ মন্দিৰত মূৰ্তিটো পবিত্র কৰিব। মূৰ্তিটোৰ উচ্চতা ১৭ চেমি, প্ৰস্থ ৯ চেমি আৰু ডাঠ ৪ চেমি। প্ৰায় ১00 বছৰ আগতে বাৰাণসীৰ পৰা চুৰি হোৱা আৰু শেহতীয়াকৈ কানাডাৰ পৰা উদ্ধাৰ কৰা দেৱী অন্নপূৰ্ণাৰ এটা বিৰল মূৰ্তি ১৫ নৱেম্বৰত বিখ্যাত কাশী বিশ্বনাথ মন্দিৰত স্থাপন কৰা হ’ব।কেন্দ্ৰীয় চৰকাৰে বৃহস্পতিবাৰে দিল্লীৰ এক অনুষ্ঠানত মূৰ্তিটো উত্তৰ প্ৰদেশ চৰকাৰক হস্তান্তৰ কৰিব। কেন্দ্ৰীয় ৰাজ্যিক মন্ত্ৰী মীনাক্ষী লেখিয়ে বৃহস্পতিবাৰে কৈছিল যে চৰকাৰে মা অন্নপূৰ্ণাৰ মূৰ্তি আজি উত্তৰ প্ৰদেশ চৰকাৰক হস্তান্তৰ কৰিব।লেখিয়ে কয়, “প্ৰায় ১০০ বছৰ আগতে বাৰাণসীৰ পৰা চুৰি হোৱা মা অন্নপূৰ্ণাৰ এটা মূৰ্তি শেহতীয়াকৈ কানাডাৰ পৰা উদ্ধাৰ কৰা হৈছিল। মূৰ্তিটো ১৫ নৱেম্বৰত কাশী বিশ্বনাথ মন্দিৰত স্থাপন কৰা হ’ব। ভাৰত চৰকাৰে আজি মা অন্নপূৰ্ণাৰ মূৰ্তি উত্তৰ প্ৰদেশ চৰকাৰক হস্তান্তৰ কৰিব।”লেখিয়ে আজি দিল্লীৰ নেচনেল গেলেৰী অৱ মডাৰ্ণ আৰ্টত দেৱতাক প্ৰাৰ্থনা জনাইছিল। দিনটোৰ পিছত, মূৰ্তিটো দিল্লীৰ পৰা আলিগড়লৈ লৈ যোৱা হ’ব। তাৰ পৰা ইয়াক ১২ নৱেম্বৰত কানাউজলৈ লৈ যোৱা হ’ব আৰু অৱশেষত ১৪ নৱেম্বৰত অযোধ্যাত উপস্থিত হ’ব।মুখ্যমন্ত্ৰী যোগী আদিত্যনাথে ১৫ নৱেম্বৰত কাশী বিশ্বনাথ মন্দিৰত মূৰ্তিটো পবিত্র কৰিব। মূৰ্তিটোৰ উচ্চতা ১৭ চেমি, প্ৰস্থ ৯ চেমি আৰু ডাঠ ৪ চেমি।কেন্দ্ৰীয় মন্ত্ৰী জি কিষাণ ৰেড্ডীৰ মতে, প্ৰধানমন্ত্ৰী নৰেন্দ্ৰ মোদীৰ কাৰ্যকালত ২০১৪ চনৰ পৰা ৪২ টা বিৰল ঐতিহ্যৰ শিল্পকলা দেশলৈ ঘূৰাই দিয়া হৈছে।আনহাতে ১৯৭৬ আৰু ২০১৩ চনৰ ভিতৰত, মাত্ৰ ১৩ টা বিৰল মূৰ্তি আৰু চিত্ৰ ভাৰতলৈ অনা হ’ব পাৰে। বৰ্তমান, বিদেশত ১৫৭ টা ভাস্কৰ্য আৰু চিত্ৰ চিনাক্ত কৰা হৈছে। তেওঁলোকক ভাৰতলৈ ঘূৰাই অনাৰ বাবে কেইবাখনো দেশৰ সৈতে আলোচনা চলি আছে।