বিশ্ব যুৱ ভাৰোত্তোলনত অসমৰ বাবে ইতিহাস ৰচিলে বেদব্ৰত ভৰালীয়ে।
বিশ্ব যুৱ ভাৰোত্তোলনত সোণৰ পদক লাভ ডিব্ৰুগড়ৰ বেদব্ৰত ভৰালীৰ।
পেৰুৰ ৰাজধানী লিমাত চলি থকা বিশ্ৱ যুৱ ভাৰোত্তোলনত অসমৰ বেদব্ৰত ভৰালীয়ে ৭৩ কেজি শাখাত সোণৰ পদক লাভ কৰিছে।
ডিব্ৰুগড়ৰ মধুপুৰ দেউৰী গাঁৱৰ সন্তান বেদব্ৰতই স্নেচত ১৩৬ আৰু ক্লিন এন্ড জাৰ্কত ১৬০ কেজি উত্তোলন কৰিছিল।
মাজত মাত্ৰ দুটা পৰ্যায় বাকী। তাৰে এটা পৰ্যায়ৰ ভোটগ্ৰহণ আজি ৮খন ৰাজ্য আৰু কেন্দ্ৰীয়শাসিত অঞ্চলত হৈছে। দেশৰ লোকসভা নিৰ্বাচনৰ ষষ্ঠ পৰ্যায়ৰ ভোটগ্ৰহণ আজি। পুৱা ৭ বজাৰ পৰা সন্ধিয়া ৬ বজালৈ ৮ খন ৰাজ্য আৰু কেন্দ্ৰীয়শাসিত অঞ্চলৰ মুঠ ৫৮টা সংসদীয় সমষ্টিত ভোটগ্রহণ হ’ব। এই সমষ্টিসমূহৰ ভিতৰত আছে বিহাৰৰ ৮টা, হাৰিয়ানাৰ ১০ টা, জম্মু-কাশ্মীৰৰ এটা, ঝাৰখণ্ডৰ ৪টা, দিল্লীৰ ৭টা, ওড়িশাৰ ৬টা, উত্তৰ প্ৰদেশৰ ১৪টা আৰু পশ্চিমবংগৰ ৮টা সমষ্টি। এই উক্ত সমষ্টি কেইটাৰ বাবে মুঠ ৮৮৯ গৰাকী প্ৰাৰ্থীয়ে প্ৰতিদ্বন্দ্বিতা আগবঢ়াইছে। আজি হোৱা ভোটগ্ৰহণত সুষমা স্বৰাজৰ কন্যা বাঁসুৰী স্বৰাজ, মানেকা গান্ধী, কানাহায়া কুমাৰকে ধৰি বহুকেইগৰাকী হেভীৱেট প্ৰাৰ্থীৰ ভাগ্য ইভিএমত বন্দী হ’ব।
উল্লেখ্য যোৱা ২০ মে’ত অনুষ্ঠিত পঞ্চম পৰ্যায়ৰ লোকসভা নিৰ্বাচনত মুঠ ৬২ দশমিক ২ শতাংশ ভোটগ্রহণ হোৱা বুলি নিৰ্বাচন আয়োগে প্ৰকাশ কৰিছে। এই পৰ্যায়ত ৮খন ৰাজ্য আৰু কেন্দ্ৰীয়শাসিত অঞ্চলৰ ৪৯খন আসনৰ বাবে ভোটগ্রহণ কৰা হৈছিল। মুঠ ভোটদানকাৰীৰ ভিতৰত ৬১ দশমিক ৪-৮ শতাংশ পুৰুষ, ৬৩ শতাংশ মহিলা আৰু ২১ দশমিক ৯-৬ শতাংশ তৃতীয় লিংগৰ ভোটদাতা। এই পর্যায়ত পশ্চিম বংগত সর্বাধিক ৭৮ দশমিক ৪-৫ শতাংশ ভোটদান হৈছিল।
নগাঁৱৰ হয়বৰগাঁৱস্থিত শংকৰ নগৰ সাৰ্বজনীন নামঘৰ আৰু কৃষ্টি বিকাশ কেন্দ্ৰৰ ৰূপালী জয়ন্তী বৰ্ষৰ বছৰজোৰা কাৰ্যক্ৰমণিকাৰ উদ্বোধনী সমাৰোহ কালি দুদিনীয়া কাৰ্যসূচীৰে শুভাৰম্ভণি ঘটে। কাৰ্যসূচী অনুসৰি কালি পুৱা ৯.৩০ বজাত ধর্মধ্বজা উত্তোলনৰ লগতে ৰূপালী জয়ন্তী বর্ষ উদযাপন উপলক্ষে ২৫ জন বিশিষ্ট ব্যক্তিৰ দ্বাৰা ২৫ খন ধর্মধ্বজা উত্তোলনৰ দ্বাৰা কাৰ্যসূচীৰ শুভাৰম্ভ কৰা হয়। মুখ্য উত্তোলক হিচাপে অংশ গ্ৰহণ কৰে ৰূপালী জয়ন্তী বর্ষ উদযাপন সমিতি তথা শংকৰ নগৰ সাৰ্বজনীন নামঘৰ-কৃষ্টি বিকাশ কেন্দ্ৰৰ প্ৰতিষ্ঠাপক সভাপতি বল্লদেব শর্মাই। ইয়াৰ পিছতে স্মৃতি তর্পণ অনুষ্ঠানত মুখ্য তর্পক হিচাপে অংশগ্রহণ কৰে অনুষ্ঠান প্ৰাক্তন সভাপতি উপেন শইকীয়া আৰু প্ৰতিষ্ঠাপক সম্পাদক আৰু প্রাক্তন সভাপতি নৰেন্দ্ৰ নাথ বড়োয়ে। ইয়াৰ অন্তত অঞ্চলৰ ৰাইজ আৰু সৃষ্টি- কৃষ্টি সাংস্কৃতিক গোষ্ঠী, বৰভেটিৰ সহযোগত ‘ভাগৱত শোভাযাত্রা’ উলিওৱা হ’য়। শোভাযাত্রা মুকলি কৰে নগাঁও জিলা সাহিত্য সভাৰ প্রাক্তন সভাপতি পৰাণ কুমাৰ বৰুৱাই।
পুৱা ১১ বজাত জামুগুৰি গাঁৱৰ নিবাসী, নামাচাৰ্য বীৰেন চন্দ্র নাথ আৰু তেখেতৰ সহযোগীসকলৰ পৰিচালনাত খোল প্রসঙ্গ আৰু নামপ্রসঙ্গ অনুষ্ঠিত হ’য়। বিয়লি ৪ বজাত কৃষ্টি বিকাশ কেন্দ্ৰৰ ন-পুৰণি সদস্য, দাতা আৰু শুভাকাংক্ষীসকলৰ মত বিনিময় আৰু সম্বর্ধনা অনুষ্ঠান অনুষ্ঠিত হয়। অৱসৰপ্ৰাপ্ত শিক্ষা বিষয়া তথা শ্রীমন্ত শঙ্কৰ মিশ্যনৰ সভাপতি প্রেমেশ্বৰ দাসৰ সভাপতিত্বত অনুষ্ঠিতব্য অনুষ্ঠানত প্রাক্তন মন্ত্রী তথা অৱসৰপ্ৰাপ্ত অধ্যাপক গিৰীন্দ্ৰ কুমাৰ বৰুৱা, মৰিগাঁও মহাবিদ্যালয়ৰ সহযোগী অধ্যাপক ডঃ ধনঞ্জয় কুশ্রে, ধিং মহাবিদ্যালয়ৰ অৱসৰপ্ৰাপ্ত অধ্যক্ষ ডঃ শৰৎ দত্তই বিশিষ্ট অতিথি হিচাপে অংশগ্রহণ কৰে। সন্ধিয়া ৰূপালী জয়ন্তী বর্ষ উপলক্ষে ২৫ গছি বন্তি প্রজ্বলন কার্যসূচী মুকলি কৰে পাঠক গোলোক শইকীয়া, আন্তঃৰাষ্ট্ৰীয় চিত্রশিল্পী গকুল চেত্ৰী আৰু নামঘৰ সমিতিৰ সম্পাদক পৰমেশ্বৰ দাসে। ইয়াৰ পিছতে মণিকাঞ্চন শিল্পী সমাজৰ দলপতি, বিশিষ্ট শিল্পী মালাশ্রী হাজৰিকাৰ নেতৃত্বত দিহানাম পৰিৱেশন কৰা হয়।এই অনুষ্ঠান উদ্বোধন কৰে সদৌ অসম গ্রাম্য পুথিভঁড়াল সন্থাৰ সভাপতি প্রতাপ হাজৰিকাই। অনুষ্ঠানত বিশিষ্ট অতিথি হিচাপে উপস্থিত থাকে ‘কলংপাৰ’ কাকতৰ সম্পাদক ভবেন বৰা।
দ্বিতীয় দিনাৰ পুৱা মূখ্য অনুষ্ঠান ভাগৱত পাঠৰ শুভাৰম্ভণি ঘটে। এই ভাগৱত পাঠত মূল পাঠক হিচাপে অংশ লয় প্রবীণ কলিতা, নির্মল হাজৰিকা, টংকেশ্বৰ বৰা আৰু গিৰিধৰ বর্মণে। ভাগৱত পাঠত ভালেসংখ্যক ৰাইজ দৰ্শক-শ্ৰোতা ৰূপে উপস্থিত থাকে। সন্ধিয়া ৬ বজাত ভাগৱত পাঠৰ সামৰণি, প্রসাদ বিতৰণ আৰু আহাৰ গ্রহণেৰে কাৰ্যসূচীৰ সফল পৰিসমাপ্তি ঘটে।
ৰাজ্যত লোকসভা নিৰ্বাচনৰ শেষ হোৱা পাছতে এতিয়া সকলো ৰাজনৈতিক দলে নিজৰ নিজৰ দলীয় সমীকৰণ উলিওৱাত ব্যস্ত হৈছে। কোন দলে কিমান আসন পাব কোন সমষ্টিত কোন দলৰ ভোট বৃদ্ধি পাইছে তেনেবোৰ বিষয়ত আলোচনাত ব্যস্ত সকলো ৰাজনৈতিক দল। তেনে সময়ত ডিব্ৰুগড়ত দিনযোৰা কাৰ্যসূচীৰে বৃহস্পতিবাৰে ডিব্ৰুগড় চহৰৰ হোটেল ডি প্ৰিমলেণ্ডত অনুষ্ঠিত অসম জাতীয় পৰিষদৰ কেন্দ্ৰীয় কাৰ্যনিবাহক সভা অনুষ্ঠিত হয়। যিহেতু বিৰোধী ঐক্য মঞ্চৰ হৈ অসম জাতীয় পৰিষদৰ সভাপতি লুৰীণ জ্যোতি গগৈয়ে ডিব্ৰুগড় লোকসভা সমষ্টিৰ পৰা নিৰ্বাচনত প্ৰতিদ্বন্দ্বিতা কৰিছিল । বিজেপিৰ শক্তিশালী প্ৰাৰ্থী সৰ্বানন্দ সোণোৱালৰ বিৰোধীতাৰে ভোট যুদ্ধত অৱতীৰ্ণ হৈছিল লুৰীণজ্যোতি গগৈ। চৰ্চা অনুসৰি ডিব্ৰুগড় লোকসভা সমষ্টিত লুৰীণজ্যোতি গগৈয়ে ভালদৰে বিজেপিৰ বিৰুদ্ধে প্ৰতিদ্বন্দিতা আগবঢ়াবলৈ সক্ষম হৈছে। প্ৰথমবাৰৰ বাবে লোকসভা নিৰ্বাচন খেলা দলটোৱে নিৰ্বাচনৰ পাছতে অনুষ্ঠিত কৰিলে কেন্দ্ৰীয় কাৰ্যনিবাহক সভা। সভাত দলটোৰ ৰাজনৈতিক কৰ্মপন্থাৰ বিষয়ে আলোচনা কৰাৰ লগতে লোকসভা নিৰ্বাচনৰ সকলো দিশ আলোচনা কৰা বুলি জানিব পৰা গৈছে। এই কেন্দ্ৰীয় কাৰ্যনিবাহক সভাৰ শেষত দলটোৰ সভাপতি গৰাকীয়ে জানিবলৈ দিয়া অনুসৰি নিৰ্বাচন আয়োগৰ নিৰপেক্ষতাক লৈ আশ্বস্ত নহয় অসম জাতীয় পৰিষদ। শেহতীয়াকৈ নিৰ্বাচন আয়োগে ভোটদানৰ হাৰ বৃদ্ধি পোৱা বুলি প্ৰকাশ কৰা তথ্যই সন্দেহৰ সৃষ্টি কৰা বুলি ক্ষোভ উজাৰিছে অজাপৰ সভাপতি লুৰীণজ্যোতি গগৈয়ে। ডিব্ৰুগড় লোকসভা সমষ্টিৰ ৰাইজক ধন্যবাদ জ্ঞাপন কৰি লুৰীণজ্যোতি গগৈয়ে কয়, নিৰ্বাচন আয়োগৰ কামকাজে সন্দেহৰ মাজলৈ ঠেলি দিছে। শেহতীয়াকৈ নিৰ্বাচন আয়োগে নিৰ্বাচন অনুষ্ঠিত হৈ যোৱা দহটা দিনৰ পিছতো ভোটদানৰ হাৰ বৃদ্ধি পোৱা বুলি উল্লেখ কৰা তথ্যক অসম জাতীয় পৰিষদে উদ্বিগ্নতা প্ৰকাশ কৰা বুলি উল্লেখ কৰি কয়, ডিব্ৰুগড় লোকসভা সমষ্টিতো ৪২ শতাংশ ভোট বৃদ্ধিৰ কথা নিৰ্বাচন আয়োগে প্ৰকাশ কৰিছে। এই সম্পৰ্কত উচ্চতম ন্যায়ালয়ে হস্তক্ষেপ কৰিছে। এই বিষয়টো স্পষ্টীকৰণ দিব লাগে দেশৰ নিৰ্বাচন আয়োগে। এই গোটেই বিষয়টোক লৈ মানুহৰ মাজত সন্দেহৰ আৱৰ্তত সোমাই পৰিছে। নিৰ্বাচন আয়োগক ব্যৱহাৰ কৰিবৰ কাৰণে চৰকাৰে বিভিন্ন সময়ত বিভিন্ন ধৰণৰ কামকাজ আৰম্ভ কৰিছে।
আনকি সমষ্টি পুনৰ নিৰ্ধাৰণৰ সময়ত নিৰ্বাচন আয়োগে অযথা হস্তক্ষেপ কৰা আমি দেখিবলৈ পাইছোঁ। গতিকে নিৰ্বাচন আয়োগৰ স্বতন্ত্ৰতা বা মানুহৰ মাজত সৃষ্টি হোৱা সন্দেহৰ বিষয়টো স্পষ্ট কৰিব লাগে। ইয়াৰোপৰি উচ্চতম ন্যায়ালয়ে এইক্ষেত্ৰত শক্তিশালী ভূমিকা ল’ব লাগে। নিৰ্বাচন হৈ যোৱাৰ দিনটোতে নিৰ্বাচন আয়োগে ভোটদানৰ হাৰ ২৪ ঘন্টাৰ ভিতৰত প্ৰকাশ কৰিব লাগে। কিন্তু তাকে নকৰি নিৰ্বাচন আয়োগে ১১ টা দিনৰ পিছত ভোটদানৰ হাৰ প্ৰকাশ কৰিছে। এই কাৰ্যনিবাহক সভাত অত্যাৱশ্যকীয় সামগ্ৰীৰ মূল্যবৃদ্ধিক লৈয়ো গুৰুত্ব সহকাৰে আলোচনা কৰাৰ কথা উল্লেখ কৰি কয়, নিৰ্বাচন চলি থকা সময়তে অত্যাৱশ্যকীয় সামগ্ৰীৰ মূল্যবৃদ্ধি ঘটিছে। খাদ্য সামগ্ৰীকে ধৰি অন্যান্য সামগ্ৰীৰ মূল্যবৃদ্ধিয়ে সাধাৰণ জনতাক কোঙা কৰিছে। অত্যাধিক হাৰত মূল্যবৃদ্ধিৰ বিৰোধীতাৰে অহা ২৯ মে’ত গুৱাহাটীত প্ৰতিবাদী কাৰ্যসূচী গ্ৰহণ কৰা হ’ব বুলি জানিবলৈ দিয়ে অজাপৰ সভাপতি লুৰীণজ্যোতি গগৈয়ে। আনহাতে দুলীয়াজানত অৱস্থিত অইলৰ ক্ষেত্ৰীয় কাৰ্যালয় স্থানান্তৰিত কৰিবলৈ বিচলা কাৰ্যকো ক্ষোভ প্ৰকাশ কৰি কয়, ডিব্ৰুগড়ৰ গৌৰৱ অইল ইণ্ডিয়া লিমিটেডক দিল্লীলৈ সম্পূৰ্ণ ক্ষমতা হস্তান্তৰ কৰিব খুজিছে।
আৱাসিক মুখ্য কাৰ্যালয়টো দিল্লীলৈ স্থানান্তৰ কৰি অইলৰ দুলীয়াজান কাৰ্যালয়টোক ক্ষমতাহীন কৰিব বিচৰা হৈছে। অইল ইণ্ডিয়াৰ এই সিদ্ধান্তৰ বিৰুদ্ধে প্ৰতিবাদ কৰা হ’ব বুলিও জানিবলৈ দিছে । এই কাৰ্যনিবাহক সভাত অজাপৰ সাধাৰণ সম্পাদক জগদীশ ভূঞা, উপ-সভাপতি অনুপ ফুকনকে ধৰি কেন্দ্ৰীয় সমিতিৰ বহুকেইজন বিষয়ববীয়া উপস্থিত থাকে।
ক্ৰমাৎ অধিক সংকটৰ দিশে গতি কৰিছে অসমৰ চাহ উদ্যোগ। শেহতীয়াকৈ ভাৰতীয় টী ব’ৰ্ডৰ নতুন নিলাম ব্যৱস্থাই বটলিফ ফেক্টৰীসমূহৰ লগতে ৰাজ্যৰ হাজাৰ হাজাৰ ক্ষুদ্ৰ চাহ খেতিয়কক বিপদৰ মুখলৈ ঠেলি দিয়া পৰিলক্ষিত হৈছে। নতুন নিলাম নীতি অনুসৰি বটলিফ ফেক্টৰীসমূহৰ চাহো নিলামৰ জৰিয়তে বিক্ৰী কৰাৰ ব্যৱস্থা কৰা হৈছে। এই অনুযায়ী যোৱা ২৪ মে’ত হৈ যোৱা নিলামত অসমৰ বটলিফ ফেক্টৰীসমূহৰ দ্বাৰ উৎপাদিত ৩ লাখ ৩৪ হাজাৰ ৯১১ কিলোগ্ৰাম চাহ বিক্ৰী হয়। অল আসাম টী বটলিফ এছ’চিয়েশ্যনে সদৰী কৰা মতে শেহতীয়া নিলামত বটলিফ ফেক্টৰী উৎপাদিত ৬৪ শতাংশ চাহ পানীৰ দৰত বিক্ৰী হয় আৰু বাকী ৩৬ শতাংশ চাহ নিলামৰ পৰা বাহিৰ কৰা হয়।
জানিব পৰা মতে বটলিফ ফেক্টৰীৰ উৎপাদিত চাহ নিলামত প্ৰতি কেজিত মাত্ৰ ১৪৯ টকা দৰত বিক্ৰী হয়। ফলত এই ফেক্টৰীসমূহে ক্ষুদ্ৰ চাহ খেতিয়কসকলক কিদৰে প্ৰাপ্য আদায় দিব বুলি প্ৰশ্ন কৰিছে। এছ’চিয়েশ্যনৰ কেবাগৰাকী বিষয়ববীয়া তথা বটলিফ ফেক্টৰীৰ গৰাকীয়ে কয় যে যদি নিলামত ১৫০ টকাৰ তলত চাহ বিক্ৰী হয় তেন্তে এজন কৃষকক প্ৰাপ্য আদায় দিয়াটোৱেই অসম্ভৱ হৈ পৰে। ‘নিলামত আমাৰ চাহ বিক্ৰী হৈছে ১৪৯ টকাত।৩৬ শতাংশ চাহ আকৌ নিলামত বিক্ৰীয়েই নহ’ল। মানুহে কয় যে বটলিফ ফেক্টৰীসমূহে উচিত দাম নিদিয়ে, কিন্তু এই ভৰপক সময়ত যদি চাহ পানীৰ দৰত নিলামত বেচিবলগীয়া হয় তেন্তে সেয়া কেনেকৈ সম্ভৱ হ’ব? সেয়ে আমি টী ব’ৰ্ডক সুধিব বিচাৰিছো যে ব’ৰ্ডে অসমৰ চাহ খেতিয়কসকলে উচিত মূল্য পোৱাতো নিবিচাৰে নেকি? আমি উচিত দামত বিক্ৰী কৰিব পাৰিলেহে কৃষককো উচিত দাম আদায় দিব পৰা যাব। এই কথা জানিও টী ব’ৰ্ডে অসমৰ চাহ খেতিয়কসকলক লৈ হেতালি খেলিছে’-এইদৰে কয় বটলিফ ফেক্টৰীৰ এগৰাকী স্বত্বাধিকাৰীয়ে। টী ব’ৰ্ডৰ এনে কৃষক বিৰোধী নীতিৰ বাবেই বটলিফ ফেক্টৰীসমূহে ব’ৰ্ডৰ শেহতীয়া নিৰ্দেশ মানি ল’বলৈ অস্বীকাৰ কৰি আহিছে বুলিও এছ’চিয়েশ্যনৰ এটি সূত্ৰই সদৰী কৰিছে।
এছ’চিয়েশ্যনৰ সূত্ৰটোৰ মতে নিলামত ১৪৯ টকা দৰত চাহ বিক্ৰী হ’লে এজন খেতিয়কক প্ৰতি কিলোগ্ৰাম কেঁচা চাহপাতৰ বিপৰীতে সামান্য কেইটামান টকাহে দিব পৰা যায়। এই ধনেৰে ক্ষুদ্ৰ চাহ খেতিয়কসকলে খেতিৰ ধাৰাবাহিকতা বজাই ৰখাতো কোনোপধ্যে সম্ভৱ নহয় বুলিও সময়ে সময়ে মন্তব্য কৰি আহিছে। উল্লেখ্য যে ব’ৰ্ডৰ নতুন নিৰ্দেশনাৰ বিৰোধিতা কৰিয়েই অহা ১ জুনৰ পৰা ৰাজ্যৰ বটলিফ ফেক্টৰীসমূহৰ মালিকসকলে ফেক্টৰীসমূহ বন্ধ ৰখাৰ সিদ্ধান্ত গ্ৰহণ কৰিছে। ইফালে বটলিফ ফেক্টৰীসমূহৰ এনে সিদ্ধান্তৰ ফলত অনিশ্চয়তাত দিন কটাবলগীয়াত পৰিছে ৰাজ্যখনৰ লাখ লাখ ক্ষুদ্ৰ চাহ খেতিয়কে।
শেহতীয়া এক গৱেষণাত প্ৰকাশ পাইছে ভয়ংকৰ তথ্য। বহুতেই নিশা পলমকৈ আহাৰ গ্ৰহণ কৰে। স্বাস্থ্য বিজ্ঞানীসকলৰ মতে এয়া মুঠেও স্বাস্থ্যসন্মত কথা নহয়। নিশা পলমকৈ আহাৰ গ্ৰহণ কৰাৰ ফলত হ’ব পাৰে মাৰাত্মক স্বাস্থ্যজনিত সমস্যা। বিশেষকৈ নিশা পলমকৈ চৰ্বি বা চেনিৰে ভৰপূৰ গধুৰ আহাৰ গ্ৰহণ নকৰিবলৈ স্বাস্থ্য বিশেষজ্ঞসকলে সতৰ্ক কৰি আহিছে।স্বাস্থ্য বিশেষজ্ঞসকলৰ মতে সপ্তাহত কমেও ৪ দিন বিচনালৈ যোৱাৰ কমেও ৩ ঘণ্টাৰ ভিতৰত খাদ্য গ্ৰহণ কৰিলে কলৰেক্টাল কেন্সাৰ হোৱাৰ সম্ভাৱনা বৃদ্ধি পাব পাৰে।
এটা নতুন অধ্যয়নত গৱেষকসকলে কেন্সাৰৰ পৰীক্ষাৰ বাবে কলনস্কপি কৰা ৬৬৪ জন লোকৰ পৰীক্ষাৰ অন্তত বিশেষজ্ঞসকলে তেনে সিদ্ধান্তত উপনীত হৈছে। অধ্যয়নটোত ৪২% লোকে নিশা দেৰিকৈ আহাৰ খোৱা লোক। তেওঁলোকৰ কলন’স্কপিৰ সময়ত পোৱা গৈছিল এডিন’মা – এটা ক্ষত – ইয়াৰ পৰাই কেন্সাৰ হোৱাৰ সম্ভাৱনা ৪৬% বৃদ্ধি পায়। বিশেষজ্ঞসকলে সেয়ে নিশা পলমকৈ আহাৰ গ্ৰহণৰ পৰা বিৰত থকাৰ পৰামৰ্শৰ দিয়াৰ লগতে ৰেড মীট নাখাবলৈ, ফল-মূল আৰু শাক-পাচলি বেছিকৈ খাবলৈ কৈছে। টিউবলাৰ এডিন’মা হৈছে বৃহদান্ত্ৰত পোৱা কলৰেক্টাল কেন্সাৰ। মানুহৰ মগজুত অৱস্থিত কেন্দ্ৰীয় চাৰ্কেডিয়ান কেন্দ্ৰই ৰাতি টোপনি অহাৰ বাবে মেলাটনিন মুক্ত কৰে । তাৰ পৰিৱৰ্তে দেৰিকৈ আহাৰ খালে “পেৰিফেৰেল চাৰ্কেডিয়ান ৰিদম”ত বিসংগতি ঘটে। এগৰাকী গৱেষক ব্ৰাগানিনিয়ে কয়, “ মোৰ বহু ৰোগীয়ে মোক কৈছে যে যেতিয়া তেওঁলোকে নিশা পলমকৈ খাদ্য খায়, তেতিয়া তেওঁলোকে সদায় স্বাস্থ্যকৰ খাদ্যৰ বাছনি নকৰে। তেওঁলোকৰ নিশাৰ খাদ্যৰ ভিতৰত সাধাৰণতে চেনি আৰু চৰ্বিৰ পৰিমাণ বেছি হয়। ইয়াৰ ফলত তেওঁলোকে শৰীৰে প্ৰয়োজনতকৈ বহু বেছি কেলৰি লাভ কৰে। ।গতিকে গভীৰ নিশা খাদ্য গ্ৰহণ কৰিলে অবাঞ্চিত ওজন বৃদ্ধি হ’ব পাৰে। খাদ্য হজমৰ ক্ষেত্ৰতো বাধা আহি পৰিব পাৰে। ”
আমাৰ পাকস্থলীত থকা কিছুমান ক্ষুদ্ৰ অণুজীৱৰ নিজস্ব আভ্যন্তৰীণ ঘড়ী থাকে, যিয়ে দৈনিক এক নিৰ্দিষ্ট ছন্দ অনুসৰণ কৰে । আমি যি খাও সেই কথাই নিৰ্ধাৰণ কৰে এই অণুজীৱবোৰ কিমান সক্ৰিয় হৈ থাকিব। ব্ৰগাগনিনিয়ে কয় ‘ যদি নিশা পলমকৈ খোৱা খাদ্য চেনি আৰু চৰ্বিযুক্ত খাদ্য হয় , তেন্তে আমাৰ মাইক্ৰ’বায়’মত নেতিবাচক প্ৰভাৱ পেলাব পৰে আৰু ইয়াৰ ফলত কেন্সাৰৰ সম্ভাৱনাও বৃদ্ধি পায়।’
সংহাৰী গ্ৰীষ্মপ্ৰবাহে দেশত অভাৱনীয় পৰিস্থিতিৰ সৃষ্টি কৰিছে। আজি অসম তাপমাত্ৰ ৩৯ ডিগ্ৰী হৈছে। গুৱাহাটীত ৪০ ডিগ্ৰী চেলছিয়াছ হৈছে। । এনে সময়তে আশাৰ বতৰা লৈ তীব্ৰ বেগত আগবাঢ়িছে কালঘূৰ্ণী ৰেমাল। বংগ অভিমুখে আহি থকা এই ঘূৰ্ণীৰ সৃষ্টি হৈছে বে অব বেংগলত। ৰেমাল ঘূৰ্ণীৰ প্ৰভাৱত অসমকে ধৰি দেশৰ কেইবা খনো ৰাজ্যত ধাৰাসাৰ বৰষুণ হ’ব বুলি বতৰ বিজ্ঞানীসকলে আগজাননী দিছে। বতৰ বিজ্ঞানীসকলৰ মতে
উপকূলীয় অঞ্চলৰ ৰাজ্যসমূহত পৰিব ৰেমাল ঘূৰ্ণীৰ বৃহৎ প্ৰভাৱ ।দেওবাৰে বাংলাদেশৰ উপকূলত ‘ৰেমাল’ নামৰ শক্তিশালী ঘূৰ্ণীবতাহ ধুমুহাৰ ৰূপত আঘাত হানিব।ধুমুহাৰ প্ৰভাৱ পৰিব অসমতো ।
দেওবাৰে অসমত ৯২ শতাংশ বৰষুণ হোৱাৰ সম্ভাৱনা আছে বুলি বতৰ বিজ্ঞানীসকলে আগজাননী দিছে। ৰেমালৰ বাবে সৃষ্টি হোৱা ধুমুহা ঘণ্টাত ১০২ কিলোমিটাৰ বেগত বলিব পাৰে। ২৬-২৭ মে’ত উপকূলীয় পশ্চিম বংগ, ওড়িশা, মিজোৰাম, ত্ৰিপুৰা আৰু দক্ষিণ মণিপুৰত প্ৰবল বৰষুণ হ’ব পাৰে।মাছমৰীয়াসকলক ২৭ মে’লৈকে বংগ উপসাগৰলৈ নাযাবলৈ পৰামৰ্শ দিয়া হৈছে। ৰেমালৰ প্ৰভাৱত ২৭ মে’ত অসম, মেঘালয় আৰু অৰুণাচল প্ৰদেশত ধাৰাসাৰ বৰষুণ হোৱাৰ সম্ভাৱনা আছে।
ভাৰতত অধিক সংখ্যক যুৱক-যুৱতী এতিয়া অতি সহজে কৰ্কট ৰোগত আক্ৰান্ত হোৱাৰ ঘটনাই উদ্বেগ বৃদ্ধি কৰিছে। এক নতুন অধ্যয়নত দেখা গৈছে যে দেশত ২০ শতাংশ কেন্সাৰ ৰোগী ৪০ বছৰৰ তলৰ পুৰুষ-মহিলাৰ ভিতৰৰে লোক। দিল্লীৰ কৰ্কট মুক্ত ভাৰত ফাউণ্ডেশ্যনৰ অধ্যয়নত দেখা গৈছে যে ৪০ বছৰৰ তলৰ পুৰুষ আৰু মহিলৰ মাজৰে ২০% আক্ৰান্ত হয় কৰ্কট ৰোগত। এনে কৰ্কট ৰোগৰ ভিতৰত মূৰ আৰু ডিঙিৰ কৰ্কট ৰোগেই (২৬ শতাংশ) আটাইতকৈ বেছি, তাৰ পিছত গেষ্ট্ৰাইটিছ কেন্সাৰ (১৬ শতাংশ) যেনে কলন, পেট, যকৃত আদিৰ কৰ্কট ৰোগ । স্তন কেন্সাৰ ১৫ শতাংশ, আৰু তেজৰ কেন্সাৰ ৯ শতাংশ।
ভাৰতত কৰ্কট মুক্ত ভাৰত অভিযানৰ নেতৃত্ব দিয়া জ্যেষ্ঠ অংক’লজিষ্ট আশীষ গুপ্তাই যুৱ প্ৰাপ্তবয়স্কৰ মাজত কৰ্কট ৰোগ বৃদ্ধিৰ বাবে বিশৃংখল জীৱনশৈলীকেই জগৰীয়া কৰিছে। আশীষ গুপ্তাই কয় যে আমাৰ দেশত মেদবহুলতাৰ হাৰ বৃদ্ধি পোৱা, খাদ্যাভ্যাসৰ পৰিৱৰ্তন, বিশেষকৈ প্ৰচেছড খাদ্যৰ ব্যৱহাৰ বৃদ্ধি আৰু শাৰীৰিক শ্ৰম নকৰি বহি থকাৰ জীৱনশৈলীও কৰ্কট ৰোগৰ হাৰ বৃদ্ধিৰ সৈতে জড়িত। তেওঁ লগতে কয় যে আমি সুস্থ জীৱনশৈলী গ্ৰহণ কৰিব লাগিব আৰু ধঁপাত তথা মদৰ ব্যৱহাৰ পৰিহাৰ কৰিব লাগিব, যাতে নৱ প্ৰজন্মৰ কৰ্কট ৰোগৰ আশংকা ৰোধ কৰিব পৰা যায়।
অধ্যয়নটোত এয়া দেখা গৈছে যে ভাৰতত ধৰা পৰা ৰোগীৰ ২৭ শতাংশ কেন্সাৰ ১ আৰু ২ ষ্টেজত থকাৰ বিপৰীতে ৬৩ শতাংশ ষ্টেজ ৩ বা ৪ ত থাকে। আশীষ গুপ্তাই কয় যে প্ৰায় দুই তৃতীয়াংশ লোকৰ কৰ্কট ৰোগ পলমকৈ ধৰা পৰে, সম্ভৱতঃ সঠিক সময়ত সঠিক পৰীক্ষা নকৰাৰ বাবে এনে হয়।
সমগ্ৰ ভাৰতৰ ১৩৬৮ গৰাকী কৰ্কট ৰোগীকলৈ এই অধ্যয়ন কৰা হৈছিল । ১ মাৰ্চৰ পৰা ১৫ মে’ৰ ভিতৰত ফাউণ্ডেশ্যনৰ কেন্সাৰ হেল্পলাইন নম্বৰত ফোন কৰাসকলৰ ক্ষেত্ৰত এই অধ্যয়ন চলোৱা হৈছিল।
‘আমাক এনে এজন অভিযন্তা নালাগে যিজন অভিযন্তাৰ তদাৰকত বা নিৰ্দেশত নিৰ্মাণ হোৱা এখন নতুন দলং দুবছৰতে ভাঙি নিঃশেষ হওক, আমাক এনে এজন চিকিৎসকৰো প্ৰয়োজন নাই যি দুখীয়া-নিচলা ৰোগীক দেখি নেদেখাৰ ভাওযোৰক, আমাক এনেকুৱা এজন চৰকাৰী আমোলা বিষয়া নালাগে যি নিজৰ মাক-দেউতাকৰ ৰোগ-ব্যাধিত কাষত থাকি সেৱা কৰাৰ সময় নাথাকে, আমাক এনেকুৱা এজন তথাকথিত ডিগ্ৰীধাৰী শিক্ষিত ক্ষমতাশালী লোককো নালাগে যি নিজৰ জন্মভূমিক ভাল পাব নাজানে অথবা আমাক এনেকুৱা এজন বিষয়াও নালাগে যি নিজৰ কাৰ্যালয়তেই হওক অথবা বাটে-ঘাটেই হওক ওপৰলৈ হাত ডাঙি ৰঙাঘৰৰ আলহী হৈ আমাক লজ্জানত কৰিব বিচৰা বদনামী বিবেকহীন ব্যক্তিক আমাক নালাগে ৷ আমাক উচ্চ পদবীধাৰীতকৈ উচ্চ মনৰ ভাল মানুহহে আমাক লাগে ৷ যিয়ে সমাজলৈ প্ৰকৃতাৰ্থত কঢ়িয়াই আনে আদৰ, সন্মান, সম্ভ্ৰম ৷ আমাক ভৱিষ্যতৰ বাবে তেনেকুৱা ছাত্ৰ-ছাত্ৰীয়েই লাগে ৷’ নগাঁও জিলাৰ বৰক’লা শঙ্কৰদেৱ শিশু বিদ্যা নিকেতনত ২৩ মে’ত অনুষ্ঠিত বাৰ্ষিক সম্বৰ্ধনা সভাত নিৰ্দিষ্ট বক্তা হিচাপে অংশ গ্ৰহণ কৰি প্ৰেছ ক্লাব, বেবেজীয়াৰ সম্পাদক, জ্যেষ্ঠ সাংবাদিক প্ৰাঞ্জল বৰদলৈয়ে ভাষণ প্ৰসংগত উল্লেখিত বক্তব্য দাঙি ধৰে ৷
বৰক’লা উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ গুৰুমুখ সিঙৰ সভাপতিত্বত অনুষ্ঠিত সভাখনত বিশিষ্ট অতিথি হিচাপে যোগদান কৰি ৰহা সমষ্টিৰ বিধায়ক শশী কান্ত দাসে নিকেতনখনৰ শৈক্ষিক পৰিবেশৰ শলাগ লৈ আজি প্ৰথম বাৰৰ বাবে শিক্ষানুষ্ঠানখনত উপস্থিত হৈ ছাত্ৰ-ছাত্ৰী সকলক অধ্যয়নৰ প্ৰতি আৰু অধিক মনোনিবেশ কৰি নিজৰ জীৱন জিলিকাই তুলিবলৈ আহ্বান জনোৱাৰ লগতে নিকেতনখনৰ সমস্যা সমূহ দূৰীকৰণৰ হেতু চৰকাৰী নিয়মানুসৰি আৰ্থিক সাহায্য আগবঢ়োৱাৰ আশ্বাস প্ৰদান কৰি আন্তঃগাঁথনি উন্নয়নৰ সন্দৰ্ভত দহ লক্ষাধিক টকা আগবঢ়োৱাৰ কথা ঘোষণা কৰাৰ উপৰি উৎকট গৰমৰ পৰা কিছু পৰিমাণে সকাহ পাব পৰাকৈ নিকেতনখনত বৰ্তমান সময়ত প্ৰয়োজনীয় হৈ পৰা পাঁচখন চিলিং ফেন বিধায়ক দাসে ব্যক্তিগতভাৱে শীঘ্ৰেই আগবঢ়াব বুলি বক্তব্যত প্ৰকাশ কৰে ৷ নৱম শ্ৰেণীৰ ছাত্ৰী ভায়লিনা লস্কৰে পৰিৱেশন কৰা বৰগীতেৰে আৰম্ভ হোৱা সভাখনিৰ উদ্দেশ্য ব্যাখ্যা কৰে আচাৰ্য বিজিন্দৰ সিঙে ৷ প্ৰাক্তন উপাধ্যক্ষ গোবিন চন্দ্ৰ শৰ্মা, প্ৰাক্তন বিষয় শিক্ষকদ্বয় ৰজত মুদৈ আৰু ললিত নাথ, ৰাষ্ট্ৰপতি বঁটাৰে সন্মানিত প্ৰাক্তন কৃতী শিক্ষয়িত্ৰী মঞ্জুৰাণী লস্কৰ, কামপুৰৰ সংকুল প্ৰমুখ সঞ্জীৱ হাজৰিকা, প্ৰাক্তন পঞ্চায়ত সভাপতি যোগপ্ৰসাদ বৰদলৈ, বিশিষ্ট সচেতন মহিলা ভাৰতী দেৱীৰ উপৰি ভাৰতীয় জনতা পাৰ্টীৰ জিলা উপ- সভাপতি সুবৰ্ণ সিংহ, জনাৰ্দন শইকীয়া, কমাৰগাঁও মণ্ডলৰ বিজেপিৰ যুৱ মৰ্চাৰ সভাপতি সীমান্ত দেউৰী, সম্পাদক মনোজ বৰা প্ৰমুখ্যে গুণী-জ্ঞানী বিশিষ্ট লোকসকল উপস্থিত থকা সভাখনত সদ্যঘোষিত হাইস্কুল শিক্ষান্ত পৰীক্ষাত সুখ্যাতিৰে উত্তীৰ্ণ হোৱা স্নেহা বৰঠাকুৰ, সমুদ্ৰ কুমাৰ ডেকা, ইন্দ্ৰাশ্ৰী লস্কৰ, ঋতুপৰ্ণা দাস, জুবিতৰা দাস, শিখামণি ডেকা, আদিত্য চুবেদাৰ, দিক্ষীতা বৰুৱা,প্ৰিয়ম ডেকা,ডেভিদ দাস, ভূপিন্দৰ সিং আৰু বাবুল কাকতিক ফুলাম গামোচা, মমেণ্টো আৰু অভিনন্দন পত্ৰৰে অভিনন্দিত কৰা হয় ৷
বৰক’লা গুৰু নানক মহাবিদ্যালয়ৰ সহকাৰী অধ্যাপিকা উৎপলা ডেকাই আঁত ধৰা উক্ত অভিনন্দন অনুষ্ঠানটিতে নিকেতনখনৰ বছেৰেকীয়া উত্তীৰ্ণৰ ওপৰত বিশেষ স্থান প্ৰাপ্ত ছাত্ৰ-ছাত্ৰী সকলৰ ভিতৰত আকাংক্ষা বনিয়া, লিচা দেৱী, চিমাশ্ৰী বৰা, ইক্ষু শইকীয়াৰ উপৰি বছৰৰ সৰ্বাধিক উপস্থিতিৰ বাবে ছাত্ৰ দীপ দৰ্শন ৰাজকুমাৰেও বঁটা লাভ কৰিবলৈ সক্ষম হয় ৷ সম্বৰ্দ্ধনা সভাৰ প্ৰাকক্ষণত নিকেতনৰ প্ৰধান আচাৰ্য বিকাশ নাথে অভ্যাগত সকলক উদ্দেশ্যি আদৰণী ভাষণ আগবঢ়োৱা গাম্ভীৰ্যপূৰ্ণ সভাখনিত স্থানীয় খেলুৱৈ অভীনৱ বৰদলৈয়ে লং জাম্পৰ বাবে ৰাষ্ট্ৰীয় পৰ্যায়লৈ নিৰ্বাচিত হোৱাত তেওঁকো অভিনন্দন জনোৱা এই সভাতেই অহা বছৰ নিকেতনখনিয়ে ৰূপালী জয়ন্তী বৰ্ষ উদ্যাপন কৰিবলৈ লোৱা সন্দৰ্ভতো সিদ্ধান্ত গ্ৰহণৰ বাবে যাৱতীয় প্ৰস্তুতি গ্ৰহণ কৰা হয় ৷ সভাৰ অন্তত অন্তত আচাৰ্য দাদু কাকতিৰ শলাগৰ শৰাইৰে নিকেতনৰ বাৰ্ষিক সম্বৰ্ধনা সভাখনিৰ পৰিসমাপ্তি ঘটে ৷
প্ৰতিজন যুৱকৰ নিজস্ব দৃষ্টিভংগী বেলেগ বেলেগ। কিন্তু যদি বহুদিন সম্পৰ্কত থকাৰ পিছতো আপোনাৰ সংগীয়ে আপোনাক নিজৰ বন্ধুৰ সৈতে চিনাকি কৰাই নিদিয়ে তেন্তে ইয়াৰ আঁৰৰ কাৰণ বুজাটো অতি প্ৰয়োজনীয় হৈ পৰে। দুজন মানুহৰ মাজৰ সম্পৰ্ক যিমানেই স্বচ্ছ হৈ থাকে সিমানেই তেওঁলোকৰ সম্পৰ্ক মজবুত হৈ পৰে। ইয়াৰ ভিতৰত আপোনাৰ সংগীক আপোনাৰ বন্ধু-বান্ধৱ আৰু পৰিয়ালৰ সৈতে চিনাকি কৰাই দিয়াটোও অতি গুৰুত্বপূৰ্ণ। কিন্তু সাধাৰণতে দেখা যায় যে ল’ৰাবোৰে নিজৰ প্ৰেমিকাক বন্ধু-বান্ধৱী আৰু পৰিয়ালৰ লগত চিনাকি কৰাই দিবলৈ বহুত লাজ কৰে। বহু সময়ত তাৰ বাবে তেওঁলোকৰ মাজত মতানৈক্যৰো সৃষ্টি হয়। ল’ৰাই প্ৰেমিকাক বন্ধুৰ লগত চিনাকি কৰাই নিদিয়াৰ কিছুমান কাৰণ জানি লওঁ আহক…
প্ৰত্যেকেই বিচাৰে তেওঁৰ বন্ধুসকলে তেওঁৰ পছন্দক ভাল পাওক। এনে পৰিস্থিতিত বন্ধুৰ লগত প্ৰেমিকাক চিনাকি কৰাই নিদিয়া ল’ৰাবোৰে বন্ধু-বান্ধৱীয়ে তেওঁৰ প্ৰেমিকাক ভাল নাপাব পাৰে বুলি ভয় কৰিব পাৰে।
ধেমালিৰ সীমা সকলোৱে নাজানে। বহু ল’ৰাই প্ৰায়ে বন্ধুৰ প্ৰেমিকাৰ সন্মুখত এনে ধেমালি কৰে যে পৰিস্থিতি অস্বস্তিকৰ হৈ পৰে। এনে পৰিস্থিতিত ল’ৰাই এনে বন্ধুৰ লগত প্ৰেমিকাক চিনাকি কৰাই দিয়াৰ পৰা বিৰত থাকে, যাতে তেওঁলোকৰ মাজত কোনো মতানক্য নহয়।
ল’ৰাৰ প্ৰেমিকাৰ প্ৰতি যি অসুৰক্ষিততা থাকে, ছোৱালীৰ সংগীৰ প্ৰতি যি নিৰাপত্তাহীনতা থাকে; এনে পৰিস্থিতিত ল’ৰাবোৰে প্ৰেমিকাক বন্ধুৰ লগত চিনাকি কৰাই নিদিয়ে কাৰণ বন্ধুৱে প্ৰেমিকাক আকৰ্ষিত কৰিব পাৰে বুলি ভয় কৰে।
প্ৰেমিকাক লৈ চিৰিয়াছ নহোৱা ল’ৰাবোৰে বন্ধুৰ লগত চিনাকি কৰাই দি ভাল নাপায়। অৱশ্যে তেওঁৰ বিশেষ কেইজনমান বন্ধুক নিজৰ প্ৰেমিকাৰ বিষয়ে অৱগত কৰি ৰাখে।
ল’ৰাই নিজৰ ভুল লুকুৱাবলৈও বন্ধুৰ লগত প্ৰেমিকাক চিনাকি কৰাই নিদিয়ে। কাৰণ তেওঁলোকে ভয় কৰে যে তেওঁলোকৰ বন্ধুসকলে তেওঁৰ প্ৰেমিকাক তেওঁৰ গোপনীয়তা প্ৰকাশ কৰিব আৰু তেওঁলোকৰ সম্পৰ্ক ভাঙি যাব বুলি।
