অৰুণাচলত নীতিশ কুমাৰৰ দল ভাঙিলে গেৰুৱা শিবিৰে। তাৰ পৰিপ্ৰেক্ষিততে বিৰোধীসকলৰ সৈতে যোগাযোগ ৰাখিবলৈ নীতিশ কুমাৰৰ উদ্দেশ্যে কংগ্রেছ সাংসদ অধীৰৰঞ্জন চৌধুৰীৰ পৰামর্শক কেন্দ্ৰ কৰি এতিয়া জল্পনা তুঙ্গত উঠিছে। ৰাজনৈতিক পর্যবেক্ষকসকলৰ দাবী, বিহাৰতো মুখ্যমন্ত্রী নীতিশ কুমাৰ প্ৰবল চাপত আছে। নির্বাচনত ‘বৃহত্তম অংশীদাৰ’ দল হিচাবে আত্মপ্রকাশ কৰিছে বিজেপিয়ে। ‘ঘনিষ্ঠ’ সুশীল মোদীকো আঁতৰাই দিয়া হৈছে। পৰিৱর্তে উপ-মুখ্যমন্ত্রী পদত বহুওৱা হৈছে সঙ্ঘ পৰিয়ালৰ ঘনিষ্ঠ দুই বিজেপি নেতা–নেত্রীক।

উল্লেখ্য, সম্প্রতি অৰুণাচল প্রদেশত ৬জন জেডি (ইউ) বিধায়কে ৰাজ্যৰ শাসকীয় দল বিজেপিত যোগ দিছে। ২০১৯ চনৰ বিধানসভা নিৰ্বাচনত অৰুণাচলত ৪১খন আসন লাভ কৰিছিল বিজেপিয়ে। আসন সংখ্যাৰ হিচাবত মুঠ সাত বিধায়কসহ প্রধান বিৰোধী দলৰ যি মর্যাদা জেডি (ইউ)-এ লাভ কৰিছিল, সেয়া এইবাৰ হেৰুৱাবলগা হ’ল নীতিশৰ দলে। ইয়াৰ পিছতেই অধীৰৰঞ্জনৰ টুইট, ‘এয়া বিজেপি !‌ সাৱধানে থাকক। ‌উত্তৰ–পূব ভাৰতৰ কুখ্যাত চিকাৰীবোৰৰ দৰে এওঁলোক দল ভঙাৰ অভিযানত অত্যন্ত দক্ষ আৰু ওস্তাদ।’

বিহাৰতো একেই ঘটনা ঘটিব পাৰে বুলি ইঙ্গিত দি তেওঁ কয়, ‘ভাঙি টুকুৰা টুকুৰ হোৱাৰ আগতে নতুন কিবা ভাবক নীতিশজী। অৰুণাচলৰ ঘটনাৰ প্রতিবাদত যোগ্য প্ৰত্যুত্তৰ দিবলৈ বিহাৰত বিৰোধীসকলৰ সৈতে যোগাযোগ ৰাখক।’

২০২১ত পুনৰ অসমত বিজেপি চৰকাৰ । আমিনগাঁৱত ঘোষণা কেন্দ্ৰীয় গৃহমন্ত্ৰী অমিত শ্বাহৰ । উন্নয়ন আৰু বিকাশৰ বতৰা লৈ শনিবাৰে আমিনগাঁৱত কেইবাখনো অভিলাষী আঁচনিৰ শুভাৰম্ভ কৰে গৃহমন্ত্ৰীগৰাকীয়ে ।

আমিনগাঁৱৰ বিশাল জনসভাখনত কেন্দ্ৰীয় গৃহমন্ত্ৰীগৰাকীয়ে ভাষণত কয় যে,

পূৰ্বতে ভাৰতৰ পূব প্ৰান্তত বিভিন্ন আন্দোলন, হিংসা সংঘটিত হৈছিল আৰু বহুতকে অস্ত্ৰ তুলি লোৱা দেখা গৈছিল। কিন্তু এতিয়া সেই সকলোৱে মূলসুঁতিত বিলীন হ’ল। পূৰ্বতে আন্দোলন কৰা যুৱচামে আজি অসমৰ উন্নয়নৰ যাত্ৰাত অংশীদাৰ হৈ অসমক দেশৰ প্ৰগতিৰ ইঞ্জিন হিচাপে গঢ়ি তুলিবলৈ অহৰ্নিশে কাম কৰি আছে।

ভাৰতীয় জনতা পাৰ্টি সদায়ে ৰাজ্যসমূহৰ পৰিচয়, কলা-সংস্কৃতি তথা ভাষাৰ স্বকীয়তাক সবল কৰাত বিশ্বাসী। কিয়নো আমি ভাবোঁ যে- যেতিয়ালৈকে আমাৰ ৰাজ্যবোৰৰ ভাষা-সংস্কৃতি শক্তিশালী নহয়, তেতিয়ালৈকে ভাৰত কেতিয়াও মহান হ’ব নোৱাৰে। অসমীয়া কলা-সাহিত্য অবিহনে ভাৰতৰ কলা-সাহিত্যও আধৰুৱা।

সংস্কৃতি, ভাষা আৰু সংগীতৰ দিশত অসম যথেষ্ট আগবঢ়া। ভূপেন হাজৰিকাদেৱ কেৱল অসমৰে নহয় সমগ্ৰ উত্তৰ-পূবৰে কলা-সাহিত্যৰ প্ৰতীক হৈ দেশবাসীৰ হৃদয়ত ৰৈ গৈছে। কিন্তু তেখেতে প্ৰাপ্য সন্মান পোৱা নাছিল। নৰেন্দ্ৰ মোদীজীয়ে হাজৰিকাদেৱলৈ ভাৰত ৰত্ন আগবঢ়াই আমাৰ কলা-সাহিত্যক অনন্য মাত্ৰা দিলে।

অসমৰ নিৰ্বাচন সমাগত। বিচ্ছিন্নতাবাদৰ ভাষা কোৱা চেহেৰাবোৰে আকৌ ৰং-ৰূপ সলাই ৰাইজৰ মাজলৈ যাব আৰু আভুৱা ভৰা কথাৰে ৰাইজক বিভ্ৰান্ত কৰিব। মই তেওঁলোকক আজি সুধিব বিচাৰিছোঁ- আপোনালোকে আন্দোলন কৰি অসমক কি দিলে ? আপোনালোকে কেৱল অসমৰ যুৱক-যুৱতীসকলক শ্বহীদ হ’বলৈ উচতনিহে দিলে।

অসম গৌৰৱ এটা খৰ্গৰ গঁড়ক ৰক্ষণাবেক্ষণ দিয়াৰ বাবে অসম চৰকাৰৰ শক্তিশালী পদক্ষেপৰ শলাগ লৈছোঁ। কংগ্ৰেছে গঁড়ৰ চোৰাং চিকাৰীক ৰাজকীয় আতিথ্য দি অসমৰ গৌৰৱক নিঃশেষ কৰিবলৈ আগবাঢ়িছিল। কিন্তু এতিয়া ৰাজ্য চৰকাৰে ইয়াৰ বিৰুদ্ধে কঠোৰ পদক্ষেপ লৈ কাজিৰঙাক অনুপ্ৰৱেশকাৰীৰ কৱলৰপৰা মুক্ত কৰিলে।

বহু বছৰ ধৰি অসম চৰকাৰে ৮,০০০ কোটি টকাৰ গেছৰ ৰ’য়েল্টী পোৱা নাছিল। স্বয়ং মনমোহন সিঙে ১৮ বছৰ ধৰি অসমৰপৰা সাংসদ হৈছিল যদিও এই বিষয়টো সমাধান কৰিব নোৱাৰিলে। মোদী ডাঙৰীয়াই অসমত নতুন চৰকাৰ হোৱাৰ পূৰ্বেই ৰ’য়েল্টীৰ সমস্যাটো সমাধান কৰি অসমৰ বিকাশৰ বাবে বহুখিনি কাম কৰিলে।

আমিনগাঁৱৰ বিশাল জনসভাত কেন্দ্ৰীয় গৃহমন্ত্ৰীগৰাকীৰ সম্পূৰ্ণ ভাষণ

অসম ভ্ৰমণত থকা কেন্দ্ৰীয় গৃহ মন্ত্ৰী অমিত শ্বাহক সাক্ষাৎ কৰিলে কংগ্ৰেছৰ দুই বিধায়ক অজন্তা নেওগ আৰু ৰাজদ্বীপ গোৱালাই । যোৱা ২৫ ডিচেম্বৰত কংগ্ৰেছৰ সকলো পদৰ পৰা পদত্যাগ কৰিছিল গোলাঘাটৰ বিধায়িকা অজন্তা নেওগে। ইয়াৰ পাছতেই শনিবাৰে আমিনগাঁৱৰ লোক নিৰ্মান বিভাগৰ পৰিদৰ্শন বাংলোত অমিত শ্বাহৰ সৈতে হোৱা এক বৈঠকত যোৱাৰ সময়ত বিজেপিৰ ৰাজ্যিক স্বাস্থ্য মন্ত্ৰী পীযুষ হাজৰিকা আৰু পল্লৱলোচন দাসৰ লগত একেখন গাড়ীতে দেখা গৈছিল নেত্ৰীগৰাকীক।

দীৰ্ঘদিন ধৰি মৌনতা অৱলম্বন কৰি থকা কংগ্ৰেছৰ সদ্য পদত্যাগী নেত্ৰী অজন্তা নেওগে খুলিলে মুখ । কেন্দ্ৰীয় গৃহ মন্ত্ৰী অমিত শ্বাহক সাক্ষাৎৰ পিছত সাংবাদ মাধ্যমৰ আগত অজন্তা নেওগৰ মন্তব্য – “মই বিজেপি দলত যোগদান কৰিয়েই সকলো কম। গৃহমন্ত্ৰীৰ সৈতে মোৰ সাক্ষাৎকাৰ সৌজন্যমূলক আছিল।”

অমিত শ্বাহক সাক্ষাৎ কৰি অতি সোনকালে বিজেপিত যোগদান কৰাৰ কথা অৱগত কৰিলে নেত্ৰীগৰাকীয়ে।

তেওঁ লগতে কয় যে যিহেতু কালি দিনটোলৈ তেওঁ কংগ্ৰেছ দলত সেইবাবে নীতি-নিয়ম পালন কৰি একো মন্তব্য কৰা নাছিল নেত্ৰীগৰাকীয়ে। বিজেপিত যোগদান কৰিয়েই সকলো অভিযোগ আৰু প্ৰশ্নৰ উত্তৰ দিব অজন্তা নেওগে। দুই এদিনতে বিজেপিত যোগদান কৰিব বুলি কয় । বৈঠকত মিলিত হৈয়েই পল্লৱলোচন দাস , পীযুষ হাজৰিকাৰ সৈতে একেখন গাড়ীতে ওভতিল অজন্তা নেওগ।