ওৰাং : ওদালগুৰি জিলাৰ ওৰাঙৰ ধনশ্ৰীঘাটত ২০ গৰাকী ছাত্ৰ ছাত্ৰীৰ মাজত আৰ্থিক সাহাৰ্য বিতৰণ সমাজ সেৱক অমৰ বৰুৱাৰ । সদ্য ঘোষিত হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত সুক্ষাতিৰে উত্তীৰ্ণ হোৱা দৰিদ্ৰ পৰিয়ালৰ মুঠ ২০ গৰাকী ছাত্ৰ ছাত্ৰীক প্ৰত্যেককে বিতৰন কৰে ৫০০০ হাজাৰ কৈ আৰ্থিক সাহাৰ্য। মহামাৰী কৰোনা ভাইৰাছৰ সময়ত নিজৰ উপাৰ্জিত ধনেৰে পৰীক্ষাত ভাল ফলাফল লাভ কৰা অতি দৰিদ্ৰ পৰিয়ালৰ ২০ গৰাকী ছাত্ৰ ছাত্ৰীৰ মাজত বিতৰন কৰে আৰ্থিক এই সাহাৰ্য । লগতে ছাত্ৰ-ছাত্ৰী সকলক সম্বৰ্ধনাও জনায় উক্ত অনুষ্ঠানত । পিছপৰা অঞ্চলটোৰ ছাত্ৰ ছাত্ৰী সকলক প্ৰেৰণা যোগোৱাৰ বাবে এই পদক্ষেপ গ্ৰহণ কৰে সমাজ সেৱক অমৰ বৰুৱাই । অতি পিছপৰা অঞ্চলটোৰ দৰিদ্ৰ পৰিয়ালৰ ছাত্ৰ ছাত্ৰী সকলক শিক্ষা গ্ৰহণত কিছু সকাহ দিয়াৰ বাবে এই আৰ্থিক সাহায্য আগবঢ়াই সমাজ সেৱক অমৰ বৰুৱাই। ছাত্ৰ ছাত্ৰী সকলে অমৰ বৰুৱাই আগবঢ়োৱা সহায় আৰু সম্বৰ্ধনা গ্ৰহণ কৰি সুখী হোৱাৰ লগতে ধন্যবাদ জনায় অমৰ বৰুৱাক। আৰ্থিক দৰিদ্ৰতাই যাতে মেধাবী ছাত্ৰ ছাত্ৰীৰ শিক্ষাৰ ক্ষেত্ৰত বাধা হব নোৱাৰে তাৰ বাবে অমৰ বৰুৱাই আগবঢ়োৱা সাহাৰ্য গ্ৰহণ কৰি উচ্চ শিক্ষা গ্ৰহণ কৰিবলৈ আগ্ৰহী হৈ পৰে ছাত্ৰ ছাত্ৰী সকল। আৰ্থিক সাহায্যৰ উপৰিও পৰীক্ষাত ভাল ফলাফল লাভ কৰা ছাত্ৰ ছাত্ৰী সকলে অমৰ বৰুৱাই ছাত্ৰ ছাত্ৰী সকলক উৎসাহ জগোৱাত অনুপ্ৰাণিত হয়। অমৰ বৰুৱাৰ এই প্ৰশংসনীয় পদক্ষেপক সকলোৱে এতিয়া শলাগ লৈছে । অমৰ বৰুৱাৰ এই সম্বৰ্ধনা অনুষ্ঠানত সভাপতিত্ব কৰে ৰাষ্ট্ৰীয় পুৰস্কাৰ প্ৰাপ্ত শিক্ষক কৃষ্ণ বৰা, অৱসৰ প্ৰাপ্ত শিক্ষক মন্টু বসুমতাৰী, নলবাৰী হাই স্কুলৰ প্ৰধান শিক্ষক দীনেশ্বৰ বৰুৱা, গেলাবিল হাই স্কুলৰ প্ৰধান শিক্ষক প্ৰদীপ দে, ৰৌতা দণ্ড চহৰীয়া উচ্চতৰ মাধ্যমিক বিদ্যালয়ৰ শিক্ষয়িত্ৰীৰ লগতে বহু বিশিষ্ট ব্যক্তি।

গুৱাহাটী : গুৱাহাটী মহানগৰীৰ তৰুন নগৰ অঞ্চলত কৃত্ৰিম বান নতুন কথা নহয় ৷ বছৰ বছৰ ধৰি এই বৃহত্তৰ অঞ্চলত বাসিন্দাই কৃত্ৰিম বানৰ সমস্যাত দুৰ্ভোগ ভুগি আহিছে ৷ মুখ্যমন্ত্ৰী সৰ্বানন্দ সোনোৱাল নেতৃত্বাধীন বিজেপি মিত্ৰজোঁট চৰকাৰ খনে মহানগৰীৰ কৃত্ৰিম বান সমস্যা সমধানৰ বাবে বৃহৎ পৰিকল্পনা গ্ৰহন কৰিছে ৷ এই ক্ষেত্ৰত গুৱাহাটী মহানগৰ উন্নয়ন বিভাগ, গুৱহাটী পৌৰনিগম, গড়কাপ্তানি বিভাগে অতি ক্ষীপ্ৰতাৰে কাম কৰি আহিছে ৷ ইতিহাস তৰুন নগৰ অঞ্চলত বিভিন্ন নলা – নৰ্দমাৰ লগতে পথ সমুহ নিৰ্মাণ কৰি থকা হৈছে ৷ সাম্প্ৰতিক লকডাউন বাবে কাম সমুহ নিয়ৰীকৈ আগবঢ়াই নিব পৰা নাই ৷ অৰ্ধনিৰ্মিত কামৰ বাবেই এই অঞ্চলত বিগত বৰ্ষত কৈ চলিত বৰ্ষত কৃত্ৰিম বানৰ পৰিমান যঠেষ্ট বৃদ্ধি পাইছে ৷ ৰাইজৰ অভিযোগৰ ভিত্তিত আজি গুৱাহাটী উন্নয়ন মন্ত্ৰী সিদ্ধাৰ্থ ভট্টাচাৰ্যই তৰুন নগৰ অঞ্চল পৰিদৰ্শন কৰে ৷ মন্ত্ৰী গৰাকীয়ে নিৰ্মীয়মাণ পথ – নলা – নৰ্দমা সমুহ পৰিদৰ্শন কৰে ৷ অৰ্ধনিৰ্মিত নলা , নৰ্দমা ,পথ সমুহৰ সন্দৰ্ভত মন্ত্ৰী সিদ্ধাৰ্থ ভট্টাচাৰ্যই কয় যে স্হানীয় ৰাইজে কৃত্ৰিম বানৰ বাবে বিভিন্ন সমস্যা সন্মুখীন হৈছে ৷ বিশেষকৈ অৰ্ধনিৰ্মিত বাট পথ সমুহ সম্পূৰ্ণ কৰিব নোৱাৰাৰ বাবে পানী সমুহ ওলাই যাব পৰা নাই ৷ সেইবাবেই এই বৰ্ষত তৰুন নগৰ অঞ্চলত কৃত্ৰিম বানৰ পানী কেইবাদিনো ধৰি ৰৈ আছে ৷ লকডাউনৰ বাবেই শ্ৰমিকৰ সমেস্যাৰ সৃষ্টি হৈছে ৷ সেই বাবেই প্ৰায় ৬০ শতাংশ কাম সম্পূৰ্ণ হৈছে যদিও ৪০ শতাংশ কাম সমাপ্ত হোৱা নাই ৷ অহা এমাহৰ ভিতৰত সম্পূৰ্ণ কাম কৰিবলৈ নিৰ্মীয়মাণ প্ৰতিষ্ঠানক নিৰ্দেশ দিয়ে মন্ত্ৰী সিদ্ধাৰ্থ ভট্টাচাৰ্যই ৷ তেওঁ লগতে কয় যে যোৱা ১৪ বছৰৰ তুলনাত এই বছৰ বৰষুণৰ পৰিমান যঠেষ্ট বেছি ৷ সেইবাবে মহানগৰীৰ কিছু অঞ্চলত কৃত্ৰিম বান হোৱা দেখা গৈছে ৷তথাপি তাৎক্ষণিক ভাবে সমধানৰ বাবে পাম্পৰ জৰিয়তে পানী নিস্কাষন কৰা হৈছে ৷ মন্ত্ৰী গৰাকীৰ পৰিদৰ্শনৰ সময় চোৱাত স্হানীয় বাসিন্দা তথা কামৰূপ গ্ৰাম্য জিলাৰ পৰিবহন বিষয়া গৌতম দাসে বিভিন্ন সমস্যাৰ বিষয়ে মন্ত্ৰী গৰাকীক অবগত কৰে ৷ উল্লেখ্য যে মন্ত্ৰী গৰাকীৰ পৰিদৰ্শনৰ সময়ছোৱাত গুৱাহাটী পৌৰনিগমৰ আয়ুক্ত দেবজ্যোতি হাজৰিকা, মুখ্য অভিযন্তা দেবজিত দাস, জি এম ডি এৰ মুখ্য কাৰ্য্যবাহী বিষয়া উমানন্দ দলে, গড়কাপ্তানি বিভাগৰ কাৰ্য্যকাৰী অভিযন্তা হেমান্ত দেউৰী ভৰালী , অতিৰিক্ত আয়ুক্ত পুলক মহন্ত , জলবৰ্ডৰ উচ্চপদস্থ বিষয়াৰ লগতে অ , এছ ডি নাৰায়ন আগৰৱাল উপস্থিত থাকে ৷ ইপিনে মন্ত্ৰী গৰাকীয়ে তৰুন নগৰ অঞ্চলত সমস্যাৰ বুজ লোৱাৰ বাবেই স্হানীয় ৰাইজে ধন্যবাদ জ্ঞাপন কৰে ৷

উজনি-মাজুলীঃ মাজুলীৰ ৰাজহ চক্ৰ বিষয়া অচ্যুৎ বৰুৱাই শণিবাৰে আঁহতগুৰি গাঁও পঞ্চায়তৰ অন্তৰ্গত হোতাৰৰ খহনীয়া আক্ৰান্ত এলেকা পৰিদৰ্শন কৰি পৰিস্থিতিৰ বুজ লয়। পৰিদৰ্শনকালত চক্ৰ বিষয়া গৰাকীয়ে হোতাৰৰ খহনীয়াত ক্ষতিগ্ৰস্ত হোৱা পৰিয়ালসমূহলৈ টাৰ্পোলিন আৰু সাহাৰ্য সামগ্ৰী আগবঢ়ায়। চক্ৰ বিষয়া বৰুৱাই ইয়াৰ পাছতে আঁহতগুৰি হাইস্কুলৰ বান-সাহাৰ্য শিবিৰো পৰিদৰ্শন কৰি শিবিৰাৰ্থীসকলৰ সৈতে মত বিনিময় কৰে। একেদিনাই চক্ৰ বিষয়াগৰাকীয়ে দক্ষিণ আঁহতগুৰিৰ নমাটি, দালিজলিয়া আৰু নৰমাৰীৰ খহনীয়া আক্ৰান্ত এলেকাও পৰিদৰ্শন কৰি পৰিস্থিতি পৰ্যবেক্ষণ কৰে।

তিনিচুকীয়া : কৰনা ভাইৰাছে ভয়ংকৰ ৰূপ ধাৰণ কৰিছে তিনিচুকীয়াত। তিনিচুকীয়া জিলা উপায়ুক্ত ভাস্কৰ পেগুৰ দেহত ধৰা পৰিছে কৰনা ভাইৰাছ । কালি সন্ধিয়া উপায়ুক্ত গৰাকীৰ দেহত কৰ’না ভাইৰাছ ধৰা পৰাৰ পিচতে তেওঁক বাংলোতে আইছলেশ্যনত ৰখা হৈছে । আজি উপায়ুক্তৰ কাৰ্যালয় আৰু বাংলো কণ্টেনমেণ্ট জ’ন হিচাপে ঘোষনা কৰা হয় । উপায়ুক্ত ভাস্কৰ পেগু আৰোগ্য নোহোৱালৈকে জিলা উন্নয়ন আয়ুক্ত সাৰাংগপানি ৰ্শমাক ভাৰপ্ৰাপ্ত জিলা উপায়ুক্ত হিচাপে দ্বায়িত্বভাৰ দিয়া হৈছে । অন্যহাতে কালি দিনৰ ভাগত বাঘজান অগ্নিকাণ্ডৰ ক্ষতিগ্ৰস্তক মন্ত্ৰী সঞ্জয় কিষান, আৰক্ষী অধীক্ষক শিলাদিত্য চেতিয়াৰ লগতে অইলৰ কেইবাগৰাকীও বিষয়াৰ উপস্থিতিত চেক বিতৰণ কৰিছিল উপায়ুক্ত ভাষ্কৰ পেগুৱে। ইফালে উক্ত অনুষ্ঠানত জিলাখনৰ কেইবাগৰাকী সাংবাদিকো উপস্থিত আছিল।উপায়ুক্ত গৰাকীৰ কৰনা পজিটিভ ধৰা পৰাৰ পিছতে তীব্ৰ চাঞ্চল্যৰ সৃষ্টি কৰিছে আৰু জিলাখনত অহা বুধবাৰৰ পৰা নগৰাঞ্চলত সম্পূৰ্ণ ল’কডাউন হোৱাৰ পূৰ্ণ সম্ভাবনা আছে ।