ঘোষণা হ’ল চলিত শিক্ষাবৰ্ষৰ গুণোৎসৱৰ ফলাফল
মুখ্যমন্ত্ৰীয়ে ঘোষণা কৰিলে গুণোৎসৱৰ ফলাফল
৩৫.৭৫ শতাংশ বিদ্যালয়ে লাভ কৰিলে A+ গ্রেড
২০২৪ত শিৱসাগৰ জিলা নৱসাগৰ জিলা প্ৰথম
দ্বিতীয় স্থানত আছে ডিব্ৰুগড়, তৃতীয়ত যোৰহাট
তৃতীয়বাৰৰ বাবে প্ৰথম স্থান দখল কৰিছে শিৱসাগৰ জিলাই
আজিয়েই UPPLত যোগদানৰ সম্ভাৱনা প্ৰাক্তন মন্ত্ৰী চন্দন ব্ৰহ্মৰ।
ৰাজনাথ সিঙৰ উপস্থিতিত আনুষ্ঠানিকভাৱে যোগদানৰ সম্ভাৱনা।
ছিদলী সমষ্টিৰ BPFৰ প্ৰাক্তন বিধায়ক চন্দন ব্ৰহ্ম।
থাইৰয়ড হৈছে এনে এক চিকিৎসাজনিত অৱস্থা যি ৰোগৰ পৰা কেতিয়াও সহজে আৰোগ্য হ’ব নোৱাৰি। জীৱনশৈলী আৰু খাদ্যাভ্যাসৰ সহায়তহে এই ৰোগ নিয়ন্ত্ৰণ কৰিব পাৰি। এনে পৰিস্থিতিত আপুনি কিছুমান খাদ্যৰ বিষয়ে জানিব লওক, এই ৰোগত কি কি খাব লাগে আৰু কি কি খাব নালাগে। যদিও ঔষধৰ দ্বাৰা এই ৰোগ নিয়ন্ত্ৰণ কৰিব পাৰি, তথাপিও জীৱনশৈলী আৰু খাদ্যাভ্যাসৰ পৰা আঁতৰি থকাটোৱেই উত্তম চিকিৎসা-
মাটিমাহ
মাটিমাহত গ’ইট্ৰ’জেনৰ উপস্থিতিৰ বাবে ই হাইপ’থাইৰয়ডিজমৰ অৱস্থা আৰু বেয়া কৰি তুলিব পাৰে। গতিকে হাইপোথাইৰয়ডিজম ৰোগীয়ে মাটিমাহ খোৱাৰ পৰা বিৰত থাকিব লাগে।
আলমণ্ড
আলমণ্ডত চেলেনিয়াম আৰু মেগনেছিয়াম প্ৰচুৰ পৰিমাণে থাকে – যি দুয়োটা থাইৰয়ডৰ কাৰ্য্যৰ বাবে অতি উত্তম। কিন্তু ই গ’ইট্ৰ’জেনিক হোৱাৰ বাবে ইয়াক অতিৰিক্তভাৱে খালে থাইৰয়ড বৃদ্ধি হ’ব পাৰে। ইয়াৰ ফলত থাইৰয়ড গ্ৰন্থিৰ আয়’ডিন শোষণ ক্ষমতা হ্ৰাস পায়। এনে পৰিস্থিতিত হাইপোথাইৰয়ডিজম ৰোগীয়ে প্ৰতিদিনে মাত্ৰ ৩-৫ টা তিয়াই থোৱা আলমণ্ড খাব পাৰে।
সৰিয়হ
সৰিয়হ থকা খাদ্যই শৰীৰৰ থাইৰয়ড পৰিপূৰক সঠিকভাৱে শোষণ কৰাৰ ক্ষমতাত পৰিৱৰ্তন আৰু প্ৰভাৱ পেলাব পাৰে। সৰিয়হত গ’ইট্ৰ’জেন থাকে, যিয়ে থাইৰয়ড গ্ৰন্থিৰ বিষৰ সৃষ্টি কৰে, সেয়েহে সৰিয়হৰ সামগ্ৰী পৰিহাৰ কৰিব লাগে।
ঘেঁহু
অটোইম্যুন হাইপ’থাইৰয়ডিজমৰ ক্ষেত্ৰত ঘেঁহু খোৱা কম কৰাৰ পৰামৰ্শ দিয়া হয়। গৱেষণাৰ পৰা দেখা গৈছে যে গ্লুটেন মুক্ত খাদ্য গ্ৰহণ কৰা লোকৰ তেজত থাইৰয়ড গ্ৰন্থি আক্ৰমণ কৰা এন্টিব’ডিৰ ঘনত্ব কম।
ইয়াৰ উপৰিও ডক্টৰৰ পৰামৰ্শ লোৱাটো জৰুৰী।
৭২ গৰাকী প্ৰাৰ্থীৰ নাম সন্নিবিষ্ট কৰি বিজেপিয়ে প্ৰকাশ কৰিলে লোকসভা নিৰ্বাচন ২০২৪ৰ দ্বিতীয়খন প্ৰাৰ্থী-তালিকা। এই তালিকাত কেইবাগৰাকীও জ্যেষ্ঠ নেতাক প্ৰাৰ্থিত্ব প্ৰদান কৰা হৈছে। তেওঁলোকৰ ভিতৰত নীতিন গাডকাৰী, এম এল খট্টৰ, পীয়ুষ গোৱেল আদিৰ দৰে নেতাসকলো আছে। উল্লেখ্য বিজেপিয়ে ২ মাৰ্চত দলটোৰ ১৯৫ জনীয়া প্ৰথমখন প্ৰাৰ্থী-তালিকা প্ৰকাশ কৰিছিল। ১১ মাৰ্চত দিল্লীত বিজেপিৰ কেন্দ্ৰীয় নিৰ্বাচন সমিতিৰ বৈঠকৰ পাছত বুধবাৰে বিজেপিয়ে দ্বিতীয়খন প্ৰাৰ্থী-তালিকা প্ৰকাশ কৰে। এই তালিকাত মুঠ ৭২ গৰাকী প্ৰাৰ্থীৰ নাম সন্নিবিষ্ট কৰা হৈছে। তালিকাত স্থান লাভ কৰা ইয়াৰে প্ৰভাৱশালী নেতাসকলৰ ভিতৰত নীতিন গাডকাৰী, পীযূষ গোৱেল, অনুৰাগ ঠাকুৰ, মনোহৰ লাল খট্টৰৰ আদি নেতাসকল আছে।
বিজেপিয়ে মুঠ ১০খন ৰাজ্যৰ প্ৰাৰ্থী-তালিকা ঘোষণা কৰিছে। ইয়াৰ ভিতৰত কৰ্ণাটক আৰু মহাৰাষ্ট্ৰৰ ২০খন আসন,গুজৰাটৰ ৭খন আসন,হাৰিয়ানা আৰু তেলেংগানাৰ ছখন আসন,মধ্য প্ৰদেশত ৫খন আসন ,দিল্লী, উত্তৰাখণ্ড আৰু হিমাচলত ২খন আসন ,ত্ৰিপুৰা, দাদৰ আৰু নগৰ হাভেলী, দমন আৰু দিউত এখনকৈ আসনৰ বাবে প্ৰাৰ্থীৰ নাম ঘোষণা কৰা হৈছে। উল্লেখ্য এইবেলি গেৰুৱা দলটোৱে দলীয় ভাবে ৩৭০ খন আসন লাভ কৰাৰ লক্ষ্য আগত ৰাখিছে। একেদৰে বিজেপি মিত্ৰজোঁট এনডিএই ৪০০ খন আসনৰ লক্ষ্য বান্ধি লৈছে। সেইমৰ্মে বিজেপিয়ে সমগ্ৰ দেশতে প্ৰচাৰ আৰম্ভ কৰি দিছে। বিভিন্ন সমীক্ষাতো প্ৰধানমন্ত্ৰী মোদী পুনৰ তৃতীয় বাৰৰ বাবে প্ৰধানমন্ত্ৰী হ’ব বুলি কোৱা পৰিলক্ষিত হৈছে।
নগাঁও তথা সমগ্ৰ অসমতে শাস্ত্ৰীয় সংগীতৰ এটি উৎসাহজনক বাতাবৰণ সৃষ্টি কৰা আৰু উঠি অহা প্ৰজন্মক তাৰ প্ৰতি বিশেষভাৱে অনুৰাগী কৰাৰ উদ্দেশ্যে- কিছু শুভচিন্তক লোকৰ প্ৰচেষ্টাত গঢ় লৈ উঠা ‘শাস্ত্ৰীয় সঙ্গীত মঞ্চ, নগাঁৱৰ উদ্যোগত যোৱা ১২ মাৰ্চ তাৰিখে নগাঁও জিলা পুথিভঁৰাল প্ৰেক্ষাগৃহত ভাৰতীয় মাৰ্গীয় সঙ্গীতৰ প্ৰাণপুৰুষ পণ্ডিত বিষ্ণুদিগম্বৰ পলুস্কৰৰ দেৰশ বছৰীয়া জয়ন্তী উপলক্ষে ভাৰতীয় শাস্ত্ৰীয় সংগীতৰ এটি ব্যতিক্ৰমী সঙ্গীতনুষ্ঠান সম্পন্ন হৈ যায়। অনুষ্ঠানত চিকিম বিশ্ববিদ্যালয়ৰ সঙ্গীত বিভাগৰ অধ্যাপক, সঙ্গীতজ্ঞ ড° সন্তোষ কুমাৰ আৰু তেওঁৰ শিষ্য গোপাল পউদেলৰ বাঁহীবাদন আৰু গুৱাহাটীৰ ঋষিকা ঘোষৰ কণ্ঠ-সঙ্গীতৰ লগতে মৈত্ৰেয়ী ডেকাৰ দীপমন্ত্ৰ, ইন্দ্ৰাণী বৰাৰ পৰিচালনাত মঙ্গলাচৰণ, বৰদোৱাৰ নৰোৱা সত্ৰৰ পৰাগজ্যোতি কলিতাৰ পৰিচালনাত শ্ৰীমন্তশঙ্কৰদেৱৰ বৰগীত আৰু সুৱাগমণি মহন্তৰ পৰিচালনাত ‘ছোটা খেয়াল’ ছাত্ৰ-ছাত্ৰী, সহশিল্পীসকলৰ দ্বাৰা দলীয়ৰূপত পৰিৱেশিত হয়।
বিশিষ্ট শিল্পী তবলাবাদক মুনীন গোস্বামী, বিশিষ্ট সাৰোদবাক তৰুণ চন্দ্ৰ কলিতা তথা প্ৰসূন ঘোষ,
নয়ন কমল শইকীয়া, কনক হীৰা, তপন দাস, স্নেহমীড়, কুমাৰ প্ৰমুখ্যে শিল্পীসকলেও সঙ্গত বাদ্যশিল্পীৰূপে অংশগ্ৰহণ কৰে। মহাপুৰুষ শ্ৰীমন্ত শঙ্কৰদেৱ বিশ্ববিদ্যালয়ৰ উপাচাৰ্য ড: মৃদুল হাজৰিকাৰ উদ্বোধনী ভাষণ আৰু বন্তি প্ৰজ্বলন, দিল্লী পাব্লিক স্কুল নগাঁৱৰ অধ্যক্ষা ঋতু ৰজনীশৰ শুভেচ্ছামূলক ভাষণেৰে বিপুল শ্ৰোতাৰ উপস্থিতিত সম্পন্ন। মনোজ্ঞ অনুষ্ঠানটিৰ আঁত ধৰে শিল্পী ৰঞ্জন বেজবৰুৱা আৰু ড: জয়শ্ৰী পাঠকে। ইয়াত বিশেষ উদ্যোগ গ্ৰহণ কৰে ড: ধনঞ্জয় কুশ্ৰে, ধনপত ঘোৰাৱত পৰাণ মহন্ত, জোন ৰাজখোৱা প্ৰভৃতি বিভিন্নজনে।
অসম ডনবস্ক’ বিশ্ববিদ্যালয় স্কুল অৱ টেকন’লজীৰ মেকানিকেল ইঞ্জিনিয়াৰিং বিভাগৰ উদ্যোগত ড° জয়ন্ত বিশ্ব শৰ্মাৰ সৈতে “কেৰিয়াৰ আৰু জীৱন” শীৰ্ষক এখন মত বিনিময় অনুষ্ঠান ১৩ মাৰ্চত অনুষ্ঠিত হয় । সমল ব্যক্তি ড° জয়ন্ত বি শৰ্মাক গামোছাৰে আদৰণি জনায় মেকানিকেল ইঞ্জিনিয়াৰিং বিভাগৰ মুৰব্বী তথা কেৰিয়াৰ গাইডেন্স চেলৰ চেয়াৰমেন ড° বুলজিৎ বুঢ়াগোহাঁয়ে ।
ড° বুঢ়াগোহাঁয়ে মত বিনিময় অনুষ্ঠানৰ আদৰণি ভাষণ প্ৰদান কৰে। সমল ব্যক্তিৰ পৰিচয় দাঙি ধৰে মেকানিকেল ইঞ্জিনিয়াৰিং বিভাগ বিভাগৰ সহকাৰী অধ্যাপক পল্লৱ গগৈয়ে । অসম ডনবস্ক’ বিশ্ববিদ্যালয় স্কুল অৱ টেকন’লজীৰ সহকাৰী সঞ্চালক পি জোচেফ উপস্থিত থকা মত বিনিময় অনুষ্ঠানটোত মেকানিকেল ইঞ্জিনিয়াৰিং বিভাগৰ শিক্ষাৰ্থীসকলৰ লগতে অধ্যাপকসকলেও অংশগ্ৰহণ কৰে। ড° জয়ন্ত বিস্ব শৰ্মাই কৃত্ৰিম বুদ্ধিমত্বা (এ.আই.)ৰ দৰে অত্যাধুনিক প্ৰযুক্তিৰ বিষয়ে আলোচনা আগবঢ়োৱাৰ লগতে আপেক্ষিকতাবাদ আৰু তাপগতিবিজ্ঞানৰ দ্বিতীয় সূত্রক জীৱন সৈতে উদাহৰণে ব্যাখ্যা দাঙি ধৰে। তেওঁ দক্ষতা ভিত্তিক শিক্ষা আৰু জীৱনজোৰা শিক্ষাৰ ওপৰত গুৰুত্ব আৰোপ কৰে। ড° শৰ্মাই পৰিৱেশ বহনক্ষমতাৰ বিষয়েও ব্যাখ্যা কৰে। মত বিনিময় অনুষ্ঠানটোত ড° বুলজিৎ বুঢ়াগোহাঁয়ে শলাগৰ শৰাই আগবঢ়ায়।
অৰগেং এফ চি, ডিমাকুছি দল আৰু গুৱাহাটী চিটী এফ চিয়ে আজিৰে পৰা আৰম্ভ হোৱা চতুৰ্থ বাৰ্ষিক ডাঃ টি আও আমন্ত্ৰনমুলক ফুটবল প্ৰতিযোগিতাত জয়ৰে অভিযান আৰম্ভ কৰিছে৷ ডাঃ টি আও শতবৰ্ষ সমাৰোহ সমিতিৰ উদ্যোগত তথা ছিপাঝাৰ ক্ৰীড়া সন্থাৰ সহযোগত ছিপাঝাৰ ষ্টেডিয়ামত আৰম্ভ হোৱা প্ৰতিযোগিতাখনৰ উদ্বোধনী মেচত অৰগেং এফ চি, ডিমাকুছিয়ে ২-০ গ’লৰ ব্যৱধানত পৰাস্ত কৰে দৌৰাং এফ চি, ছিপাঝাৰ দলক৷ খেলৰ প্ৰথম ১০ মিনিটতে অৰগেং এফ চিয়ে দূয়োটা গল কৰি মেচ নিজৰ নিয়ন্ত্ৰণত ৰাখিবলৈ সক্ষম হয়৷ খেলৰ পাঁচ মিনিটত অমিত ঠাকুৰীয়াই প্ৰথমে গল কৰি অৰগেং এফ চিক ১-০ ৰ অগ্ৰগতি দিয়ে৷ আনহাতে, বিজয়ী দলটোৰ হৈ দ্বিতীয়টো গ’ল কৰে খেলৰ ১০ মিনিটত চিতু বসুমতাৰীয়ে৷ দুগলত পিছ পৰা পাছত দৌৰাং এফ চিয়ে প্ৰত্যাৱৰ্তনৰ চেষ্টা কৰে যদিও অৰগেং এফ চিৰ ৰক্ষণ বিভাগক প্ৰতিহত কৰিব নোৱাৰিলে৷
ইফালে, ফ্লাড লাইটৰ পোহৰত আজি হোৱা দ্বিতীয়খন মেচত গুৱাহাটী চিটী এফ চিয়ে ২-০ গ’লৰ ব্যৱধানত কামৰূপা এফ চিক পৰাস্ত কৰি সম্পূৰ্ণ পইণ্ট অৰ্জন কৰে৷ খেলৰ প্ৰথমাৰ্ধত উভয় দলে চেষ্টা কৰিও গল কৰাত সফল হোৱা নাছিল৷ কিন্তু দ্বিতীয়াৰ্ধত সংঘবদ্ধ আক্ৰমণৰে গুৱাহাটী চিটী এফ চিয়ে সফলতা লাভ কৰে৷ খেলৰ ৬৫ মিনিটত জিতু আহমেদে গল কৰি গুৱাহাটী চিটী এফ চিক ১-০ ৰ অগ্ৰগতি দিয়াৰ পাছত অমিত কুমাৰ মালিকে ৭৫ মিনিটত বিজয়ী দলটোৰ হৈ দ্বিতীয়টো গল কৰে৷ ইয়াৰপূৰ্বে ডাঃ টি আও শতবৰ্ষ সমাৰোহ সমিতিৰ সভাপতি স্বপ্ননীল বৰুৱা¸সহ আয়োজক সন্থা দুটাৰ কেবাগৰাকীও বিষয়বৱীয়াৰ উপস্থিত প্ৰতিযোগিতাখন আনুষ্ঠানিকভাবে উদ্বোধন কৰে ছিপাঝাৰ ক্ৰীড়া সন্থাৰ সভাপতি তথা স্থানীয় বিধায়ক ড॰ পৰমানন্দ ৰাজবংশীয়ে৷ দৰঙী কলা-কৃষ্টিৰ সাংস্কৃতিক অনুষ্ঠানৰে আৰম্ভনি হোৱা উদ্বোধনী অনুষ্ঠানত কেবাজনো প্ৰাক্তন তথা বৰ্তমানৰ খেলুৱৈৰ লগতে বিশিষ্ট অতিথিসকলক সম্বৰ্ধনা জনোৱা হয়৷ উল্লেখযোগ্য যে চাৰিটা দলে অংশগ্ৰহণ কৰা প্ৰতিযোগিতাখনত প্ৰতিদিনে দুখনকৈ লীগ মেচ অনুষ্ঠিত হ’ব৷ এখন দিনৰ ডেৰ বজাৰ পৰা আৰম্ভ হোৱাৰ বিপৰীতে দ্বিতীয়খন মেচ আবেলি চাৰি বজাৰ পৰা অনুষ্ঠিত হ’ব৷ কাইলৈ হ’বলগা প্ৰথমখন মেচত গুৱাহাটী চিটী এফ চিয়ে দৌৰাং এফ চি, ছিপাঝাৰৰ বিৰুদ্ধে খেলাৰ বিপৰীতে দ্বিতীয়খন মেচত অৱতীৰ্ণ হ’ব অৰগেং এফ চি, ডিমাকুছি আৰু কামৰূপা এফ চি৷
প্ৰতিযোগিতাৰ সূচী অনুসৰি প্ৰতিটো দলে প্ৰথমে তিনিখনকৈ ৰাউণ্ড ৰবীন লীগ মেচত অংশ ল’ব আৰু শীৰ্ষ দল দুটাই প্ৰতিযোগিতাৰ ফাইনেলত প্ৰতিদ্বন্দ্বিতা আগবঢ়াব৷ ফাইনেল মেচখন অহা ১৭ মাৰ্চত দিনৰ দুই বজাৰ পৰা অনুষ্ঠিত হ’ব৷ উল্লেখযোগ্য যে উত্তৰ-পূৱৰ প্ৰথমজন অলিম্পিয়ান তথা ১৯৪৮ চনৰ লণ্ডন অলিম্পিকত অংশগ্ৰহণকাৰী ভাৰতীয় ফুটবল দলৰ অধিনায়ক ডাঃ টি আওৰ স্মৃতিত বিগত তিনি বছৰ ধৰি ডাঃ টি আও শতবৰ্ষ সমাৰোহ সমিতিয়ে সফলতাৰে আয়োজন কৰি অহা এই প্ৰতিযোগিতাখন এইবাৰ প্ৰথমবাৰৰ বাবে ছিপাঝাৰত অনুষ্ঠিত হৈছে৷
কামৰূপ জিলাৰ চাংসাৰিৰ নিকটবৰ্তী বৰগাঁৱৰ ঐশ্বৰিক গুণ গৰিমাৰে সমৃদ্ধ বৰশিল আশ্ৰম প্ৰাংগনত বৰগাঁও আৰু নিকটবৰ্তী আঞ্চলিক ভক্ত প্ৰাণ ৰাইজে মিলি অহা মাৰ্চ মাহৰ ২৪,২৫ আৰু ২৬ তাৰিখ ৰবিবাৰ , সোমবাৰ আৰু মঙ্গল বাৰে তিনি দিনীয়া বৰ্ণাঢ্য কাৰ্যসূচীৰে ৮১ তম বাৰ্ষিক শ্ৰী শ্ৰীকৃষ্ণৰ দৌল মহোৎসৱৰ আয়োজন কৰিছে ।দৌল মহোৎসৱ নিয়াৰিকৈ চলোৱাৰ বাবে কান্তিৰাম দাস ক সভাপতি ,দেবেন চন্দ্ৰ ডেকাক কাৰ্যকৰী সভাপতি , বনমালী বৈশ্য,প্ৰভাত বৰা আৰু যাদৱ বৰুৱাক উপ – সভাপতিত্ৰয়, নৃপেন ডেকাক সাধাৰণ সম্পাদক, গিৰিধৰ ডেকা , বলোৰাম বৈশ্য ,দিলীপ কৈৱৰ্ত আৰু কমল কৃষ্ণ ডেকাক সহ: সম্পাদকৰ দায়িত্ব অৰ্পন কৰা হৈছে ।
২৪ মাৰ্চৰ কাৰ্যসূচী ক্ৰমে ৰাতিপুৱা ৬-৩০ বজাত পৰিবেশ নিকা কৰণ ,ৰাতিপুৱা ৮-০০ বজাত শ্ৰী শ্ৰী বৰশিল আশ্ৰমৰ পতাকা উত্তোলন ,ৰাতিপুৱা ৮-৩০ বজাত মুখ্যদ্বাৰ উন্মোচন , ৯-০০ বজাত তোৰণ উন্মোচন ,ৰাতিপুৱা ১০-০০ বজাত স্মৃতি তৰ্পণ ,ৰাতিপুৱা -১১.০০ বজাত বৃক্ষ ৰোপন ,সন্ধিয়া ৬-০০ বজাত বন্তি প্ৰজ্বলন,সন্ধিয়া ৬-৩০ বজাত মেষদাহন,সন্ধিয়া ৭-০০ বজাত আৰিয়া প্ৰজ্বলন ও প্ৰজ্বলন ,নিশা -৯-০০ বজাত সম্বৰ্ধনা অনুষ্ঠান ,নিশা ১০-০o বজাত সাংস্কৃতিক মঞ্চ উদ্বোধনৰ পিছতে ৰাজ গুৰু মিনি থিয়েতাৰৰ দ্বাৰা নাট প্ৰদৰ্শন কৰা হব ।২৫ মাৰ্চৰ কাৰ্যসূচী ক্ৰমে ৰাতিপুৱা ৬-০০ বজাত পৰিবেশ নিকাকৰণ ,ৰাতিপুৱা ৬-৩০ বজাত পূজা আৰম্ভ ,ৰাতিপুৱা ৯-৩০ বজাত হৰে কৃষ্ণ নাম কীৰ্তন ,ৰাতিপুৱা ১০ -৩০ বজাত আয়তিৰ নাম ,দিনৰ ১১-৩০ বজাত ধৰ্মধবজা উত্তোলন, দুপৰীয়া ১২-০০ বজাত স্থানীয় শিল্পীৰ দ্বাৰা হলী গীত পৰিৱেশন ,দিনৰ ১-০০ বজাত হোম পুষ্পঞ্জলী প্ৰদান, সন্ধিয়া ৭-০০ বজাত নাগাৰা নাম পৰিৱেশন।
২৬ মাৰ্চ তাৰিখে ৰাতিপুৱা ৮-০o বজাত ফাকুৱা খেল আৰম্ভ ,ৰাতিপুৱা ১১-০০ বজাত পদুলিয়ে পদুলীয়ে গোঁসাই ভ্ৰমন ,আবেলি ৪-০০ বজাত মন্দিৰত গোঁসাই স্থাপন আৰু হৰেকৃষ্ণ নাম কীৰ্তনৰ দ্বাৰা দৌল মহোৎসৱৰ সামৰণি ।সমূহ কাৰ্য সূচিত ৰাইজৰ সহায় সহযোগিতা আৰু উপস্থিতি আন্তৰিকতাৰে কামনা কৰিছে উদযাপন কমিটীয়ে।
অসম ডন ব’স্ক’ বিশ্ববিদ্যালয় স্কুল অৱ টেকন’লজীৰ মেকানিকেল ইঞ্জিনিয়াৰিং বিভাগৰ উদ্যোগত ড° জয়ন্ত বি শৰ্মাৰ সৈতে “কেৰিয়াৰ আৰু জীৱন” শীৰ্ষক এখন মত বিনিময় অনুষ্ঠান ১৩ মাৰ্চত অনুষ্ঠিত হয় । সমল ব্যক্তি ড° জয়ন্ত বি শৰ্মাক গামোছাৰে আদৰণি জনায় মেকানিকেল ইঞ্জিনিয়াৰিং বিভাগৰ মুৰব্বী তথা কেৰিয়াৰ গাইডেন্স চেলৰ চেয়াৰমেন ড° বুলজিৎ বুঢ়াগোহাঁয়ে ।
ড° বুঢ়াগোহাঁয়ে মত বিনিময় অনুষ্ঠানৰ আদৰণি ভাষণ প্ৰদান কৰে। সমল ব্যক্তিৰ পৰিচয় দাঙি ধৰে মেকানিকেল ইঞ্জিনিয়াৰিং বিভাগ বিভাগৰ সহকাৰী অধ্যাপক পল্লৱ গগৈয়ে । অসম ডন বস্কো বিশ্ববিদ্যালয় স্কুল অৱ টেকন’লজীৰ সহকাৰী সঞ্চালক পি জোচেফ উপস্থিত থকা মত বিনিময় অনুষ্ঠানটোত মেকানিকেল ইঞ্জিনিয়াৰিং বিভাগৰ শিক্ষাৰ্থীসকলৰ লগতে অধ্যাপকসকলেও অংশগ্ৰহণ কৰে। ড° জয়ন্ত বি শৰ্মাই কৃত্ৰিম বুদ্ধিমত্বা (এ.আই.)ৰ
দৰে অত্যাধুনিক প্ৰযুক্তিৰ বিষয়ে আলোচনা আগবঢ়োৱাৰ লগতে আপেক্ষিকতাবাদ আৰু তাপগতিবিজ্ঞানৰ দ্বিতীয় সূত্রক জীৱন সৈতে উদাহৰণে ব্যাখ্যা দাঙি ধৰে। তেওঁ দক্ষতা ভিত্তিক শিক্ষা আৰু জীৱনজোৰা শিক্ষাৰ ওপৰত গুৰুত্ব আৰোপ কৰে। ড° শৰ্মাই পৰিৱেশ বহনক্ষমতাৰ বিষয়েও ব্যাখ্যা কৰে। মত বিনিময় অনুষ্ঠানটোত ড° বুলজিৎ বুঢ়াগোহাঁয়ে শলাগৰ শৰাই আগবঢ়ায়।
উত্তৰ গুৱাহাটী ৰজাদুৱাৰ নিৱাসী সৰবৰহী , ধৰ্মপ্ৰাণা মহিলা ৰেণু বৰুৱাই যোৱা নিশা ইহলীলা সম্বৰণ কৰে । যোৱা ১ মাৰ্চ তাৰিখে শাৰীৰিক অসুস্থ অনুভৱ কৰাত পুত্ৰ বিশ্বজিত বৰুৱাই ততাতয়াকৈ উত্তৰ গুৱাহাটীস্থিত ব্যক্তিগত চিকিৎসালয় জি এন আৰ চি চিকিৎসালয়ত ভৰ্তি কৰে।কেইবাদিন ধৰি অসুস্থ হৈ থকা বৰুৱাই চিকিৎসাধীন অৱস্থাতেই ১১ মাৰ্চ তাৰিখে নিশা ১০.৩০ বজাত শেষ নিশ্বাস ত্যাগ কৰে । উল্লেখ্য,স্বৰ্গগত বৰুৱা উত্তৰ গুৱাহাটীৰ বিশিষ্ট সমাজ সেৱক ৰবীন্দ্ৰনাথ বৰুৱাৰ পত্নী,অসম গণ পৰিষদৰ কেন্দ্ৰীয় সাধাৰণ তথা অসম চৰকাৰৰ পশু ধন নিগমৰ অধ্যক্ষ মনোজ শইকীয়াৰ শাহু আছিল। অতি অমায়িক ,মানৱ দৰদী, ধৰ্ম প্ৰাণা ৰেণু বৰুৱাৰ মৃত্যুৰ খবৰ বিয়পি পৰাৰ লগে লগে অলেখ গুণমুগ্ধ আহি তেখেতৰ বাসগৃহত ভিৰ কৰে। সকলোৱে প্ৰয়াত বৰুৱালৈ শেষ শ্ৰদ্ধাঞ্জঁলি জ্ঞাপন কৰে। সমাজহিতৈষী ধৰ্মপ্ৰাণা ৰেণু বৰুৱাৰ মৃত্যুত সমগ্ৰ উত্তৰ গুৱাহাটীত গভীৰ শোকৰ ছাঁ পৰিছে। উল্লেখ্য যে ৰেণু বৰুৱাৰ বাসগৃহৰ পৰাই পৰৱৰ্তী সময়ত উত্তৰ গুৱাহাটীকে আদি কৰি জালুকবাৰীত
আঞ্চলিকতাবাদ তথা জাতিয়তাবাদৰ ধাৰা শক্তিশালী ৰূপত আগুৱাই লৈ যোৱাৰ বহু আলোচনা সভাৰ মূল কাৰ্যলয় হিচাপে চিহ্নিত হৈছিল। এই ক্ষেত্ৰত প্ৰয়াত বৰুৱাৰ অৱদান তথা সহযোগ স্মৰণীয় হৈ থাকিব।সততে মুখত হাঁহিটো লৈ থকা প্ৰয়াত বৰুৱাই মৃত্যুৰ আগমূহুৰ্তলৈকে মহাপ্ৰভু দৌল গোবিন্দ মন্দিৰত হোৱা নাম প্ৰসংগ সমূহত জৰিত হৈ আছিল। সামাজিক ভাৱে সচেতন বৰুৱাৰ মৃত্যুত অসম গণ পৰিষদ জালুকবাৰী বিধান পৰিষদে গভীৰ শোক প্ৰকাশ কৰাৰ লগতে তেখেতৰ মৃতদেহত দলৰ পতাকা অৰ্পণ কৰি শেষ শ্ৰদ্ধাঞ্জঁলি জ্ঞাপন কৰে।অগপ দলৰ সম্পাদক জয়ন্ত কুমাৰ নাথ,দলৰ জালুকবাৰী সমষ্টি কমিটীৰ ভাৰ প্ৰাপ্ত সভাপতি শংকৰ কুমাৰ দাস,জেষ্ঠ্য কাৰ্যকৰ্তা গণেশ দাস,শৈল বৰুৱা, চন্দন বৰুৱা,আশিক চৌধুৰী, মাধুৰ্য্য বৰা,দিনেশ দাসকে আদি কৰি দলৰ বহু কৰ্মী উপস্থিত থাকি প্ৰয়াত ৰেণু বৰুৱালৈ দলৰ তৰফৰ পৰা শেষ শ্ৰদ্ধাঞ্জলি নিবেদন কৰে। মজিন্দাৰ বৰুৱা বংশৰ তৰফৰ পৰা সৌৰভ বৰকাকতীয়ে তেখেতক শ্ৰদ্ধাঞ্জঁলি জ্ঞাপন কৰে।অসম বাৰ্তাজীৱি সংঘৰ সভাপতি তথা সদৌ কামৰূপ জিলা সাংবাদিক সন্থাৰ সভাপতি মধুসূদন মেধিয়েও গভীৰ শোক প্ৰকাশ কৰাৰ লগতে তেখেতলৈ এখন গামোচাৰে শেষ শ্ৰদ্ধাঞ্জঁলি জ্ঞাপন কৰে। ইয়াৰ উপৰিও উত্তৰ গুৱাহাটী সাংবাদিক সন্থা, উত্তৰ গুৱাহাটী সামাজিক অনুষ্ঠান জিলিঙণিৰ সম্পাদক ৰূপক ডেকা, ৰজাদুৱাৰ ক্লাব এণ্ড লাইব্ৰেৰী, প্ৰাগজ্যোতিষপুৰ কলা পৰিষদৰ তৰফৰ পৰা সৌৰভ বৰুৱা আৰু চন্দন বৰুৱা, উত্তৰ গুৱাহাটী যুৱ সমাজ,অভয়পুৰ ৰদালি সংঘ আৰু পুথিভঁৰাল, সদৌ উত্তৰ গুৱাহাটী ছাত্ৰ সন্থা, ভাৰতীয় জনতা পাৰ্টী উত্তৰ গুৱাহাটী মণ্ডলৰ সাধাৰণ সম্পাদক সঞ্জীৱ শৰ্মাই ৰেণু বৰুৱাৰ
মৃত্যুত গভীৰ শোক প্ৰকাশ কৰাৰ উপৰিও উত্তৰ গুৱাহাটীৰ বিভিন্ন অনুষ্ঠান প্ৰতিষ্ঠানৰ পৰা প্ৰয়াত বৰুৱালৈ শেষ শ্ৰদ্ধাঞ্জলি জ্ঞাপন কৰা হয়।প্ৰয়াত বৰুৱাৰ শেষাকৃত অনুষ্ঠানত উত্তৰ গুৱাহাটী জিএনআৰচি চিকিৎসালয়ৰ জন সম্পৰ্কৰক্ষী বিষয়া খুন্তি দাসৰ লগতে সুৰক্ষা বিষয়া দিনেশ নাথ উপস্থিত প্ৰয়াত বৰুৱালৈ শ্ৰদ্ধা নিবেদন কৰে। অসম গণ পৰিষদ দলৰ সভাপতি অতুল বৰা আৰু কাৰ্যকৰী সভাপতি কেশৱ মহন্তই ৰেণু বৰুৱাৰ মৃত্যুত গভীৰ শোক প্ৰকাশ কৰাৰ লগতে পৰিয়াল বৰ্গলৈ সমবেদনা জ্ঞাপন কৰে। এক শোক বাৰ্তাত মন্ত্ৰী অতুল বৰাই উল্লেখ কৰে যে জালুকবাৰী সমষ্টিৰ লগতে কামৰূপ জিলাত পৰৱৰ্তী সময়ত আঞ্চলিকতাবাদ আৰু জাতীয়তাবাদৰ ধাৰা শক্তিশালী ৰূপত আগুৱাই লৈ যোৱাত প্ৰয়াত ৰেণু বৰুৱাৰ অৱদান আছিল অপৰিসীম। ৭৭ বছৰ গৰকা ৰেণু বৰুৱাই মৃত্যুৰ সময়ত স্বামী, পুত্ৰ, বোৱাৰী, তিনি গৰাকী জীয়ৰী, জোৱাঁইকে আদি কৰি নাতি নাতিনী সহ অলেখ গুণমুগ্ধক এই সংসাৰত এৰি থৈ যায়।
