চৰাইদেউ, ২৭ ডিচেম্বৰ: আসাম প্ৰেছ ক’ৰেছপণ্ডেন্টছ ইউনিয়নৰ দ্বাদশ দ্বি-বাৰ্ষিক পূৰ্ণাঙ্গ অধিবেশন খনি চৰাইদেউ জিলাৰ সোনাৰিত ২৬ আৰু ২৭ ডিচেম্বৰত আপকুৰ চৰাইদেউ জিলা সমিতিৰ উদ্যোগত আৰু চৰাইদেউবাসী ৰাইজৰ সহযোগত সোনাৰিৰ ৰাজহুৱা প্ৰেক্ষাগৃহত বৰ্নাঢ্য কাৰ্য্যসুচীৰে অনুষ্ঠিত হয়। অনুষ্ঠানৰ প্ৰতিনিধি সভা উদ্বোধন  কৰে চৰাইদেউ জিলাৰ উপায়ুক্ত প্ৰকাশ ৰঞ্জন ঘৰফলীয়াই।আপকুৰ কেন্দ্ৰীয় সভাপতি মনোজ সিং, সম্পাদক প্ৰধান হেমন্ত শইকীয়া, কেন্দ্ৰীয় উপ-সভাপতি আব্দুল খালেক প্ৰমুখ্যে অসমৰ বিভিন্ন প্ৰান্তৰ পৰা প্ৰতিনিধিত্ব কৰা প্ৰায় পাচ শতাধিক বিশিষ্ট সাংবাদিক উপস্থিত থাকে ৷ আনহাতে উক্ত প্ৰতিনিধি সভাত সাংবাদিক শ্বহীদ পৰিয়ালক সম্বৰ্ধনা জ্ঞাপন কৰে আপকু কেন্দ্ৰীয় সমিতিয়ে। বিষয় বাচনি সভাত দৰং জিলাৰ আব্দুল খালেক সভাপতি আৰু প্ৰধান সম্পাদক শৰৎ শেনছোৱাকলৈ আপকুৰ সবল নেতৃত্ব দিব পৰা এখন নতুন সমিতি গঠন হয় ৷ আগন্তুক দিনত আপকুই সাংবাদিক সকলৰ ঐক্যবদ্ধ প্ৰচেষ্টাৰ জৰিয়তে সাংবাদিক সকলৰ সুৰক্ষা আৰু অসমৰ সমাজ জীৱনত এক গুৰুত্বপূৰ্ণ ভূমিকা পালন কৰিব বুলি মত প্ৰকাশ কৰে নৱ নিৰ্বাচিত সভাপতি আব্দুল খালেক আৰু প্ৰধান সম্পাদক শৰৎ শেনছোৱাই।

 উজনি-মাজুলী, ২৭ ডিচেম্বৰঃ সদৌ মাজুলী চুতীয়া ছাত্ৰ সন্থাই প্ৰৱৰ্তন কৰা ৰত্নপুৰ বঁটা প্ৰথম বাৰৰ বাবে মৰণোত্তৰ ভাবে প্ৰয়াত অধ্যাপক কোষেশ্বৰ বৰুৱাক প্ৰদান কৰা হয় । পিতৃৰ হৈ এই বঁটা  গ্ৰহণ কৰে তেখতৰ পুত্ৰ শংকৰজ্যোতি বৰুৱাই । উক্ত বঁটাত আছে এখন সম্বৰ্ধনা পত্ৰ, গামোছা, চেলেং, সঁফুৰা । আজি সদৌ মাজুলী জিলা চুতীয়া ছাত্ৰ সন্থাৰ উদ্যোগত বৰবিল উচ্চ মাধ্যমিক বিদ্যালয়ত অনুষ্ঠিত হোৱা ষষ্ঠ  দ্বি-বাৰ্ষিক প্ৰতিনিধি সভাত উক্ত বঁটা প্ৰদান কৰা হয় । সদৌ মাজুলী চুতীয়া ছাত্ৰ সন্থাৰ সভাপতি ৰূপজ্যোতি বৰাৰ সভাপতিত্বত অনুষ্ঠিত হোৱা সভা খনৰ আঁত ধৰে প্ৰাঞ্জল ৰাজখোৱাই । সদৌ অসম চুতীয়া ছাত্ৰ সন্থাৰ উপদেষ্টা বিপুল চুতীয়াই উদ্ধোধন কৰা সভাখনত নিৰ্দিষ্ট বক্তাৰ ভাষণ আগবঢ়াই সদৌ অসম চুতীয়া ছাত্ৰ সন্থাৰ উপ-সভাপতি ৰাজু চুতীয়াই । নিৰ্দিষ্ট বক্তা গৰাকীয়ে চুতীয়া জাতিক জনজাতি হিচাপে স্বীকৃতি প্ৰদান নকৰাত চৰকাৰক কঠোৰ ভাবে সকিয়নী দি প্ৰয়োজনত জংগী আন্দোলন কৰাৰ কথা ৰাজহুৱাকৈ ঘোষণা কৰে । সভাত সদৌ চুতীয়া জাতি মহিলা সন্মিলন, অসমৰ সম্পাদিকা অৰ্পনা চুতীয়াই মুখ্য অতিথিৰ ভাষণত চুতীয়া জাতিৰ মহিলা সকলক  চুতীয়া জাতিৰ পোছাক পৰিধান কৰাৰ লগতে জাতিটোৰ প্ৰতি সেৱা আগবঢ়াবলৈ আহ্বান জনায় । সভাত মাজুলী জিলা চুতীয়া জাতি সন্মিলনিৰ সভাপতি দিগেন সেনাপতি, প্ৰাক্তন সভাপতি ডিম্বেশ্বৰ খনিকৰে চুতীয়া সকলক ৰাজ্য চৰকাৰে কৰা বঞ্চনা সন্দৰ্ভত ক্ষোভ প্ৰকাশ কৰে ‌। আজিৰ প্ৰতিনিধি সভাতেই পৰৱৰ্তী দুবছৰীয়া কাৰ্যকালৰ বাবে মন্টু বৰাক সভাপতি, অৰুণ শইকীয়া, মৃত্যুঞ্জয় খনিকৰক উপ-সভাপতি, কাৰ্যকৰী সভাপতি অচ্যুত বৰা, অংকুৰ চুতীয়াক সাধাৰণ সম্পাদক, অন্যহাতে  ৰূপজ্যোতি বৰা, প্ৰনব বৰা, দাদু বৰাক কেন্দ্ৰীয় সদস্য হিচাপে মনোনীত কৰি পোন্ধৰ জনীয়া মাজুলী জিলা চুতীয়া ছাত্ৰ সন্থা গঠন কৰা হয় । ইফালে উক্ত সভাতেই সৰজু বৰাক সভানেত্ৰী, বন্তি সেনাপতিক সম্পাদিকা হিচাপে লৈ একৈশ জনীয়া মাজুলী জিলা চুতীয়া জাতি মহিলা সন্মিলনখন গঠন কৰা হয় । ইয়াৰ পূৰ্বে পুৱা পতাকা উত্তোলন কৰে মাজুলী জিলা চুতীয়া ছাত্ৰ সন্থাৰ সভাপতি ৰূপজ্যোতি বৰাই, গছপুলি ৰোপণ কৰে বৰবিল উচ্চ মাধ্যমিক বিদ্যালয়ৰ প্ৰধান শিক্ষয়িত্ৰী অৰুণা সেনাপতিয়ে আৰু স্মৃতি তৰ্পণ কৰে মাজুলী জিলা চুতীয়া ছাত্ৰ সন্থাৰ সম্পাদক অংকুৰ চুতীয়াই ।

বিলাসীপাৰা, ২৬ ডিচেম্বৰঃ পশ্চিম অসমৰ ধুবুৰী জিলাৰ বিলাসীপাৰা হেলাগাড়ীত  সদৌ অসম নাথ যোগী ছাত্ৰ সন্থাৰ সভাপতি শ্ৰীযুত লক্ষন নাথৰ সভাপতিত্বত ২৫, ২৬, ২৭ ডিচেম্বৰ তাৰিখে তিনি দিনীয়া প্ৰথম সংখ্যক কেন্দ্ৰীয় ত্রি- বাৰ্ষিক অধিৱেশন অনুষ্ঠিত হয় । অধিৱেশন খনত আজি  সাংগঠনৰ দৃষ্টিভংগীৰ দিশত ব্যাখ্যা কৰে, সদৌ অসম নাথ যোগী ছাত্ৰ সন্থাৰ  সাধাৰণ সম্পাদক শ্ৰীযুত অৰবিন্দ নাথ, আৰু মূখ্যঅতিথি হিচাপে ভাষন প্ৰদান কৰে, সদৌ অসম ছাত্ৰ সন্থাৰ  মূখ্য উপদেষ্টা শ্ৰীযুত  ডঃ সমুজ্জল কুমাৰ ভট্টাচাৰ্য্য, লগতে উপস্থিত থাকে আছাম টকছৰ মূখ্য কাৰ্য্যৱাহী সম্পাদক শ্ৰীযুত দেৱজিৎ তালুকদাৰ, সদৌ কোচ ৰাজবংশী ছাত্ৰ সন্থাৰ উপদেষ্টা শ্ৰীযুত হিতেশ্বৰ বৰ্মন, সদৌ মৰাণ ছাত্ৰ সন্থাৰ প্ৰাক্তন সভাপতি শ্ৰীযুত অৰুণজ্যোতি, সদৌ নাথ যোগী ছাত্ৰ সন্থাৰ উপদেষ্টা শ্ৰীযুত সনজিৎ কুমাৰ নাথ আদিকে ধৰি ভাষন প্ৰদান কৰে। উল্লেখ্য যে অধিৱেশন খনৰ আজি দ্বিতীয় দিনাত প্ৰায় পঞ্চাশ হেজাৰৰ অধিক লোক সমাগম হোৱা বুলি জানিব পৰা গৈছে ।