নতুনকৈ নগাঁও জিলাৰ আৰক্ষী অধীক্ষকৰ দায়িত্ৱ লোৱাৰ পাছতে ড্ৰাগছ মাফিয়াৰ বিৰুদ্ধে এছ পি আনন্দ মিশ্ৰৰ অভিযান।নগাঁৱৰ বটদ্ৰৱাত ব্ৰাউন ছুগাৰ আৰু হেৰ’ইনসহ আটক কৰিলে ড্ৰাগছ সৰবৰাহকাৰীক।বটদ্ৰৱাৰ কদমনিত আটক চিৰাজুল ইছলাম নামৰ এটা ড্ৰাগছ সৰবৰাহকাৰী। ৩২গ্ৰাম হেৰ’ইন আৰু ১২পেকেট ব্ৰাউন ছুগাৰ জব্দ কৰে চিৰাজুলৰ পৰা।নৱনিযুক্ত আৰক্ষী অধীক্ষক আনন্দ মিশ্ৰৰ নেতৃত্ৱত নগাঁও ড্ৰাগছমুক্ত হ’ব বুলি আশা কৰিছে জিলাবাসীয়ে।

বকো বিধান সভা  সমষ্টিৰ ছমৰীয়া উন্নয়ন খণ্ডৰ অন্তৰ্গত বিভিন্ন পঞ্চায়তত একাংশ ঠিকাদাৰৰূপী জনপ্ৰতিনিধিয়ে পঞ্চায়তী কাম-কাজত লুণ্ঠন চলাবলৈ আৰম্ভ কৰা আৰু সংশ্লিষ্ট বিভাগক সেই লুণ্ঠনৰ অভিযোগ একাংশই বাৰম্বাৰ দিয়া স্বত্বেও ফল নধৰাত বিবুদ্ধিত পৰিছে ৰাইজ। শেহতীয়াকৈ ৪৬ নং ৰাঙ্গাপানী গাঁও পঞ্চায়ত সভানেত্ৰী ৰংফুল নেছাৰ বিৰুদ্ধে একাংশই দুৰ্নীতিৰ অভিযোগ আঙুলিয়াই আ্ৰতিবাদ সাৱ্যস্ত কৰাটোৱে তাকেই প্ৰতিপন্ন কৰিছে। আজি ৪৬ নং ৰাঙ্গাপানী গাঁও পঞ্চায়তত পঞ্চায়ত সভানেত্ৰীৰ কালভাৰ্ট নিৰ্মানৰ কামত ব্যাপক দুৰ্নীতি হোৱা বুলি অভিযোগ তুলি  ৰাইজে এক প্ৰতিবাদ সাৱ্যস্ত কৰে। প্ৰাপ্ত অভিযোগ মৰ্মে-৪৬ নং ৰাঙ্গাপানী গাঁও পঞ্চায়তৰ ৮ নং ৱাৰ্ডত কালভাৰ্ট এটাৰ বাবদ ৩ লাখ টকাৰ আবণ্টন কৰা হৈছিল ,সেইমৰ্মে কালভাৰ্টৰ কামো সম্পূৰ্ণ হৈ উঠিল যদিও অতি নিম্নমানৰ। মুঠ ৩ লাখ টকাৰ মাত্ৰ ৯০ হাজাৰ মান টকাৰে কালভাৰ্টৰ কাম কৰি বাকী ২ লাখ ১০ হেজাৰ টকা পঞ্চায়ত সভানেত্ৰী ৰংফুল নেছাই উদৰস্থ কৰা বুলি অভিযোগ উত্থাপন কৰিছে ৰাইজে |আনহাতে ছমৰীয়া উন্নয়ন খণ্ডৰ খণ্ড উন্নয়ন বিষয়া গৰাকীক সভানেত্ৰী গৰাকীৰ দুৰ্নীতি-অনিয়ম সন্দৰ্ভত ৰাইজে বাৰম্বাৰ অভিযোগ দাখিলৰ পাছতো কোনো ধৰণৰ গুৰুত্ব নিদিয়া বুলিও ৰাইজে অন্য এক অভিযোগ উত্থাপন কৰে। আনকি আজি অঞ্চলটোৰ এখন ফুটব্ৰীজ নিৰ্মানৰ দুৰ্নীতিৰ অভিযোগৰ তদন্তৰ বাবে প্ৰথমে খণ্ড উন্নয়ন বিষয়া গৰাকী ৰাঙ্গাপানীলৈ যোৱাৰ কথা থকা স্বত্বেও সেই স্থানলৈ নগৈ মাহতলীৰ পৰা উভতি যোৱা খৱৰ পাই ৰাঙ্গাপানীৰ সচেতন ৰাইজে ক্ষোভ উজাৰিছে। ৰৰইজে আজি পঞ্চায়ত সভানেত্ৰী ৰংফুল নেছাৰ কালভাৰ্ট নিৰ্মানত ব্যাপক দুৰ্নীতি সংঘটিত হোৱাৰ অভিযোগ তুলি শীঘ্ৰে তদন্তৰ দিহাৰে নিয়মানুসাৰে কৰ্মসম্পাদনৰ দাবী জনাইছে। 

কেন্দ্ৰীয় চৰকাৰৰ অভিলাষী আঁচনিৰ অধীনত ৰাষ্ট্ৰীয় ঘাই পথ সম্প্ৰসাৰণৰ কাম ২০১৪ চনতে আৰম্ভ হৈছিল যদিও আজি পৰ্যন্ত সম্পূৰ্ণ হৈ উঠা নাই।বিগত সময়ত বিভিন্ন বহুজাতিক প্ৰতিস্থানে নিৰ্মাণৰ কাম অব্যাহত ৰাখিছিল আৰু শেহতীয়াকৈ লিংকন এণ্ড ডিগ্নিটি নামৰ এক ঠিকাদাৰ প্ৰতিষ্ঠানে যোৰহাট বাইপাছৰ পৰা জাঁজীলৈকে কামৰ দ্বায়িত্ব লৈছিল।কিন্তু লিংকনৰ কামত যথেষ্ট আসোঁৱাহ প্ৰত্যক্ষ কৰি বিভিন্ন সময়ত টীয়কৰ দল সংগঠন সচেতন ৰাইজে উৰ্ধতম কৰ্তৃপক্ষক অভিযোগ উত্থাপিত কৰিছিল।শেহতীয়াকৈ উৰ্ধতম কৰ্তৃপক্ষৰ লগত টীয়কৰ সচেতন সমাজ এক বৈঠকত মিলিত হৈ প্ৰতিস্থানটোৱে কৰা প্ৰতিটো কামৰ আসোঁৱাহ আঙুলিয়াই দিছিল আৰু কৰ্তৃপক্ষও পুণৰীক্ষণৰ আশ্বাস দিছিল যদিও কাৰ্যত সকলো ফোটোকাৰ ফেনত পৰিণত হৈছে।এই দৃশ্য টীয়কৰ জগদুৱাৰ তিনিআলিৰ।নৱনিৰ্মিত পথৰ ওপৰত এজাক বৰষুণতে বানপানী।ৰাইজে নিৰ্মাণৰ সময়ত বাৰম্বাৰ অভিযোগ দিছিল যে পূৰ্বৰ পথতকৈ নৱনিৰ্বাচিত পথটোৰ উচ্চতা কম হোৱাৰ বাবে বাৰিষা কৃত্ৰিম বাণপানী হোৱা আশংকা থাকিব।তৎসত্তেও প্ৰতিস্থানটোৱে ৰাইজৰ অভিযোগৰ প্ৰতি কাণসাৰ নিদি কাম চলাই নিছিল।ৰাইজৰ অভিযোগ আজি আখৰে আখৰে প্ৰতিফলন ঘটিছে সমগ্ৰ টীয়ক নগৰত।সেয়ে এইবাৰ নৱনিৰ্বাচিত মুখ্যমন্ত্ৰীগৰাকীক উক্ত কাম-কাজত নিজে হস্তক্ষেপ কৰি চৰকাৰী ধনৰ সদব্যৱহাৰ কৰি ৰাইজক উপহাৰ দিবলৈ আহ্বান জনাইছে।

নাজিৰা মহকুমাত ক’ভিড আক্ৰান্তৰ সংখ্যা বৃদ্ধি পাই অহাৰ পৰিপ্ৰেক্ষিতত মহকুমা প্ৰশাসনৰ তৎপৰতা বাঢ়ি আহিছে। মহকুমাধিপতি লখিমী দত্তই নাজিৰা মহকুমা অন্তৰ্গত বিভিন্ন চাহ বাগান সমূহ নিজেই পৰিদৰ্শন কৰে আৰু ক’ভিডৰ বিষয়ে বুজ লোৱাৰ উপৰিও বাগান সমূহৰ প্ৰবন্ধক সকলৰ সৈতে এক আলোচনাত মিলিত হয়। এই আলোচনাত মহকুমাধিপতি গৰাকীয়ে বহু সংখ্যক গুৰুত্বপূৰ্ণ পদক্ষেপ হাতত তুলি লয়। তেখেতে স্পষ্ট ভাষাত প্ৰবন্ধক সকলক ক’ভিড পৰিস্থিতিৰ সন্দৰ্ভত সষ্টম হৈ উঠিবলৈ আহ্বান জনায়। লগতে বাগান সমূহ তথা বাগানৰ কৰ্মকৰ্তাৰ পৰিষ্কাৰ পৰিচ্ছন্নতাৰ ওপৰত অধিক মনোনিবেশ কৰিবলৈ  মহকুমাধিপতি গৰাকীয়ে পৌৰসভাৰ কাৰ্য্যবাহী বিষয়া সুজাতা গগৈক চাহ বাগানৰ নদেল বিষয়া হিচাপে দায়িত্ব অৰ্পণ কৰে। তদুপৰি তেখেতে বাগানৰ প্ৰবন্ধক সকলক ক’ভিড সম্পৰ্কীয় ব্যৱস্থাৱলী সমূহ যেনে – দ্ৰুত গতিত ক’ভিদ কেয়াৰ চেণ্টাৰ নিৰ্মাণ কৰা, সামাজিক সংক্ৰমণ ৰোধ কৰিবলৈ নিৰৱিচ্ছিন্ন ভাৱে ক’ভিড পৰীক্ষা সম্পন্ন কৰা, চাহ বাগানৰ কৰ্মী সন্থাৰ সৈতে ক’ভিদ মনিতৰিং কমিটি ( monitoring committee)গঠন কৰা, নিয়মীয়াকৈ সজাগতা মূলক সভা অনুষ্ঠিত কৰা, বাগানৰ মজদুৰ সকলৰ ভ্ৰমণ সন্দৰ্ভত নিৰীক্ষণ কৰা ইত্যাদি, যুদ্ধকালীন প্ৰস্তুতিৰে সম্পন্ন কৰিবলৈ আহ্বান জনায়। মহকুমাধিপতি লখিমী দত্তই কয় যে – “নাজিৰা মহকুমাত ২২ খন কৈ চাহ বাগান থকাৰ পৰিপ্ৰেক্ষিতত আমাৰ সন্মুখত যি প্ৰত্যাহ্বান আছে, সেই সকলোখিনি আমাৰ সংশ্লিষ্ট পক্ষই মুখামুখি হৈ সমাধান কৰিবলৈ সাজু হৈছে। মই নিজেই বাগান সমূহ পৰিভ্ৰমণ কৰিছোঁ আৰু লবলগীয়া ব্যৱস্থা সমূহৰ বিষয়ে প্ৰবন্ধক সকলৰ লগত আলোচনা কৰিছোঁ। বাগানৰ কোনো লোক ক’ভিডত আক্ৰান্ত হলে তেওঁলোকক  যাতে তাৎক্ষণিক ভাৱে ক’ভিড কেয়াৰ চেণ্টাৰত ভৰ্তি কৰাব পাৰি তাৰ বাবে ক’ভিড কেয়াৰ চেণ্টাৰৰ প্ৰস্তুতি ক্ষিপ্ৰতাৰে কৰিবলৈ নিৰ্দেশ দিছোঁ।” সহকাৰী আয়ুক্ত তন্মই চেতিয়াই জানিবলৈ দিয়া মতে নাজিৰা মহকুমা অন্তৰ্গত চাহ বাগান সমূহত ১৮ মে’ পৰ্য্যন্ত মুঠ ১২ জন ব্যক্তি ক’ভিডত আক্ৰান্ত হৈছিল, তাৰে ৩ জন আৰোগ্য লাভ কৰাৰ ফলত আজিৰ তাৰিখত ৯ জন ব্যক্তি ক’ভিডত আক্ৰান্ত হৈ আছে। উল্লেখ্য যে, চাহ বাগান সম্পৰ্কীয় তথ্যৰ বাবে নদেল বিষয়া সুজাতা গগৈক যোগাযোগ কৰিব পাৰে বুলি মহকুমাধিপতি লখিমী দত্তই জানিবলৈ দিয়ে।

আজি পুৱাৰ ভাগত গোলাঘাটৰ খুমটাই চাহ বাগিচাত  উত্তপ্ত পৰিস্থিতিৰ সৃষ্টি হ’য়  । খুমটাই চাহ বাগিচাৰ ক্ষুব্ধ শ্ৰমিকে ঘেৰাও কৰিলে বাগিচাৰ মুখ্য কাৰ্যালয়।  বাগিচা খনত কৰ্মৰত এগৰাকী মহিলা শ্ৰমিক ক’ভিড -১৯  ৰোগত আক্ৰান্ত হৈ মৃত্যু হোৱাৰ পিছতেই বাগিচা কৰ্তৃপক্ষৰ বিৰুদ্ধে উত্তেজিত হৈ পৰে শ্ৰমিক সকল। ক’ভিড  পজিটিভত আক্ৰান্ত হৈ মৃত্যু হোৱা মহিলা গৰাকীৰ নাম বিনু কৰ্মকাৰ। মৃত  শ্ৰমিক গৰাকী উপযুক্ত চিকিৎসা নোপোৱাৰ বাবে মৃত্যু হোৱাৰ অভিযোগ তুলিছে ক্ষুদ্ধ  শ্ৰমিক সকলে । যোৱা ১৪ মে’ত মহিলা গৰাকীৰ শৰীৰত ধৰা পৰিছিল ক’ভিড  পজিটিভ। তেতিয়াৰ পৰাই হ’ম আইছ’লেশ্যনত  আছিল মহিলা গৰাকী। বুধবাৰে পুৱতি নিশা মহিলা গৰাকী উশাহ-নিশাহ লোৱাত অসুবিধা পাই মৃত্যু বৰণ কৰে। বাগিচা কৰ্তৃপক্ষৰ লগতে চৰকাৰৰ বিৰুদ্ধে ক্ষোভ প্ৰকাশ বাগিচাৰ শ্ৰমিক সকলৰ। শ্ৰমিক সকলৰ দাবী যে এনে পৰিস্থিতিত বাগিচাখনৰ শ্ৰমিক সকলে এতিয়া কেনেধৰণে মোকামিলা কৰিব ।