সৰ্বভাৰতীয় পৰ্যায়ৰ  ২৭ সংখ্যক বডোফা উপেন্দ্ৰ নাথ ব্ৰহ্ম স্বৰ্ণকাপ ফুটবল প্ৰতিযোগিতাখনি  ৬নবেম্বৰত  ওদালগুৰি জিলা ক্ৰীড়া সন্থাৰ উদ্যোগত আৰু খেল পৰিচালনা সমিতিৰ সহযোগত ওদালগুৰিৰ নলবাৰী খেলপথাৰত অনুষ্ঠিত হৈছে।
এই উপলক্ষে দিনৰ ২ বজাত জিলা ক্ৰীড়া সন্থাৰ পতাকা উত্তোলন কৰে ওদালগুৰি জিলা ক্ৰীড়া সন্থাৰ সভাপতি তথা প্ৰাক্তন মন্ত্ৰী ৰিহন দৈমাৰীয়ে। খেল পৰিচালনা সমিতিৰ  মুখ্য আহ্বায়ক ৰতেন্দ দৈমাৰীয়ে আতঁধৰা অনুষ্ঠানত বডোফা উপেন্দ্ৰ নাথ ব্ৰহ্মৰ প্ৰতিচ্ছবিত মাল্যাৰ্পণ কৰে নিখিল বড়ো ছাত্ৰ সন্থাৰ সভাপতি দ্বিপেন বড়োই।ইয়াৰ পিছতেই বেলুন আৰু শান্তিৰ বগা পাৰ চৰাই উৰুৱা  অনুষ্ঠানত অংশ গ্ৰ্হন কৰে ক্ৰমে-নিখিল  বড়ো ছাত্ৰ সন্থাৰ সভাপতি দ্বিপেন বড়ো, প্ৰাক্তন মন্ত্ৰী ৰিহন দৈমাৰী,বিটিচিৰ উপমুখ্য কাৰ্যবাহী তথা বিধায়ক গোবিন্দ চন্দ্ৰ বসুমতাৰী,বিটিচিৰ প্ৰাক্তন অধ্যক্ষ ত্ৰিদীপ দৈমাৰী,বিএচিৰ প্ৰাক্তন ডেপুটি চীফ তথা বডোফা উপেন্দ্ৰ নাথ ব্ৰহ্ম স্বৰ্ণকাপ প্ৰতিযোগিতাৰ প্ৰতিষ্ঠাপক সভাপতি প্ৰদীপ কুমাৰ দৈমাৰী,ওদালগুৰি জিলা এবচুৰ সভাপতি লোহিত বড়ো,অসম ফুটবল সন্থাৰ সহকাৰী সম্পাদক প্ৰনীল দৈমাৰী,বিটিচিৰ ই  এম ঘনশ্যাম দাস,ওদালগুৰি পৌৰ সভাৰ সভাপতি ৰাকেশ বড়ো,জিলা ক্ৰীড়া প্ৰাধিকাৰী চৌমদৌম মোছাহাৰী,মেচ কমিছনাৰ সুব্ৰত সিঙে,টিচিৰ এমচিএল সঞ্জয় স্বৰ্গীয়াৰী আৰু ফ্ৰেচ মোছাহাৰী আদিকে ধৰি কেইবাগৰাকীও বিশিষ্ট অতিথিয়ে।

খেলৰ আৰম্ভনিতে জিলা ক্ৰীড়া সন্থাৰ সভাপতি তথা প্ৰাক্তন মন্ত্ৰী ৰিহন দৈমাৰীয়ে খেলুৱৈ আৰু অতিথি সকলৰ প্ৰতি আদৰণি ভাষন আগবঢ়ায়।ইয়াৰ পিছতেই বিটিচিৰ ডেপুটি চীফ তথা বিধায়ক গোবিন্দ চন্দ্ৰ বসুমতাৰীয়ে খেলখন উদ্বোধন কৰে।আজি অৰগেং ক্লাব (ডিমাকুছি)আৰু নিউ মডেল স্পষ্ট’চ ক্লাব (ওদালগুৰি)ৰ মাজত অনুষ্ঠিত তীব্ৰ উত্তেজনাপূৰ্ব  উদ্ধোধনী খেলত  নিউ মডেল স্পষ্ট’চ ক্লাবৰ খেলুৱৈ চুকুৰ সিঙে খেলৰ প্ৰথমাৰ্ধৰ ১মিনিট,২২ মিনিট,৪০ মিনিটত একোটাকৈ আৰু ২২,৩১ মিনীটত বিননে দুটা স্ক’ৰ কৰে। অৱশ্যে খেলৰ দ্বিতীয়াৰ্ধৰ ৪৩ মিনিটত ডিমাকুছিৰ অৰগেং ক্লাবৰ ষ্টাইকাৰ সুদীপ দৈমাৰীয়ে এটা আৰু ৬২ মিনিটত ৰবী কোচে এটাকৈ স্ক’ৰ কৰি ৫-২ সমতালৈ আনে।ফলত উদ্ধোধনী খেলত ওদালগুৰিৰ নিউ মডেল স্পষ্ট’চ ক্লাবে ডিমাকুছিৰ অৰগেং ক্লাবক ৫-২ গলৰ ব্যৱধানত পৰাজিত কৰি পৰৱৰ্তী ৰাউণ্ডত প্ৰবেশ কৰে।খেল পৰিচালনা কৰে দিশ্বজিৎ দৈমাৰী,বুদ্ধ বসুমতাৰী,বাবুৰাম দৈমাৰী আৰু দ্বিজেন্দ্ৰ মোহনে।

৬নবেম্বৰত পোহৰৰ উৎসৱ তিহাৰৰ অন্তিম দিন যাক ভাতৃ দ্বিতীয়া, ভাইটিকা,অথবা ভাইদৌজ বুলিও কোৱা হয়|কাতি শুক্ল পক্ষৰ দ্বীতিয়া তিথিত পালন কৰা এই পৰ্ৱটি বিশেষ ধৰণে পালন কৰা হয়| বাই-ভনী হঁতে নিজৰ দাদা-ভাই হঁতক কপালত টিকা লগাই, মালা পিন্ধাই, সুস্বাদু আহাৰ খুৱাই বস্ত্ৰ আদি দি মৰম স্নেহৰ আদান প্রদাণ কৰে| ককাই-ভাই হঁতেও বাই-ভনী হঁতক কপালত গোলাকৃতিৰ ফোট দি ধন বিনিময় কৰি ভৰিত সেৱা কৰি আশীৰ্ৱাদ গ্ৰহণ কৰে|কিচুমানে বাই-ভনী হঁতৰ পৰা ধন ধাৰে লৈ জুৱা খেলিবলৈও যোৱা দেখা যায়| ভাইটিকা টো আছলতে দীর্ঘ দিন ধৰি দেখা সাখ্যাত নোহোৱা ভতৃ-ভগ্নী হঁতক একেলগ কৰি মৱৰ স্নেহৰ আদান প্রদান কৰা আৰু সম্বন্ধত আহিব ধৰা দূৰত্ব হ্রাস কৰি পৰিয়ালৰ সকলো লোককে একতাৰ এনাজৰীৰে বান্ধি ৰাখিবৰ কাৰণে পালন কৰা হয়|ভাইটিকাৰ আগতেই বাই-ভনী হঁতে পান চুপাৰি আদি দি ককাই ভাই হঁতক আমন্ত্রন জনায়|ভাইটিকাৰ দিনা বাই-ভন্টী হঁতে ৰাতিপূৱাই উঠি গা-পা ধূই প্ৰথমে অষ্ট-চিৰণজীৱিৰ পূজা কৰে,তাৰ পাছত চাকি বন্তি জ্বলাই কলচ স্হাপন কৰি গণেশৰ পূজা কৰে|তাৰ পাছত বিমিৰাৰ(এবিধ নেমু)পূজা কৰা হয়| তাৰ পাছত ককাই-ভাই হঁতৰ মংগল কামনা কৰি দৰ্জাত ওখল তথা যমৰাজৰ পূজাকৰি,ওখল ভঙি পেলাই দিয়া হয়|কালৰ ৰাস্তা বন্ধ কৰিবৰ কৰণে ভাই হঁতক ছেকা (সুৰক্ষা দিয়া) হয়|তাৰ পাছত ফুল,অক্ষতা,চন্দন,আতৰ লগাই পূজা কৰি চুলিত তেল খানি আৰ্চি প্ৰদৰ্শন কৰি চুলিও আচুৰি দিয়া হয়|তাৰ পাছত বাই-ভনী হঁতে ককাই ভাই হঁতৰ যশ,ঐচৰ্য্য,সুৰক্ষা,দীৰ্ঘায়ু, কামনা কৰি কপালত সপ্তৰঙী টিকা লগাই দিয়ে আৰু মখমলী বা চয়পত্রী বা দুবো(এবিধ পূজাত লগা ঘাঁহ)ৰ মালা পিন্ধাই মূৰত ঢাকা টুপি পিন্ধাই দিয়ে| এটেৱেই হৈছে গোৰ্খা সকলৰ ভাইটিকা| ওৰাং,ধনশ্ৰীঘাট,ৰৌতা আদি গোৰ্খা জনগোষ্ঠীৰ মাজত ভাইটিকা উৎসবটো অনুষ্ঠিত হৈ যায় ৷

বিভিন্ন প্ৰান্তৰ লগতে  মাজবাটত সুধাকণ্ঠ স্মৃতি ৰক্ষা সমিতিৰ উদ্যোগত আৰু মাজবাট বাসী ৰাইজৰ সহযোগত সুধাকণ্ঠ ড° ভূপেন হাজৰিকাৰ দশম বাৰ্ষিক স্মৃতি দিৱসটি ৫ আৰু ৬ নৱেম্বৰ তাৰিখে দুদিনীয়া বৰ্ণাঢ্য কাৰ্যসূচীৰে উদ্ যাপন কৰা হয়।
সুধাকণ্ঠ ড° ভূপেন হাজৰিকাৰ দশম বাৰ্ষিক স্মৃতি দিৱসৰ প্ৰথম দিনৰ কাৰ্যসূচী পুৱা ৫ বজাত প্ৰভাত ফেৰিৰে অনুষ্ঠিত হোৱাৰ পিছতে পুৱা ১০ বজাত সুধাকণ্ঠৰ প্ৰতিমূৰ্ত্তিত  মাল্যাৰ্পণ আৰু বন্তি প্ৰজ্বলন কৰা হয় । ১১ বজাত  সুধাকণ্ঠৰ স্মৃতিত গছপুলি ৰোপন আৰু সন্ধিয়া ৫বজাত  সুধাকণ্ঠ ড°ভূপেন হাজৰিকাৰ প্ৰতিমূৰ্ত্তিৰ বেদীত সমুহীয়াকৈ বন্তি প্ৰজ্বলনেৰে প্ৰথম দিনৰ কাৰ্যসূচী সমাপ্ত কৰা হয় । ৬ নবেম্বৰ তাৰিখে দ্বিতীয় দিনৰ প্ৰথম কাৰ্য্যসূচী দিনৰ ১-৩০ বজাত ছাত্ৰ- ছাত্ৰী সকলৰ মাজত  কুইজ প্ৰতিযোগিতা , ৩-৩০ বজাত ভূপেন্দ্ৰ সংগীত প্ৰতিযোগিতা , সন্ধিয়া ৫ বজাত মাজবাটস্থ জেষ্ঠ নাগৰিক , লেখিকা সমিতি আৰু মহিলা সমিতিৰ দ্বাৰা সমবেত সংগীত পৰিৱেশন কৰাৰ পিছতে  ভূপেন্দ্ৰ সংগীতৰ ওপৰত দলীয় নৃত্য প্ৰতিযোগিতা আৰু সন্ধিয়া ৬-৩০ বজাত স্থানীয় ন- পুৰণি আৰু আমন্ত্ৰিত শিল্পীৰ দ্বাৰা সুধাকণ্ঠৰ ওপৰত গীত- নৃত্যৰ অনুষ্ঠান অনুষ্ঠিত হ’য়। দশম বাৰ্ষিক সুধাকণ্ঠ ড° ভূপেন হাজৰিকাৰ স্মৃতি দিৱসৰ লগত সংগতি ৰাখি ৭০ নং মাজবাট বিধানসভা সমষ্টিৰ বিধায়ক চৰণ বড়ো আৰু ৩৯ নং পাঁচনৈ চেৰফাং বিটিছি পৰিষদৰ কাৰ্যবাহী সদস্য দীপক মৌৰক সুধাকণ্ঠ স্মৃতি ৰক্ষা সমিতিৰ পৰা সম্বৰ্দ্ধনা জনোৱা হয় ।