কেন্দ্ৰীয় মন্ত্ৰী সৰ্বানন্দ সোণোৱালে মনসুখ মাণ্ডব্যৰ সৈতে ২৫ জুলাইত আলোচনা কৰাৰ পিছত নামৰূপ সাৰ কাৰখানা বন্ধ নহয় সদৰী কৰিছে ।
কিন্তু অসমৰ ৰাইজক আশ্বস্ত কৰিবলৈ কেন্দ্ৰীয় চৰকাৰে শীঘ্ৰে আনুষ্ঠানিক জাননী জাৰী কৰা উচিত । সংসদত বন্ধ হ’ব বুলি কৈ এতিয়া সাধাৰণ ভাবে ক’লেই নহ’ব।
এই মন্তব্য অসম সন্মিলিত মহাসংঘৰ কাৰ্যকৰী সভাপতি মতিউৰ ৰহমানৰ।
বুধবাৰে কামপুৰৰ কাকতিগাঁৱত পুনৰ ড্ৰাগছসহ দুজন লোকক আটক ।
কাকতিগাঁৱৰ ৰে’লগেটত স্থানীয় গাঁওৰক্ষী বাহিনীয়ে আটক কৰে দুয়োজনক।
আটক কৰি আৰক্ষীক চমজাই দিয়ে ৷
ধৃত লোক দুজন এহিয়া আলী আৰু আবু চাহিদ বুলি জানিব পৰা গৈছে। ৷
ধৃত লোক দুজনৰ পৰা ১০ টা ড্ৰাগছ ভৰ্তি কন্টেইনাৰ জব্দ কৰিছে আৰক্ষীয়ে।
অধিক তথ্য উদঘাটনৰ বাবে আৰক্ষীয়ে দুয়োকে জেৰা অব্যাহত ৰাখিছে।
ভাৰতীয় আৰক্ষী সেৱাৰ (আই পি এছ) বিষয়াৰ জগতখনত, য’ত আইন-শৃংখলা বজাই ৰাখিবলৈ প্ৰায়ে কঠোৰ ব্যৱস্থা গ্ৰহণৰ প্ৰয়োজন হয়, আই পি এছ অভিষেক পল্লৱ তেওঁৰ দয়ালু আৰু মানৱীয় দৃষ্টিভংগীৰ বাবে থিয় দিছে। প্ৰত্যাহ্বানমূলক নক্সাল বসতিপ্ৰধান অঞ্চল বাস্তৰ আৰু দন্তেৱাড়াত তেওঁৰ উল্লেখযোগ্য কামে ৰাইজৰ মন জয় কৰিছে। আহক এইগৰাকী অসাধাৰণ বিষয়াৰ জীৱন আৰু কেৰিয়াৰৰ বিষয়ে গভীৰভাৱে জানক।
আই পি এছ অভিষেক পল্লৱ ছত্তীশগড় কেডাৰৰ গৌৰৱময় সদস্য। বৰ্তমান ২০২২ চনৰ এপ্ৰিল মাহৰ পৰা ছত্তীশগড়ৰ দুৰ্গত আৰক্ষী অধীক্ষক হিচাপে কাৰ্যনিৰ্বাহ কৰি থকা তেখেতে নক্সাল বিৰোধী অভিযানত অদম্য প্ৰচেষ্টাৰ বাবে প্ৰশংসা লাভ কৰিছে। এই স্পৰ্শকাতৰ অঞ্চলসমূহত শান্তি-শৃংখলা বজাই ৰখাৰ বাবে নিজৰ অটল দায়বদ্ধতাক প্ৰদৰ্শন কৰি পল্লৱই নিজৰ কেৰিয়াৰৰ সাত বছৰ নক্সাল বেল্টৰ বাবে উৎসৰ্গা কৰিছিল।
এজন চিকিৎসকৰ সেৱাৰ যাত্ৰা
আৰক্ষীৰ পোছাক পৰিধান কৰাৰ পূৰ্বে অভিষেক পল্লৱই চিকিৎসা বিজ্ঞানৰ কেৰিয়াৰ গঢ়িছিল। চিকিৎসক হিচাপে তেওঁ দিল্লীৰ প্ৰতিষ্ঠিত এইমছ (অল ইণ্ডিয়া ইনষ্টিটিউট অৱ মেডিকেল ছায়েন্স)ৰ পৰা স্নাতকোত্তৰ শিক্ষা সমাপ্ত কৰে। বিহাৰৰ বেগুছৰাই জিলাৰ পৰা অহা পল্লৱই ২০০৫ চনত গোৱা বিশ্ববিদ্যালয়ৰ পৰা এম বি বি এছ ডিগ্ৰী লাভ কৰে।পিছলৈ ২০০৬ চনৰ পৰা ২০০৯ চনৰ ভিতৰত এইমছ দিল্লীৰ পৰা ডাক্তৰ অৱ মেডিচিন (এম ডি)ৰ সৈতে মনোৰোগ বিশেষজ্ঞতা লাভ কৰে।
শিক্ষকৰ সন্মুখত এইবাৰ আন এক নতুন বিপদ। বহিঃৰাজ্যৰ পৰা D.El.Ed-B.Ed ডিগ্ৰী লোৱা শিক্ষকৰ বাবে বিপদ।
প্ৰতিগৰাকী শিক্ষকৰ ডিগ্ৰী সন্দৰ্ভত হ’ব তদন্ত। মুখ্যমন্ত্ৰীৰ নিৰ্দেশৰ ভিত্তিতে তদন্ত আৰম্ভ শিক্ষা বিভাগৰ।
শিক্ষামন্ত্ৰী ৰণোজ পেগুয়ে সদৰী কৰে এই তথ্য।
তুৰাৰ ডাকোপগ্ৰেৰ কমিছনাৰ অৱ ডিভিজন কাৰ্যালয়ত মুখ্যমন্ত্ৰীয়ে আচিক নেতাৰ সৈতে হোৱা বৈঠকত হোৱা হিংসাত্মক আক্ৰমণৰ সৈতে জড়িত মঙলবাৰে তৃণমূল কংগ্ৰেছৰ নেতা তথা প্ৰাক্তন যুৱ কংগ্ৰেছৰ মুৰব্বী ৰিচাৰ্ড মাৰাকক গ্ৰেপ্তাৰ কৰি জিম্মাত লোৱা হয়।
২৪ জুলাইত সংঘটিত এই আক্ৰমণৰ ফলত অৰাজকতাৰ সৃষ্টি হয়, অসংখ্য ব্যক্তি আহত হয়, বাহন জ্বলাই দিয়া হয় আৰু ৰাজহুৱা সম্পত্তিৰ ব্যাপক ক্ষতিসাধন হয়।
টুৰা আৰক্ষীয়ে প্ৰকাশ কৰে যে ৰিচাৰ্ড মাৰাকে এই দাঙ্গামূলক কাণ্ডত সহযোগী বুলি অভিযোগ উঠিছে, য’ত মুখ্যমন্ত্ৰীৰ মিনি সচিবালয়ৰ কাৰ্যালয়ৰ ভিতৰত গুৰুত্বপূৰ্ণ আলোচনা চলি থকাৰ সময়তে টিএমচিৰ গুণ্ডা আৰু দাঙ্গাকাৰীয়ে আৰক্ষী কৰ্মী আৰু নাগৰিক উভয়কে আক্ৰমণ কৰিছিল। আলোচনাত ব্যাঘাত জন্মাবলৈ আৰু অঞ্চলটোত অশান্তিৰ সৃষ্টি কৰিবলৈ এই আক্ৰমণৰ নিৰ্লজ্জ প্ৰচেষ্টা।
কেন্দ্ৰীয় মন্ত্ৰীগৰাকীয়ে উল্লেখ কৰে, “নিৰলস প্ৰচেষ্টাৰে অসমৰ লোক-সংস্কৃতিৰ পথাৰখন জীপাল কৰি যোৱা বিশিষ্ট শিল্পী উমাকান্ত বৈৰাগীদেৱৰ প্ৰয়াণত গভীৰ শোক প্ৰকাশ কৰিছোঁ।
-আমাৰ পৰম্পৰাগত সংস্কৃতিৰ এক চানেকি টোকাৰী গীতৰ একান্ত সাধনা আৰু প্ৰসাৰেৰে তেখেতে অসংখ্যজনক মন্ত্ৰমুগ্ধ কৰি থৈ গৈছে।
-বৈৰাগীদেৱৰ পৰলোকগামী আত্মাৰ চিৰশান্তি কামনা কৰি শোকাকুল পৰিয়াল আৰু গুণমুগ্ধসকললৈ মোৰ গভীৰ সমবেদনা জ্ঞাপন কৰিলোঁ। ওম শান্তি!”
উত্তৰ প্ৰদেশ আৰক্ষীৰ মতে উত্তৰ-পূবৰ ৰাজ্যসমূহৰ মাজেৰে লুকাই চুৰকৈ সোমাই ৰাজ্যখনৰ বিভিন্ন জিলাত ৯ হাজাৰৰো অধিক সন্দেহযুক্ত ৰোহিংগীয়াই অবৈধভাৱে বাস কৰি আহিছে। তেওঁলোকৰ চিনাক্তকৰণৰ প্ৰক্ৰিয়া চলি আছে আৰু আন বহু অবৈধ অনুপ্ৰৱেশকাৰীক আটক কৰাৰ সম্ভাৱনা আছে বুলি আৰক্ষীৰ এগৰাকী জ্যেষ্ঠ বিষয়াই জানিবলৈ দিয়ে।
এই অনুপ্ৰৱেশকাৰীসকলে চহৰৰ বাহিৰৰ শিবিৰত, পথৰ কাষত, ৰে’ল ষ্টেচন আৰু বাছ ষ্টেণ্ডৰ ওচৰত থকা শিবিৰৰ লগতে শেহতীয়াকৈ চহৰসমূহৰ নিৰ্জন অংশত ওপৰলৈ অহা বস্তিসমূহত বাস কৰে।
সোমবাৰে ৰাজ্যখনত থকা অবৈধ অনুপ্ৰৱেশকাৰীক চিনাক্ত কৰিবলৈ সন্ত্ৰাসবাদ বিৰোধী দলে চলোৱা এক বিস্তৃত অভিযানৰ সময়ত ৫৫ জন পুৰুষ, ১৪ জন মহিলা আৰু ৫ জন নাবালককে ধৰি ৭৪ জন ৰোহিংগীয়াক জিম্মাত লোৱা হয়।
পশ্চিম উত্তৰ প্ৰদেশৰ ছখন জিলাত আটক ৰোহিংগীয়াসকলৰ বিৰুদ্ধে আৰক্ষীয়ে গোচৰ ৰুজু কৰা বুলি বিশেষ ডিজি প্ৰশান্ত কুমাৰে জানিবলৈ দিয়ে।
ৰঙিয়া সোঁমাজেৰে যোৱা ভাৰত ভূটান আন্তৰাষ্ট্ৰীয় পথৰ তৰণিত সোমবাৰে নিশা ৰঙিয়া আৰক্ষীয়ে দুজন যুৱকক আটক কৰাৰ লগতে যুৱক দুজনৰ পৰা ১৩ গ্ৰাম ড্ৰাগছ জব্দ কৰিবলৈ সক্ষম হয় ।
ৰঙিয়া আৰক্ষী থানাৰ ভাৰপ্ৰাপ্ত আৰক্ষী বিষয়া ভাস্কৰ মল্ল পাটোৱাৰীয়ে জানিবলৈ দিয়া মতে এক বিশেষ খবৰৰ ভিত্তিত যুৱক দুজনে লৈ অহা বাইক খন ৰখাবলৈ দি তালাচী চলোৱা হয় । তালাচীৰ সময়ত যুৱক দুজনৰ পৰা এটা চাবোনৰ বাকচ সহ ড্ৰাগছ খিনি উদ্ধাৰ হোৱাৰ লগতে এটা প্লাষ্টিকৰ পেকেটত বহুকেইটা কন্টেনাৰ, দুটা মোবাইল ফোন আৰু এটা চিৰিঞ্জ জব্দ কৰা হয় ।
নিজকে নাগ্ৰীজুলিৰ বাবুল বড়ো আৰু দৈখাংকচা বসুমতাৰী বলি পৰিচয় দিয়া যুৱক দ্বয়ক আৰক্ষী আটক কৰাৰ লগতে তেওলোকে ব্যৱহাৰ কৰা এ এছ ২৫ আৰ ৬৫৭৫ নম্বৰৰ বাইক এখন জব্দ কৰা হয় । দুয়োজনকে ৰঙিয়া আৰক্ষীয়ে সোধপোচ অব্যহত ৰাখিছে ।
নগাঁৱত ২.৫০ কোটি টকাৰ নিচায়ুক্ত ঔষধ জব্দ ৷ নগাঁও চহৰৰ কাষৰীয়া এলেকা নবীন নগৰৰ পৰা উদ্ধাৰ কৰা হৈছে এই বৃহৎ সংখ্যক ড্ৰাগ ৷
হয়বৰগাঁও ধিঙ গেইটৰ নবীন নগৰত মজুত কৰা হৈছিল এই ২.৫০ কোটিৰ অবৈধ ড্ৰাগ।
নগাঁও আৰক্ষীৰ এটি দলে মঙলবাৰে নিশা নবীন নগৰত অভিযান চলায় জব্দ কৰেএইসমূহ সামগ্ৰী ৷
গোপন সূত্ৰৰ পম খেদি চলোৱা এই অভিযানত বস্তাত ভৰাই থোৱা অৱস্থাত এই নিচাযুক্ত ঔষধ খিনি উদ্ধাৰ কৰাৰ লগতে ৩জনক কৰায়ত্ব কৰে।
লেখক: অৰ্পণ দত্ত
