হাৰিয়ানাৰ জিন্দত বাছ-ক্ৰুইজাৰৰ ভয়ংকৰ সংঘৰ্ষ।
দুৰ্ঘটনাত ৮জনৰ মৃত্যু, আহত হৈছে ১২জন যাত্ৰী।
আহতসকলক ততাতৈয়াকৈ ভৰ্তি কৰোৱা হয় চিকিৎসালয়ত। জিন্দৰ বিবিপুৰ গাঁৱত সংঘটিত হয় দুৰ্ঘটনাটো।
সদৌ অসম আন্ত:জিলা মুকলি দবাত তৃতীয়বাৰলৈ চেম্পিয়ন ৰাহুল
৪৬ সংখ্যক সদৌ অসম আন্ত:জিলা মুকলি দবা প্ৰতিযোগীতাৰ চেম্পিয়নৰ খিতাপ অৰ্জন কাছাৰৰ ৰাহুল চ’ৰম সিঙৰ। দবা প্ৰতিযোগিতা খনৰ চূড়ান্ত তথা নৱম ৰাউণ্ডত অভিযুক্ত নীলভজ্যোতি বৰঠাকুৰে মুখা মুখি হোবা তীব্ৰ প্ৰতিদ্বন্দ্বীতামূলক খেলত শেষ হাঁহি মাৰে ৰাহুলে।
প্ৰতিযোগিতাৰ ৯ ৰাউণ্ডৰ খেলত ৮ পইণ্ট সংগ্ৰহ কৰি চূড়ান্ত বিজয়ীৰ সন্মান লাভ কৰে অসমৰ প্ৰতিভাসম্পন্ন দবাৰু ৰাহুল চ’ৰম সিঙে।ৰাহুলে ২০১৬ আৰু ২০১৭ চনত চেম্পিয়ন হৈছিল। প্ৰতিযোগীতাখনত ৭ পইণ্টকৈ লাভ কৰি দ্বিতীয়, তৃতীয় আৰু চতুৰ্থ স্থান দখল কৰে ক্ৰমে ডিব্ৰুগড়ৰ আভাস ৰম্য হাজৰিকা(৭), শিৱসাগৰৰ শান্তনু বৰপাত্ৰ গোঁহাই (৭) আৰু তন্ময় ৰাজবংশীয়ে।
পশ্চিম কাৰ্বিআংলং দবা সন্থাৰ উদ্যোগত জিলাখনৰ দংকামোকামৰ টাউন ক্লাবত ৪ জুলাইৰ পৰা ৮ জুলাইলৈ অনুস্থিত হৈছিল আন্ত:জিলা দবা প্ৰতযোগিতাখন। বিজয়ী খেলুৱৈসকলক বঁটা আৰু নগদ ধন পুৰস্কাৰ হিচাপে প্ৰদান কৰা হয়। উক্ত বঁটা প্ৰদান অনুষ্ঠানত কাৰ্বিআংলং স্বায়ত্ব পৰিষদৰ মূখ্য কাৰ্যবাহী বিষয়া তুলিৰাম ৰাংহাং, সাংসদ হৰেণ সিং বে’, বিধায়ক ৰূপসিং টেৰণে উপস্থিত থাকি খেলুৱৈসকলক বঁটা প্ৰদান কৰে।
আনহাতে, প্ৰতিযোগিতাখনৰ শ্ৰেষ্ঠ পুৰুষ দল আৰু শ্ৰেষ্ঠ জিলা দলৰ খিতাপ দখল কৰে ক্ৰমে কাছাৰ আৰু পশ্চিম কাৰ্বিআংলং জিলাই। উল্লেখ্য, অসমৰ ১৪খন জিলাৰ ৯০গৰাকী দবাৰুৱে অংশগ্ৰহণ আন্ত:জিলা দবা প্ৰতিযোগিতাখন সুচাৰু ৰূপে পৰিচালনা কৰে ফিডে আৰ্বিটাৰ প্ৰণৱ কুমাৰ নাথে।
অধিক জানিবৰ বাবে যোগাযোগ কৰিব পাৰে- প্ৰদীপ চন্দ্ৰ ডেকা, মাণ্ডলিক সম্পাদক, সদৌ অসম দবা সন্থা, ফোন-৭০০২৩৪৪২৫০
অসমত পোনপ্ৰথমবাৰৰ বাবে জিএনআৰচি দিছপুৰ চিকিৎসালয়ত মেচবিহীন হার্নিয়া অস্ত্ৰোপচাৰ আৰম্ভ
উত্তৰ-পূৰ্বাঞ্চলৰ মাল্টিস্পেচিয়েলিটী জিএনআৰচি হাস্পতালৰ দিছপুৰ শাখাত মেচলেছ স্মল ইনচিছন অ’পেন হার্নিয়া অৰ্জাৰী (Meshless Small Incision Open Harnia Sur gery) আৰম্ভ কৰা হৈছে। এই ন্যূনতম ইনভেচিত পদ্ধতিয়ে ৰোগীসকলক সোনকালে আৰোগ্য কৰাৰ লগতে পৰম্পৰাগত হানিয়াৰ মেৰামতিতকৈ ইয়াত জটিলতাৰ আশংকাও বহু পৰিমাণে কম।
জিএনআৰচি দিছপুৰৰ লেপাৰাপী এণ্ড মিনিমেলী ইনভেটিভ ছাৰ্জাৰী বিভাগৰ মুখ্য পৰামৰ্শদাতা ডাঃ নিপাংক গোস্বামীয়ে জনায় যে “উত্তৰ-পূব ভাৰতৰ লগতে অসমৰ ভিন্ন প্ৰান্তৰ পৰা অহা দুখীয়া ৰোগীসকলেও যাতে কম খৰচতে মেচবিহীন অ’পেন গ্রহন হার্নিয়া অস্ত্ৰোপচাৰ কৰি সন্তোষজনক ফল লাভ কৰে। এই সেৱা জিএনআৰচি হাস্পতালৰ “ব্যয়সাধ্য স্বাস্থ্য আঁচনি”ৰ কথা মনত ৰাখিয়েই প্ৰদান কৰা হৈছে। বর্তমান যুব তথা সক্রিয় ব্যক্তিৰ ক্ষেত্ৰত অধিক পৰিমাণে হোৱা গ্ৰইন হার্নিয়াৰ দৰে সংশোধনযোগ্য অস্ত্ৰোপচাৰ কৰিব লগীয়া ৰোগীৰ সংখ্যা সমাজত অত্যধিক পৰিমাণে বৃদ্ধি হৈছে। ৪৫ বছৰৰ ঊৰ্ধ্বৰ বয়সৰ লোকৰ মাজত প্রায় ৪ শতাংশ লোক কৰঙনৰ হার্নিয়াত আক্রান্ত হয়।
সকলো বয়স সামৰি ল’লে এই ৰোগত আক্রান্ত লোকৰ সংখ্যা প্রায় ১.৭ শতাংশ। অসমৰ ৩.২ কোটি জনসংখ্যাৰ মাজত প্রায় ৫,৪৪,০০০জন লোক কৰজনৰ হার্নিয়াত আক্ৰান্ত হৈ আছে। ফলত গ্ৰইন অঞ্চলত ফুলা (হার্নিয়া), কেতিয়াবা দুয়োফালে ফুলাৰ বাবে পৰিয়ালৰ পুৰুষ উপার্জনকাৰী সদস্যজনে বা কৃষিকৰ্মৰ লগত জড়িত ব্যক্তিগৰাকীয়ে উপাৰ্জন কৰিবলৈ অক্ষম হৈ পৰে যাৰ বাবে সমাজৰ অৰ্থনৈতিক দিশতো ঋণাত্মক প্রভাব পৰা পৰিলক্ষিত হৈছে।
ভাৰতত গ্ৰইন হাৰ্নিয়াৰ প্ৰাদুৰ্ভাৱ প্ৰায় ২৫ শতাংশই পুরুষ ৰোগীৰ হয়। গ্রইন হার্নিয়াৰ বেছিভাগে চহৰ অঞ্চলত ন্যূনতম ইনভেচিড অস্ত্ৰোপচাৰ বা লেপাৰ পীৰ দ্বাৰা কৃত্রিম ইমপ্লান্টৰ জৰিয়তে সংস্থাপন কৰা হয়। কিন্তু ইয়াৰ খৰচ ইমানেই বেছি যে যিটো দেশৰ নিম্ন আৰু মধ্যবিত্ত পৰিয়ালৰ বাবে সামৰ্থৰ বাহিৰত। ইয়াৰ উপৰিও লেপাৰ স্তুপী পদ্ধতি সাধাৰণ এনাস্থেছিয়াৰ অধীনত কৰা হয়। সেয়েহে বয়োজ্যেষ্ঠ ব্যক্তিসকলৰ বাবে উপযুক্ত নহবও পাৰে। তেওঁলোক গ্ৰইন হার্নিয়াত আক্রান্ত হ’লে হৃদযন্ত্ৰ আৰু শ্বাস-প্ৰশ্বাসৰ সমস্যাতো ভুগিব পাৰে।”
“সেয়েহে আমি জিএনআৰচি দিছপুৰত গ্ৰইন হাৰ্নিয়া ৰোগীৰ চিকিৎসাৰ বাবে জালবিহীন (Meshless), কিন্তু অ’পেন হার্নিয়া অস্ত্ৰোপচাৰ কৰিবলৈ পদক্ষেপ গ্ৰহণ কৰিছে৷ যিটো সাধাৰণতে মেরুদণ্ড বা কঁকালৰ তলত এনাস্থেছিয়াৰ সহায়ত কৰা হয়। নার্ভ ব্লক বা লোকেল এনাস্থেছিয়া প্রয়োগ কৰি চিকিৎসালয়ত কম সময়ৰ বাবে থকা বা নির্বাচিত ৰোগীসকলক ডে’ কেয়াৰ সেৱাৰ যোগেদিও চিকিৎসা প্রদান কৰিবলৈ ব্যৱস্থা হাতত লৈছো। ইয়াৰ ফলত ৰোগীসকলে হাস্পতালত কম সময় থাকিব লগা হোৱা বাবে চিকিৎসালয়ৰ খৰচৰ মাত্ৰাও কম হয়। আমি ডাক্তৰ মোহন ডেছাৰণাৰে উদ্ভাৱন কৰা Desarda Repair নামৰ স্থানীয় টিচ্যু মেৰামতি পদ্ধতিটোবে অস্ত্ৰোপচাৰ কৰিবলৈ সিদ্ধান্ত লৈছো”- পুনেৰ এগৰাকী প্রখ্যাত সাধাৰণ শল্য বিশেষজ্ঞ ডাঃ নিপাংক গোস্বামীয়ে জনায়; লগতে এই পদ্ধতি প্ৰয়োগ কৰি অতি কম খৰচতে ৰোগীয়ে সন্তোষজনক ফলাফল লাভ কৰিবলৈ সক্ষম হ’ব বুলিও তেওঁ উল্লেখ কৰে।
হাৰ্নিয়া হৈছে পেটৰ ছালৰ তলত উখহি উঠা অংশ, যিটো পেশীৰ দুৰ্বল ঠাইৰ মাজেৰে কোনো অংগ বা টিচ্যু ঠেলি বাহিৰলৈ ওলাই আহে। হাৰ্নিয়া অস্ত্ৰোপচাৰ পদ্ধতিৰ দ্বাৰা হার্নিয়া মেৰামতি কৰা হয় আৰু ইয়াক পুনৰাই নহ’বলৈ প্ৰতিৰোধ কৰা হয়। প্রায়ভাগ হার্নিয়া ৰোগীৰ ক্ষেত্ৰত মেচ ব্যবহাৰ কৰি অস্ত্ৰোপচাৰ কৰা হয়।
বিয়াৰ বাবে সোণ কিনিব সাজু হৈছে যদি আজিৰ দিনটোৰ সোণৰ মূল্য জানি লওঁক…
আজিৰ সোণৰ দাম: কে বা কেৰেট হৈছে সোণৰ বিশুদ্ধতা জুখিবলৈ ব্যৱহাৰ কৰা এটা শব্দ। ২৪ কে সোণ এটাক বিশুদ্ধ সোণ বুলিও কোৱা হয় কাৰণ ইয়াৰ বিশুদ্ধতা ৯৯.৯ শতাংশ
শনিবাৰে বৃহৎ চহৰসমূহৰ বাবে সোণৰ মূল্য অপৰিৱৰ্তিত হৈ আছে। ৱেবছাইট গুডৰিটাৰ্নছৰ মতে, ২২ কেৰেট বা ২২কে সোণৰ এক গ্ৰামৰ দাম ৫,৪১৫ ₹ আনহাতে ২৪ কেৰেট বা ২৪ কে সোণৰ মূল্য ৫,৯০৭ ₹।
কে বা কেৰেট হৈছে সোণৰ বিশুদ্ধতা জুখিবলৈ ব্যৱহাৰ কৰা শব্দ। ২৪ কে সোণ এটাক বিশুদ্ধ সোণ বুলিও কোৱা হয় কাৰণ ইয়াৰ বিশুদ্ধতা ৯৯.৯ শতাংশ। ইয়াত আন ধাতুৰ লেখ-জোখ নাথাকে। ২২K সোণত ২২ অংশ সোণ তাম আৰু জিংকৰ দৰে অন্যান্য ধাতুৰ লেখীয়া লেখীয়া অংশ মিহলি হৈ থাকে।
সোণক বিনিয়োগৰ এক নিৰাপদ আৰু বিশ্বাসযোগ্য ৰূপ হিচাপে গণ্য কৰা হয়। মুদ্ৰাস্ফীতিৰ বিৰুদ্ধে ই এক উৎকৃষ্ট হেজ। ইয়াৰ ব্যৱসায় বাৰ, মুদ্ৰা, গহনা, এক্সচেঞ্জ, এক্সচেঞ্জ ট্ৰেড ফাণ্ড আদিৰ ৰূপত কৰা হয়।
বিবাহৰ পিছত কিছুসংখ্যক পুৰুষে অন্য নাৰীৰ প্ৰতি কিয় আকৰ্ষিত হয় জানক…
আপুনি জানেনে যে, ঠিক এই কাৰণেই বিবাহিত পুৰুষ অন্য নাৰীৰ প্ৰতি আসক্ত হয়। আচাৰ্য চাণক্যই তেওঁৰ নৈতিকতাত ধৰ্ম, ধন, কৰ্ম, মোক্ষ, পৰিয়াল, সমাজ সম্পৰ্কে কেইবাটাও নিয়ম উল্লেখ কৰিছে। চাণক্যৰ এই নীতিসমূহৰ প্ৰাসংগিকতা বৰ্তমান সময়তো হেৰুৱাব পৰা নাই। কিন্তু চাণক্যৰ নীতি মানি চলাটো অতি কঠোৰ।
কিন্তু এই নীতি মানি চলিলে জীৱন সুখী হ’ব। সুখী জীৱনৰ বাবে স্বামী-স্ত্ৰী কেনেকুৱা হ’ব লাগে সেই কথাও আচাৰ্যই কয়। কিন্তু বহু সময়ত সম্ভৱ নহয়। বিভিন্ন সমস্যাৰ বাবে স্বামী-স্ত্ৰীৰ মাজত তিক্ততা দেখা যায়। এই তিক্ততাই পিছলৈ স্বামীয়ে বিবাহ বহিৰ্ভূত কামত লিপ্ত হোৱাৰ বাট মুকলি কৰে।
কথা-বতৰা আৰু ব্যৱহাৰ নিষ্ঠুৰ হ’লে:- চাণক্যৰ মতে বৈবাহিক সম্পৰ্ক যিমানেই দীঘলীয়া হয় সিমানেই ক্ৰমান্বয়ে তিক্ত হৈ পৰিবলৈ ধৰে। পতি-পত্নীৰ কথাতো মধুৰতাৰ অভাৱ ঘটে। এনে অৱস্থাত পুৰুষ-মহিলা ঘৰৰ বাহিৰত প্ৰেমৰ সন্ধানত ওলাই যায়। তেতিয়াৰ পৰাই বিবাহিত জীৱনত সমস্যাৰ সৃষ্টি হয়। পত্নীৰ কথাত মিঠাৰ অভাৱ হ’লে স্বামীৰ মন ঘূৰিবলৈ আৰম্ভ কৰে। তাৰ পিছত তেনে স্বামী প্ৰেম বিচাৰি অন্য নাৰীৰ ওচৰ চাপে আৰু সহযোগ বিচাৰি হাত আগবঢ়ায়।
শোণিতপুৰৰ জামুগুৰিহাটত সংঘটিত এক পথ দুৰ্ঘটনাত ডিব্ৰুগড় বিশ্ববিদ্যালয়ৰ নিহত এজন ছাত্ৰ…
শোণিতপুৰৰ জামুগুৰিহাটত সংঘটিত এক পথ দুৰ্ঘটনাত ডিব্ৰুগড় বিশ্ববিদ্যালয়ৰ এজন ছাত্ৰই প্ৰাণ হেৰুৱাইছে বুলি জানিব পৰা গৈছে।
শনিবাৰে পুৱাৰ ভাগত ‘AS01BG9710’ নম্বৰৰ পঞ্জীয়নভুক্ত চুইফট বাহনে কাষৰ পৰা তীব্ৰ বেগত ডাম্পাৰ ট্ৰাকৰ সৈতে খুন্দা মাৰে।
এই সংঘৰ্ষৰ ফলত এজন যাত্ৰীৰ মৃত্যু হোৱাৰ লগতে আন চাৰিজন লোক আহত হয়। নিহত ছাত্ৰজনক লুকু শৰ্মা বুলি চিনাক্ত কৰা হৈছে।
অৰুণাচলৰ জিৰ’ত ড্ৰাগছ সজাগতা অভিযান…
অৰুণাচলঃ জিৰ’ত ড্ৰাগছ সজাগতা অভিযান
জিৰ’- জিৰ’ক ড্ৰাগছ মুক্ত জিলা হিচাপে গঢ়ি তুলিবলৈ ক্লাৰিয়ান আহ্বান জনাই নিম্ন সুবনশিৰীৰ উপ আয়ুক্ত বামিন নিমে ড্ৰাগছ সেৱনৰ বলি হোৱা, অভিভাৱক, সমনীয়া গোট আৰু
উপত্যকাৰ লোককে ধৰি সকলো অংশীদাৰক একত্ৰিত হৈ ড্ৰাগছৰ বিপদ ৰোধ কৰিবলৈ আহ্বান জনায় জিলাই ।
ডানি কুনিয়া চৰকাৰৰ এদিনীয়া ড্ৰাগছ সজাগতা অভিযানত মুখ্য অতিথি হিচাপে ভাষণ দি ড. ট্ৰাইজে মেনেজমেণ্ট আৰু নিউ হোপ ফাউণ্ডেশ্যন,
ডয়মুখ, নিমেৰ উদ্যোগত অনুষ্ঠিত হোৱা এইচ.এছ স্কুলে কয় যে ড্ৰাগছ সেৱন হৈছে আজিৰ যুৱ প্ৰজন্মৰ সন্মুখত থকা আটাইতকৈ ডাঙৰ প্ৰত্যাহ্বান যাৰ বাবে সামগ্ৰিকভাৱে সমাজখনে এই বিপদ নিৰ্মূলৰ বাবে একেলগে একত্ৰিত প্ৰচেষ্টা চলাব লাগিব।
বাংগালুৰু চিকিৎসা মহাবিদ্যালয়ত প্ৰথম গৰাকী মুছলমান মহিলা অধ্যক্ষ হিচাপে দায়িত্ব গ্ৰহণ ডাঃ অসীমা বানুৰ…
বঙাইগাঁও চিকিৎসা মহাবিদ্যালয় আৰু গৱেষণা প্ৰতিষ্ঠান (বিএমচিআৰআই)ৰ অধ্যক্ষ হিচাপে দায়িত্ব গ্ৰহণ কৰি ডাঃ অসীমা বানুৱে এই পদত অধিষ্ঠিত হোৱা প্ৰথমগৰাকী মুছলমান মহিলা হিচাপে পৰিগণিত হৈছে।
বিএমচিআৰআইত ২৩ বছৰীয়া সেৱা আগবঢ়োৱা ডাঃ বানুৱে বুধবাৰে নতুন ভূমিকা গ্ৰহণ কৰি কলেজখনৰ ইতিহাসত এক উল্লেখযোগ্য খুঁটি হিচাপে চিহ্নিত কৰে।
বিএমচিআৰআইত ড০ অসীমা বানুৰ যাত্ৰা আৰম্ভ হৈছিল নব্বৈৰ দশকত যেতিয়া তেওঁ প্ৰতিষ্ঠানটোত স্নাতক আৰু স্নাতকোত্তৰ ডিগ্ৰী সম্পূৰ্ণ কৰিছিল। ২০০০ চনত তেওঁ মাইক্ৰ’বায়’লজী বিভাগত অধ্যাপক হিচাপে যোগদান কৰে আৰু
তাৰ পিছৰ পৰাই তেওঁ গুণগত মানৰ দায়িত্বত থকা, সংক্ৰমণ নিয়ন্ত্ৰণ বিষয়া, ব’ৰিং হাস্পতালৰ অণুজীৱবিজ্ঞান বিভাগৰ মুৰব্বী, চিকিৎসা শিক্ষা ইউনিটৰ আহ্বায়ক, ন’ডেল বিষয়াকে ধৰি বিভিন্ন গুৰুত্বপূৰ্ণ পদবীত অধিষ্ঠিত হয় বিএমচিআৰআইত চিমুলেচন আৰু দক্ষতা কেন্দ্ৰৰ।
ৰঙিয়া ষ্টেচনত উদ্ধাৰ বৃহৎ পৰিমানৰ সক্ৰিয় গুলী…
ৰঙিয়া ষ্টেচনত উদ্ধাৰ বৃহৎ পৰিমানৰ সজীৱ গুলী ।
নামনিমুৱা অৱধ আচাম এক্সপ্ৰেছৰ পৰা নিশা জব্দ কৰে ৬০০ টা সজীৱ গুলি ।
জিআৰপিএফৰ তহলদাৰী দলে গুলিসহ এজন সৰবৰাহকাৰীক আটক কৰে ।
ধৃত সৰবৰাহকাৰীজন হৈছে বিহাৰৰ খগাৰীয়া জিলাৰ কৈলাশ শৰ্মা ।
ডিমাপুৰৰ পৰা বিহাৰৰ কাটিহাৰ জিলালৈ অবৈধ ভাৱে কৰিছিল সৰবৰাহ ।
ৰঙিয়া GRPয়ে নিশা ১১ বজাত নিয়মীয়া তালাচীত জব্দ কৰে গুলিখিনি ।
কাজিৰঙাত অসম প্ৰকাশন পৰিষদৰ অনুবাদ কৰ্মশালা…
ব্যাকৰণসিদ্ধ এটি ভাষাৰ পৰা আন এটি ভাষালৈ সাহিত্য নাইবা ঐতিহাসিক বিষয় সম্ভাৰ অনুবাদ কৰোতে সংশ্লিষ্ট ভাষাৰ কাৰিকৰী স্তৰ অতিক্ৰমৰ কৌশল কি হ’ব পাৰে ? শব্দৰ বিভ্ৰাট , শব্দৰ অভাৱ অন্তৰায় হ’লে এটা ভাষাৰ পৰা আন এটা ভাষালৈ অনুবাদৰ বাবে উপুযক্ত অৰ্থ সন্ধানৰ কি পদ্ধতি অৱলম্বন কৰা উচিত ? কেনেকুৱা প্ৰণালীৰ আধাৰত অনুবাদ কৰ্ম সৃষ্টিশীল মৌলিকতালৈ উন্নীত হ’ব পাৰে ?—— এনে বিভিন্ন প্ৰশ্ন , বিষয় আৰু প্ৰসংগৰ উত্থাপন তথা এই সমস্যা সমাধানৰ পথ সন্ধানৰ মাজেৰে আকৰ্ষণীয় হৈ পৰিছে কাজিৰঙাৰ কঁহৰাস্থিত “অৰণ্য টুৰিষ্ট ল’জ”ত অসম প্ৰকাশন পৰিষদে অনুষ্ঠিত কৰা অনুবাদ কৰ্মশালাত ৷
ভাষা- সাহিত্যৰ প্ৰসাৰৰ লক্ষ্যৰে আয়োজন কৰা এই কৰ্মশালাত অংশগ্ৰহণ কৰা সমল ব্যক্তি আৰু প্ৰশিক্ষাৰ্থীসকলে এই ক্ষেত্ৰত বিভিন্ন দিশ আলাপ-আলোচনাৰ মাজেৰে অনুবাদ কৰ্মলৈ নতুনত্ব অনাৰ প্ৰয়াস মনকৰিবলগীয়া ৷ বিগত দুদিনত বিশিষ্ট অভিধান প্ৰণেতা , অসম প্ৰকাশন পৰিষদৰ উপাধ্যক্ষ সুমন্ত চলিহা , বিশিষ্ট বিজ্ঞানী , লেখক-অনুবাদক ড° দীনেশ চন্দ্ৰ গোস্বামী, বিশিষ্ট অনুবাদক-লেখক , প্ৰাগজ্যোতিষ মহাবিদ্যালয়ৰ ইংৰাজী বিভাগৰ অৱসৰপ্ৰাপ্ত মুৰব্বী অধ্যাপক নীৰেন্দ্ৰ নাথ ঠাকুৰীয়া , বিশিষ্ট লেখক-অনুবাদক, বড়ো সাহিত্য সভাৰ উপ-সভাপতি প্ৰশান্ত বড়োৱে এই কৰ্মশালাত সমল ব্যক্তি হিচাপে অংশগ্ৰহণ কৰি সংশ্লিষ্ট বিষয়ত প্ৰশিক্ষাৰ্থীসকলক অনুবাদৰ ব্যাকৰণিক আৰু কাৰিকৰী কৌশলৰ বিষয়ে অৱগত কৰায় ৷ আজি ইয়াত সমল ব্যক্তি হিচাপে অংশগ্ৰহণ কৰে বাংলা সাহিত্য সভা অসমৰ সাধাৰণ সম্পাদক, বিশিষ্ট লেখক-অনুবাদক, কটন বিশ্ববিদ্যালয়ৰ বাংলা ভাষা বিভাগৰ অধ্যাপক ড° প্ৰশান্ত চক্ৰৱৰ্তীয়ে ৷ তেওঁ কয় যে সকলো কথা, সকলো বস্তু অনুবাদ কৰাটো সম্ভৱ নহয় ৷ সেইবোৰ জোৰকৈ অনুবাদ কৰিবলৈ যোৱা উচিত নহয়৷
আমাৰ বাবে গৌৰৱৰ কথা যে পূৰ্ব ভাৰতেই হৈছে সেই ঐতিহ্যমণ্ডিত ঠাই য’ত ৰামায়ণৰ প্ৰথম অনুবাদ হৈছিল৷ আনকি গুৰুজনা শ্ৰীমন্ত শংকৰদেৱে আমাক যিমান অৰিহণা দি থৈ গ’ল তাৰ পৰা অনুবাদৰ বিষয়ে বহু কথা শিকিবলগীয়া আছে৷ ইয়াত আছে গৱেষণাৰ থল ৷
ড° চক্ৰৱৰ্তীয়ে বিষয় প্ৰসংগত এইদৰেও কয়—“ধ্ৰুপদী অসমীয়া সাহিত্যৰ কথা এতিয়াও বহুতেই নাজানে ৷ তাৰ কাৰণ হৈছে পৰ্যাপ্ত অনুবাদৰ অভাৱ ৷ তদুপৰি বিভিন্ন সমাজত সহজভাৱে প্ৰচলিত , মান্যৰূপত ব্যৱহৃত কিছুমান শব্দ আন ঠাইত বা সমাজত অপশব্দ বা অকথ্য শব্দৰূপে পৰিচিত ৷
এনে শব্দৰ অনুবাদৰ ক্ষেত্ৰত বহুত সাৱধান হ’বলগীয়া হয়৷ এইক্ষেত্ৰত সাংস্কৃতিক পৰিপ্ৰেক্ষাৰ দিশটো কেৱল প্ৰাসংগিকেই নহয়, অতি গুৰুত্বপূৰ্ণ৷ কাৰণ কোনো সংস্কৃতিৰ অপশব্দ আন সংস্কৃতিত গ্ৰহণযোগ্য আৰু সুলভভাৱে প্ৰচলিত ৷”
অনুবাদ কৰ্মশালাই দুটা ভাষাত শব্দবোৰৰ পৰিভাষা উদ্ভাৱনত সহায় কৰে বুলি সদৰী কৰি তেওঁ লগতে কয় যে অনুবাদ কেৱল এক সাহিত্য কৰ্মই নহয়; এয়া সমাজৰ বাবে আগ বঢ়াব পৰা গুৰুত্বপূৰ্ণ বৌদ্ধিক সেৱা ৷ অনুবাদৰ জৰিয়তে বিভিন্ন ভাষিক-সমাজৰ মাজত সাহিত্য-সংস্কৃতিৰ মাজেৰে বিশ্বমাত্ৰিক সমন্বয় গঢ় লৈ উঠে ৷ অসম প্ৰকাশন পৰিষদৰ এই কাৰ্যসূচীক গভীৰ আশাব্যঞ্জক বুলি অভিহিত কৰি তেওঁ উল্লেখ্য যে ডেৰকুৰিৰো অধিক লেখক-অনুবাদকে অংশগ্ৰহণ কৰা এই কৰ্মশালাত ডক্টৰ মুকুণ্ডমাধৱ শৰ্মাৰ ‘হিতোপদেশ’, ডক্টৰ ৰাজেন্দ্ৰ কুমাৰ ভূঞাৰ ‘ঈছপৰ সাধু’, ডক্টৰ প্ৰফুল্ল দত্ত গোস্বামীৰ ‘অসম দেশৰ সাধু’, প্ৰফুল্ল চন্দ্ৰ বৰুৱাৰ ‘বুধিয়ক কোন’, ডক্টৰ বাণীকান্ত কাকতিৰ ‘পখিলা’, মহিম বৰাৰ ‘বত্ৰিছ পুতলাৰ সাধু’ অসমীয়াৰ পৰা বড়াে আৰু বাংলা ভাষালৈ অনুবাদ কৰা হ’ব৷