বৰ্তমান সময়ত ৰোগ নিৰাময়ৰ ক্ষেত্ৰত বহল সমাদিত চিকিৎসা পদ্ধতি হৈ পৰিছে থেৰাপী চিকিৎসা পদ্ধতি। বহু দুৰাৰোগ্য ৰোগীও থেৰাপী পদ্ধতিয়ে চিকিৎসা কৰি আৰোগ্য লাভ কৰিবলৈ সক্ষম হৈছে। মাৰ্ঘেৰিটাস্থিত “ভিগেন ইণ্ডিয়া মা হেলথ কেয়াৰ থেৰাপী চেণ্টাৰ”ৰে তিনি বছৰে বহু ৰোগীক আৰোগ্য কৰি তুলিবলৈ সক্ষম হৈছে। মাৰ্ঘেৰিটাস্থিত “ভিগেন ইণ্ডিয়া মা হেলথ কেয়াৰ থেৰাপী চেণ্টাৰ”ৰ আজি তৃতীয় বৰ্ষপুৰ্তি অনুষ্ঠানটি নিজ কাৰ্যালয়ত অনুষ্টুপীয়াকৈ উৎযাপন কৰা হয়।

বৰ্ষপুতি অনুষ্ঠানৰ সৈতে সংগতি ৰাখি মাৰ্ঘেৰিটা স্থানীয় বহু কেইগৰাকী গন্য মান্য ব্যক্তিক “ভিগেন ইণ্ডিয়া মা হেলথ কেয়াৰ থেৰাপী চেণ্টাৰ”ৰ তৰফৰ পৰা আনুষ্ঠানিক ভাৱে সম্বৰ্ধনা জনোৱা হয়। উক্ত কাৰ্যসূচীত প্ৰতিষ্ঠানটো নৰ্থ ইষ্টৰ মাৰ্কেটিং ডাইৰেক্টৰ ৰেৱ বৰুৱা আৰু এৰিয়া মেনেজাৰ হেমজ্যোতি মৰাণৰ লগতে মাৰ্ঘেৰিটা স্থিত “ভিগেন ইণ্ডিয়া মা হেলথ কেয়াৰ থেৰাপী চেণ্টাৰ”ৰ কৰ্মচাৰীসহ অঞ্চলটো বহু সংখ্যক গন্য মান্য ব্যক্তি আৰু স্থানীয় ৰাইজ উপস্থিত থাকে।

দৰঙৰ দলগাঁও-শিয়ালমাৰী প্ৰাথমিক শিক্ষা খণ্ডৰ অন্তৰ্গত উত্তৰ ঘিলাধাৰী প্ৰাথমিক বিদ্যালয়ত বহিছে এক আকৰ্ষণীয় অকণিৰ বজাৰ। বিদ্যালয়খনৰ কণ কণ শিক্ষাৰ্থীয়ে পাতিছে এই বজাৰ। বজাৰত কি নাই! আলু, পিয়াজ, জলকীয়াকে আদি কৰি সকলোধৰণৰ শাক-পাচলি আছে এইখন বজাৰত। লগতে আছে ফল-মূল‌ আৰু কিতাপৰ দোকান। কিন্তু বজাৰখনত নচলে আচল টকা লেনদেন কৰিব লাগিব মনোৰঞ্জন টকাৰে । এইখন ৰাজহুৱা বজাৰ নহয়, বজাৰখন ছাত্ৰ-ছাত্ৰীৰ জ্ঞানৰ বাবেহে । কণ কণ শিক্ষাৰ্থীৰ শৈক্ষিক জ্ঞান বৃদ্ধিৰ উদ্দেশ্যে এই প্ৰচেষ্টা বিদ্যালয় কৰ্তৃপক্ষৰ। এই প্ৰচেষ্টাৰ জৰিয়তে ছাত্ৰ-ছাত্ৰী সকলে পাব টকা-পইচা, গ্ৰাম, কিলোগ্ৰামৰ জ্ঞান দিয়াৰ চেষ্টা । সমান্তৰাল ভাৱে কেছলেছ প্রেমেণ্টৰ ধাৰণা আনিবলৈ বজাৰ খনত ব্যৱহাৰ কৰা হৈছে ডিজিটেল ইউ, পি, আই কিউ, আৰ ক’ড। কণ কণ ছাত্ৰ-ছাত্ৰীৰ দ্বাৰা পৰিচালিত অকণিৰ বজাৰখনত দলগাঁও শিক্ষা খণ্ডৰ অন্তৰ্গত কৌপাটী মণ্ডল সমল কেন্দ্ৰৰ ১০ খন বিদ্যালয়ৰ ছাত্ৰ-ছাত্ৰী উপস্থিত থাকে।

কলকাতাত আন্তঃৰাষ্ট্ৰীয় পৰ্যায়ত অনুষ্ঠিত বিশ্বজনীন খেল- টাইকোৱাণ্ডোত উজলি উঠিল দৰঙৰ ৯ জনকৈ খেলুৱৈ। উল্লেখ্য যে দৰঙৰ হাপামাৰাস্থিত ‘হাই কীকাৰ টাইকোৱাণ্ডোৰ ৯ জনকৈ খেলুৱৈয়ে কলকাতাত অনুষ্ঠিত আন্তঃৰাষ্ট্ৰীয় পৰ্যায়ৰ টাইকোৱাণ্ডো চেম্পিয়নশ্বিপ’ত অংশ গ্ৰহণ কৰে। দৰঙৰ গোমঠাপাৰাৰ নিবৃতি বডো, ৰামগাঁওৰ ধৃতিস্মান চহৰীয়া আৰু হিমুজ্বল ডেকা, সৰাবাৰী বৰমপুৰৰ জিণ্টু শৰ্মাই পশ্চিমবংগৰ হাওৰাৰ দাসনগৰস্থিত আলা মোহনদাস স্পৰ্টছ এণ্ড কালচাৰেল ষ্টেডিয়ামত ২৬ ডিচেম্বৰৰ পৰা ২৮ ডিচেম্বৰলৈ অনুষ্ঠিত সপ্তম ভাৰত টি আই এ আন্তঃৰাষ্ট্ৰীয় টাইকোৱাণ্ডো চেম্পিয়নশ্বিপত স্বৰ্ণ পদক জয় কৰি দৰং তথা অসমলৈ গৌৰৱ কঢ়িয়াই আনে। আনহাতে কিউৰোগীত চাব জুনিয়ৰ বিভাগৰ ল’ৰাৰ ১১ বছৰ অনুৰ্ধৰ ২৮ কিল’গ্ৰামত ধৃতিস্মান চহৰীয়া, ২২ কিল’গ্ৰামত হিমুজ্বল ডেকা, ৪৫ কিল’গ্ৰামত জিণ্টু শৰ্মা আৰু ছোৱালীৰ ১১ বছৰ অনুৰ্ধৰ ২২ কিল’গ্ৰামত নিবৃতি বড়োই স্বৰ্ণ পদক পাবলৈ সক্ষম হয়।

একেদৰে ৰামগাঁওৰ জোনাক প্ৰতীম হাজৰিকাই ল’ৰাৰ ১১ বছৰ অনুৰ্ধৰ ২৮ কিল’গ্ৰামত ৰূপ, কৃৰ্তীমান চহৰীয়া আৰু ঝাকুৱাপাৰাৰ আকাশ ডেকাই ক্ৰমে ২৮ আৰু ৩১ কি’লগ্ৰামত লাভ কৰে ব্ৰঞ্জৰ পদক। ইপিনে ১৪ বছৰ অনুৰ্ধৰ ৩৩ কিল’গ্ৰামত নিজ বৰমপুৰৰ চাজিদ আলমে কিউৰোগী কেডেটত ব্ৰঞ্জ আৰু ৰামগাঁওৰ বিতুস্মিন চহৰীয়াই ১১ বছৰ অনুৰ্ধৰ কিউৰোগী ২৫ কিল’গ্ৰামত ব্ৰঞ্জৰ পদক জয় কৰিবলৈ সক্ষম হয। উল্লেখযোগ্য যে ইয়াৰে নিবৃতি বড়োই স্বৰ্ণ জয়ৰ উপৰি পুমচেত ব্ৰঞ্জৰ পদকো লাভ কৰিবলৈ সক্ষম হয়। প্ৰশিক্ষক-পৰিচালক ৰিতুৰাজ শৰ্মাৰ নেতৃত্বত অসম দলৰ হৈ যোগদান কৰি কৃতিত্ব অৰ্জন কৰা এইসকল খেলুৱৈক স্থানীয় ৰাইজৰ তৰফৰ পৰা অভিনন্দন জনোৱা হয়‌।