টংলাত কৃষি বিজ্ঞান কেন্দ্ৰৰ উদ্যোগত বৈজ্ঞানিক ভিত্তিত গাহৰি পালনৰ প্ৰশিক্ষণ। গ্ৰাম্য অঞ্চলৰ কৃষক ৰাইজ তথা উদ্যমী যুৱক-যুৱতীসকলক আৰ্থিকভাৱে স্বাৱলম্বীৰ লগতে স্বনিয়োজিত কৰাৰ উদ্দেশ্যে আজিৰে পৰা টংলা পৌৰসভাৰ সভাগৃহত পাঁচদিনীয়া বৈজ্ঞানিক ভিত্তিত গাহৰি পালনৰ প্ৰশিক্ষণ আৰম্ভ হয়। ওদালগুৰি কৃষি বিজ্ঞান কেন্দ্ৰ, লালপুল,অসম কৃষি বিশ্ববিদ্যালয়ৰ উদ্যোগত আৰু পিডানলামা ফাৰ্মাৰ কোম্পানীৰ সহযোগত অনুষ্ঠিত হোৱা কৰ্মশালাত সমল ব্যক্তি হিচাপে প্ৰশিক্ষণ দিয়ে ড০ প্ৰদীপ ৰাজবংশী, ড০ সুলভ শৰ্মা আৰু কৃষি , আত্মাৰ মৃণালী দেৱীয়ে।

গাহৰি পালন কৰিব লাগিলে ইয়াৰ যতন আৰু সুৰক্ষা, চিকিৎসাৰ ওপৰত কৰ্মশালাত প্ৰশিক্ষাৰ্থীসকলক বৈজ্ঞানিক ভিত্তিত প্ৰশিক্ষণ দিয়াৰ লগতে ফাৰ্মখনৰ আকাৰ আৰু সুবিধাৰ ওপৰতো অৱগত কৰোৱা হয়। কৰ্মশালাত পিদানলামা ফাৰ্মাৰ কোম্পানী পৰিচালন সঞ্চালক প্ৰসন্ন ৰাভা, পৰিচালক দিগন্ত ৰাভা,বাবুল চন্দ্ৰ ৰাভা,শিখা ৰাভা আৰু ধনেশ্বৰ ৰাভাই বিশেষভাৱে সহযোগ আগবঢ়ায়।

টেঙাখাতৰ ৰাজশ্ৰী দুৱৰাৰ সাফল্য ৷ সোনৰ পদকেৰে প্ৰথম শ্ৰেণীৰ প্ৰথম হৈ স্নাতকোত্তৰ ডিগ্ৰী লাভ ৷ ডিব্ৰুগড় জিলাৰ টেঙাখাত এখন কৃষি প্ৰধান অঞ্চল যদিও এই অঞ্চলৰ শিক্ষাৰ্থী সকলে দিনক দিনে সুনাম কঢ়িয়াই আনিবলৈ সক্ষম হৈছে ৷ সেই অনুসৰি নিজ টেঙাখাত নিবাসী সমাজ সেৱক পিতৃ কুচেৱ দুৱৰা আৰু শিক্ষয়িত্ৰী মাতৃ জ্যোৎস্না দুৱৰাৰ কন্যা ৰাজশ্ৰী দুৱৰাই ডিব্ৰুগড় মনোহাৰী দেৱী মহিলা মহাবিদ্যালয়ৰ পৰা সুখ্যাতিৰে স্নাতক ডিগ্ৰী লাভ কৰাৰ পিছত নতুন দিল্লীৰ Institute of Clinical Research India(ICRI) ৰ পৰা সদ্য ঘোষিত ফলাফল অনুসৰি Clinical Research বিভাগত সোনৰ পদক জয়ৰে প্ৰথম বিভাগৰ প্ৰথম হৈ স্নাতকোত্তৰ ডিগ্ৰী লাভ কৰি টেঙাখাত অঞ্চললৈ গৌৰৱ কঢ়িয়াই আনিবলৈ সক্ষম হৈছে ৷ইয়াৰ পিছতে ৰাজশ্ৰী দুৱৰাই যোৱা ১২ ৰ পৰা ১৯ আগষ্টলৈ মালয়েছিয়াত অনুষ্ঠিত হোৱা Asia youth International Model United Nation ৰ INTERPOL Council ত ভাৰতৰ প্ৰতিনিধি হিচাপে যোগদান কৰি International political Instabitilty ঃ Preventing the world from Global threats শীৰ্ষক বক্তৃতা প্ৰদান কৰি ভূয়সী প্ৰশংসাৰ প্ৰমান পত্ৰ লাভ কৰিবলৈ সক্ষম হয় ৷

এই গৰাকী মেধাবী ছাত্ৰীয়ে পুনৰ আগন্তক ৬ৰ পৰা ৯ অক্টোবৰলৈ তুৰ্কীত অনুষ্ঠিত হ’ব লগীয়া “ Best Diplomat conference ” ত ভাৰতৰ প্ৰতিনিধি হিচাপে যোগদান কৰিবলৈ আমন্ত্ৰণ লাভ কৰিছে ৷ সম্প্ৰতি তেওঁ অষ্ট্ৰেলিয়াৰ চিড্‌নি বিশ্ববিদ্যালয়ত Neuro Science বিষয়ত গৱেষনা কৰিবৰ বাবে প্ৰস্তুতি আৰম্ভ কৰি নিজৰ শৈক্ষিক যাত্ৰা অব্যাহত ৰাখিছে ৷ এই গৰাকী ছাত্ৰীৰ এনে সফলতাৰ বাবে পৰিয়ালৰ লগতে টেঙাখাতৰ শৈক্ষিক সমাজ উৎফুল্লিত হৈ অভিনন্দন জনোৱা পৰিলক্ষিত হৈছে।

ছিপাঝাৰ সমষ্টিৰ বিহাইগাঁৱৰ ধন বাহাদুৰ আৰু নাই। পশ্চিম দৰঙৰ সকলোৰে চিনাকি ধন বাহাদুৰ আৰু নাই। বিগত ৪৫বছৰে নিজাকৈ এটা সুকীয়া পৰিচয় গঢ়ি তুলিছিল ধন বাহাদুৰে। মানুহৰ কল্যাণ আৰু সহায়ৰ বাবে সি নিষ্ঠাৰে কাম কৰিছিল পৰিচালকৰ নিৰ্দেশত। সেই ধন বাহাদুৰে নিয়তিৰ ওচৰত হাৰ মানি দেওবাৰে বিহাইগাঁৱত মৃত্যুক সাৱটিলে।

দৰঙৰ বিহাইগাঁও নিবাসী চাহাবুদ্দিন আলীৰ পোহনীয়া হাতীটোৰ মৃত্যুত অঞ্চলটোত শোকৰ ছাঁ পৰিছে। উল্লেখ্য যে তিনিমাহ পূৰ্বে হাতীটোৰ গাত পানীব্ৰৰ্জ পৰিছিল । ফলত অসুস্থ হৈ পৰিছিল অতি শান্ত প্ৰকৃতিৰ হাতীটো। যথেষ্ঠ চিকিৎসা কৰিও সুস্থ কৰিব নোৱাৰিলে হাতীটোক ৷ নিয়তিৰ ওচৰত হাৰ মানে ধন বাহাদুৰে ৷