হাউলীৰ জয়পুৰত বেঁকী নদীক কেন্দ্ৰ কৰি পুনৰ অবৈধ শিল-বালিৰ মহল গঢ়ি উঠিছে । বৰপেটা ৰোড বনাঞ্চালৰ হাউলী আৰক্ষী থানাৰ অন্তৰ্গত হাউলীৰ ওচৰৰ জয়পুৰ বেঁকী নদীত একাংশ অসাধু ব্যৱসায়ীয়ে পুনৰ অবৈধ  মহল গঢ়ি তুলি শিল-বালিৰ ৰমৰমীয়া ব্যৱসায় আৰম্ভ কৰা পৰলক্ষিত হৈছে । সম্প্ৰতি একাংশ লোকে অবৈধ ভাবে চৰকাৰক ৰাজহ ফাঁকি দি বনজ সম্পদৰ লুন্ঠন কাৰ্য অব্যাহত ৰখাৰ গুৰুতৰ অভিযোগ উত্থাপিত হৈছে । বন বিভাগৰ কোনো ধৰণৰ অনুজ্ঞাপত্র নোলোৱাকৈ  অবৈধ ব্যৱসায়ী সকলে একাংশ শ্ৰমিকৰ দ্বাৰা নদীৰ পৰা শিল-বালি সংগ্ৰহ কৰি আহিছে । শিল-বালি সমূহ ট্ৰাক, ট্ৰেক্টৰৰ জৰিয়তে হাউলী থানাৰ সন্মুখেৰে দৈনিক গঢ়ে ৬০ৰ পৰা এশখনকৈ গাড়ী জিলা খনৰ বিভিন্ন ঠাইত বিক্ৰী কৰি থকা হৈছে বুলি অভিযোগ উঠিছে । ইয়াৰ ফলত অসম চৰকাৰৰ বন বিভাগ লাখ লাখ টকাৰ ৰাজহৰ পৰা বঞ্চিত হব লগীয়া হৈছে । এনেদৰে বনজ সম্পদৰ লুন্ঠন কাৰ্যত ৰাইজৰ মাজত তীব্ৰ প্ৰতিক্ৰিয়া সৃষ্টি হৈছে । এনে কাৰ্য অতি সোনকালে বন্ধ কৰিবলৈ বন মন্ত্রীৰ হস্থক্ষেপ দাবী কৰিছে স্থানীয় ৰাইজে ।

ইংৰাজী নৱবৰ্ষই ডিমৌৰ শিশু সকলৰ বাবে কঢ়িয়াই আনিছে এটি সু-খবৰ । ডিমৌ ৰাজহ চক্রৰ অন্তৰ্গত তথা ডিমৌ সমীপৰ নিতাইপুখুৰী গড়ভগা গাঁৱৰ শিল্পী , কীৰ্তি শিক্ষক শিশুৰাম ভৰলুৱাই গাঁঠিৰ ধনেৰে নিজা প্ৰচেষ্টাত ঘৰতে জ্যোতিময় ৰংপুৰ নক্সালয়ৰ মুকলি কৰিছে । এই নক্সালয়ত ঐতিহাসিক কীৰ্তিচিহ্ন আৰু শিশুসকলৰ মানসিক বিকাশৰ বাবে বহু তথ্য সম্বলিত সমল থাকিব। উক্ত শিশু সংগ্ৰহালয়ত শিল্পী তথা কীৰ্তি শিক্ষক গৰাকীয়ে সন্নিৱিষ্ট কৰিছে ৰংঘৰ, বিষ্ণুদৌল,বৰটুপ,আদি বহু ঐতিহাসিক কীৰ্তিচিহ্নৰ উপৰি অসম সচিবালয়, শৰাই, জাপি, আৰু অন্যান্য বহু সমল সম্বলিত তথ্যৰে এই গৃহলৈ অহা শিশু সকলে জ্ঞান লাভ কৰিব পাৰিব । এই সন্দৰ্ভত শিল্পী শিশুৰাম ভৰলুৱাই জানিবলৈ দিছে যে, দিঘলীয়া লকডাউনত ঘৰতে থাকি জ্যোতিময় ৰংপুৰ নক্সালয়ৰ যোগেদি শিশু সকলৰ মানসিক বিকাশৰ লক্ষ্যৰে এই কৰ্মত নিয়োজিত হোৱাৰ কথা ব্যক্ত কৰিছে। যাৰ জড়িতে দুখিয়াশ্ৰেণীৰ শিশু সকলে বাহিৰলৈ নোযোৱাকে এই সমুহ উপৰত জ্ঞান লাভ কৰিবলৈ সক্ষম হব বুলি জনাইছে। এই নক্সালয়টো উদ্ধোধনী অনুষ্ঠানৰ লগত সংগতি ৰাখি দিনযোৰাকৈ এক সাংস্কৃতিক অনুষ্ঠান অনুষ্ঠিত হয়। অনুষ্ঠাত উপস্থিত শিশু সকলে গীত, নৃত্য, সংগীত পৰিবেশন কৰি উপস্থিত ৰাইজক আপ্লুত কৰে। 

থানাৰ ভিতৰতে অপৰাধীৰ হাতত প্ৰহৃত হৈ অসম আৰক্ষীক কলংকিত কৰা নগাঁৱৰ মৰিকলং আৰক্ষী চকী পুনৰ বিতৰ্কৰ আৱৰ্তত সোমাই পৰিছে। মৰিকলং আৰক্ষী চকীৰ আক্ৰমণৰ ঘটনাৰ দুমাহ উকলি যোৱাৰ পিছতো মুল অভিযুক্তক গ্ৰেপ্তাৰ কৰাত ব্যৰ্থ হোৱা নগাঁৱৰ মৰিকলং আৰক্ষীয়ে সাধাৰণ মাছ ব্যৱসায়ীক ডকা-হকা দি বজাৰত বিক্ৰী কৰিবলৈ অনা মাছ কাঢ়ি নিয়াৰ অভিযোগ উঠিছে। জানিবপৰা মতে ইদ্ৰিছ আলী নামৰ এগৰাকী মাছ ব্যৱসায়ীয়ে এই অভিযোগৰ ভিত্তিৰ মৰিকলং আৰক্ষীৰ বিৰুদ্ধে তৰিছে গোচৰ। আলীৰ অভিযোগ অনুসৰি আজি পুৱা তেঁও বজাৰলৈ মাছ বিক্ৰী কৰিবলৈ যোৱাৰ সময়ত মৰিকলং আৰক্ষী চকীৰ সন্মুখতে আৰক্ষীৰ এটা দলে তালাচীৰ বাবে ৰখাই। আৰক্ষীৰ দলটোৱে আলীৰ পৰা নগদ ১হাজাৰ টকা দাবী কৰে। কিন্তু আলীয়ে ১হাজাৰ টকাৰ পৰিৱৰ্তে ১০০টকা দিয়াত খঙতে মৰিকলং আৰক্ষীৰ দলটোৱে তেঁও বিক্ৰী কৰিবলৈ নিয়া সকলো মাছ কাঢ়ি লয়। ইয়াৰ পিছতে আৰক্ষীৰ দলটোৱে ১হাজাৰ টকা নিদিয়ালৈকে মাছ উভতাই নিদিয়াৰো ভাবুকি দিয়ে। ইদ্ৰিছ আলীয়ে তেঁওৰ মাছ খিনি ঘূৰাই দিয়াৰ বাবে বহুবাৰ অনুৰোধ জনোৱাৰ পিছতো মৰিকলং আৰক্ষীয়ে তেঁওক মাছ ঘূৰাই নিদিয়াত তেঁও উপায়হীন হৈ মৰিকলং আৰক্ষীৰ বিৰুদ্ধে আৰক্ষী চকীত এজাহাৰ প্ৰদান কৰে। এই ঘটনাৰ পিছতে ইদ্ৰিছ আলীয়ে নগাঁৱৰ সংবাদ মাধ্যমকো তেঁওক সহায়ৰ বাবে আহ্বান জনাই। আনহাতে এই সমগ্ৰ অভিযোগক অৱশ্যে নস্যাৎ কৰিছে মৰিকলং আৰক্ষীয়ে। আৰক্ষীৰ মতে ইদ্ৰিছ আলীৰ এই অভিযোগ সম্পূৰ্ণ মিছা।

একাংশ দুষ্ট প্ৰকৃতিৰ লোকৰ অপপ্ৰচাৰত ডবকাৰ চাংমাজি পথাৰত থকা ধান ক্ৰয় কেন্দ্ৰটোত ধান ক্ৰয় প্ৰক্ৰিয়া বন্ধ ৰাখিছে প্ৰশাসনে ৷ দুষ্ট চক্ৰৰ বিৰুদ্ধে ব্যৱস্থা গ্ৰহনৰ দাবী ৷ 
হোজাই জিলাৰ ডবকা ৰাজহ চক্ৰৰ অন্তৰ্গত চাংমাজি গাৱৰ ধান ক্ৰয় কেন্দ্ৰটো পুনৰ মুকলি কৰাৰ দাবীত কালি আবেলি শতাধিক ৰাইজে প্ৰতিবাদ সাব্যস্থ কৰি পৰিবেশ উত্তাল কৰি তোলে ৷ প্ৰতিবাদ কৰাৰ অন্তত ৰাইজে ডবকা ৰাজহ চক্ৰ বিষয়াক এক স্মাৰক পত্ৰওঁ প্ৰদান কৰে ৷ দুদিনমান পূৰ্বেও জিলা উপায়ুক্তৰ ওপৰত কৃষক ৰাইজে অভিযোগ দাখিল কৰিছিল। প্ৰাপ্ত তথ্য অনুসৰি হোজাই জিলাৰ যমুনামুখ সমষ্টিৰ কৃষক ৰাইজৰ প্ৰৱল দাবীৰ প্ৰতি সহাৰি জনাই অসম চৰকাৰৰ অসামৰিক যোগান পৰিসমিতিয়ে কৃষি প্ৰধান অঞ্চল ডবকাৰ চাংমাজি পথাৰ গাৱত  এটি ধান ক্ৰয় কেন্দ্ৰ স্থাপন কৰিছিল ৷ ধান ক্ৰয় কেন্দ্ৰটো স্থাপন হোৱা খবৰ পাই যমুনামুখ সমষ্টিবাসী ৰাইজ উৎফল্লিত হৈ পৰিছিল ৷ তাৰে মাজতে কেন্দ্ৰটো স্থাপন কৰাক লৈ এটি দুষ্ট চক্ৰই কেন্দ্ৰটো স্থানান্তৰিত কৰাৰ বাবেই গভীৰ ক্ষড়যন্ত্ৰ ৰচাৰ গুৰুতৰ অভিযোগ উত্থাপিত হৈছে ৷ কৃষক ৰাইজে কৰা অভিযোগ অনুসৰি ধান ক্ৰয় আৰম্ভ কৰাৰ দিনাই দুষ্ট চক্ৰটোৱে কেন্দ্ৰটোৰ বিৰুদ্ধে হকে বিহকে বিভিন্ন মাধ্যমত অপপ্ৰচাৰ কৰাৰ লগতে এক উত্তপ্ত পৰিস্থিতিৰ সৃষ্টি কৰে। এনে ধৰনৰ অপপ্ৰচাৰৰ ফলত হোজাই জিলা প্ৰশাসনে ধান ক্ৰয়ৰ প্ৰক্ৰিয়া বন্ধ কৰি দিয়ে। ধান ক্ৰয় প্ৰক্ৰিয়া বন্ধ হোৱাৰ ফলত দুখীয়া কৃষক ৰাইজৰ মাজত  এক প্ৰকাৰ হাহাকাৰ পৰিস্থিতিৰ সৃষ্টি হৈছে ৷ ৰাইজে এনে ধৰনৰ অপপ্ৰচাৰত ভূল নগৈ কেন্দ্ৰটো বন্ধ নকৰি ধান ক্ৰয়ৰ প্ৰক্ৰিয়া অৱ্যাহত ৰখা আৰু দুষ্ট চক্ৰটোৰ বিৰুদ্ধে উচিত ব্যৱস্থা গ্ৰহন কৰিবলৈ যোৱা ৩০ ডিচেম্বৰত তাৰিখে হোজাইৰ উপায়ুক্তক এখন স্মাৰক পত্ৰ প্ৰদান কৰিছিল ৷ তাৰ পাছতো ৰাইজে কোনো সুফল নোপোৱাৰো অভিযোগ উত্থাপিত হৈছে ৷ ইফালে কৃষক ৰাইজে নিজে উৎপাদন কৰা ধান উচিত মূল্যত বিক্ৰি কৰাৰ পৰা বঞ্চিত হব লগা হোৱাত ক্ষোভিত হৈ পৰে ৷ ক্ষোভিত কৃষক সকলে  চাংমাজি পথাৰ গাৱত থকা ধান ক্ৰয় কেন্দ্ৰটোৰ সন্মুখত উপস্থিত হৈ ‘ধান ক্ৰয় কেন্দ্ৰটো অতিশীঘ্ৰে মুকলি কৰক’, ‘কেন্দ্ৰৰ বিৰুদ্ধে অপপ্ৰচাৰ বন্ধ কৰক’, ‘কেন্দ্ৰ বিৰুদ্ধে ক্ষড়যন্ত্ৰ বন্ধ কৰক’,  ক্ষড়যন্ত্ৰকাৰী সকলৰ বিৰুদ্ধে ব্যৱস্থা গ্ৰহন কৰক আদি বিভিন্ন শ্লোগানেৰে সমগ্ৰ পৰিবেশ উত্তাল কৰি তুলে ৷ প্ৰতিবাদৰ অন্তত কৃষক ৰাইজে অতিশীৰ্ঘ্ৰে ধান ক্ৰয় কেন্দ্ৰটো মুকলি কৰাৰ দাবীত ডবকা ৰাজহ চক্ৰ বিষয়াক স্মাৰক পত্ৰ প্ৰদান কৰে ৷ 

পশ্চিম অসমৰ ধুবুৰী জিলাৰ বিলাসীপাৰাত মানুহ মানুহৰ বাবে  এক সুস্থ সমাজিক -সাংস্কৃতিক আৰু শৈক্ষিক আঞ্চলিক সেচ্ছাসেৱী সন্থা জোনাকী এছোছিয়েছনৰ সম্পাদক, মস্তাফিজুৰ ৰহমান আৰু লগতে কৰ্মকৰ্ত্তা সকলৰ মানৱীয় যাত্রাৰ মহান অংশ স্বৰুপে বিলাসীপাৰা বানিয়াপৰা আৰু বাতাপাৰা অঞ্চল সমূঁহৰ দৰিদ্ৰ -নিপিঢ়িত ব্যক্তি সকলৰ মাজত  আজি নৱবৰ্ষৰ দ্বিতীয় দিনা খনত কম্বল বিতৰণ কাৰ্য্যসূচী ৰূপায়ণ কৰে।

উল্লেখ্য বিতৰণ কাৰ্য্যসূচী খনত জোনাকী এছোছিয়েছনে বিলাসীপাৰা আৰক্ষী নিৱেশৰ টাউন পৰিদৰ্শক প্ৰনৱ দলেৰ নিজৰ কৰ্তব্য দায়িত্বৰ প্ৰতি লক্ষ্য ৰাখি এখন মানপত্র প্ৰদান কৰে, ইয়াৰ উপৰিও বিলাসীপাৰা চহৰৰ সমাজ সেৱক তথা ডঃ কানুলাল দাসৰ এক মহানুৱতাৰ প্ৰতি লক্ষ্য ৰাখি এখন মানপত্র বিতৰণ কৰে। মনকৰিবলগীয়া যে  উক্ত কাৰ্যসুচী খনত ৰোকাখাতা উচ্চতৰ মাধ্যমিক বিদ্যালয়ৰ শিক্ষক বজন্দ্ৰ নাথ,আদিকে ধৰি কেইবাজনো বিশিষ্ট ব্যক্তিও উপস্থিত থাকে।।