মৰিগাঁও জিলাৰ লাহৰীঘাট থানাৰ অন্তৰ্গত কাঠনি পাৰঘাটত  লাহৰীঘাট আৰক্ষীয়ে চলাচল স্থগিত  ৰাখিছে ৪৭ খন ভুটভুটি নাওঁ। জানিব পৰা মতে দৰং জিলাৰ ছিপাঝাৰৰ ধলপুৰৰ ঘটনাৰ লগত সংগতি ৰাখি  জিলা প্ৰশাসনে এই সিদ্ধান্ত লোৱা হৈছে।প্ৰশাসনে স্থগিত কৰা ভুটভুটি নাওঁ বোৰ ব্ৰহ্মপুত্ৰ নদীৰ উত্তৰ পাৰৰ কেবাটাও চৰৰ পৰা কাঠনি পাৰঘাটলৈ অনা হৈছে।

বৰপেটা জিলাৰ গাওঁ পঞ্চায়ত সমূহত দুবছৰৰ অধিক সময় ধৰি একে ঠাইতে কাম কৰি থকা ঠিকাভিত্তিক ২৮২ জন বিষয়া-কৰ্মচাৰীক একেদিনাই বদলি কৰা হৈছে। ৰাজ্য চৰকাৰৰ নিৰ্দেশ অনুসৰি পোন প্ৰথমবাৰৰ বাবে লটাৰী যোগে কৰ্মচাৰী  সকলৰ বদলিৰ স্থান নিশ্চিত কৰা হয়।  জিলা তথ্য আৰু জনসংযোগ বিষয়া বিকাশ শৰ্মাই জনোৱা মতে জিলা উপায়ুক্ত তেজ প্ৰসাদ ভূচালৰ নেতৃত্বত গঠিত এখন উচ্চ পৰ্যায়ৰ সমিতিৰ পৰিচালনাত যোৱা শণিবাৰে এই উদ্দেশ্যে অনুষ্ঠিত হোৱা লটাৰী যোগে কৰ্মচাৰী সকলৰ নতুন কৰ্মস্থলী নিশ্চিত কৰা হয়। উল্লেখযোগ্য যে শেহতীয়াকৈ ৰাজ্য চৰকাৰে বিভিন্ন বিভাগৰ তৃতীয় আৰু চতুৰ্থ বৰ্গৰ কৰ্মচাৰী বদলিৰ ক্ষেত্ৰত উপায়ুক্ত সকলক ক্ষমতা প্ৰদানৰ বাবে লোৱা সিদ্ধান্ত অনুসৰি পঞ্চায়ত আৰু গ্ৰামোন্নয়ন বিভাগৰ অধীনত বিভিন্ন গাঁও পঞ্চায়তত   ঠিকাভিত্তিক নিয়োজিত হৈ থকা বিষয়া- কৰ্মচাৰী সকলৰ বদলিৰ বাবে উপায়ুক্তক সভাপতি আৰু জিলা পৰিষদৰ মুখ্য কাৰ্যবাহী বিষয়াক সদস্য সচিব হিচাপে লৈ এখন চাৰিজনীয়া সমিতি গঠন কৰি দিয়ে। যোৱা শুক্ৰবাৰে জিলা গ্ৰামীণ বিকাশ অভিকৰণৰ সভাকক্ষত অনুষ্ঠিত হোৱা সমিতিৰ বৈঠকত উপায়ুক্ত আৰু মুখ্য কাৰ্যবাহী বিষয়াৰ উপৰি ৰাজ্যৰ পঞ্চায়ত আৰু গ্ৰামোন্নয়ন আয়ুক্তৰ কাৰ্যালয়ৰ যুটীয়া সচিব ললিতা দেৱী সদস্য হিচাপে উপস্থিত থাকে। তদুপৰি সংশ্লিষ্ট উন্নয়ন খণ্ডৰ বিষয়া গৰাকীকো সমিতিৰ সদস্য হিচাপে ৰখা হয়। এই বৈঠকত সমগ্ৰ বিষয়টোৰ স্বচ্চতা ৰক্ষাৰ স্বাৰ্থত লটাৰী যোগে বদলিৰ স্থান নিশ্চিত কৰা হয়। সেই অনুসৰি বিভিন্ন পঞ্চায়তত যোৱা দুবছৰৰ অধিক দিন একে ঠাইতে নিয়োজিত হৈ থকা ৭৩ জন স্বীকৃতিপ্ৰাপ্ত অভিযন্তা, ৭১ জন গাওঁ পঞ্চায়ত সমন্বয়ক, ৯১ জন গাওঁ পঞ্চায়ত ৰোজগাৰ সহায়ক, ২৪ জন হিচাপ সহায়ক, ১৬ জন কম্পিউটাৰ সহায়ক আৰু ৭ জন খণ্ড আঁচনি প্ৰৱন্ধকক একেদিনাই  একেটা নিৰ্দেশৰ ভিত্তিত বদলি কৰা হয়। স্বচ্চতা ৰক্ষাৰ স্বাৰ্থত সমগ্ৰ লটাৰী প্ৰক্ৰিয়াৰ ভিডিও ৰেকৰ্ডিং কৰা হয়। এনেদৰে উপায়ুক্ত গৰাকীৰ ব্যক্তিগত তৎপৰতাত একেদিনাই ইমান বৃহৎ সংখ্যক বিষয়া-কৰ্মচাৰীক এনেদৰে কোনো বক্ৰ পথৰ আশ্ৰয় নোলোৱাকৈ সম্পূৰ্ণ নীতিগতভাবে কৰা বদলিৰ কাৰ্যক সচেতন মহলে ভূয়শী প্ৰশংসা কৰিছে।

অসম আৰক্ষীৱে গৰু চোৰাং বেহা ৰোধ কৰাৰ বাবে বিগত দিন কেইটাত বহু প্ৰচেষ্টা হাতত লৈছিল যদিও ধুবুৰী জিলাৰ মাজেদি  গোপনে গৰুৰ চোৰাং বেহা অব্যাহত থকাৰ সময়ত যোৱা নিশা প: বংগৰ পৰা পৰা  বাহনৰে চোৰাং গৰু ধুবুৰী জিলাৰ মাজেদি বাংলাদেশ লৈ সৰবৰাহ কৰাৰ সময়ত আৰক্ষীৱে অভিযান চলাই বাহন সহ ৬ টা গৰু জব্দ কৰাৰ ঘটনাত চাঞ্চল্যৰ সৃষ্টি হৈছে। ঘটনাৰ সম্পর্কে ধুবুৰী জিলাৰ আৰক্ষী অভিজিৎ গুৱাৰী জনায়, যোৱা নিশা প:বংগৰ পৰা WB-63B,  4552 নম্বৰৰ ভেন গাড়ীৰে চোৰাং গৰু ছাগলীয়া সীমান্তৰে   ১৭ নং ৰাষ্ট্ৰীয় ঘাইপথ ৰে প্ৰবেশৰ দেখা পাই আগমনী, ছাগলীয়া আৰক্ষীৱে গাড়ীখন ৰখাবলৈ চেষ্টা কৰে। যদিও  চোৰাং কাৰবাৰীৰ দলটোৱে তীব্র বেগৰে গাড়ি লৈ পলাই যাবলৈ চেষ্টা কৰোতে ই আৰক্ষীৱে গাড়ী লক্ষ্য কৰি গুলিবর্ষণ কৰে। বাধ্য হৈ গাড়ী ৰখাই দলটোৱে পলাই যায়। আৰ ক্ষীৱে ঘটনা স্থলীৰ পৰা বাহনটো জব্দ কৰাৰ লগতে ৬ টা চোৰাং গৰু জব্দ কৰে। 

বিশ্বজুৰি উদযাপিত হ’বলগীয়া ‘বিশ্ব পৰ্যটন দিৱস’ৰ সৈতে সংগতি ৰাখি আজি পুৱা গুৱাহাটীৰ দীঘলীপুখুৰীৰপৰা পবিতৰা অভিমুখী এটি চাইকেল ৰেলীৰ ফ্লেগ অফ্ কৰে ক্ৰীড়া মন্ত্ৰী বিমল বৰাই । অসম চৰকাৰৰ পৰ্যটন বিভাগৰ দ্বাৰা আয়োজিত এই চাইকেল ৰেলীৰ উদ্দেশ্য হৈছে ৰাজ্যৰ সৰ্বাংগীন বিকাশ আৰু উন্নয়নত পৰ্যটনৰ ভূমিকাক উদযাপিত কৰা।উক্ত চাইকেল ৰেলীত অসম পৰ্যটন উন্নয়ন নিগমৰ উপাধ্যক্ষ শ্ৰী নৱদ্বীপ কলিতা , পৰ্যটন বিভাগৰ উচ্চপদস্থ বিষয়াসকলৰ লগতে বহু উৎসাহী চাইক্লিষ্টসকলে অংশগ্ৰহণ কৰে।

আজি অসম প্ৰশাসনিক পদাধিকাৰী মহাবিদ্যালয়ত সতীৰ্থ মন্ত্ৰী ড০ ৰণোজ পেগুৰ উপস্থিতিত চুতীয়া জাতীয় সন্মিলন, সদৌ চুতীয়া ছাত্ৰ সন্থা, চুতীয়া যুৱ সম্মিলন আৰু চুতীয়া মহিলা সন্মিলনকে ধৰি চুতীয়া সম্প্ৰদায়ৰ সংগঠনসমূহৰ প্ৰতিনিধিসকলৰ সৈতে এখন বৈঠকত মিলিত হয় মুখ্যমন্ত্ৰী ড০ হিমন্ত বিশ্ব শৰ্মা। চুতীয়া সম্প্ৰদায়ৰ বিভিন্ন বিষয় সম্পৰ্কীয় আলোচনা আৰু সম্প্ৰদায়টোৰ সামগ্ৰিক বিকাশৰ বাবে এক ৰূপৰেখা প্ৰস্তুত কৰাৰ লগতে তেখেতসকলক ইয়াৰ কাৰ্যকৰীকৰণৰ আশ্বাস প্ৰদান কৰে মুখ্যমন্ত্ৰী ড০ হিমন্ত বিশ্ব শৰ্মাই৷

ধুবুৰীৰ ভাৰত – বাংলাদেশ সীমান্তৰ ভোগডহৰ চৰাঞ্চলৰ পৰা দুৰ্ধৰ্ষ ডকাইতক গ্ৰেপ্তাৰ ।আটকাধীন ডকাইত জনৰ পৰা ৪ টা ছোলাৰ পেলেট সহ ২ টা বেটাৰী উদ্ধাৰ । ধুবুৰীৰ এ এম কো ৰোড আৰক্ষী চকীৰ আৰক্ষীয়ে এক গোপন সুত্ৰে চলাইছিল এই সকল দূৰ্ধষ  ডকাইতৰ বিৰুদ্ধে অভিযান , এই ডকাইত জনে এক  চোকা অস্ত্ৰৰে  ভাবুকি প্ৰদান কৰে কৃষ্ণক ৰাইজক ।স্থানীয় ৰাইজৰ ভাষ্য অনুসৰি ধুবুৰীৰ ভোগডহৰ চৰাঞ্চলত চৰকাৰে বিনামূলীয়াকৈ যোগান ধৰিছিল এই সমুহ ছোলাৰ , ধুবুৰীৰ ভাৰত – বাংলা সীমান্তত থকা চৰাঞ্চলৰ বিভিন্ন স্কুল শিক্ষাপ্ৰতিষ্ঠানৰ লগতে  কৃষক ৰাইজৰ  খেতিপথাৰত পানী যোগানৰ বাবে চৰকাৰে দিছিল এই সমুহ ছোলাৰ । আৰক্ষীয়ে উল্লেখ কৰা মতে  এখন ছোলাৰৰ মুল্য আছিল প্ৰায় ৪৯ হাজাৰ টকা ,ইয়াৰ পাছত ডকাইত জন ভোগডহৰৰ কাঈম ভাষানী নজৰ আলী খানৰ পুত্ৰ ৰফিকুল খান বুলি চিনাক্ত কৰিছে আৰক্ষীয়ে । ঘটনাস্থলীৰ পৰা আন দুগৰাকী ডকাইতৰ পলায়ন , ছোলাৰ পেলেট আৰু বেটাৰী সমূহ বাংলাদেশত চালান দিয়াৰ বাবে ডকাইতি কৰি আনি নিজৰ ঘৰত  ৰাখিছিল এই সমুহ সামগ্ৰী । বৰ্তমান এই সন্দৰ্ভত আৰক্ষীয়ে তদন্ত অব্যাহত ৰাখিছে ।