চৰকাৰী দৰমহা টকাৰে পেট নভৰে একাংশ চৰকাৰী কৰ্মচাৰীৰ!
এটাৰ পিছত এটা ঘোচখোৰ আটক এইখন অসমত।
এইবাৰ হাত দাঙিলে জলসিঞ্চন বিভাগৰ সৰভোগ-জনীয়া সংমণ্ডলৰ কাৰ্যবাহী অভিযন্তা সঞ্জীৱ কুমাৰ দাসে।
দেওবাৰে বৰপেটাত মুখ্যমন্ত্ৰীৰ দূৰ্নীতি নিবাৰক শাখাৰ দলে ঠিকাদাৰৰ পৰা ঘোচ লৈ থকা সময়তে কৰায়ত্ত কৰে কাৰ্যবাহী অভিযন্তা সঞ্জীৱ কুমাৰ দাসক।
যদি সকলো ঠিকে থাকে ২২ জানুৱাৰীত অযোধ্যাৰ ৰাম মন্দিৰ উদ্বোধন কৰা হ’ব। প্ৰধানমন্ত্ৰী নৰেন্দ্ৰ মোদীয়ে অনুষ্ঠানটোত মুখ্য অতিথি হ’ব।
উল্লেখ্য যে ৰাম মন্দিৰৰ সমান্তৰালকৈ মছজিদৰ প্ৰসংগও চৰ্চালৈ আহিছে। মছজিদটো মন্দিৰৰ পৰা প্ৰায় 25 কিলোমিটাৰ দূৰত অযোধ্যা জিলাৰ ধনীপুৰত নিৰ্মাণ কৰা হ’ব। ২০১৯ চনৰ নৱেম্বৰত, উচ্চতম ন্যায়ালয়ে প্ৰশাসনক ৰাম জন্মভূমি-বাবৰি জন্মভূমি গোচৰত মুছলমান পক্ষক পাঁচ একৰ ভূমি আৱণ্টন কৰিবলৈ নিৰ্দেশ দিছিল।
উত্তৰ প্ৰদেশ চুন্নী চেণ্ট্ৰেল ৱাকফ বোৰ্ডে মছজিদনিৰ্মাণৰ তত্বাৱধানৰ বাবে ইণ্ডো-ইছলামিক কালচাৰেল ফাউণ্ডেচন ট্ৰাষ্ট গঠন কৰিছিল। ট্ৰাষ্টৰ মতে, কেৱল মছজিদই নহয়, ৫একৰ ভূমিত এখন চিকিৎসালয় আৰু এটা ভাগ-বতৰা কৰা পাকঘৰ নিৰ্মাণৰ পৰিকল্পনাও লাভ কৰা হৈছে।
ট্ৰাষ্টৰ অধ্যক্ষ তথা ৱাকফ ব’ৰ্ডৰ অধ্যক্ষ জুফাৰ ফাৰুকীয়ে কয়, “মছজিদখন কেতিয়া সম্পূৰ্ণ হ’ব সেয়া কোৱা কঠিন। কিন্তু আমি আশা কৰোঁ যে মছজিদৰ নিৰ্মাণ অহা বছৰৰ মে মাহৰ পৰা আৰম্ভ হ’ব। “
ট্ৰাষ্টৰ মতে, মছজিদ নিৰ্মাণৰ ব্যয় পূৰণ কৰিবলৈ এখন পৃথক সমিতি গঠন কৰা হৈছে। মুম্বাইস্থিত সমিতিয়ে এতিয়ালৈকে ৫০ লাখ টকা সংগ্ৰহ কৰিছে, ট্ৰাষ্টসূত্ৰই জনায়। ট্ৰাষ্টৰ মতে, মছজিদৰ নক্সা প্ৰায় চূড়ান্ত কৰা হৈছে। ভাৰতৰ অন্যান্য মছজিদৰ দৰে, এই মছজিদতো মিনাৰ আৰু গম্বুজ থাকিব। ন্যাসে ইতিমধ্যে মন্দিৰৰ নক্সা অযোধ্যা উন্নয়ন কৰ্তৃপক্ষৰ ওচৰত দাখিল কৰিছে।
জালুকবাৰী আৰক্ষীৰ জালত তিনিটা বাইক চোৰ৷
ভঙাগড়ৰ সুমন দাস, সোণাইঘুলিৰ বাবু নেওগ, নালাপাৰাৰ পদুম বাহাদুৰ চেত্ৰী নামৰ বাইক চোৰ তিনিটাক আটক৷
শৰাইঘাট দলঙত তালাচীৰ সময়তে আটক চোৰকেইটাক৷
দেওবাৰে শোনিতপুৰ জিলাৰ তেজপুৰৰ ঐতিয্যমণ্ডিত তেজপুৰ সাহিত্য সভাৰ প্ৰাঙ্গণত অনুষ্ঠিত কৰা হয় সাংবাদিক নিৰ্মল দাস স্মাৰক বক্তৃতানুষ্ঠান।
বক্তৃতানুষ্ঠানৰ বিষয়: ভাৰতীয় সংবিধানৰ প্ৰমূল্য,গণতান্ত্ৰিক প্ৰতিষ্ঠান আৰু সাংবাদিকতা।
এই কাৰ্যসূচীত আমন্ত্ৰিত অতিথি বক্তা, অধ্যাপক ড° অখিল ৰনজন দত্তই বক্তব্য প্ৰদান কৰাৰ লগতে শোনিতপুৰ জিলা সাংবাদিক সন্থাৰ বিষয়ববিয়াসকলৰ লগত নিৰ্মল দাসৰ প্ৰতিচ্ছবিত শ্ৰদ্ধাঞ্জলী জ্ঞাপন কৰে ।
শোনিতপুৰ জিলা সাংবাদিক সন্থাৰ সভাপতি পঙ্কজ নাথে এই অনুষ্ঠানৰ আঁত ধৰে। সভাত বিভিন্নজন গন্য-মান্য ব্যক্তি উপস্থিত থাকে।
মুম্বাইৰ এখন আদালতে এগৰাকী ৫০ বছৰীয়া ব্যক্তিক এগৰাকী ১৩ বছৰীয়া কিশোৰীক অনুপযুক্তভাৱে স্পৰ্শ কৰাৰ বাবে আৰু তাইক “hot” বুলি কোৱাৰ বাবে তিনি বছৰৰ কাৰাদণ্ড প্ৰদান কৰিছে।
আদালতে উল্লেখ কৰিছে যে এই আইনে অভিযুক্তজনক যৌন নিৰ্যাতন কৰাৰ উদ্দেশ্য দেখুৱাইছে।
ঘটনাটো ২০১৬ চনত সংঘটিত হৈছিল। মানুহজনে ছোৱালীজনীক কৈছিল যে, তেওঁ তাইক চুমা খাব বিচাৰে আৰু তাইক লগত লৈ যাব বিচাৰে।
প্ৰাচীন কালৰ পৰা নানান দেশত লোক বিশ্বাসমতে বিভিন্ন ৰোগৰ ক্ষেত্ৰত ভেন্দিক চিকিৎসাত ব্যৱহাৰ কৰি অহা হৈছে ৷ তাৰে কিয়দাংশ তলত উল্লেখ কৰিলোঁ : –
• ভাৰতবৰ্ষত হিন্দু সকলে এই সুগন্ধযুক্ত ফলক শৰীৰ শীতল কৰা, পেটৰ বায়ু আতৰ কৰা (Curmanitive) আৰু শক্তিবৰ্ধক টনিক হিচাবে ব্যৱহাৰ কৰি আহিছে ৷
• ভিয়েটনামৰ আন্নান অঞ্চলত, দক্ষিণ আমেৰিকাৰ গুৱেনা আৰু কেৰিবিয়ান সাগৰৰ এন্টিলিচ দ্বীপপুঞ্জত ভেন্দিক এন্টিস্পাচম’ডিক আৰু শক্তিপ্ৰদ দ্ৰব্য বুলি গণ্য কৰা হয় ৷
• শ্বাস প্ৰণালীৰ ইনফ্লমেচন কমোৱাৰ ক্ষেত্ৰত ভেন্দিৰ ভূমিকাৰ হেতু ইয়াক ব্ৰংকাইটিচ, ডিঙিৰ বিষ,কাহ আদিত দেশে দেশে প্ৰাচীন কালৰ পৰা ব্যৱহৃত হৈ আহিছে ৷
• পাত আৰু ভেন্দিৰ উতলাই শীতল কৰা ঘোল ব্যৱহৃত হৈ আহিছে – জ্বৰ,বাত বিষ, ভেৰিক’জ ভেইন,প্ৰসাবৰ সংক্ৰমণত ৷
• গনোৰিয়া,চিফিলিচ আদি যৌন ব্যাধিৰ চিকিৎসাত প্ৰয়োগ কৰি অহা হৈছে ৷
• পাত আৰু সিদ্ধ কৰা গুটি মাংসপেশীৰ সংকোচন কমাবলৈ ব্যৱহৃত হয় ৷
• শিপা আৰু পাতৰ ৰস ঘাঁত প্ৰলেপ দি চিকিৎসা কৰা হয় ৷
• ভেন্দিৰ ৰস ডায়েৰিয়া,পেটৰ বিষ আৰু শৌচ কচাৰ চিকিৎসাত ব্যৱহৃত হৈ আহিছে ৷
• ছালৰ ৰোগ আৰু খজুৱতিত ভেন্দিৰ গুটি পিচি গাখীৰৰ সৈতে মিহলাই প্ৰয়োগ কৰি অহা হৈছে ৷
• বহুমূত্ৰৰ উপশম ঘটাবলৈ ভেন্দিৰ প্ৰয়োগ প্ৰাচীনকালৰ পৰা কৰি অহা হৈছে ৷
• প্ৰসাৱৰ সৈতে ‘ধাতু’ নিৰ্গত হোৱা ৰোগত কুমলীয়া ভেন্দি আৰু ভেন্দিৰ গুটি সেৱন কৰাৰ পৰামৰ্শ দিয়া হয় ৷
• শালমন,ঘামচিৰ চিকিৎসাত ভেন্দিৰ প্ৰয়োগ কৰি অহা হৈছে ৷
মহাৰাষ্ট্ৰৰ নগপুৰৰ এটা বৃহৎ অঞ্চল হঠাতে বিস্ফোৰণৰ শব্দই জোকাৰি গ’ল। বজাৰগাঁও অঞ্চলৰ ‘ছ’লাৰ ইণ্ডাষ্ট্ৰীজ ইণ্ডিয়া লিমিটেড’ত সংঘটিত হোৱা বিস্ফোৰণত কমেও ৯ জন লোকৰ মৃত্যু হয়। আন কেইবাজনো আহত হয়। ইয়াৰে কেইবাজনৰো অৱস্থা সংকটজনক। আটাইকেইজনক চিকিৎসালয়ত ভৰ্তি কৰা হৈছে। মৃতকৰ সংখ্যা আৰু বৃদ্ধি পোৱাৰ আশংকা কৰা হৈছে।
আৰক্ষীৰ জনোৱা অনুসৰি, কাৰখানাটোৱে কয়লা বিস্ফোৰণৰ বাবে বিস্ফোৰক পেকিং কৰি আছিল। তেতিয়াই এই বিস্ফোৰণ হৈছিল। কেইবাজনো লোক ঘটনাস্থলীত সিঁচৰতি হৈ আছিল। তেওঁলোকৰ ছয়জনৰ মৃত্যু হৈছে। আন কেইবাজনো লোক আহত হৈছে। জনা যায় যে এই চৰকাৰী কাৰখানাত বিভিন্ন ধৰণৰ বিস্ফোৰক তৈয়াৰ কৰা হয়। বিস্ফোৰকবোৰ মুখ্যতঃ খনি অঞ্চল বা পৰ্বতবোৰ ফাটিবলৈ ব্যৱহাৰ কৰা হয়।
আৰক্ষীৰ সূত্ৰ অনুসৰি, এনে কাৰখানাত বিস্ফোৰক পেক কৰাৰ ক্ষেত্ৰত প্ৰয়োজনীয় সকলো সাৱধানতা অৱলম্বন কৰা হয়। কিন্তু দেওবাৰে পুৱা কৰা হৈছিল নে নাই সেয়া এতিয়াও স্পষ্ট হোৱা নাই। প্ৰতিৰক্ষা বিভাগে সমগ্ৰ ঘটনাৰ বিতং তদন্ত কৰিছে।
‘এনিমেল’ হিট হোৱাৰ পিছৰে পৰা নিশাৰ ভিতৰতে তৃপ্তি ডিমৰি লাইমলাইটলৈ আহিছে। যদিও তেওঁ পৰ্দাত বেছি সময় নাপালে, তথাপিও তেওঁ বিশেষ চৰিত্ৰত ছাপ এৰি থৈ গ’ল। ইয়াৰ পূৰ্বে তৃপ্তিয়ে ‘লয়লা মাজনু’, ‘বুলবুল’, ‘কালা’ আদি ছবিত কাম কৰিছিল। দৰ্শকৰ চিনাকি মুখ।
তৃপ্তিয়ে ‘এনিমেল’ ছবিত অভিনয় কৰি সফল হ’ল। ছ’চিয়েল মিডিয়াত ক্ৰমাৎ বৃদ্ধি পাইছে অনুৰাগীৰ সংখ্যা। ইতিমধ্যে তেওঁ এনিমেলৰ পিছত ৰাষ্ট্ৰীয় ক্ৰাছৰ খিতাপ লাভ কৰিছে। ছ’চিয়েল মিডিয়াত অনুৰাগীৰ সংখ্যা ৬ লাখৰ পৰা প্ৰায় ৩৯ লাখলৈ বৃদ্ধি পাইছে। এনে ঘটনা যথেষ্ট বিৰল। কম সময়ৰ ভিতৰতে ইমান জনপ্ৰিয়তাক লৈ কেনে অনুভৱ কৰে ক’লে তৃপ্তিয়ে।
শেহতীয়া এক সাক্ষাৎকাৰত অনুৰাগীৰ সংখ্যা বৃদ্ধিৰ সন্দৰ্ভত তৃপ্তিয়ে কয় যে, মোৰ গোটেই পৰিয়ালে প্ৰতিদিনে মোৰ একাউণ্টটো চাই আছে। মোক প্ৰতিদিনে সুধিছে, কিমান ফ’ল’ৱাৰ? মোৰ বৰ ভাল লাগিছে। মানুহে মোক ভাল পায়। আশাকৰোঁ, এইদৰে মই আৰু মৰম পাম।”
অভিনেত্ৰীগৰাকীৰ ভাষাত “দৰ্শকৰ পৰা বহুত মৰম পাইছো আৰু এতিয়াও পাইছো।” মোৰ ফোনটো আজিকালি গোটেই দিনটো বাজি আছে। মানুহৰ পৰা ইমানবোৰ শুভেচ্ছা পাইছোঁ যে সকলোকে ৰিপ্লাই দিবলৈ ৰাতি টোপনি হেৰাই গৈছে!
৬০০টকাতে লাভ কৰিব চিলিণ্ডাৰ। কেন্দ্রীয় মন্ত্ৰী হৰদ্বীপ সিং পুৰিয়ে কৰিছে এই ঘোষণা।
নতুন LPGৰ সংযোগ ল’ব পাৰিব আপুনি। প্রধানমন্ত্রী উজ্জ্বলা আঁচনিৰ অধীত পাব নতুন কানেকশ্যন।
আপুনি লাভ কৰিব ৩০০টকা ৰাজ সাহায্য। এই ৩০০টকাতো পোনে পোনে জমা হ’ব আপোনাৰ একাউণ্টত। উল্লেখ্য যে ২০১৪ত LPGৰ উপভোক্তা আছিল ১৪ কোটি। বৰ্তমান এই সংখ্যা হৈ পৰিছে ৩৩ কোটি।
দৰিদ্ৰ লোকৰ বাবে ২০১৬ত অনা হৈছিল বিশেষ আঁচনি। এতিয়া আকৌ নতুনকৈ ৭৫লাখ কানেকশ্যন দিব বুলি কেন্দ্রীয় মন্ত্ৰীগৰাকীয়ে ঘোষণা কৰিছে।
যদি আপুনি শৰীৰৰ বৰ্ধিত ওজন কমাবৰ কাৰণে কম চৰ্বিযুক্ত আহাৰ খাবলৈ আৰম্ভ কৰিছে আৰু শৰীৰৰ ওজন বৃদ্ধি নহ’বৰ কাৰণে যদি আপুনি ঘিউ, মাখন, পনিৰৰ দৰে চৰ্বিযুক্ত আহাৰ খাবলৈ এৰিছে, তেনেহ’লে আপুনি কিছু সাৱধান হোৱা ভাল। অতি সম্প্ৰতি এটি গৱেষণা হোৱাৰ ফলাফললৈ লক্ষ্য কৰি বিজ্ঞানী সকলে এটি দাবী কৰিছে যে, চৰ্বিযুক্ত আহাৰ আপোনাৰ দীৰ্ঘায়ু লাভৰ কাৰণে জৰুৰী। অৰ্থাৎ যদি আপুনি ঘিউ, মাখনৰ দৰে চৰ্বিযুক্ত খাদ্য বেছিকৈ খাবলৈ লৈছে, তেনেহ’লে আপোনাৰ আয়ুস বাঢ়িব।
গৱেষণাৰ ফলাফলৰ তথ্য অনুসৰি এই কথা কোৱা হৈছে যে, কম চৰ্বিযুক্ত খাদ্য খোৱাৰ ফলত অসময়ত মৃত্যু হোৱাৰ আশংকা বৃদ্ধি পায় অৰ্থাৎ দীৰ্ঘায়ু লাভৰ বাবে আপুনি মাখন, ঘিউ, কণী, মাছৰ দৰে খাদ্যদ্ৰব্য খাবই লাগিব।
গৱেষণাৰ এই ৰিপোৰ্টটোৱে দাবী কৰি কৈছে যে, কাৰ্বোহাইড্ৰেট অধিক মাত্ৰাত সেৱন কৰিলে মৃত্যুৰ আশংকা বৃদ্ধি পায়। কানাডাৰ মেক মাষ্টৰ ইউনিভাৰচিটিৰ জ্যেষ্ঠ অধ্যাপক মহশীদ দহখানে কৈছে যে, – ‘চৰ্বিযুক্ত খাদ্য কমকৈ খালে কাৰ্বোহাইড্ৰেটৰ মাত্ৰা বৃদ্ধি পায়।
আমাৰ অধ্যয়নে কৈছে যে – দক্ষিণ এচিয়াৰ দৰে এলেকাৰ বয়োজ্যেষ্ঠ সকলে খাদ্যত অধিক চৰ্বিৰ ব্যৱহাৰ নকৰে বৰং কাৰ্বোহাইড্ৰেট বেছিকৈ সেৱন কৰে। এই অৱস্থা হ’লে কম বয়সতে মৃত্যু ভয় নিশ্চয় বাঢ়িব।
খাদ্যত চৰ্বিৰ ব্যৱহাৰৰ উপকাৰিতা সম্পৰ্কে কৰা গৱেষণাত পাঁচখন মহাদেশৰ প্ৰায় ১ লাখ ৩৫ হেজাৰ মানুহৰ ওপৰত প্ৰায় সাত বছৰ পৰ্যন্ত অধ্যয়ন চলোৱা হৈছিল। এই গৱেষণাৰ সবিশেষ লেনছেট আলোচনীত প্ৰকাশ পাইছিল। অধ্যয়নটোৰ শেষত গৱেসক সকলে এটা কথা কৈছিল যে, এতিয়া খোৱা – বোৱা সম্পৰ্কে মানুহৰ মাজত ভ্ৰান্ত ধাৰণাবোৰ নিশ্চয় দূৰ হ’ব।
