অনলাইন বাৰ্তা

ভাৰতত ক’ৰোনা ভাইৰাছত সংক্ৰমিতৰ সংখ্যা যদিও বৃদ্ধি পাইছে তাৰ মাজতে পাঁচখন ৰাজ্যত সকলো ক’ৰোনা ৰোগী সুস্থ হৈ উঠিছে আৰু চিকিৎসালয়ৰ পৰা যাবলৈ দিয়া হৈছে৷ ফলত এই পাঁচখন ৰাজ্য ক’ভিড-১৯ মুক্ত হৈ পৰিছে৷ ইয়াৰ বাদে দেশৰ ১৪খন ৰাজ্য আছে য’ত ভাৰতত প্ৰাদুৰ্ভাৱৰ ১০২ দিন হোৱাৰ পাছত ভাইৰাছ সংক্ৰমণ বৃদ্ধি পাইছে৷ ক’ৰোনা মুক্ত এই পাঁচখন ৰাজ্য হ’ল গোৱা, অৰুণাচল প্ৰদেশ, মণিপুৰ, মিজোৰাম, আন্দামান আৰু নিকোবৰ৷ মিজোৰাম ক’ৰোনা মুক্ত ৰাজ্য হিচাপে শেহতীয়াকৈ অন্তভূক্ত হৈছে৷ এই ৰাজ্যখনত সকলো ক’ৰোনা ৰোগীক দেওবাৰে চিকিৎসালয়ৰ পৰা যাবলৈ দিয়া হৈছে৷ স্বাস্থ্য মন্ত্ৰালয়ৰ তথ্য বিশ্লেষণ কৰি এই কথা পোহৰলৈ আহিছে যে ১৫খন ৰাজ্য আৰু কেন্দ্ৰীয় শাসিত অঞ্চলত ক’ভিড-১৯ত আক্ৰান্তৰ পৰিমাণ কমিবলৈ লৈছে৷ সক্ৰিয় হৈ থকাৰ অৰ্থ এয়ে যে এই ১৫খন ৰাজ্যত কমকৈ নতুন ৰোগী ওলোৱা ৰাজ্যকেইখন হ’ল মধ্য প্ৰদেশ, ৰাজস্থান, অন্ধ্ৰপ্ৰদেশ, জম্মু আৰু কাশ্মীৰ, তেলেংগানা, কৰ্ণাটক, হাৰিয়ানা, বিহাৰ, অসম, লাডাখ, উত্তৰাখণ্ড, ছত্তীশগড়, কেৰালা, হিমাচল প্ৰদেশ আৰু মেঘালয়৷ বাকী ৰাজ্যবোৰত আক্ৰান্ত হ্ৰাস হৈছে বা স্থিতিশীল হৈ ৰৈছে৷ সেই ৰোগীৰ হিচাপ বিবেচনা কৰিলে যি চিকিৎসালয়ত ভৰ্ত্তি হৈ আছে আৰু চিকিৎসাৰ বাবে নিছে৷ ইয়াত সুস্থ বা মৃত ৰোগী অন্তভূক্ত কৰা নাই৷ ইয়াৰ মাজত মধ্য প্ৰদেশৰ ফলাফলবোৰ অতি তাৎপৰ্যপূৰ্ণ৷ কাৰণ ৪ মে’ৰ পৰা ৰাজ্যখনত ৰোগীৰ সংখ্যা হ্ৰাসৰ প্ৰৱনতা দেখা গৈছে৷ ৪ মে’ত সক্ৰিয় ৰোগী আছিল ১৯৭৯৷ দেওবাৰৰ দিনটোত ইয়াৰ পৰা কমিল ১৭২৩জন৷ আনহাতে ৮ মে’ পৰ্যন্ত ৰাজস্থানত হ্ৰাসৰ প্ৰৱনতা দেখা গৈছে৷ তাত সক্ৰিয় ৰোগী ১৭৩৪ৰ পৰা কমি ১৫৭৬ হয়গৈ৷

অনলাইন বাৰ্তা

দেশৰ জ্যেষ্ঠ সাংবাদিক তথা ৰিপাব্লিক টিভিৰ মুখ্য সম্পাদক অৰ্ণৱ গোস্বামীৰ ওপৰত হোৱা আক্ৰমণৰ ঘটনাৰ বিৰুদ্ধে দাখিল কৰা গোচৰৰ সংক্ৰান্তত আজি দেশৰ উচ্চতম ন্যায়ালয়ত শুনানি অনুষ্ঠিত হয়। জ্যেষ্ঠ সাংবাদিক অৰ্ণৱ গোস্বামীৰ হৈ আদালতত জ্যেষ্ঠ অধিবক্তা হৰিশ চালভেয়ে দিয়া যুক্তিত অৰ্ণৱ গোস্বামীৰ বিৰুদ্ধে ৰুজু হোৱা গোচৰ সন্দৰ্ভত আৰক্ষীয়ে উপয়ুক্তভাৱে তদন্ত কৰা হোৱা নাই। তেওঁৰ বিৰুদ্ধে ৰুজু হোৱা গোচৰ নাকচ কৰিবলৈ দাবী জনাইছে৷ ইয়াৰ লগতে অধিবক্তাজনে উচ্চতম ন্যায়ালয়ত কয়, গোস্বামীক প্ৰশ্ন কৰা দুজন জ্যেষ্ঠ মুম্বাই আৰক্ষী বিষয়াৰ এজন ক’ভিড-১৯ পজিটিভ আছিল৷ উল্লেখ্য যে জ্যেষ্ঠ সাংবাদিকজনে পালঘৰৰ ঘটনাত কংগ্ৰেছ নেত্ৰী ছোনীয়া গান্ধীক টানি অনাৰ অভিযোগত মানহানি গোচৰ দিয়াৰ অভিযোগ উঠিছে। ইয়াকে লৈ ২৪ এপ্ৰিলত আৰক্ষীয়ে তেওঁক ১২ ঘণ্টা জেৰা কৰিছিল৷ আনহাতে অৰ্ণৱ গোস্বামীৰ বিৰুদ্ধে ৰাজ্যৰ বিভিন্ন থানাত গোচৰ ৰুজু কৰিছে। কিন্তু উচ্চতম ন্যায়ালয়ে অৰ্ণৱ গোস্বামীক ৩ মাহলৈ গ্ৰেপ্তাৰ কৰিব নোৱাৰিব বুলি নিৰ্দেশনা জাৰি কৰিছিল। ইপিনে, ৪ মে’ত মহাৰাষ্ট্ৰ চৰকাৰে আৰক্ষী জিলা প্ৰশাসকৰ হৈ উচ্চতম ন্যায়ালয়ত এখন আবেদন কৰি অভিযোগ কৰিছিল যে গোস্বামীৰ ৰিপাব্লিক টিভি চেনেলত তেওঁৰ অনুষ্ঠানত আৰক্ষীক ‘ব্ৰাউজ’ কৰাৰ চেষ্টা কৰি তেওঁৰ বিৰুদ্ধে তদন্তত বাধাৰ সৃষ্টি কৰিছে৷ ৰাজ্য চৰকাৰে আবেদন আৰু অভিযোগ কৰাৰ দিনাই গোস্বামীয়ে প্ৰশ্ন কৰিবৰ বাবে থানালৈ গৈছিল৷ সেইদিনা মিডিয়া দলক খেলিমেলি সৃষ্টি কৰিবৰ বাবে ব্যৱহাৰ কৰিছিল আৰু থানাত নিজৰ ওজন প্ৰদৰ্শন কৰিছিল৷

অনলাইন বাৰ্তা

ৰে’ল মন্ত্ৰালয়ে আজি বিশেষ ৰে’ল চলাবৰ বাবে নিৰ্দেশনা জাৰি কৰিছে৷ ৰে’ল মন্ত্ৰালয়ে জনোৱা মতে সেই ৰে’লবোৰত কম্বল আৰু লিনেন দিয়া নহ’ব৷ লগতে প্ৰি পেইড খোৱাৰ বুকিং আৰু ই-কেটাৰিঙৰ ব্যৱস্থা থাকিব৷ ৰে’ল মন্ত্ৰালয়ে জাৰি কৰা বিজ্ঞপ্তিত উল্লেখ যে ৰে’লত কোনো কম্বল আৰু লিনেন দিয়া নহ’ব৷ উল্লেখ্য যে মঙলবাৰৰ পৰা বিশেষ যাত্ৰীবাহী ৰে’ল চলাচল দেশত আৰম্ভ হ’ব৷ ৰে’লবোৰ চলিব দিল্লীৰ পৰা ভাৰতৰ ১৫টা ষ্টেচনলৈ৷ সেইকেইটা হ’ল হাওৰা, ডিব্ৰুগড়, আগৰতলা, পাটনা, বিলাসপুৰ, ৰাঁচী, ভূবনেশ্বৰ, ছেকেন্দ্ৰাবাদ, বেংগালুৰু, চেন্নাই, তিৰুবান্তপুৰম, মডগাঁও, মুম্বাই চেণ্ট্ৰেল, আহমদাবাদ আৰু জম্মু-কাশ্মীৰ৷ যিখন ৰাজ্যলৈ যাব তাৰ তিনিটা ষ্টেচনত ৰে’ল ৰ’ব৷ এই বিষয়ে ৰে’ল চলাচল কৰাৰ নিয়ম বান্ধি দিছে৷ এই নিয়ম মতে, সেই ৰে’লৰ বাবে ৰিজাৰ্ভেচন কাউণ্টাৰৰ পৰা টিকট দিয়া নহ’ব৷ ৱেবছাইট https://www.irctc.co.in ত নিজৰ প্ৰফাইল প্ৰস্তুত কৰি টিকট টশক কৰিব পাৰিব৷ সোমবাৰে বিয়লি ৪ বজাৰ পৰা টিকট বুক কৰা আৰম্ভ কৰাৰ কথা আছিল৷ সেয়া পিছুৱাই বিয়লি৬ বজা কৰা হ’ল৷ প্ৰত্যেক যাত্ৰীয়ে ষ্টেচন আৰু ৰে’লৰ ভিতৰত সামাজিক দূৰত্ব বজায় ৰাখিব লাগিব৷ থ্ৰী টিয়েৰ কম্পাৰ্টমেণ্টত মাজৰ বাৰ্থটো খোলা নহ’ব৷ যাত্ৰা চলি থকা সময়ত সকলো যাত্ৰীয়ে মাস্ক পিন্ধিব লাগিব৷ ষ্টেচনত থাকোতে, ৰে’ল এৰোতে আৰু পোৱাৰ সময়ত হেণ্ড ছেনিটাইজাৰ লৈ যাত্ৰীয়ে হাত ধোব লাগিব৷ ৰে’ল এৰাৰ ৯০ মিনিটৰ আগতে ষ্টেচন পাব লাগিব৷ সকলোকে স্ক্ৰিনিং কৰা হ’ব৷ উপসৰ্গহীনসকলক কেৱল ৰে’লত উঠিবলৈ দিয়া হ’ব৷  ৰে’ল এৰাৰ ১৫ মিনিটৰ আগতে অহা সকলক প্ৰৱেশ কৰিবলৈ দিয়া নহ’ব৷ ৰে’ল সম্পূৰ্ণ এচি৷ সেয়ে ৰে’লৰ ভাৰা কমোৱা নহ’ব৷ ভাৰা ৰাজধানী ৰে’লৰ দৰে হ’ব৷ টিকট নিশ্চিত হ’লেই ৰে’লত উঠিব পাৰিব৷ কোনো আৰএচি বা ৱেটিং লিষ্ট নাথাকে৷ যাত্ৰীয়ে পাতলীয়া সামগ্ৰীহে নিব পাৰিব৷ গন্তব্যস্থান পোৱা সময়লৈকে স্বাস্থ্য মন্ত্ৰালয়ৰ নিৰ্দেশনা মানি চলিব লাগিব৷ প্ৰতিগৰাকী যাত্ৰীয়ে আৰোগ্য সেতু এপ ডাউনলড কৰি ল’বলৈ কেন্দ্ৰই কৈছে৷ সৰ্বাধিক সাতদিনৰ আগৰ ৰে’লৰ টিকট কাটিব পাৰিব৷ সৰ্বনিম্ন ২৪ ঘণ্টাৰ আগেয়ে টিকট বাতিল কৰিব পাৰিব৷ টিকট বাতিল কৰাৰ মূল্য টিকটৰ ৫০ শতাংশ৷