প্ৰাক্তন ছাত্ৰ ছাত্ৰীসকলে কিছু সময় হেৰুৱা সুঁতিৰ আঁত বিছৰাৰ ইচ্ছাৰে, এক মননশীল কাৰ্যসূচীৰ পৰিকল্পনাৰ অৰ্থে সভাত কিছু প্ৰস্তাৱ গ্ৰহণ কৰে৷ এই সাধাৰণ সভাতে আগন্তুক সময়ত কাৰ্যসূচী সমূহ চলাই নিবলৈ তিনি বছৰীয়া কাৰ্যকাল নিৰ্ধাৰণ কৰি “প্ৰাক্তন ছাত্ৰ-ছাত্ৰী সতীৰ্থ সমিতি” নামাকৰনে সভাপতি প্ৰাক্তন ছাত্ৰ ৰাতুল ডেকা , সাধাৰণ সম্পাদক হিচাপে প্ৰাক্তন ছাত্ৰ তথা ২০০৪ বৰ্ষৰ ছাত্ৰ একতা সভাৰ সাধাৰণ সম্পাদক ফৰিদুদ ইউনুছ (জোন)ৰ নেতৃত্বত ৫১ জনীয়া এখন শক্তিশালী সমিতি গঠন কৰে৷ সমিতি খনত অঞ্চলৰ বহু সংখ্যক জ্যেষ্ঠ লোক আমন্ত্ৰিত উপদেষ্টা থাকিব যদিও বিশেষ ভাৱে পাঁচ জন উপদেষ্টাক সাধাৰণ সভাই সৰ্বসম্মতি মতে নিৰ্দ্ধাৰণ কৰে ক্ৰমে, আলহাজ আনোৱাৰ হুছেই, বিপুল হুছেইন, মুক্তি দেৱ নাথ, উপেন্দ্ৰ কুমাৰ নাথ আৰু মুন ঠাকুৰীয়া৷
