আগকথা – আমাৰ ভাৰত উপ মহাদেশৰ পাকঘৰ সমূহৰ দৈনন্দিন প্ৰয়োগত ধনিয়া যেন শৰীৰত থকা আত্মাৰ সদৃশ ৷ হয় ধনিয়াৰ পাত, নহয় ধনিয়াৰ গুটি নাইবা পিচা শুকান গুৰি নিতৌ ৰন্ধন প্ৰকৰণত ব্যৱহৃত হবই ৷ ধনিয়া মছলা হিচাপে আমিষ বা নিৰামিষ তৰকাৰীত নাইবা সৰু সৰুকৈ কুটি আঞ্জাত নিদিলে যেন ৰন্ধাটো অপূৰ্ণ হৈ ৰব ৷ কিন্তু স্বাদ, সুগন্ধি প্ৰদান আৰু মছলা হিচাপে ব্যৱহাৰ কৰাৰ বাহিৰে ইয়াত উপকাৰিতাৰ বিষয়ে আমাৰ ৰাইজে কিমান জানে সেয়া এক ডাঙৰ প্ৰশ্ন ৷ বিশ্বৰ নানান উন্নত দেশত ধনিয়াৰ ওপৰত বহুতো গৱেষণা হৈছে তাৰে আলমত এই প্ৰৱন্ধ পাঠকৰ আগত দাঙি ধৰিলোঁ ৷
ক’ত ক’ত ধনিয়া উৎপাদিত হয় ? – এই বৰ্ষজীৱী উদ্ভিদ ধনিয়াৰ উৎপাদন ঘাইকৈ দক্ষিণ এচিয়া, উত্তৰ আফ্ৰিকা আৰু দক্ষিণ ইউৰোপত হয় ৷ আজিকালি ভাৰত, বাংলাদেশ, ৰাচিয়া, চীন, জাৰ্মানী, হলেণ্ড, পৰ্টুগাল, মেক্সিকো,তুৰস্ক, দক্ষিণ আফ্ৰিকা, দক্ষিণ আমেৰিকা, অষ্ট্ৰেলিয়া আদি অঞ্চলতো ধনিয়াৰ ভাল উৎপাদন হয় ৷
বুৰঞ্জীমূলক তথ্য : বাইবেলত ধনিয়াৰ কথা উল্লেখ থকাৰ পৰা অনুমান কৰিব পাৰি যে কিমান প্ৰাচীন কালৰ পৰা মানৱ জাতি এইবিধ উদ্ভিদৰ সৈতে পৰিচিত আছিল ৷ গ্ৰীচ, ইজৰাইল,ইজিপ্ত, চুডান, মৰক্কো আদি দেশতো অতি পুৰণি দিনৰ পৰা ধনিয়াৰ সৈতে সম্পৰ্ক থকাৰ কথা পঢ়িবলৈ পোৱা যায় ৷ ১৬৭০চনৰ পৰা দক্ষিণ আমেৰিকাত ধনিয়াৰ প্ৰচলন হয় ৷ ১৪ শতিকাত ৰোমানসকলে ধনিয়াৰ সঁচ ব্ৰিটেইনলৈ নিয়ে ৷ প্ৰাচীন কালত গ্ৰীক আৰু ৰোমানসকলে সুগন্ধি আতৰ হিচাপে ধনিয়াৰ তেল ব্যৱহাৰ কৰিছিল ৷ একেই তেল বেয়া হব ধৰা মাংসৰ গোন্ধ ঢকাৰ কামতো লগাইছিল ৷ এটা সময়ত বৰ আইৰ (Small Pox) চিকিৎসাত ধনিয়াৰ প্ৰয়োগ কৰা হৈছিল ৷
অমিতাভ বচ্চনে মাংস-মাছ ত্যাগ কৰি নিৰামিষভোজী কিয় হ’ল? বিগ বিয়ে নিজৰ খাদ্যাভ্যাসৰ বিষয়ে প্ৰকাশ কৰিলে। বলীউডৰ ছুপাৰষ্টাৰ অমিতাভ বচ্চনে কৌন বনেগা কোটিপতি-১৫ৰ খণ্ডটোত নিজৰ খাদ্যাভ্যাস সন্দৰ্ভত কিছু আমোদজনক প্ৰকাশ কৰিছে। কেবিচিৰ এটা খণ্ডত অমিতাভ বচ্চনে কয় যে তেওঁৰ পত্নী জয়া বচ্চনে মাছ খাই ভাল পায়। যেতিয়া প্ৰতিযোগীয়ে তেওঁক সুধিলে যে তেওঁও মাছ খায় নেকি? তেতিয়া বিগ বিয়ে ক’লে যে মই এই সকলোবোৰ খাদ্য ত্যাগ কৰিছো। আগতে খাইছিলোঁ, কিন্তু এতিয়া স্বাস্থ্যজনিত কাৰণত নন-ভেজ, মিঠাই, ভাত আৰু পান খোৱা বন্ধ কৰি দিছো।
আনহাতে এটা খণ্ডত অমিতাভ বচ্চনে তেওঁৰ আটাইতকৈ বেয়া পোৱা শাক-পাচলিৰ বিষয়ে মুকলিকৈ ক’লে। বিগ বিয়ে ক’লে যে তেওঁ কঁঠাল, তিতা আৰু লাউ ভাল নাপায়। গুজৰাটী ব্যঞ্জন দূধ পাকক লৈ যেতিয়া এটা প্ৰশ্ন আহিছিল, তেতিয়া অমিতাভ বচ্চনে উত্তৰ দিছিল যে তেওঁও দূধ পাক খাই ভাল পায়। তেওঁ ক’লে যে দূধ পাকৰ মিঠা সোৱাদ বহুদিন জিভাত থাকে। ইয়াক গাখীৰ আৰু ভাত দি তৈয়াৰ কৰা হয় যদিও এই খাদ্যত চাউলৰ ব্যৱহাৰ কম।
