নলবাৰী : আজি নলবাৰীস্থিত ‘ভাগ্যশ্ৰী টাটা মটৰ্চ ‘এ অষ্টম বৰ্ষত ভৰি দিলে। এই উপলক্ষে ভাগ্যশ্ৰী টাটা মটৰছৰ স্বত্বধিকাৰী তথা সমাজকৰ্মী দিলীপ কুমাৰ দাসৰ পিতৃ প্ৰয়াত যমুনা দাসৰ প্ৰতিমূৰ্তিত বন্তি প্ৰজ্বলন আৰু মাল্যৰ্পণৰে অনুষ্ঠানৰ আৰম্ভণি হয়। এই অনুষ্ঠানৰ লগত সংগতি নলবাৰী জিলাৰ বিভিন্ন অঞ্চলৰ পৰা দুখীয়া ছাত্ৰ-ছাত্ৰীক সমাজকৰ্মী দিলীপ দাসে চাইকেল বিতৰণ কৰে। তদুপৰি নলবাৰী জিলাখনৰ বিভিন্ন অঞ্চলৰ বিশেষভাবে সক্ষম লোকক আৰ্থিক সাহাৰ্য্য আগবঢ়াই এই এই ভাগ্যশ্ৰী মটৰ্চৰ স্বত্বাধিকাৰীজনে। দিলীপ দাসে কৰা এনে মানৱীয় কামৰ বাবে নলবাৰী জিলাৰ সচেতন মহলে দিলীপ কুমাৰ দাসক ভূয়সী প্ৰশংসা কৰাৰ লগতে দুখীয়া ছাত্ৰ-ছাত্ৰীসহ বিশেষভাৱে সক্ষম লোক কেইগৰাকীয়ে সমাজকৰ্মী দিলীপ দাসক ধন্যবাদ জ্ঞাপন কৰে। উল্লেখযোগ্য নলবাৰীৰ গণেশ মন্দিৰ চ’কৰ সমীপত এগৰাকী থলুৱা হিচাপে দিলীপ কুমাৰ দাসে লক ডাউনৰ সময়চোৱাৰ পৰা বিভিন্ন প্ৰাকৃতিক দুৰ্যোগত সময়ে সময়ে দৰিদ্ৰ ৰাইজক সহায় কৰি সামাজিক দিশত অৱদান আগবঢ়াই আহিছে।

গেলেকী : শিৱসাগৰ আৰু চৰাইদেউ জিলা অসম-নাগালেণ্ড ও অসম-অৰুণাচল সীমান্তৱৰ্তী অঞ্চলসমূহত বিদ্ৰোহী সংগঠনসমূহে দীৰ্ঘদিনে আইন বিৰুদ্ধী কাৰ্যকলাপ অব্যাহত ৰাখিছে। দিনে-নিশাই অস্ত্ৰশস্ত্ৰ সৰৱৰাহকে ধৰি ধনদাবী, নিচাযুক্ত দ্ৰব্য প্ৰচলনে স্থানীয় অঞ্চলসমূহত আইন শৃংখলতা ভংগ কৰি আহিছে। অপৰাধীৰ চাল চলন নতুবা বিদ্ৰোহীক প্ৰতিহত কৰাত ব্যৰ্থ নাজিৰা, সোণাৰি আৰক্ষী প্ৰশাসন। নাজিৰা মহকুমা সমীপৰ মথুৰাপুৰৰ কাকতীবাৰী থানা অন্তর্গত কাকতীবাৰী ট্ৰলী আলি অঞ্চলৰ পৰা ৯ ছেপ্তেম্বৰৰ সন্ধিয়া অস্ত্রসহ দুজন যুৱকক আৰক্ষী আৰু আছাম ৰাইফলছে আটক কৰে ৷ প্ৰাপ্ত তথ্য অনুসৰি আৰক্ষী আৰু আছাম ৰাইফলছৰ এটা দলে গোপন সূত্রে শিল কঢ়িওৱা ডাম্পাৰত অস্ত্র সহ দুজন যুৱক আহি থকা বুলি লাভ কৰা খবৰৰ ভিত্তিত কাকতীবাৰী থানা আৰক্ষীৰ দল আৰু বানফেৰাত শিবিৰ পাতি থকা আছাম ৰাইফলছৰ এটা দলে কাকতীবাৰী ট্ৰলী আলিত অভিযান চলায় ৷ কাকতীবাৰী টিমনৰ পথেৰে সন্ধিয়া প্রায় ৭.৪০ বজাত ৰাজগড়ৰ পৰা কাকতীবাৰী অভিমুখে আহি থকা তিনিখন ডাম্পাৰত তালাচী চলোৱাৰ সময়তে এটা পইণ্ট ২.২ ৰাইফলসহ দুজন যুৱকক অভিযানকাৰী দলটোৱে আটক কৰিবলৈ সক্ষম হয় ৷ অভিযানকাৰী দলটোৱে আটক কৰা যুৱক দুজন হৈছে কাকতীবাৰী থানা অন্তর্গত টিমন হাতীবন্ধা গাঁও নিৱাসী প্রদীপ বৰাৰ পুত্র জানমণি ওৰফে জোন ওৰফে অজিত ওৰফে ধনীৰাম বৰা (২৪) আৰু তিনিচুকীয়া জিলা পেঙেৰী থানা অন্তর্গত স্বর্গীয় অজিত মৰাণৰ পুত্র কামাখ্যা মৰাণ (২৬)ক আটক কৰি আৰক্ষীৰ দলে কাকতীবাৰী থানালৈ লৈ আহে ৷ ঘটনাৰ খবৰ পাই স্থানীয় আৰক্ষী প্রশাসনৰ উচ্চ-পদস্থ আৰক্ষী আৰু আছাম ৰাইফলছৰ বিষয়াৰ দল কাকতীবাৰী থানাত উক্ত দিনা নিশাই উপস্থিত হৈ ধৃত যুৱক দুজনক সোধা-পোছা অব্যাহত ৰাখিছে ৷

নলবাৰী : বিগত ১৫ বছৰ শাসন কালত তৰুণ গগৈয়ে কৈছিল “হু ইজ বদৰুদ্দিন” কিন্তু এতিয়া বদৰুদ্দিন আজমল তৰুণ গগৈৰ বন্ধু হল। কংগ্ৰেছ দলে নিজৰ স্বৰূপ নিজেই উদঙাইছে, অসমৰ ৰাইজে বুজিবলৈ আন বাকী নাই । বিজেপি দলে অকল খিলঞ্জীয়ায়ে নহয় অসমৰ সকলো ৰাইজৰ পৰা সঁহাৰি পাব, আজি ভাৰতীয় জনতা পাৰ্টি নলবাৰী সমিতিৰ উদ্যোগত স্বয়ম্বৰ বিবাহ ভৱনত অনুষ্ঠিত হোৱা জিলা কাৰ্যনিৰ্বাহক সভাত উপস্থিত হৈ মন্ত্ৰী চন্দ্ৰ মোহন পাটোৱাৰীয়ে এই মন্তব্য কৰে । আনহাতে আছুৰ ৰাজনৈতিক দল গঠন হলে বিজেপি দলৰ ক্ষতি হব পাৰে নেকি বুলি সাংবাদিকে প্ৰশ্ন উত্থাপন কৰোতে মন্ত্ৰী চন্দ্ৰ মোহন পাটোৱাৰীয়ে ব্যক্ত কৰে ভাৰত হৈছে এখন স্বাধীন দেশ আৰু ইয়াত সকলোৰে দল গঠনৰ কৰাৰ সম্পূৰ্ণ অধিকাৰ আছে । কিন্তু এইবেলি ৰাইজ বিজেপিৰ সপক্ষে আছে । তদুপৰি এই সভা অংশ গ্ৰহণ ৰাজ্যিক বিজেপিৰ উপ সভাপতি তথা পৰ্যটন বিভাগৰ অধ্যক্ষ জয়ন্ত মল্ল বৰুৱাই সংবাদ মাধ্যমৰ আগত প্ৰকাশ কৰে যে আছুয়ে খিলঞ্জীয়া সকলৰ ৰক্ষাৰ স্বাৰ্থত যি কথা কৈ আছে সেই কথা অনুসৰি খিলঞ্জীয়াৰ অস্তিত্ব ৰক্ষাৰ কাম বিজেপি চৰকাৰেহে কৰি আছে । জয়ন্ত মল্ল বৰুৱাই কয় যে, তথাপিও ৰাজনৈতিক ক্ষেত্ৰলৈ আছুক স্বাগতম জনাইছো । যেতিয়া ৰাজনৈতিক ক্ষেত্ৰলৈ আছুই নামিব তেতিয়া কাৰ কিমান জনপ্ৰিয়তা গম পোৱা যাব । আজিৰ এই অনুষ্ঠানত নলবাৰী সমষ্টিৰ বিধায়ক অশোক শৰ্মাৰ, বৰক্ষেত্ৰী বিধায়ক নাৰায়ণ সহ প্ৰমুখ্যে বিজেপি দলৰ বহুত নেতৃত্ববৃন্দৰ লগতে কৰ্মী সকল উপস্থিত থাকে ।

উজনি মাজুলীঃ উজনি মাজুলীৰ অন্যতম ঐতিহাসিক শ্ৰী শ্ৰী এলেঙী নৰসিংহ সত্ৰত অসম চৰকাৰৰ অসম দৰ্শন আঁচনিৰ অধীনত সত্ৰখনৰ প্ৰেক্ষাগৃহ নিৰ্মাণ কাৰ্য বৃহস্পতিবাৰে শুভাৰম্ভ কৰা হয়। প্ৰায় ১০ লাখ টকা ব্যয় সাপেক্ষে নিৰ্মাণ হ’ব লগা প্ৰেক্ষাগৃহটি শুভাৰম্ভণি অনু্ষ্ঠানত বন্তী প্ৰজ্বলন কৰে সত্ৰখনৰ ডেকা সত্ৰীয়া কমল চন্দ্ৰ মহন্তই। সত্ৰখনৰ লগতে অঞ্চলৰ অন্যতম সাংস্কৃতিক কৰ্মী নৱজ্যোতি মহন্তই আঁত ধৰা অনুষ্ঠানটোত শ্ৰীৰাম গাওঁ পঞ্চায়তৰ সভাপতি ৰমেশ বৰুৱা উপস্থিত থাকি অসম দৰ্শন আঁচনিৰ সম্পৰ্কত বক্তব্য প্ৰদান কৰাৰ লগতে বৰ্তমানৰ বিজেপি চৰকাৰখনে অসমৰ বৈষ্ণৱ সংস্কৃতিৰ ধাৰক আৰু বাহক স্বৰূপ সত্ৰ সমূহৰ উন্নয়নৰ বাবে এই আঁচনি ৰূপায়ন কৰা বুলি মন্তব্য প্ৰদান কৰে । প্ৰেক্ষাগৃহটি শুভাৰম্ভণি অনুষ্ঠানত উপস্থিত থকা বিশিষ্ট ব্যক্তি সকল হ’ল ক্ৰমে মিত্ৰদেৱ মহন্ত, জগত মহন্ত, বিপুল মহন্ত, নাৰায়ণ বৰুৱা, নোমল বৰুৱা, হিৰেন মহন্ত, বুপৰাম বৰা, প্ৰবীণ মহন্ত, দুলাল বৰা, গণেশ মহন্ত, ডিম্বেশ্বৰ বৰুৱা, অতুলচন্দ্ৰ বৰা, প্ৰদীপ শইকীয়া, কেশৱ ৰাজখোৱা, হৰেন বৰা, জিতেন মহন্ত, বিশ্ব বৰা, ভাস্কৰ মহন্ত, অংকুৰ মহন্ত, সত্ৰৰ ডেকা সত্ৰাধিকাৰ ললিত চন্দ্ৰ মহন্তৰ লগতে সত্ৰ আৰু সমূহ ৰাইজ, আই মাতৃ সকল, সাংবাদিক প্ৰাঞ্জল খাউণ্ড, সনজিৎ কুমাৰ অভয়পুৰীয়া। সত্ৰখনিলৈ আগবঢ়োৱা অনুদানৰ বাবে প্ৰেক্ষাগৃহ শুভাৰম্ভনি অনুষ্ঠানত থকা সকলো ৰাইজে অসম চৰকাৰলৈ ধন্যবাদ জনায়।