দৈনন্দিন বাৰ্তা ডেস্ক :

মুখ্যমন্ত্ৰী অশোক গেহলটৰ বিৰুদ্ধে বিদ্ৰোহ ঘোষণা কৰি দলৰ কঠোৰ শাস্তিৰ সন্মুখীন হ’ল শচীন পাইলট৷ তেওঁক ৰাজস্থানৰ উপমুখ্যমন্ত্ৰী পদৰ পৰা আঁতৰ কৰা হৈছে৷ ইয়াৰ লগতে পাইলটক ৰাজস্থান প্ৰদেশ কংগ্ৰেছ কমিটীৰ সভাপতি পদৰ পৰাও অপসাৰণ কৰা হৈছে৷ এই কথা দলৰ মুখপাত্ৰ ৰণদীপ সিং সুৰজেৱালাই জনাইছে৷ আনহাতে শচীনৰ ঘনিষ্ঠ ৰাজ্যৰ দুই মন্ত্ৰী বিশ্বেন্দ্র সিং আৰু ৰমেশ মিনাকো অপসাৰণ কৰা হৈছে৷ মঙলবাৰে জয়পুৰত কংগ্ৰেছ পৰিষদীয় দলৰ সভাত পাইলটসহ ‘বিদ্রোহী’ বিধায়কসকলৰ বিৰুদ্ধে ব্যৱস্থা লোৱাৰ প্ৰস্তাৱ গ্ৰহণ কৰা হয়৷ এই সভাত পুনৰ ৰাজস্থানৰ পৰিষদীয় দল নেতা নিৰ্বাচিত হয় গেহলট৷ তাৰ পাছত পাইলটক আঁতৰ কৰাৰ সিদ্ধান্ত লোৱা হয়৷ আনহাতে ৰাজস্থান প্ৰদেশ কংগ্ৰেছৰ সভাপতি পদ অপসাৰণ কৰাৰ সিদ্ধান্তৰ কথা ঘোষণা কৰে ৰণদীপ সিং সুৰজেৱালাই৷ ইয়াৰ পাছত তেওঁক দলৰ পৰা বহিষ্কাৰ কৰাৰ দৰে কঠোৰ সিদ্ধান্ত লোৱাৰ পথ প্ৰশস্ত কৰে৷ মঙলবাৰে দলৰ সিদ্ধান্ত ঘোষণা কৰি সুৰজেৱালাই কয়, শচীন পাইলটে তেওঁৰ অনুগামীয়ে বিজেপিৰ ষড়যন্ত্ৰত চামিল হৈ ৰাজস্থানৰ মানুহৰ দ্বাৰা নিৰ্বাচিত কংগ্ৰেছ চৰকাৰক ধ্বংস কৰাৰ চক্ৰান্ত কৰিছিল৷ এইটো কোনো দলেই মানি ল’ব নোৱাৰে৷ আক্ষেপ আৰু ভাৰাক্ৰান্ত মনেৰে কংগ্ৰেছে কিছুমান সিদ্ধান্ত লয়৷ ইয়াৰে প্ৰথমটো হ’ল ৰাজস্থানৰ উপ মুখ্যমন্ত্ৰী পদৰ পৰা শচীন পাইলটক আৰু বিশ্বেন্দ্র সিং আৰু ৰমেশ মিনাক মন্ত্রী পদৰ পৰা অপসাৰণ কৰা সিদ্ধান্ত লয়৷ শচীন পাইলটৰ ঠাইত গোবিন্দ সিং দোতাচৰাক প্রদেশ কংগ্রেছ কমিটীৰ সভাপতি কৰা হয় বুলি সুৰজেৱালাই জনায়৷ মুখ্যমন্ত্ৰী গেহলটৰ বিৰুদ্ধে কার্যত ‘বিদ্রোহ’ ঘোষণা কৰি৷শচীন পাইলট দিল্লী অহাৰ পৰা চতুৰ্থ দিনা এই নাটকেয় মুৰ লয় ৰাজস্থানৰ ৰাজনীতিত৷ সোমবাৰে সন্ধিয়া দলৰ ১০২ জন বিধায়কক হোটেলত বন্দী কৰি ৰাখিছিল কংগ্ৰেছে৷ ২০০ আসনৰ ৰাজস্থান বিধানসভাত যি মেজিক অংক তাতকৈ বেছি৷ ইয়াৰ আগতে দলৰ পৰিষদীয় সভাত তেওঁৰ দাবী বিবেচনা কৰাৰ আশ্বাস দি শচীন পাইলটক জয়পুৰলৈ ঘুৰি আহি এই সভাত যোগ দিবলৈ হাইকমাণ্ডে নিৰ্দেশ দিছিল৷ কিন্তু কাৰ্যত গুৰুত্ব নিদিলে ৰাজস্থানৰ দুই নম্বৰ পদাধিকাৰীয়ে৷ তেওঁ জয়পুৰ ঘূৰি নগ’ল৷ এই পৰিস্থিতিত তেওঁক বাদ দি পৰিষদীয় সভা অনুষ্ঠিত হয়৷ ইয়াতে গেহলটক পুনৰ পৰিষদীয় দল নেতা তেওঁৰ অনুগামীসকলে নিৰ্বাচন কৰে৷ ইয়াৰ পাছতে পাইলট আৰু তেওঁৰ অনুগামী দুজনৰ বিৰুদ্ধে প্ৰস্তাৱ লয়৷ উল্লেখ্য যে কংগ্ৰেছৰ মেৰু বিভাজনৰ সুযোগ লৈ ময়দানত নামিছিল বিজেপি ৷

দৈনন্দিন বাৰ্তা ডেস্ক :

ক’ভিড-১৯ৰ সংক্ৰমণ ভাৰতত চলি থকাৰ সময়তে শিশুৰ মাজত কাৱাছাকি ছিন্ড্ৰম নামৰ এটা নতুন ৰোগৰ সংক্ৰমণ হৈছে ৷ ‘মাল্টিছিষ্টেম ইনফ্লেমেটৰী ছিনড্ৰম’ নামেৰে পৰিচিত এই ৰোগৰ ফলত জ্বৰ হয় আৰু দেহৰ ৰক্ত পৰিবাহী শিৰাবোৰ উখহি যায়৷ লগতে চকু উখহি যায়, চাল, পেট পোৰে আৰু বিষ হয় ৷ লক্ষণবোৰৰ পৰা দেখা যায় যে শিশুৰ ৰক্তচাপ হ্ৰাস হ’বলৈ ধৰে আৰু ক্লান্ত হ’বলৈ ধৰে ৷ বি এল কাপুৰ হাস্পতালৰ শিশু বিশেষজ্ঞ ডাঃ ৰচনা শৰ্মাই কয় যি দিল্লী আৰু মুম্বাইত এনে কিছু শিশু পোৱা গৈছে যি এই ৰোগত ভূগিছে ৷ যদিও শিশুৰ মাজত এই ৰোগত আক্ৰান্ত হোৱাটো কম তথাপি সতৰ্ক হোৱাৰ প্ৰয়োজন ৷ কাৰণ এই ৰোগে শৰীৰৰ প্ৰতিৰোধ ক্ষমতা দুৰ্বল কৰি তুলে ৷ ইয়াৰ পূৰ্বে ১৫ মে’ত বিশ্ব স্বাস্থ্য সংস্থাই শিশু আৰু কিশোৰ-কিশোৰীৰ মাজত মাল্টিছিষ্টেম ইনফ্লেমেটৰী ডিজঅৰ্ডাৰৰ বাবে প্ৰাথমিক অৱস্থাৰ ৰোগী পাই সংজ্ঞা আৰু ৰিপৰ্ট তৈয়াৰ কৰিছে ৷

দৈনন্দিন বাৰ্তা ডেস্ক :

ৰাজস্থানৰ শচীন পাইলট শিবিৰে দাবী কৰিছিল যে তেওঁৰ সৈতে ৩০ জন বিধায়ক আছে ৷ কিন্তু সোমবাৰে পুৱা নিজৰ ক্ষমতা দেখুৱাই দিলে মুখ্যমন্ত্ৰী অশোক গেহলটে ৷ উল্লেখ্য যে ৰাজস্থান বিধানসভাত কংগ্ৰেছৰ বিধায়কৰ সংখ্যা ১০৭ জন ৷ সোমবাৰে গেহলটৰ বাসভৱনত দলৰ জৰুৰী বৈঠকত উপস্থিত হয় কংগ্ৰেছৰ ৯৭ জন বিধায়ক ৷ গেহলট শিবিৰে আগতেই দাবী কৰি আহিছিল যে ৰাজস্থানত কংগ্ৰেছ অটুট আছে ৷ কোনো ফাট মেলা নাই ৷ ফলত শচীন পাইলট শিবিৰত ১০জনৰ বেছি বিধায়ক নাই ৷ নিৰ্দলীয় আৰু অন্যান্য দলৰ বিধায়ক মিলি গেহলটৰ দুৰ্গ এতিয়াও অটুট আছে ৷ এহাতে দলৰ ভাঙোন ৰোধ কৰিবলৈ দলৰ দোৱাৰ খোলা ৰাখিছে কংগ্ৰেছে ৷ এই কথা দলৰ মুখপাত্ৰ ৰণদীপ সুৰজেৱালাই জনাইছে ৷ আনহাতে কংগ্ৰেছৰ একাংশই কৈছিল শচীনে বিজেপিত যোগ দিব ৷ কংগ্ৰেছ নেতা আৰু এআইচিচিৰ সদস্য কে এল পুনিয়াই এই কথা শেষ পৰ্যন্ত প্ৰত্যাহাৰ কৰিছে ৷ কংগ্ৰেছ সূত্ৰই চিন্তা কৰিছিল বৰ্খাস্ত কৰা হ’ব পাৰে শচীনক ৷ তেতিয়া স্বয়ং শচীন পাইলটে জনাইছিল যে তেওঁৰ বিজেপিত যোগ দিয়াৰ কোনো পৰিকল্পনা নাই৷ দলৰ সমস্যা লৈ দেওবাৰে দিল্লী গৈছিল শচীন পাইলট ৷ কিন্তু তেওঁৰ সৈতে ৰাহুল বা ছোনীয়া কোনোৱে দেখা কৰা নাছিল ৷

দৈনন্দিন বাৰ্তা ডেস্ক :

মধ্য প্ৰদেশৰ মুখ্যমন্ত্ৰী শিৱৰাজ সিং চৌহানে মন্ত্ৰীসভাত ২৮ জন মন্ত্ৰীৰ দপ্তৰ বিতৰণ কৰে ৷ মন কৰিব লগা যে এসপ্তাহৰ আগতে মুখ্যমন্ত্ৰীজনে তেওঁৰ মন্ত্ৰীসভাৰ দপ্তৰ বিতৰণ কৰাৰ বিষয়ে ইংগিত দিছিল ৷ ইয়াৰ ভিতৰত মধ্যপ্ৰদেশৰ গৃহ মন্ত্ৰী হিচাপে নৰোত্তম মিশ্ৰক দায়িত্ব দিয়া হৈছে৷ তাৰ লগতে মিশ্ৰক ৰাজনৈতিক পৰিক্ৰমা, আইন আৰু ন্যায়, কাৰাগাৰ দপ্তৰৰ মন্ত্ৰী হিচাপে দায়িত্ব দিয়া হৈছে ৷ আনহাতে যশোধৰা ৰাজে সিন্ধিয়াক ক্ৰীড়া আৰু যুৱ কল্যাণ মন্ত্ৰীৰ লগতে কাৰিকৰী শিক্ষা, দক্ষতা বিকাশ আৰু নিয়োগ দপ্তৰৰ মন্ত্ৰীৰ দায়িত্ব দিছে৷ জনস্বাস্থ্য, কুটীৰ আৰু গ্ৰামোদ্যোগ মন্ত্ৰীৰ দায়িত্ব দিয়া হৈছে গোপাল ভাৰ্গৱক ৷ তুলসী ৰাম ছিলভাক জলসম্পদ, মস্য কল্যাণ আৰু মস্য উন্নয়নৰ মন্ত্ৰী দিয়া হৈছে ৷ বন মন্ত্ৰীৰ দায়িত্ব বিজয় চাহাক দিয়া হৈছে৷ জগদীশ দেউৰাক বাণিজ্যিক কৰ, বিত্ত, অৰ্থনৈতিক আৰু পৰিসংখ্যা পৰিকল্পনা মন্ত্ৰীৰ দায়িত্ব দিয়া হৈছে ৷ আনহাতে বিষ্ণু লাল সিঙক অসামৰিক খাদ্য যোগান আৰু গ্ৰাহক সুৰক্ষাৰ মন্ত্ৰী হিচাপে দায়িত্ব দিছে ৷ ভূপেন্দ্ৰ সিঙক গ্ৰাম্য উন্নয়ন আৰু আবাস মন্ত্ৰীৰ দায়িত্ব দিছে ৷ মীনা সিং মন্দৱেক আদিম জাতিৰ কল্যাণ, অনুসূচিত জাতি কল্যাণ মন্ত্ৰী, কমল পেটেলক কৃষক কল্যাণ আৰু কৃষি উন্নয়ন, আদিল সিং খানশ্বাহানক জনস্বাস্থ্য কৰিকৰী মন্ত্ৰী, গোবিন্দ সিং ৰাজপুতক ৰাজহ, পৰিবহণ, বীজেন্দ্ৰ প্ৰতাপ সিঙক খনিসম্পদ, শ্ৰম, বিশ্ব ছাৰাঙক চিকিৎসা শিক্ষা, ভূপাল গেছ দুৰ্ঘটনাৰ সাহায্য আৰু পুনসংস্থাপন, ইন্দিৰা দেৱীক মহিলা আৰু শিশু উন্নয়ন, প্ৰভুৰাম চৌধুৰীক জনস্বাস্থ্য আৰু পৰিয়াল কল্যাণ, মহেন্দ্ৰ সিং ছিছ’দিয়াক পঞ্চায়ত আৰু গ্ৰাম্য উন্নয়ন, প্ৰদ্যোন্ম সিং টোমাৰক শক্তি, প্ৰেম৷সিং পেটেলক পশুপালন, সামাজিক ন্যায় আৰু প্ৰতিবন্ধী কল্যাণ, ওম প্ৰকাশ ছাকলেভাক অতি ক্ষুদ্ৰ, ক্ষুদ্ৰ আৰু মজলীয়া উদ্যোগ, বিজ্ঞান আৰু প্ৰযুক্তি, উষা ঠাকুৰক পৰ্যটন, কৃষ্টি, আধ্যাত্মিক মন্ত্ৰী, অৰবিন্দ ভদৰিয়াক সমবায়, হ্ৰদ সেৱা পৰিচালনা, মোহন যাদৱক উচ্চ শিক্ষা, হৰদীপ সিং ডুঙক নতুন আৰু নবীকৰণীয় শক্তি, পৰিৱেশ, ৰাজৱান্ধন সিং প্ৰেম দাত্তিগাঁৱক উদ্যোগ নীতি আৰু বিনিয়োগ প্ৰচাৰ মন্ত্ৰীৰ দায়িত্ব দিয়া হৈছে ৷ ভাৰত সিং খুচৱাহক উদ্যান শস্য আৰু খাদ্য প্রক্রিয়াকৰণ (স্বতন্ত্ৰ), নৰ্দমা উপত্যকা উন্নয়ন, ইন্দ্ৰ সিং পাৰমাৰক বিদ্যালয় শিক্ষা (স্বতন্ত্ৰ), সাধাৰণ প্ৰশাসন, ৰামখেলাভান পেটেলক পিছপৰা শ্ৰেণী আৰু সংখ্যালঘু কল্যাণ আৰু চিহ্নিত যাযাবৰ আৰু আধা যাযাবৰ জাতিৰ কল্যাণ (স্বতন্ত্ৰ), পঞ্চায়ত আৰু গ্ৰামোন্নয়ন, ৰাম কিশোৰ (নানু) খানৱাৰেক আয়ুস (স্বতন্ত্ৰ), জলসম্পদ, বীজেন্দ্ৰ সিং যাদৱক জনস্বাস্থ্য কাৰিকৰী, গিৰিৰাজ দন্দটেক কৃষক কল্যাণ আৰু কৃষি উন্নয়ন, সুৰেশ ধকাদক গড়কাপ্তানী, অ’পিএছ ভাদাউৰিক নগৰ প্ৰশাসন আৰু উন্নয়ন মন্ত্ৰীৰ দায়িত্ব দিয়া হৈছে ৷