কৰিমগঞ্জ পৰা ৰাহুল পাল :

কৰিমগঞ্জ জিলাৰ ভাৰত বাংলাদেশৰ বিভিন্ন সীমান্ত এলেকাত বাংলাদেশী চোৰৰ দৌৰাত্ম্যত অতিষ্ঠ ৰাইজৰ গণ প্ৰহাৰত এজন বাংলাদেশী গৰু চোৰৰ থিতাতে মৃত্যু ঘটে। লগতে আন এটা চোৰক কৰায়ত্ব কৰি আৰক্ষীক চমজাই দিয়ে। ঘটনাটি স্ংঘটিত হৈছে  কৰিমগঞ্জৰ জিলাৰ পাথাৰকান্দি সমষ্টিৰ পুতনি চাহ বাগিছাত।  পুতনি চাহ বাগিছাত আজি অজ্ঞাত পৰিচয় এজন লোকে ঘুৰি ফুৰা দেখি স্থানীয় ৰাইজৰ সন্দেহ হোৱাত সেই লোকজনক আবদ্ধ কৰি সোধা পোছা কৰাত ওলাই আচল তথ্য। লোকজনে জানিব দিয়া মতে তেওৰ সৈতে আন এজন লোক গৰু চোৰ কৰাৰ উদ্দেশ্যৰে সীমান্ত অতিক্ৰম কৰি ভাৰতত প্ৰৱেশ কৰিছিল। গৰু চুৰি কৰাৰ বাবে তেওঁলোকক স্থানীয় একাংশ লোকে এই কামত সহযোগ কৰে। লোকজনৰ মুখত চাঞ্চল্যকৰ বক্তব্য শুনি স্থানীয় লোকে অভিযান চলাই পুতনি চাহ বাগিছাৰ দুজন স্থানীয় লোকৰ ঘৰৰ পৰা    বাংলাদেশী গৰু চোৰক আটক কৰিবলৈ সক্ষম হোৱাৰ পিছতেই পৰিস্থিতি উত্তপ্ত হৈ পৰে। যাৰ ফলত গন প্ৰহাৰত ৰুবেল মিঞা নামৰ বাংলাদেশী চোৰৰ এজনৰ মৃত্যু হয়।  এই ঘটনাৰ পিছত স্থানীয় পঞ্চায়ত প্ৰতিনিধিয়ে পাথাৰকান্দি আৰক্ষী থানাত এখন এজাহাৰ দাখিল কৰাৰ লগতে আটক কৰা এজন বাংলাদেশী চোৰসহ আৰক্ষীৰ হাতত গতাই দিয়ে। এনে ঘটনা সংঘটিত হোৱাৰ পিছত চাহ বাগিছা অঞ্চলত এক চাঞ্চল্যৰ সৃষ্টি হৈছে। আনহাতে কৰিমগঞ্জৰ  আৰক্ষীৰ দল ঘটনাস্থলীত উপস্থিত হৈ সীমান্ত সুৰক্ষা বাহিনীৰ বিষয়ববীয়া সকলক লৈ তদন্ত আৰম্ভ কৰিছে। আটক কৰা বাংলাদেশীৰ নাম মলান মুণ্ডা ( ৩০) ঘৰ বাংলাদেশৰ মৌলবী বজাৰ জিলাৰ সোনা-ৰূপা চাহ বাগিচাত। ভাৰতীয় দুটাৰ ঘৰ পাথাৰকান্দীৰ পুতনি চাহ বাগিচাৰ প্ৰদীপ তাঁতী (৩৫) আৰু শংকৰ কৈৱৰ্ত (৪৫)।বৰ্তমান তিনিটা গৰু চোৰক পাথাৰকান্দী থানাত ৰখা হৈছে। আনহাতে মৃত বাংলাদেশীক কৰিমগঞ্জ চৰকাৰী চিকিৎসালয়ৰ মৰগত ৰখা হৈছে। মৃত দেহ পৰীক্ষাৰ পিছত চৰকাৰী নীতি নিয়মৰ মাধ্যমেৰে বাংলা দেশলৈ দিয়া হ’ব বুলি চৰকাৰী সূত্ৰে জনাইছে ।

পশ্চিম যোৰহাট: 

যোৰহাটত বহি:ৰাজ্যৰ পৰা ঘূৰি অহা শ্ৰমিকসকলৰ সুবিধাৰ্থে যুগুত কৰা “স্ব-নিয়োজন” আঁচনিখনৰ আজি শুভাৰম্ভ কৰে অসম বিধানসভাৰ অধ্যক্ষ  হিতেন্দ্ৰ নাথ গোস্বামীয়ে। অনুষ্ঠানত উপস্হিত থাকে  ৰাজ্যসভাৰ সাংসদ  কামাখ্যা প্ৰসাদ তাচা, জিলা উপায়ুক্ত ৰশ্নি অপৰজ্ঞি কৰাটীকে  ধৰি ভালেকেইজন বিশিষ্ট ব্যক্তি।  

ডবকা :

আজি অসমৰ ৰাজ্যিক স্বাস্থ্যমন্ত্ৰী পিযুষ হাজৰিকা হোজাইত উপস্থিত হৈ হোজাই জিলাৰ ১০ খনতকৈ অধিক কোৱেৰান্টাইন কেন্দ্ৰ পৰিদৰ্শন কৰে৷স্বাস্থ্য বিভাগৰ সঞ্চালকৰ লগতে হোজাইৰ উপায়ুক্তক লগত লৈ ডবকা,মোৰৰঝাৰ  আদি বিভিন্ন স্থানৰ কোৱেৰান্টাইন কেন্দ্ৰ পৰিদৰ্শন কৰে ৰাজ্যিক মন্ত্ৰীজনে৷উল্লেখ্য যে ৰবিবাৰে বহি:ৰাজ্যৰ পৰা অসমলৈ আহিছিল দুই সহস্ৰাধিক লোক৷ইয়াৰে অৰ্ধেক সংখ্যক গুৱাহাটীত কোৱেৰান্টাইন কৰি ৰখাৰ লগতে 950 জন লোকক হোজাইৰ বিভিন্ন স্থানত কোৱেৰান্টাইন কৰা হৈছে৷কোৱেৰান্টাইনত থকা লোকসকলৰ স্বাৱ সংগ্ৰহ কৰি অতি কম সময়ৰ ভিতৰতে পৰীক্ষাৰ ব্যৱস্থা কৰা হব বুলি মন্তব্য কৰে ৰাজ্যিক স্বাস্থ্যমন্ত্ৰীজনে৷কোবিড ১৯ ক পৰাস্ত কৰিবলৈ অসম চৰকাৰৰ লগতে স্বাস্থ্য বিভাগ সম্পূৰ্ণৰুপে সাজু বুলি মন্তব্য কৰে পিযুষ হাজৰিকাই৷মন্ত্ৰী গৰাকীয়ে প্ৰথমে পিৰ বজাৰ ব্ৰাইট ফিউচাৰ  কোৱাৰাইন্টাই চেন্টাৰ পৰিদৰ্শন কৰাৰ লগতে মোৰাজাৰ কলেজ,মৰাজাৰ HS স্কুল, জয়নগৰ মাদ্ৰাছা,ডবকা  আৰু NRI প্ৰাৱলিক ইস্কুল কোৱাৰাইন্টাইন চেন্টাৰ পৰিদৰ্শন কৰে । মুখ্য মন্ত্ৰী আৰু স্বাস্থ্য তথা বিত্ত মন্ত্ৰী হিমন্ত বিশ্ব শৰ্মা নিৰ্দেশ মৰ্মে তিনি চাৰি দিনৰ বাবে হোজাই জিলাখনৰ পর্যবেশন কৰিবৰ বাবে আজি উপস্থিত হয় মন্ত্ৰী গিৰাকী। কোৱাইণ্টাইন চেণ্টাৰ থকা সকলৰ সকলো পর্যবেশন কৰে মন্ত্ৰী গৰাকীয়ে। হোজাই উপায়ুক্তক লগত লৈ কোৱাইণ্টাইন চেণ্টাৰ পৰ্যবেক্ষণ কৰা লগতে কোৱাইণ্টাইন থকা সকলৰ আজিৰ ভিতৰতে শ্বফ সংগ্ৰহ কৰি পৰীক্ষাৰ বাবে প্ৰেৰণ কৰা নিৰ্দেশ দিয়া লগতে হোজাইত পূৰ্বৰে পৰা থকা অৰ্থাৎ  7 দিনতকৈ অধিক কোৱাইণ্টাইনত থকা 4শ ব্যক্তিক ঘৰলৈ পঠোৱা নিৰ্দেশ দিয়ে উপায়ুক্ত গৰাকীক।

দলগাওৰ পৰা আবুল হাছেম:

 দৰঙত পুনৰ বৃদ্ধি পালে ক’ভিড আক্ৰান্তৰ সংখ্যা। সোমবাৰে আন তিনিজন লোক ক’ভিডত আক্ৰান্ত হোৱাৰ প্ৰতিবেদন লাভ কৰিছে দৰং জিলা স্বাস্থ্য বিভাগে। সেই অনুসৰি দৰঙত থকা ক’ভিড আক্ৰান্তৰ সংখ্যা ৭ জনলৈ বৃদ্ধি পালে। সোমবাৰে ক’ভিডত আক্ৰান্ত হোৱা লোক কেইজন হ’ল- বেছিমাৰী নদীকাষৰ ছিকন্দৰ আলী (২১), ধূলাৰ শ্বেখ ফৰিদ (২৫) আৰু বেছিমাৰীৰ নজৰুল ইছলাম  (২১)। এই আটাইকেইজন লোক যোৱা ২৬ মে’ ত মুম্বাইৰ পৰা ৰেলযোগে আহি দৰঙত উপস্থিত হৈছিল। তেতিয়াৰে পৰা তেওঁলোক খাৰুপেটীয়া মহাবিদ্যালয়ৰ কোৱাৰেণ্টাইন চেণ্টাৰত আছিল। অৱশ্যে তেওঁলোকক মঙলদৈ অসামৰিক চিকিৎসালয়ৰ আছুতীয়া কক্ষলৈ অনাৰ বাবে প্ৰয়োজনীয় প্ৰস্তুতি চলাইছে জিলা প্ৰশাসন আৰু স্বাস্থ্য বিভাগে।ইফালে পূৰ্বৰে পৰা মঙলদৈ অসামৰিক চিকিৎসালয়ৰ আছুতীয়া কক্ষত ৪ জন ক’ভিড আক্ৰান্ত চিকিৎসাধীন হৈ আছে।

মঙলদৈঃ

দৰঙত পুনৰ বৃদ্ধি পালে ক’ভিড আক্ৰান্তৰ সংখ্যা। সোমবাৰে আন তিনিজন লোক ক’ভিডত আক্ৰান্ত হোৱাৰ প্ৰতিবেদন লাভ কৰিছে দৰং জিলা স্বাস্থ্য বিভাগে। সেই অনুসৰি দৰঙত থকা ক’ভিড আক্ৰান্তৰ সংখ্যা ৭ জনলৈ বৃদ্ধি পালে। আৰু দৰঙত কৰ’না ৰোগীৰ সংখ্যা হলগৈ মুঠ ১৩ জন৷ সোমবাৰে ক’ভিডত আক্ৰান্ত হোৱা লোক কেইজন হ’ল- বেছিমাৰী নদীকাষৰ ছিকন্দৰ আলী (২১), ধূলাৰ শ্বেখ ফৰিদ (২৫) আৰু বেছিমাৰীৰ নজৰুল ইছলাম  (২১)। এই আটাইকেইজন লোক যোৱা ২৬ মে’ ত মুম্বাইৰ পৰা ৰেলযোগে আহি দৰঙত উপস্থিত হৈছিল। তেতিয়াৰে পৰা তেওঁলোক খাৰুপেটীয়া মহাবিদ্যালয়ৰ কোৱাৰেণ্টাইন চেণ্টাৰত আছিল। অৱশ্যে তেওঁলোকক মঙলদৈ অসামৰিক চিকিৎসালয়ৰ আছুতীয়া কক্ষলৈ অনাৰ বাবে প্ৰয়োজনীয় প্ৰস্তুতি চলাইছে জিলা প্ৰশাসন আৰু স্বাস্থ্য বিভাগ৷ ইফালে পূৰ্বৰে পৰা মঙলদৈ অসামৰিক চিকিৎসালয়ৰ আছুতীয়া কক্ষত ৪ জন ক’ভিড আক্ৰান্ত চিকিৎসাধীন হৈ আছে।

নাজিৰা:

বিশেষ ৰেল গাড়ীৰে চেন্নাইৰপৰা আহি মৰিয়নি জংচনত নমা নাজিৰাৰ ৫ জনকৈ যুৱকৰ শৰীৰৰত ক’ভিড – ১৯ৰ অৱস্থিতি ধৰা পৰাৰ পাছতেই সমগ্ৰ নাজিৰা মহকুমাতেই কৰ’নাৰ ত্ৰাসে জনসাধৰণক চুই গৈছে । সমগ্ৰ ভাৰতবৰ্ষত প্ৰায় ২লাখ লোক আক্ৰান্ত হৈ লকডাউন চলি ৰোৱাৰ পঞ্চমটো পৰ্য্যায় ওচৰ চপালৈকে নাজিৰা মহকুমাৰ ৭টাকৈ কোৱাৰেন্টীন কেন্দ্ৰৰ কোনোজন লোকেই কৰ’না পজিটিভ নোহোৱাৰ বাবে ৰাইজৰ মাজত কৰ’নাৰ আতংক হ্ৰাস পাইছিল । ইতিমধ্যে নাজিৰালৈ ভাৰতবৰ্ষৰ যিকোনো ৰাজ্যৰপৰা ৰেল, বাছ আৰু বিমানেৰে আহি পোৱা প্ৰায় ৫শ জন লোকৰ নাজিৰাতে শৰীৰৰ স্বাৱ সংগ্ৰহ আৰু পৰৱৰ্ত্তী পৰীক্ষা সম্পন্ন হৈছিল যদিও কোনো জনেই কৰ’নাৰ বাহক হিচাপে প্ৰমাণ পোৱা হোৱা নাছিল । কিন্ত্ত যোৱা ২৬ মে’ত ৰেল যাত্ৰী হিচাপে চেন্নাইৰ পৰা গুৱাহাটী আৰু পৰৱৰ্ত্তী আন এখন ৰেলেৰে মৰিয়নি জংচন আহি পোৱা ৫ যুৱক ৩১ মেৰ নিশা আই চি এম আৰ লাহোৱালৰপৰা ঘোষিত স্বাব পৰীক্ষাৰ ফলাফলত কৰ’না পজিটিভ বুলি ঘোষণা হৈছে । মৰিয়নিৰপৰা বাছেৰে আহি গড়গাওঁ কলেজৰ নাজিৰা মহকুমা কোৱাৰেন্টীন কেন্দ্ৰত আবাসী হৈ পৰা শিমলুগুৰি লিকচন গাঁৱৰ বিকাশ কোঁৱৰ (১৯),একে গাঁৱৰে যদুমণি চেতিয়া (২১),লোহিত গগৈ (২০), গেলেকী ৰজাভেটাৰ বিকী সন্দিকৈ (২৪), চন্টক বিহুবৰৰ ৰাজা চাব্বাৰ (২৬) ক ৩১ মেৰ নিশাই জয়সাগৰ স্থিত শিৱসাগৰ অসামৰিক চিকিৎসালয়ৰ ক’ভিড চিকিৎসা কক্ষত ভৰ্ত্তি কৰোৱা হয় । সংশ্লিষ্ট যুৱককেইজনে চেন্নাইৰ এক কোম্পানীত কৰ্মৰত আছিল আৰু চেন্নাইৰ এক কলেজৰ গৃহত সমবেত হৈ আন ৰাজ্যৰ বহু লোকৰ সৈতে শ্ৰমিক কৃষক এক্সপ্ৰেছলৈ অপেক্ষা কৰিছল ।  প্ৰথম বাৰৰ বাবে নাজিৰাত ক’ভিড ১৯ ৰ অৱস্থিতি ধৰা পৰাৰ পাছতে কৰ্তৃপক্ষই সমগ্ৰ এলেকাতে ছেনিটাইজ কৰাৰ লগতে তৎপৰতা অধিক বঢ়াই তোলা পৰিলক্ষত হৈছে ।