কৃত্ৰিম বান গুৱাহাটীৰ বাবে নতুন কথা নহয়।
ৰাতিৰে পৰা হোৱা ধাৰাসাৰ বৰষুণৰ ফলত গুৱাহাটী মহানগৰীৰ চানমাৰিৰ লগতে হাতীগাঁৱ আৰু আন কিছু কিছু ঠাইতো কৃত্ৰিম বানপানীৰ সৃষ্টি হৈছে।
এই দৃশ্য হৈছে চানমাৰিৰ।
কৃত্ৰিম বানৰ ফলত এতিয়া যথেষ্ট অসুবিধা সন্মুখীন হ’বলগীয়া হৈছে ৰাইজ।
সৃষ্টি হৈছে তীব্ৰ যানজঁটৰ।
দেওবাৰে ভেটাপাৰাৰ বনফুল প্ৰকাশনৰ উদ্যোগত কাহিলীপাৰাৰ জ্যোতি চিত্ৰবনৰ ভিডিঅ’ কনফাৰেন্স হলত দিনৰ ১১ বজাত এখন গ্ৰন্থ উন্মোচনী সভাৰ আয়োজন কৰা হয়৷ উক্ত সভাত অনুপমা দেউৰী ভৰালী ৰচিত ‘দেৱাশীষা’ শীৰ্ষক উপন্যাসখন উন্মোচন কৰে বিশিষ্ট লেখক, সাহিত্যিক তথা দেউৰী সাহিত্য সভাৰ সভাপতি ড° ষড়ানন দেউৰীয়ে৷ উক্ত গ্ৰন্থ উন্মোচনী সভাত মুখ্য অতিথি হিচাপে বিশিষ্ট লেখক, দিছপুৰ মহাবিদ্যালয়ৰ ইংৰাজী বিভাগৰ মুৰব্বী অধ্যাপক ড° সঞ্জীৱ শৰ্মা আৰু বিশিষ্ট অতিথি হিচাপে অসম চৰকাৰৰ উদ্যোগ বিভাগৰ প্ৰাক্তন উচ্চপদস্থ বিষয়া লেখক -সমাজকৰ্মী হেমৰঞ্জন দেউৰী,বিশিষ্ট কবি ড° অতুল কুমাৰ দেউৰী ভৰালী,লেখক তথা ভাৰতীয় বন বিভাগৰ প্ৰাক্তন উচ্চপদস্থ বিষয়া ৰমাকান্ত দেউৰী আৰু অসম চৰকাৰৰ উচ্চ পদস্থ বিষয়া ত্ৰৈলোক্য দেউৰী উপস্থিত থাকে৷
সাংবাদিক-লেখিকা দৰ্শনা বৰুৱাই আঁতধৰা উক্ত গ্ৰন্থ উন্মোচনী সভাৰ উদ্দেশ্য বাখ্যা কৰে বনফুল প্ৰকাশনৰ হৈ প্ৰকাশক বিনু দেউৰী বৰুৱাই৷ সভাৰ আৰম্ভণিতে বন্তি প্ৰজ্বলন কৰে গংগা গোমতী ব্ৰহ্মপুত্ৰ নামৰ লোক -সংস্কৃতিৰ অনুষ্ঠানটিৰ আজীৱন সভাপতি ড° অতুল কুমাৰ দেউৰী ভৰালীয়ে৷সভাত দেৱাশীষা উপন্যাসখনৰ ঔপন্যাসিক অনুপমা দেউৰী ভৰালীয়ে নিজৰ মনৰ অনুভৱ ব্যক্ত কৰাৰ লগতে গাম্ভীৰ্যপূৰ্ণ অনুষ্ঠানটিত বনফুল প্ৰকাশনৰ প্ৰকাশন উপদেষ্টা তথা সাহিত্য একাডেমীৰ অনুবাদ বঁটা প্ৰাপক বিশিষ্ট অনুবাদক -লেখক বিপুল দেউৰী উপস্থিত থাকি বক্তব্য প্ৰদান কৰে৷ সভাখনত সুবন্তি দেউৰী,অৰ্চনা দেউৰী,ফ্ল’ৰিনা দেউৰী,মৃদুস্মিতা দেউৰী আৰু দেৱদৰ্শনা দেউৰীয়ে কবিতা আবৃত্তি কৰি সভাৰ সৌষ্ঠৱ বৃদ্ধি কৰে৷সভাখনত ডাঃ আব্দুল দেউৰী,বিজয় দেউৰী আদিকে ধৰি কেইবাগৰাকীও গণ্য মান্য ব্যক্তি উপস্থিত থাকে৷
হিন্দু ধৰ্মত ময়ুৰৰ পাখি অতি শুভ বুলি গণ্য কৰা হয়। বাস্তু শাস্ত্ৰৰ মতে ঘৰত ময়ুৰৰ পাখি ৰাখিলে সুখ আৰু শান্তি অটুট থাকে আৰু ঘৰখনত ইতিবাচক শক্তি বিয়পাই পৰে। ময়ুৰৰ পাখি ঘৰত ৰখাৰ কিছু নিয়ম বুজাই আছে। যদি বাস্তুৰ নিয়ম পালন কৰি ময়ুৰৰ পাখি ৰখা হয়, তেন্তে শুভ ফল পোৱা যায়। ইয়াৰ লগতে ময়ুৰৰ পাখি ৰখাৰ দিশ সঠিক হ’লে ধন-সম্পত্তি লাভৰ সম্ভাৱনাও আছে। জানো আহক-
বাস্তু শাস্ত্ৰৰ মতে ঘৰখন ভালে ৰাখিবলৈ ময়ুৰৰ পাখি দক্ষিণ-পূব দিশত ৰাখিব লাগে। ইয়াৰ দ্বাৰা শুভ ফল পোৱা যায়। জ্যোতিষৰ মতে সূৰ্য্য ঈশ্বৰ আৰু ইন্দ্ৰ ঈশ্বৰক ঘৰৰ পূব দিশৰ অধিপতি বুলি গণ্য কৰা হয়।
ভগৱান গণেশৰ ছবিৰ ওচৰত ময়ুৰৰ পাখি ৰাখিলে বাস্তুৰ দোষৰ প্ৰভাৱ কমি যায় আৰু ইতিবাচকতা বজাই ৰাখে।
যদি ঘৰত স্বামী-স্ত্ৰীৰ কাজিয়া বাঢ়িছে আৰু ঘৰুৱা অসুবিধা শেষ হোৱা নাই, তেন্তে শোৱা কোঠাত ময়ুৰৰ পাখি ৰাখিব লাগে। এনে কৰিলে পাৰিবাৰিক সম্পৰ্ক মজবুত হয় আৰু স্বামী-স্ত্ৰীৰ সম্পৰ্কলৈ মধুৰতা আনে।
বাস্তু শাস্ত্ৰৰ মতে ঘৰৰ উত্তৰ-পশ্চিম দিশত ময়ুৰৰ পাখি ৰাখিলে ধন-সম্পত্তি লাভৰ সম্ভাৱনাৰ সৃষ্টি হয়। ইয়াৰ ফলত আৰ্থিক অৱস্থাও উন্নত হয় আৰু আৰ্থিক সমস্যাৰ পৰাও সকাহ পোৱা যায়।
যদি আপোনাৰ ৰাহুদোষ আছে তেন্তে ঘৰৰ উত্তৰ-পশ্চিম দিশত ময়ুৰৰ পাখি ৰাখিব।
বাস্তু শাস্ত্ৰৰ মতে অফিচত ময়ুৰৰ পাখি দক্ষিণ-পূব দিশত ৰাখিলে ধন অহাত সহায় কৰে। ইয়াৰ লগতে আয়ৰ নতুন উৎসৰো সৃষ্টি হয়।
মুখৰ সৌন্দৰ্য্যত ওঁঠৰ ভূমিকা আটাইতকৈ গুৰুত্বপূৰ্ণ। মৌৰ সহায়ত আপুনি আপোনাৰ ওঁঠ দুটা সুন্দৰ আৰু সুস্থ কৰি ৰাখিব পাৰিব। আমাৰ বহুতৰে ওঁঠযুৰি শুকান আৰু ৰংহীন হৈ পৰে আৰু ইয়াৰ ফলত ফাটিবলৈ আৰম্ভ কৰে ওঁঠযুৰি। ওঁঠৰ লগত জড়িত বেছিভাগ সমস্যাই ঠাণ্ডা বতৰত দেখা দিয়ে। যদিও ওঁঠৰ সৌন্দৰ্য্যৰ বাবে বজাৰত বহু ধৰণৰ লিপ বাম আৰু মইশ্ব’ৰাইজাৰ পোৱা যায় তথাপিও মৌ লগাইও আপুনি আপোনাৰ ওঁঠযুৰি ভালকৈ ৰাখিব পাৰে-
যদি আপোনাৰ ওঁঠ অতি সোনকালে শুকাই যায়, তেন্তে ইয়াৰ বাবে আপুনি মৌ ব্যৱহাৰ কৰিব পাৰে। মৌৰ মইশ্ব’ৰাইজিং গুণৰ বাবে ই আপোনাৰ ওঁঠৰ আৰ্দ্ৰতা দীৰ্ঘ সময় ধৰি ৰাখিব।
ওঁঠত মৰা ছাল জমা হোৱাৰ বাবে অতি শুকান দেখাবলৈ আৰম্ভ কৰে। এনে পৰিস্থিতিত মৌৱে প্ৰাকৃতিক স্ক্রাব হিচাপে কাম কৰে। ইয়াত এক প্ৰকাৰৰ এনজাইম থাকে গতিকে ই একেবাৰেই মৃত ছালখন অতি সহজে আঁতৰাই পেলায়।
বহু সময়ত যত্নৰ অভাৱ আৰু ধূমপানৰ বাবে ওঁঠৰ প্ৰাকৃতিক ৰং সলনি হ’বলৈ আৰম্ভ কৰে। এনে পৰিস্থিতিত ওঁঠৰ ৰং বজাই ৰখাত মৌ অতি উপকাৰী বুলি প্ৰমাণিত হয়।
ওঁঠত লগাবলৈ জৈৱিক মৌ ব্যৱহাৰ লাগে আৰু তাত একো মিহলি নকৰাকৈ পোনে পোনে ওঁঠত আঙুলিৰে লগাব লাগে। ২-৩ মিনিট মৌৰে ওঁঠ মালিচ কৰি তাৰ পিছত পৰিষ্কাৰ তিতা টাৱেলেৰে পৰিষ্কাৰ কৰক।
ভাৰতীয় পাকঘৰত ব্যৱহাৰ কৰা বহুতো মছলা আৰু খাদ্য আচলতে বনৌষধি চিকিৎসাৰ বাবেও ব্যৱহাৰ কৰা হয়। এনে কিছুমান খাদ্যক অমৃতৰ দৰে বুলিও কোৱা হয়। এই সমূহে ভোক ভোক নিবাৰণ কৰাই নহয়, শৰীৰক সক্ৰিয় হৈ থাকিবলৈ আৰু সঠিকভাৱে কাম কৰিবলৈ পুষ্টিও প্ৰদান কৰে।
এই খাদ্য সমূহৰ বিষয়ে জানো আহকঃ
আমলখিত ভিটামিন চি প্ৰচুৰ পৰিমাণে থাকে আৰু ই শৰীৰৰ বিষমুক্তকৰণত সহায় কৰে। ইয়াৰ বাহিৰেও আমলখি খালে চকু সুস্থ হৈ থাকে আৰু বাৰ্ধক্যৰ প্ৰভাৱ ছালত কম দেখা যায়।
ঘিউে হজম শক্তি উন্নত কৰে, লগতে পুষ্টিকৰ পদাৰ্থ শোষণ বৃদ্ধি কৰে।
হালধি এন্টি-ইনফ্লেমেটৰী আৰু এন্টিঅক্সিডেন্ট গুণৰ বাবে জনাজাত। ইয়াৰ নিয়মীয়া সেৱনে হজম শক্তি উন্নত কৰে, ৰোগ প্ৰতিৰোধ ক্ষমতা বৃদ্ধি কৰে আৰু শৰীৰক বিষমুক্ত কৰে।
আয়ুৰ্বেদত মৌক প্ৰাকৃতিক অমৃত বুলি গণ্য কৰা হয়। ই শক্তি প্ৰদান কৰে, কাহ আৰু চৰ্দিৰ দৰে শ্বাস-প্ৰশ্বাসজনিত সমস্যা হ্ৰাস কৰে। লগতে ঘাঁ সোনকালে ভাল হোৱাত সহায় কৰে।
মিচিং ভাষা-সাহিত্যৰ একমাত্ৰ সংগঠন মিচিং আগম কেবাঙৰ পত্ৰিকা ‘মিমাং’ আজি গোগামুখত উন্মোচন কৰাৰ লগতে বিতৰণ কৰা হয়৷ ধেমাজি জিলাৰ গোগামুখৰ লটাকস্থিত এন চি ডি মহাবিদ্যালয়ত এক গাম্ভীৰ্যপূৰ্ণ পৰিৱেশত মিমাং পত্ৰিকাখন উন্মোচন আৰু বিতৰণ কৰে মিচিং আগম কেবাঙৰ কেন্দ্ৰীয় সভাপতি হৰিনাৰায়ণ পেগু আৰু এন চি ডি মহাবিদ্যালয়ৰ অধ্যক্ষ ড° সুৰজিৎ দলেয়ে৷ তেওঁলোকক সহযোগ কৰে মিচিং আগম কেবাঙৰ কেন্দ্ৰীয় প্ৰাক্তন সচিব ডিম্বেশ্বৰ দলে, কালিনাথ পাংগিং, মিমাঙৰ সম্পাদক দুষ্যন্ত নৰহ, প্ৰবীন দলে, কেন্দ্ৰীয় কাৰ্যকৰী সদস্য য়ক্ছা কুলি আদিয়ে৷
আগম কেবাঙৰ ফালৰ পৰা এন চি ডি মহাবিদ্যালয়ক ৫০ কপি আৰু গোগামুখ বাংকে আগম কেবাঙক ৫০ কপি মিমাং বিক্ৰী আৰু প্ৰচাৰ-প্ৰসাৰৰ বাবে আগবঢ়োৱা হয়৷ এন চি ডি মহাবিদ্যালয়ৰ হৈ মিমাং পত্ৰিকা গ্ৰহণ কৰে এন চি ডি মহাবিদ্যালয়ৰ উপাধ্যক্ষা পাৰিজাত পেগু, সহকাৰী অধ্যাপক দীপশিখা ফুকনে৷ গোগামুখ বাংকে আগম কেবাঙৰ হৈ মিমাং পত্ৰিকা গ্ৰহণ কৰে গোগামুখ বাংকে আগম কেবাঙৰ সভাপতি ৰমা দলে, সম্পাদক সদানন্দ পেগু আৰু উপসভাপতি অনুজ পাইটে৷ ইয়াৰ পাছতে মিমাং পত্ৰিকা সম্পৰ্কত এন চি ডি মহাবিদ্যালয়ৰ অধ্যক্ষ ড° সুৰজিৎ দলেৰ সভাপতিত্বত এখনি সভা অনুষ্ঠিত হয়৷ সভাত মুখ্য বক্তা হিচাপে বক্তব্য আগবঢ়াই মিচিং আগম কেবাঙৰ কেন্দ্ৰীয় সভাপতি হৰিনাৰায়ণ পেগুৱে৷ ভাষা সম্পৰ্কত তেওঁ কয়- ভাষা-সাহিত্য এটা জাতিৰ দাপোন স্বৰূপ৷ যি জাতিৰ ভাষা নাই এই জাতি অন্ধকাৰত নিমজ্জিত হৈ থাকিব লগা হয়৷ সকলোৱে সকলো জাতি-জনজাতিৰ ভাষা শিকিবলৈ প্ৰচেষ্টা চলাব লাগে৷ যিমানেই ভাষা শিকিব ইমানেই জ্ঞানৰ ভাণ্ডাৰ বেছি হ’ব বুলি তেওঁ দোহাৰে৷ তেওঁ লগতে মিচিং ভাষাটো তেনেই শিকিবলৈ সহজ৷
অলপ মনোযোগ দিলেই সকলো শ্ৰেণীৰ লোকে মিচিং ভাষাটো ক’ব আৰু লিখিব পাৰে বুলিও তেওঁ দোহাৰে৷ সভাত উপস্থিত থাকি বক্তব্য আগবঢ়াই মিচিং আগম কেবাঙৰ প্ৰাক্তন সচিব ডিম্বেশ্বৰ দলে, কালিনাথ পাংগিং, প্ৰাক্তন কাৰ্যকৰী সদস্য টুনিৰাম পাংগিং আদিয়ে৷ সভাত উপস্থিত থাকে মিচিং আগম কেবাঙৰ প্ৰাক্তন সহকাৰী সম্পাদক ড° অনিল কুমাৰ পেগু, আলোচনী সম্পাদক প্ৰবীন দলে, প্ৰণৱ দলে, গ্ৰন্থাাগাৰিক নিৰ্মল নৰহ, প্ৰাক্তন সহকাৰী সম্পাাদক ভৱ দলে, গোগামুখ বাংকে আগম কেবাঙৰ সভাপতি ৰমা দলে আৰু সম্পাদক সদানন্দ পেগুৱে আদিয়ে ৷ সভাখনৰ উদ্দেশ্য ব্যাখ্যা কৰে মিমাং পত্ৰিকাৰ সম্পাদক দুষ্যন্ত নৰহে৷
ছিকিমত পুনৰ জয়ী হ’ল ছিকিম ক্ৰান্তিকাৰী মৰ্চা চমুকৈ এছ কে এম।৩১খন আসন লাভেৰে জয় লাভ কৰে দলটোৱে।
আনহাতে বিৰোধী তথা পূৰ্বৰ শাসনাধিষ্ঠ দল এছ ডি এফ দলে মাত্ৰ এখন আসন লাভ কৰি দলটোৰ প্ৰতিষ্ঠাপক তথা প্ৰাক্তন মুখ্যমন্ত্ৰী পৱন কুমাৰ চামলিঙে এছ কে এমৰ প্ৰাৰ্থীৰ হাতত পৰাজিত হয়।
ৰেনক বিধানসভা সমষ্টিত তৃতীয়বাৰৰ বাবে বিজয় সাব্যস্ত কৰে ছিকিমৰ মুখ্যমন্ত্ৰী তথা SKMৰ প্ৰাৰ্থী প্ৰেম সিং তামাঙে।
ৰাজ্যখনত পুনৰ এবাৰ প্ৰেম সিঙেই মুখ্যমন্ত্ৰী আসনত বহাৰ সম্ভাৱনা।
আজি পছৰীয়াত মুখ্যমন্ত্ৰীৰ অৰ্থনৈতিক উপদেষ্টা কালিচান্দ সেনে অঞ্চলটোৰ ৰাইজৰ বহুদিনীয়া অভাৱ শ্মশান এখন উদ্বোধন কৰে।লগতে এই অনুষ্ঠানত উপস্থিত থাকে মুখ্যমন্ত্ৰীৰ বিশেষ কৰ্তব্যৰত বিষয়া হেমন্ত চৌধুৰী।
ইমান দিনে আত্মীয়স্বজন সৎকাৰৰ সমস্যাত ভুগি থকা ভূমিহীন লোকসকল এই সমস্যাৰ পৰা পৰিত্ৰাণ পোৱাত সুখী অনুভৱ কৰি স্থানীয় বিধায়ক তথা মুখ্যমন্ত্ৰীক স্থানীয় ৰাইজে ধন্যবাদ জ্ঞাপন কৰিছে।
পুনৰ ভূমিকম্পই জোকাৰি গ’ল ৰাজ্য।
গুৱাহাটীকে ধৰি বিভিন্ন স্থানত ভূমিকম্পৰ জোকাৰণি।
২.১৬ বজাত সৃষ্টি হয় ভূমিকম্পৰ জোকাৰণি।
ৰিখটাৰ স্কেলত ৫.৫ প্ৰাব্যলৰ ভূমিকম্পই জোকাৰি গ’ল ৰাজ্য।
ভূমিকম্পৰ অভিকেন্দ্ৰ হৈছে ম্যানমাৰ।
সোনোৱাল কছাৰী সাহিত্য সভাৰ ধেমাজি জিলা সমিতিৰ এখন গুৰুত্বপূৰ্ণ ৰাজহুৱা সভা আজি আমোলগুৰীস্থিত বাটঘৰীয়া গাওঁ পঞ্চায়তৰ ৰাজহুৱা ভৱনত অনুষ্ঠিত কৰা হয়। সোনোৱাল কছাৰী সাহিত্য সভাৰ ধেমাজি জিলা সমিতিৰ সভাপতি ডাঃ পুণ্য বৰুৱাই সভাপতিত্ব কৰা সভাৰ উদ্দেশ্য ব্যাখ্যা আগবঢ়াই সংগঠনটোৰ সম্পাদক কল্পজিৎ সোনোৱালে। সভাত উপস্থিত থাকি সোনোৱাল কছাৰী সাহিত্য সভাৰ উপ সভাপতি হেৰম্ব প্ৰসাদ দাসে সোনোৱাল কছাৰী সাহিত্য সভাৰ লক্ষ্য-উদ্দেশ্য আৰু গ্ৰহণ কৰি অহা কৰ্মআঁচনিৰ ওপৰত আলোকপাত কৰি এটা জাতি জীয়াই থাকিবলৈ ভাষা-সাহিত্যৰ উত্তৰণ ঘটিব লাগিব বুলি বক্তব্য ৰাখি বৌদ্ধিক বিকাশৰ বাবে ভাষা-সাহিত্য চৰ্চা,ইয়াৰ প্ৰচাৰ আৰু প্ৰসাৰ বৃদ্ধি পাব লাগিব বুলি ভাষন আগবঢ়ায়।
সভাত সোনোৱাল কছাৰী সাহিত্য সভাৰ মুখ্য সম্পাদক মৃদুল সোনোৱালে কয় সাহিত্য হৈছে এটা জাতিৰ দাপোন। উৎকৃষ্ট সাহিত্য সৃষ্টিৰ জৰিয়তে জাতি এটাৰ জাতীয় পৰিছয় শক্তিশালী ৰূপত দাঙি ধৰে বুলি বক্তব্য ৰাখি ইতিমধ্যে সোনোৱাল কছাৰী সাহিত্য সভাই জনগোষ্ঠীটোৰ চিন্তাশীল লেখক, সাহিত্যিক সকলৰ সৃষ্টিশীল লেখনি সমূহ প্ৰকাশৰ ব্যৱস্থা গ্ৰহণ কৰি আহিছে আৰু জনগোষ্ঠীটোৰ প্ৰাতঃস্মৰণীয় ব্যক্তি সকলৰ স্মৃতিচাৰণ সভা অনুষ্ঠিত কৰি স্মৃতিগ্ৰন্থ প্ৰকাশৰো পদক্ষেপ লৈ আহিছে বুলি বক্তব্য আগবঢ়ায়। ৰাজহুৱা সভাত নৰ্থবেঙ্ক মহাবিদ্যালয়, ঘিলামৰাৰ অৱসৰপ্ৰাপ্ত উপাধ্যক্ষ ড৹ লৱৰাম সোনোৱাল,সোনোৱাল কছাৰী সাহিত্য সভাৰ কেন্দ্ৰীয় সদস্য নেত্ৰ বড়া,ধেমাজি জিলা সমিতিৰ সাংস্কৃতিক সম্পাদক প্ৰসেণ সোনোৱাল,সোনোৱাল কছাৰী স্বায়ত্তশাসিত পৰিষদৰ সাধাৰণ সদস্যা নন্দিনী ডেকা উপস্থিত থকা সভাতে ধৰ্মেন্দ্ৰ মানিকীয়ালক সভাপতি,দ্ৰুৰ্ণ দাফলাৰীক উপ সভাপতি, জয়ন্ত শইকীয়াক সম্পাদক,মিন্টু বড়া,দিগন্ত সোনোৱালক সহকাৰী সম্পাদক, হেম চেলেঙক কোষাধ্যক্ষ,হীৰেন সোনোৱালক প্ৰচাৰ সম্পাদক, বৈদ্য কছাৰীক সাংস্কৃতিক সম্পাদক,ভদ্ৰ বড়া,গিৰীণ কছাৰীক সাংগঠনিক সম্পাদক হিচাপে লৈ সোনোৱাল কছাৰী সাহিত্য সভাৰ বাটঘৰীয়া শাখা সমিতিখন গঠন কৰা হয়।
সভাই মৃদুল সোনোৱাল, নেত্ৰ বড়া,হেমচন্দ্ৰ কছাৰী,নন্দিনী ডেকা, ব্ৰজ্ব শইকীয়াক উপদেষ্টা হিচাপে মনোনীত কৰে। সভাত সোনোৱাল কছাৰী সাহিত্য সভাৰ সদস্য ভৰ্তিকৰণ কৰা, ধেমাজিত ২০২৫ চনৰ ফেব্ৰুৱাৰী মাহত অনুষ্ঠিতব্য সোনোৱাল কছাৰী সাহিত্য সভাৰ কেন্দ্ৰীয় অধিৱেশনৰ প্ৰস্তুতি চলোৱা,সভাৰ বাটঘৰীয়া শাখা সমিতিৰ উন্নয়নৰ বাবে কেবাটাও গুৰুত্বপূৰ্ণ প্ৰস্তাৱ হাতত লয়।
