ক’ভিড সৃষ্ট জটিল পৰিস্থিতিৰ সুযোগ লৈ এচাম ব্যৱসায়ীয়ে খাদ্যৰ নামত বৰবিহ বিক্ৰী কৰাৰ অভিযোগ উত্থাপন হৈছে। একাংশ অসাধু ব্যৱসায়ীয়ে ম্যাদ উকলি যোৱা খাদ্য সামগ্ৰী গ্ৰাহকক যোগান ধৰি  জনস্বাস্থ্যৰ প্ৰতি ভয়াবহতাৰ সৃষ্টি কৰিছে। তেনে এক ঘটনা পোহৰলৈ আনিছে চৰাইদেউ জিলাৰ সদৰ সোণাৰিৰ এগৰাকী গ্ৰাহকে। জানিব পৰা মতে গ্ৰাহক গৰাকীয়ে সোণাৰিৰ এখন বিপনীৰ পৰা ৰাজস্থানৰ বিখ্যাত পাপৰ প্ৰস্তুত প্ৰতিষ্ঠান চৌধুৰী এণ্ড কোম্পানীৰ এক পেকেট পাপৰ ক্ৰয় কৰি অনাৰ পাছত ঘৰত পেকেটটো খোলাৰ পাছত দেখে যে পাপৰবোৰ ভেঁকুৰ উঠি নষ্ট হৈ পৰিছে। পৰৱৰ্তী সময়ত গ্ৰাহক গৰাকীয়ে পাপৰৰ পেকেটটোত পাপৰ প্ৰস্তুত সম্পৰ্কীয় তাৰিখ, মূল্য আৰু ওজন সম্বন্ধীয় তথ্য লিখা ঠাইখিনি চোৱাত সংশ্লিষ্ট ঠাইৰ লগতে সমগ্ৰ পেকেটটোৰ কোনো ঠাইতে এই সম্পৰ্কীয় একো তথ্যৰ উল্লেখ বিচাৰি নাপায়। ইফালে পেকেটটোত গ্ৰাহক সেৱাৰ বাবে যিটো নম্বৰ উল্লেখ কৰা হৈছে সেই নম্বৰটোত কোনো কাৰণতে কল কৰা সম্ভৱপৰ নহয়। এবাৰ ৰিং হোৱাৰ পাছতেই নম্বৰটোত সংযোগ বিচ্ছিন্ন হৈ পৰে। এই ঘটনাৰ বাবে সমগ্ৰ বিষয়টো অধিক ৰহস্যাবৃত হৈ পৰিছে।কাৰণ দেশৰ অন্যতম পাপৰ প্ৰস্তুত প্ৰতিষ্ঠান চৌধুৰী এণ্ড কোম্পানীৰ প্ৰচুৰ জনপ্ৰিয়তা থকাৰ সুযোগ লৈ কোনো অসাধু চক্ৰই নিম্নমানৰ পাপৰ প্ৰস্তুত কৰি সেয়া বজাৰত মেলি দিয়াৰ দৰে  ঘটনা সংঘটিত কৰিছে  নে ম্যাদ উকলি যোৱা পাপৰৰ পেকেটৰ পৰা সমুদায় তথ্য নোহোৱা কৰি স্থানীয় ভাবে কোনো অসাধু ব্যৱসায়ী মহলে এনে দুষ্কাৰ্য সংঘটিত কৰিছে সেয়া চিন্তাৰ বিষয় হৈ পৰিছে।

মহামাৰী ক’ভিড  ভাইৰাছৰ দ্বিতীয় পৰ্যায়ৰ লহৰে সমগ্ৰ দেশৰ লগতে অসমতো ভয়াৱহ ৰূপ ধাৰণ কৰিছে । সেয়ে দেশ তথা  ৰাজ্যখনত  ক’ভিড-১৯ ৰ  বিধি মানি চলা হৈছে  । এই কভিডৰ  ভয়াবহতাৰ প্ৰতি লক্ষ্য ৰাখি ইয়াক প্ৰতিহত কৰিবলৈ ৰাজ্য চৰকাৰে  মাস্ক পিন্ধা , সততে চাবোনেৰে হাত ধোৱা, চেনিটাইজ কৰা ,টিকা লোৱা , সামাজিক দূৰত্ব বজাই ৰখা আদি কেইবাটাও বিধি মানি চলিবলৈ বাধ্যতামূলক নিয়ম জাৰি কৰিছে । কিন্তু এনেকুৱা এটা  ভাল সন্ধিক্ষণতো ওদালগুৰি জিলাৰ বৃহত্তৰ ৰৌতা অঞ্চলতটোত দেখা যায় ইয়াৰ বিপৰীত ছবি । চৰকাৰে কঠোৰ ভাৱে বান্ধি দিয়া নীতি-নিয়মক আওকাণ  কৰি একাংশ লোকে এতিয়াও  নিজৰ লগতে আনৰো  বিপদ চপাই অনা পৰিলক্ষিত হৈছে । উদাহৰণ স্বৰুপে ৰৌতা চাৰিআলি চহৰৰ মাজমজিয়াত আজি   মাস্ক  নিপিন্ধা লোক সকলৰ  বিৰুদ্ধে ৰৌতা  আৰক্ষী  থানাৰ আৰক্ষী আৰু চিআৰপিএফ সকলে কঠোৰ  হাতেৰে স্হিতি গ্ৰহণ  কৰিবলৈ বাধ্য হয় ।  মাস্ক পৰিধান নকৰা মহিলা পুৰুষকে ধৰি  সকলোকে  ৰৌতা আৰক্ষী থানাৰ মেজৰ দেৱ ৰাম স্বৰ্গীয়াৰী লাঠী জোঁকাৰি  চিঞৰি  চিঞৰি  সকলোকে মাস্ক পিন্ধিবলৈ  সৈমান কৰাৰ লগতে  সামাজিক দায়ৱদ্ধতাৰে সততে দূৰত্ব বজাই ৰাখিবলৈ ৰৌতা চাৰিআলি চহৰখনৰ মাজমজিয়াত আজি আহ্বান জনায় । কাৰণ ওদালগুৰি জিলা কাৰাগাৰৰ পৰা অহা এজন কাৰাবন্দী  প্ৰমুখ্যে বৰ্তমান ৰৌতা আদৰ্শ   ক’ভিড  চিকিৎসালয়ত ৩১ জন লোক ভৰ্তি হৈ চিকিৎসাধীন অৱস্থাত থকাৰ উপৰিও অঞ্চলটোত  প্ৰতিদিনে  ৰেপিড এন্টিজেন টেষ্টত কভিডৰ পজিটিভ ওলাই আছে  । 

নগাঁও আৰক্ষীয়ে আজি পুৱাৰ ভাগত অভিযান চলাই হয়বৰগাও আৰক্ষী চকীৰ অন্তৰ্গত কাটিমাৰিৰ পৰা হেৰইন সহ দুজন   ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হয় । নগাঁও আৰক্ষীৰ সীমান্ত শাখাৰ অতিৰিক্ত আৰক্ষী অধীক্ষক মানস শইকীয়াৰ নেতৃত্বত আৰু হয়বৰগাও আৰক্ষী চকীৰ ভাৰপ্ৰাপ্ত বিষয়া পূলক কুমাৰৰ সহযোগত যোৱা আৰক্ষীৰ দলে এই অভিযান চলাইছিল । এই অভিযানত নগাঁও আৰক্ষীয়ে অপৰাধ নিয়ন্ত্ৰণৰ বাবে গঠন কৰা ৰাইডাৰ স্কোৱাডে সক্ৰিয় ভূমিকা পালন কৰে। ইকবাল নামৰ মষ্ট ৱাটেন্ড  ড্ৰাগছ ব্যৱসায়ী টোৱে চনু ৰবি দাস নামৰ আন এটা অপৰাধীৰ সৈতে আত্মগোপন কৰি আছিল হেৰাপট্টিৰ এটা ঘৰত। আৰক্ষীৰ দলটোৱে সমগ্ৰ অঞ্চলটো ঘেৰি পুৱাৰে পৰা অভিযান চলাই ইকবালক এটা পইণ্ট ২২ পিষ্টল আৰু ১৪গ্ৰাম ব্ৰাউন ছুগাৰ সহ গ্ৰেপ্তাৰ কৰে।নগাঁৱৰ অতিৰিক্ত আৰক্ষী অধীক্ষক মানস শইকীয়াই জনোৱা মতে , এক গোপন সুত্ৰৰ পম খেদি আমি ৰাইডাৰ স্কোৱাডক লগত লৈ এই অভিযান চলাইছিলো । অভিযানৰ সময়ত আমি কাটিমাৰিৰ ইকবাল হুছেইন (১৯) আৰু চুনু ৰবিদাস(৩৩) নামৰ দজন ড্ৰাগছ সৰবৰাহকাৰীক গ্ৰেপ্তাৰ কৰাৰ লগতে তেওঁ লোকৰ পৰা ১৪ গ্ৰাম হেৰইন আৰু এটা হস্ত নিৰ্মিত পিস্তল আৰু কিছু পৰিমাণৰ সজীৱ গুলি উদ্ধাৰ কৰা হয় । আৰক্ষী বিষয়া গৰাকীয়ে লগতে জানিবলৈ দিয়ে যে নগাঁও আৰক্ষী অধীক্ষক আনন্দ মিশ্ৰৰ নিৰ্দেশ মৰ্মে জিলাখনত অপৰাধ মূলক কাম কাজৰ বিৰুদ্ধে অভিযান তীব্ৰতৰ কৰি তোলা হৈছে । জিলা আৰক্ষীয়ে গঠন কৰা ৰাইডাৰ স্কোৱাডে এই অভিযান সফল কৰি তোলাত সক্ৰিয় ভূমিকা গ্ৰহণ কৰিছে । উল্লেখ যে , নগাঁও আৰক্ষীয়ে জিলাখনত ড্ৰাগছ আৰু অপৰাধ জনিত ঘটনাৰ বিৰুদ্ধে ব্যাপক অভিযান অব্যাহত ৰাখিছ। নগাঁও আৰক্ষী অধীক্ষক হিচাবে আনন্দ মিশ্ৰই যোগদান কৰাৰ পিছৰে পৰা নগাঁও জিলাত আৰক্ষীয়ে ড্ৰাগছ আৰু অপৰাধ জনিত ঘটনাৰ বিৰুদ্ধে ব্যাপক অভিযান অব্যাহত ৰাখিছে । আজি ৯ দিনৰ ভিতৰত নগাঁও আৰক্ষীয়ে বুজন পৰিমাণৰ ড্ৰাগছ সহ বহু কেইজনক লোকক  গ্ৰেপ্তাৰ কৰিবলৈ সক্ষম হয় ।ইপিনে ইকবালক গ্ৰেপ্তাৰৰ পিছতে ঘটনাস্থলীত উপস্থিত হয় নগাঁও আৰক্ষী অধীক্ষক আনন্দ মিশ্ৰ। আৰক্ষী অধীক্ষক গৰাকীয়ে ঘটনাস্থলী পৰিদৰ্শন কৰাৰ লগতে সেই অঞ্চলৰ ৰাইজক এনে অপৰাধীক প্ৰশ্ৰয় দিয়াৰ পৰা বিৰত থাকিবলৈকো আহ্বান জনাই।

দুলীয়াজানত ড্ৰাগছৰ বিৰুদ্ধে আৰক্ষীৰ অভিযান,বৃহৎ পৰিমাণৰ হিৰইন-গাঞ্জা উদ্ধাৰ,মহিলাসহ পাঁচজনক আটক

Inbox

সমগ্ৰ ৰাজ্যখনতে এচাম যুৱ প্ৰজন্মই সামাজিকভাৱে নিষিদ্ধ কানি,ভাং ,ড্ৰাগছকে আদি কৰি বিভিন্ন নিচাযুক্ত দ্ৰব্য সেৱন কৰি নিজৰ লগতে  সমাজখনক অন্ধকাৰ দিশলৈ লৈ গৈছে ৷ তিনিচুকীয়া জিলাখনতো মাৰাত্মক ড্ৰাগছৰ অবাধ প্ৰচলন অৱ্যাহত আছে| বিশেষকৈ জিলাখনৰ মাৰ্ঘেৰিটাৰ মহকুমাৰ অন্তৰ্গত  বিভিন্ন ঠাইত মুকলিকৈয়ে নিষিদ্ধ ড্ৰাগছৰ বেহা ৰমৰমীয়া বেহা চলে বুলি কলেও বঢ়াই কোৱা নহ’ব |একাংশ অসাধু লোকৰ সহজতে ধন ঘটাৰ মানসিকতা বাবেই উঠি অহা নৱ প্ৰজন্মক তিল তিলকৈ মৃত্যুৰ মুখলৈ ঠেলি দিয়া হৈছে।বৰ্তমান অৱশ্যে  অসম আৰক্ষীয়ে ড্ৰাগছৰ বিৰুদ্ধে যথেষ্ট সক্ৰিয় হোৱা পৰিলক্ষিত হৈছে।ৰাজ্যৰ বিভিন্ন প্ৰান্তত প্ৰতিদিনেই জব্দ হৈছে বৃহৎ পৰিমানৰ ড্ৰাগছ ,কানিকে আদি কৰি ভিন্ন নিচাযুক্ত সামগ্ৰী।আজিও তিনিচুকীয়া জিলাৰ পেঙেৰী থানাৰ অন্তৰ্গত মুগংপথাৰত ড্ৰাগছ আৰু কানিসহ চাৰিজনলোকক স্থানীয় গাওঁৰক্ষীৰ আৰু স্থানীয় লোকে  আটক কৰি পেঙেৰী আৰক্ষীক গতাই দিয়ে । আটক কৰা লোককেইজনৰ হল ক্ৰমে-লম্বিত মাচে ওৰফে হুচেইন (৫৮)কেটেতং ১নং দিবং নিৱাসী , পদম বাহাদুৰ চেত্ৰী ওৰফে পদে(৫৬)ডিগবৈ , ঢেকীয়াজান নিৱাসী , প্ৰদীপ শ্বাহ ওৰফে বাবা(৩০) কেটেতং, ১ নং ডিবং নিৱাসী আৰু  ৰামু কিষান( ৩২)|ইনথেম ,মাইচাংপানী নিৱাসী| তেওঁলোকে ব্যৱহাৰ কৰা চাৰিখন মটৰচাইকেলো আৰক্ষীক চমজাই দিয়া হয়| ড্ৰাগছ আৰু কানিৰ  লগত জড়িত মূল ব্যক্তি গঙ্গা বাহাদুৰ কাৰ্কী নামৰ লোকজন পলাই হাৰিবলৈ সক্ষম হয়| লোকজনৰ সন্ধানত স্থানীয় ৰাইজে বৰ্তমানেও অভিযান অব্যাহত ৰাখিছে| কোনো কাৰণতে অঞ্চলটোত কানি , ড্ৰাগছ আদি মাদ্ৰক দ্ৰব্যৰ বিৰুদ্ধে  এই অভিযান অনাগত দিনতো চলি থাকিব্ বুলি স্থানীয় ৰাইজে স্পষ্ট কৰি দিছে|