লখিমপুৰ জিলাৰ নাৰায়ণপুৰ আৰক্ষী থানাৰ অন্তৰ্গত দেওতোলাত আজি সন্ধিয়া ২৩ বস্তা গাঞ্জাসহ দুই সৰবৰাহকাৰীক আটক কৰে আৰক্ষীয়ে। জব্দকৃত গাঞ্জাখিনিৰ মূল্য প্ৰায় ৬ লাখ বুলি জানিব পৰা গৈছে।
নাৰায়ণপুৰ আৰক্ষী থানাৰ ভাৰপ্ৰাপ্ত বিষয়া দুলাল চন্দ্ৰ গগৈৰ নেতৃত্বত অহা এটা আৰক্ষীৰ দলে গোপন সূত্ৰৰ পম খেদি ১৫ নং ৰাষ্ট্ৰীয় ঘাইপথৰ দেওতোলাত জব্দ কৰে গাঞ্জা খিনি ।
AS-12-AF 9616 নম্বৰৰ এখন XUV 300 গাড়ীৰে অৰুণাচলৰ পৰা ওদালগুৰি অভিমুখে কঢ়িয়াই আনিছিল গাঞ্জাখিনি ।
(১) গাজীমগুত আহ, শৰ্কৰা, ভিটামিন-ই, প্ৰোটিন আদি প্ৰমুখ্যে ভালেমান পোষক দ্ৰব্য থকা বাবে আমাৰ শৰীৰৰ পুষ্টিসাধন কৰিব পাৰে।
(২) গাজীমগু এন্টিবেক্টেৰিয়েল আৰু এন্টিমাইক্ৰবিয়েল গুণসম্পন্ন হোৱা বাবে শৰীৰৰ ৰোগ প্ৰতিৰোধ ক্ষমতা বৃদ্ধি হৈ আমক নিৰোগী কৰি ৰাখিব পাৰে।
(৩) গাজীমগুৰ বাকলিত যথেষ্ট পৰিমাণে আহ থাকে। সেয়েহে গাজীমগু খালে খাদ্যনলী ভালদৰে পৰিস্কাৰ হয়, শৌচ খোলোচা হয়, শক্তি পোৱা যায়। কোষ্ঠকাঠিনতা আৰু ডায়েবেটিচ ৰোগীৰ কাৰণে উপকাৰী। প্ৰায়েই শৰ্কৰা অভাৱত ডায়েবেটিচ ৰোগীৰ কোষ্ঠকাঠিনতা হোৱা দেখা যায়, গাজীমগুৰ বাকলিত থকা আহ শৰ্কৰাই ডায়েবেটিচ ৰোগীৰ কোনো ধৰণৰ ক্ষতি নকৰে।
(৪)গাজীমগু খালে উচ্চ ৰক্তচাপ কমাই স্বাভাৱিক অৱস্থালৈ আনি ৰক্তচাপ নিয়ন্ত্ৰণ কৰি ৰাখিব পাৰে।
(৫) মেদবহুলতা ব্যক্তিয়ে গাজীমগু খালে শৰীৰৰ অতিৰিক্ত চৰ্বি হ্ৰাস পায়। গাজীমগুত যথেষ্ঠ পৰিমাণে আহ থকা বাবে খোৱাৰ পিছত ভোক কমকৈ লাগে আৰু দ্বিতীয়বাৰ অলপ আহাৰ খালেই ভোক গুছে। এইদৰেই আহাৰৰ পৰিমাণ কমাৰ পৰিপ্ৰেক্ষিতত পৰোক্ষ ভাৱে শৰীৰৰ মেদবহুলতা কমোৱাত সহায় কৰে। কিন্তু শৰীৰৰ খতিসাধন নকৰে।
(৬) গাজীমগু খালে চুলিৰ গুৰি শক্তিশালী হোৱা বাবে চুলি সৰাত বাধা দিয়াৰ উপৰিও চুলি ঘণ আৰু কলা হোৱাত সহায় কৰে। তাৰোপৰি আঙুলি নখবোৰ অধিক পৰিমাণে সুদৃঢ় আৰু মসৃণ কৰে।
(৭) গাজীমগু খালে চাল নিমজ আৰু উজ্জ্বল হয়, চৰ্মৰোগ হোৱাটো ৰোধ কৰে।
(৮)ভিটামিন-ই অভাৱৰ কাৰণে বয়সীয়াল সকলৰ স্নায়বিক আৰু মাংস পেশীৰ বিষ হয়। গাজীমগু সদায় কিছুদিন খালে এনেধৰণৰ বিষ নোহোৱা হয়, কাৰণ গাজীমগুৰ গাজত যথেষ্ট পৰিমাণে ভিটামিন-ই আছে।
(৯) গাজীমগুত থকা প্ৰাকৃতিক ভিটামিন-ই উচ্চমানবিশিষ্ট ভিটামিন। পুৰুষ আৰু স্ত্ৰীহৰমন (প্ৰজেষ্টেৰণ, এষ্ট্ৰোজেন) উৎপাদন, নি:সৰণ আৰু সঞ্চালনত ভিটামিন-ই য়ে প্ৰত্যক্ষ ভাৱে সহায় কৰে। এই হৰমন তাৰতম্য হলে মহিলা গৰ্ভৱতী হব নোৱাৰে , ক্লৈবতা আৰু বন্ধ্যাত্ব হয়। গাজীমগু সদায় খালে এই ৰোগ নিৰাময়ৰ হয় আৰু মহিলা গৰ্ভৱতী হোৱাত সহায় কৰে।
(১০) গাজীমগুৰ লগত ৫-৬ টামান খেজুৰ আৰু ১০-১৫ টামান কিচমিচ সদায় খালে পুৰুষৰ শুক্ৰ উৎপাদন বৃদ্ধি হয় কাৰণে গাজীমগু শুক্ৰহীন অথবা কম শুক্ৰ থকা পুৰুষৰ কাৰণে বহু উপকাৰী।
বঙাইগাঁও জিলাৰ কাকৈজানাত খাদ্যৰ সন্ধানত বনাঞ্চলৰ পৰা নামি অহা এটি দুষ্প্ৰাপ্য সোণালী বান্দৰৰ ৰাষ্ট্ৰীয় ঘাই পথত দুৰ্ঘটনাত মৃত্যু হোৱাৰ পিছত মৃত মাতৃক সাৱটি কণমানি পোৱালীয়ে কান্দি থকা দৃশ্যই শুকুৰবাৰে প্ৰতিজন হৃদয়বান লোকৰ চকু সেমেকাই তোলে৷
উল্লেখ্য যে খাদ্যৰ সন্ধানত কাকৈজানা বনাঞ্চলৰ পৰা নামি অহা দুষ্প্ৰাপ্য সোণালী বান্দৰৰ এটি জাকে ৰাষ্ট্ৰীয় ঘাইপথ অতিক্ৰম কৰিবলৈ লওঁতেই তীব্ৰবেগী ট্ৰাকৰ খুন্দাত নিহত হয় সোণালী বান্দৰটো৷ ইপিনে দুৰ্ঘটনাৰ ফলত ৰাজ পথত পৰি থকা মৃত মাতৃক সাৱটি কণমানি পোৱালি এটিয়ে কান্দি থকাত উপস্থিত সকলোৰে চকু সেমেকাই তোলে৷
পিছত ঘটনাস্থলীত অভয়াপুৰী আঞ্চলিক বনবিভাগৰ লোক উপস্থিত হৈ সোনালী বান্দৰটোৰ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে৷ আনহাতে পোৱালিটোকো উদ্ধাৰ কৰে৷ উল্লেখ্য যে কাকৈজানাৰ উক্ত ৰাষ্ট্ৰীয় ঘাইপথত ইয়াৰ পূৰ্বেও তীব্ৰ বেগী বাহনৰ খুন্দাত কেইবাটাও দুষ্প্ৰাপ্য সোণালী বান্দৰৰ মৃত্যু ঘটিছে।
স্থানীয় ৰাইজে সোণালী বান্দৰৰ সুৰক্ষাৰ স্বাৰ্থত উক্ত পথছোৱাত বাহনৰ গতিবেগ নিয়ন্ত্ৰণ কৰাৰ নিৰ্দেশ জাৰি কৰি ফলক আঁৰি দিয়াৰ লগতে দুষ্প্ৰাপ্য সোণালী বান্দৰৰ যাতায়তৰ বাবে নিৰ্দ্দিষ্ট ক’ৰিডৰ নিৰ্মাণ কৰি দিবলৈ সংশ্লিষ্ট কৰ্তৃপক্ষক দাবী জনাইছে ৷ ইপিনে দুৰ্ঘটনাত দুষ্প্ৰাপ্য সোণালী বান্দৰৰ মৃত্যুত দুখ প্ৰকাশ কৰিছে সেউজ মাণিকপুৰে৷
এক প্ৰেছটোকাত সেউজ মাণিকপুৰৰ হৈ মহীধৰ ৰায়ে উল্লেখ কৰা মতে বন বিভাগ তথা চৰকাৰক সোণালী বান্দৰৰ সুৰক্ষাৰ বাবে বাৰে বাৰে আবেদন নিবেদন কৰি আহিছে যদিও কোনো পদক্ষেপ গ্ৰহণ কৰা নাই৷ অবিভক্ত গোৱালপাৰাৰ গৌৰৱ তথা বিলুপ্তিপ্ৰায় প্ৰাণী হ’ল এই সোণালী বান্দৰ আৰু এই সোণালী বান্দৰ মাহত দুটাৰ পৰা তিনিটা ৰাষ্ট্ৰীয় ঘাইপথত দুৰ্ঘটনাত নাইবা উন্মুক্ত বিদ্যুৎ পৰিবাহী তাঁৰত লাগি মৃত্যুক সাৱটি ল’বলগীয়া হয়৷
শুকুৰবাৰেও পুৱা আকৌ এটা সোণালী বান্দৰ ৰাষ্ট্ৰীয় ঘাইপথত দুৰ্ঘটনাত মৃত্যু হ’য় ৷ আমি সেউজ মাণিকপুৰে দুখ প্ৰকাশ কৰাৰ লগতে অতি সোনকালে সোণালী বান্দৰ ক’ৰিডৰ চিহ্নিত কৰি বেনাৰ- পোষ্টাৰ মৰিব লাগে ( Drive slow Golden langur ) আৰু লগতে ক’ৰিডৰত পৰিক্ষামূলক ভাবে অভাৰ ব্ৰীজৰ ব্যৱস্থা কৰিব লাগে যাতে ৰাষ্ট্ৰীয় ঘাইপথ পাৰ হ’ব পাৰে৷ এনেকৈ যদি সোণালী বান্দৰৰ মৃত্যু হৈ থাকে, তেতিয়াহলে অনাগত ভবিষ্যতত পিছৰ প্ৰজন্মই সোণালী বান্দৰ মিউজিয়ামত চাব লাগিব৷
এটা গড়ৰ মৃত্যু হলে সমগ্ৰ অসমবাসীয়ে হুলস্থূল কৰে, কিন্তু সোণালী বান্দৰৰ মৃত্যু হলে চৰকাৰ, বন বিভাগৰ সাৰ সুৰ নাই৷ গড় পৃথিৱীৰ বহুত দেশত পোৱা যায়, কিন্তু সোণালী বান্দৰ অকল অবিভক্ত গোৱালপাৰাত পোৱা যায়৷ তাৰোপৰি সোণালী বান্দৰ বিটিআৰ পৰিবহণৰ চিহ্ন৷
সোণালী বান্দৰক বচাই ৰক্ষা আমাৰ দ্বায়িত্ব আৰু কৰ্তব্য ৷ নামনি অসমৰ পৰ্যটনৰ এক মাত্ৰ উৎস আৰু ৰাজহ দিব পৰা প্ৰাণীৰ বাবেই দেশ- বিদেশৰ পৰ্যটক নামনি অসম তথা বৰপেটা, বঙাইগাঁও, কোকোৰাঝাৰ আদি জিলাত আহে৷ চৰকাৰ তথা বনবিভাগলৈ কাতৰ অনুৰোধ যিকোনো বিনিময়ত যাতে প্ৰাণীবিধ ৰক্ষা কৰে৷
প্ৰধানমন্ত্ৰী নৰেন্দ্ৰ মোদীয়ে আজি বিজেপি প্ৰাৰ্থী সকলৰ সমৰ্থনত শ্বিলং আৰু তুৰাত দুখন বৃহৎ নিৰ্বাচনী সভাত ভাগ লৈ দলটোৰ প্ৰচাৰত নতুন মাত্ৰা প্ৰদান কৰে।
আনহাতে গুৱাহাটীৰ গাতে লাগি থকা জিৰাং সমষ্টিত বিজেপি দলৰ প্ৰাৰ্থী ৰিয়া চাংমাই যাতে জয়ী হয় তাৰ বাবে কেন্দ্ৰীয় মন্ত্ৰী সৰ্বানন্দ সোণোৱাল, অসম বিধানসভাৰ উপাধ্যক্ষ ডাঃ নোমল মমিন, মন্ত্ৰী পীয়ূষ হাজৰিকাকে ধৰি কেবাজনো নেতা , মিত্ৰজোঁটৰ হিচাপে অগপ বিধায়ক ৰমেন্দ্ৰ নাৰায়ণ কলিতাই বিগত দিনকেইটাত ব্যাপক প্ৰচাৰ অভিযান চলাই আছে।
২৫ ফেব্ৰুৱাৰীত নিৰ্বাচনী প্ৰচাৰ অভিযানৰ শেষ দিনটোত মুখ্যমন্ত্ৰী ড০ হিমন্ত বিশ্ব শৰ্মাই গুৱাহাটীৰ কাষৰীয়া বৰ্ণিহাটত এখন বিশাল নিৰ্বাচনী সভাত ভাগ লব। ইফালে আজি মন্ত্ৰী পীয়ূষ হাজৰিকাই ৰিয়া চাংমাক লগত লৈ খানাপাৰাৰ কাষৰীয়া কিলিঙৰ পৰা বশিষ্ঠৰ সমীপৰ লতাকটা, পিলিংকাটা, মাইঘুলি হৈ বৰপথাৰলৈ এক বিশাল বাইক ৰেলীত ভাগ লয়।
ৰেলীত ভাগ লোৱা পাঁচ শতাধিক বিজেপিৰ কর্মী – সমৰ্থকে বিজেপি জিন্দাবাদ, ৰিয়া চাংমা জিন্দাবাদ, নৰেন্দ্ৰ মোদী জিন্দাবাদ ধ্বনি দি আকাশ বতাহ মুখৰিত কৰি তোলে। ৰেলীৰ অন্তত সাংবাদিকৰে সৈতে হোৱা চমু বাৰ্তালাপত মন্ত্ৰী পীয়ূষ হাজৰিকাই কয় প্রথমবাৰৰ বাবে মেঘালয়ৰ ৰাইজে উন্নয়নৰ স্বাৰ্থত বিজেপিৰ প্ৰাৰ্থী সকলৰ সপক্ষে বিপুল হাৰত ভোটদান কৰিব।
বিজেপিৰ নেতৃত্বত চৰকাৰ গঠন হব আৰু জিৰাং সমষ্টিৰ পৰা ৰিয়া চাংমাই অভিলেখ পৰিমাণৰ ভোট লাভ কৰি বিজয়ী হ’ব। ভোট গণনাৰ দিনা এই ভবিষ্যত বাণী বাস্তৱত পৰিণত হ’ব বুলিও মন্ত্ৰী গৰাকীয়ে ব্যক্ত কৰে।
ছিপাঝাৰত কবৰ খান্দি মৃতদেহ উলিয়ালে আৰক্ষীয়ে। ছিপাঝাৰৰ মাৰুৱাচকীত এই ঘটনা। ঘটনাস্থলীত ইয়াকে লৈ স্থানীয় লোকৰ সৈতে বাক-বিতণ্ডা।
এগৰাকী ৭০ বছৰীয়া বৃদ্ধাৰ মৃত্যুক সন্দেহজনক বুলি ছিপাঝাৰ আৰক্ষীচকীত গোচৰ তৰিছিল বৃদ্ধাগৰাকীৰ নাতিনীয়ে।
বিগত ১জানুৱাৰীত মৃত্যু হৈছিল মাৰুৱাচকীৰ আছুফা খাতুনৰ।
ইয়াৰ পিছতে বৃদ্ধাগৰাকীক হত্যাৰ সন্দেহত পৰিয়ালৰ লোকৰ ওপৰত গোচৰ তৰে মৃতা আছুফা খাতুনৰ নাতিনীয়েক পাৰবিন চুলতানাই।
সেয়ে আদালতৰ নিৰ্দেশত স্থানীয় কাৰ্যবাহী দণ্ডাধীশৰ উপস্থিতিত আৰক্ষীয়ে কবৰ খান্দি আছুফা খাতুনৰ মৃতদেহ উলিয়াই মৰণোত্তৰ পৰীক্ষাৰ বাবে প্ৰেৰণ কৰে।
এক শুভেচ্ছা অনুষ্ঠানত উপস্থিত মন্ত্ৰী জয়ন্ত মল্ল বৰুৱা প্ৰমুখ্যে কেইবাগৰাকী বিশিষ্ট ব্যক্তি৷
ইতিমধ্যে মুঠ ১৬ গৰাকী শিক্ষাৰ্থীয়ে উত্তৰ-পূৰ্বাঞ্চল দক্ষতা কেন্দ্ৰত প্ৰশিক্ষণ লৈ বহিঃ ৰাষ্ট্ৰত কৰ্ম সংস্থাপন পাবলৈ সক্ষম হৈছে৷
বাহৰেইন আৰু ডুবাইত কৰ্ম সংস্থাপন পাবলৈ সক্ষম হোৱা এই প্ৰশিক্ষকসকলক বিশেষভাবে শুভেচ্ছা দিবলৈ উপস্থিত থাকে মন্ত্ৰী জয়ন্ত মল্ল বৰুৱা৷
উল্লেখ্য যে NORTH EAST SKILL CENTER ত প্ৰশিক্ষণ লোৱা শিক্ষাৰ্থীৰ ৯৫%ই ইতিমধ্যে কৰ্ম সংস্থাপন পাবলৈ সক্ষম হৈছে৷
আজিৰ অনুষ্ঠানতেই পৰম্পৰাগত শিক্ষা ব্যৱস্থাৰ উপৰিও সকলোকে বৃত্তিমুখী শিক্ষা গ্ৰহণ কৰি নিজেই নিজক প্ৰতিষ্ঠিত কৰাৰ ব্যবস্থা গ্ৰহন কৰিবলৈ আহ্বান কৰে মন্ত্ৰী জয়ন্ত মল্ল বৰুৱাই৷
কটন বিশ্ববিদ্যালয়ত শিক্ষাবৰ্ষ ২০২৩-২৪ৰ পৰা আৰম্ভ হ’ব চাৰি-বছৰীয়া স্নাতক পাঠ্যক্ৰম৷ আগন্তুক শিক্ষাবৰ্ষ ২০২৩-২৪ৰ পৰা তাৎক্ষণিকভাৱে কাৰ্যকৰী হোৱাকৈ কটন বিশ্ববিদ্যালয়ে চাৰি-বছৰীয়া স্নাতক পাঠ্যক্ৰম ঘোষণা কৰিছে। ৰাষ্ট্ৰীয় শিক্ষানীতি ২০২০ৰ আধাৰত প্ৰস্তুত কৰা এই পাঠ্যক্ৰমৰ লগতে সংশ্লিষ্ট ক্ৰেডিট পদ্ধতিও সন্নিবিষ্ট কৰা হৈছে।
কটন বিশ্ববিদ্যালয়ত শিক্ষাবৰ্ষ ২০২৩-২৪ৰ পৰা আৰম্ভ হ’বলগীয়া এই চাৰি-বছৰীয়া পাঠ্যক্ৰমৰ প্ৰথম বৰ্ষৰ নামভৰ্তি কমন ইউনিভাৰ্চিটি এণ্ট্ৰেন্স টেষ্ট (CUET)-ৰ ভিত্তিত প্ৰস্তুত কৰা মেধাৰ তালিকা অনুসৰি হ’ব বুলি অসম চৰকাৰৰ উচ্চশিক্ষা বিভাগে যোৱা ২৭ জানুৱাৰিত জাৰি কৰা এক জাননী অনুসৰি ঘোষণা কৰা হৈছে।
তদুপৰি উল্লেখ কৰা হৈছে যে এই প্ৰৱেশ পৰীক্ষা নেচনেল টেষ্টিং এজেন্সিয়ে পৰিচালনা কৰিব। উক্ত প্ৰৱেশ পৰীক্ষাৰ বাবে বিষয় বাছনি সন্দৰ্ভত প্ৰয়োজনীয় তথ্য কটন বিশ্ববিদ্যালয়ৰ ৱেবচাইটত (www.cottonuniversity.ac.in) প্ৰকাশিত ২৩-২-২০২৩ তাৰিখৰ জাননীৰ সংলগ্ন অতিৰিক্ত সংযোজন – I, II আৰু III যোগে উপলব্ধ কৰা হৈছে।
ইতিমধ্যে এই প্ৰৱেশ পৰীক্ষাৰ বাবে পঞ্জীয়ন প্ৰক্ৰিয়া cuet.samarth.ac.in ৱেবচাইট যোগে আৰম্ভ হৈছে। পঞ্জীয়নৰ অন্তিম সময় ১২ মাৰ্চৰ নিশা ৯ বজালৈ।
অধিক তথ্য আৰু নিৰ্দেশনাৰ বাবে পৰীক্ষাৰ্থীসকলক কটন বিশ্ববিদ্যালয়ৰ ৱেবচাইট পৰিদৰ্শন কৰি থাকিবলৈ বিশ্ববিদ্যালয়ৰ শৈক্ষিক পঞ্জীয়কে অনুৰোধ জনাইছে।
পাকিস্তানৰ এজন নাগৰিকে ভাৰতৰ প্ৰধানমন্ত্ৰী নৰেন্দ্ৰ মোডীক প্ৰশংসা কৰাৰ লগতে আকাশচুম্বী মুদ্ৰাস্ফীতিৰ নিয়ন্ত্ৰণত ব্যৰ্থ হোৱাৰ বাবে নিজৰ দেশৰেই প্ৰধানমন্ত্ৰী শ্বেহবাজ শ্বৰীফক উপহাস কৰাৰ এটা ভিডিঅ’ ছচিয়েল মিডিয়াত তাৎক্ষণিকভাৱে ভাইৰেল হৈ পৰিছে। ব্যাপকভাৱে শ্বেয়াৰ হোৱা ভাইৰেল ভিডিঅ’টো পাকিস্তানী ইউটিউবাৰ ছানা আমজাদে পোষ্ট কৰিছে। ভিডিঅ’টোত এজন পাকিস্তানী নাগৰিকে সহায়ৰ বিচাৰি কৰা হাহাকাৰ আৰু দেশখনৰ প্ৰচলিত অৱস্থাক লৈ শ্বেহবাজ শ্বৰীফ চৰকাৰৰ বিৰুদ্ধে তেওঁৰ ক্ষোভৰ প্ৰতিফলন দেখুওৱা হৈছে। ভিডিঅ’টোত প্ৰধানমন্ত্ৰী নৰেন্দ্ৰ মোদীয়ে পাকিস্তান শাসন কৰি থাকিলে তেওঁলোকে যুক্তিসঙ্গত মূল্যত সামগ্ৰী ক্ৰয় কৰিব পাৰিলেহেঁতেন বুলি লোকজনে কৈছে।মানুহজনে লগতে কৈছে যদি ১৯৪৭ চনত দেশ বিভাজন নহ’লহেঁতেন, তেন্তে তেওঁ আৰু তেওঁৰ দেশবাসীয়ে যুক্তিসঙ্গত দামত অত্যাৱশ্যকীয় সামগ্ৰী ক্ৰয় কৰিব পাৰিলেহেঁতেন।
লোকজনে কৈছে “মই ভাবো যে পাকিস্তান ভাৰতৰ পৰা পৃথক নোহোৱা হেঁতোন আমি বিলাহী প্ৰতি কিলোগ্ৰামত ২০ টকাত , মুৰ্গী ১৫০ টকাত আৰু পেট্ৰ’ল লিটাৰত ৫০ টকাত ক্ৰয় কৰিব পাৰিলোহেঁতেন,” । তেওঁ লগতে কয়, “এয়া দুৰ্ভাগ্যজনক কথা যে আমি এখন ইছলামিক ৰাষ্ট্ৰ পাইছো কিন্তু আমি ইয়াত ইছলাম প্ৰতিষ্ঠা কৰিব নোৱাৰিলোঁ।”
তেওঁ কৈছে ”যদি আমাৰ ওচৰত নৰেন্দ্ৰ মোদী থাকিলেহেঁতেন , তেন্তে আমাক নৱাজ শ্বৰীফ বা বেনজীৰ বা ইমৰানৰ প্ৰয়োজন নহ’লহেঁতেন, আনকি পাৰভেজ মুছাৰফৰো প্ৰয়োজন নহ’লহেঁতেন। আমি কেৱল প্ৰধানমন্ত্ৰী মোদীক বিচাৰো, কিয়নো কেৱল তেওঁহে দেশৰ সকলো বেয়া কাৰকৰ সৈতে মোকাবিলা কৰিব পাৰে। ভাৰত বৰ্তমান বিশ্বৰ পঞ্চম বৃহত্তম অৰ্থনীতি, আনহাতে আমি ক’তোৱেই নাই,” তেওঁ ইউটিউবাৰক কয়।উল্লেখ্য অত্যৱশ্যকীয় সামগ্ৰীৰ মূল্যবৃদ্ধিয়ে এতিয়া পাকিস্তানৰ জনতাক জ্বলা-কলা খুৱাইছে।
দিল্লীত শেহতীয়াকৈ অনুষ্ঠিত পৌৰ নিগমৰ নিৰ্বাচনত ব্যাপক অনিয়মৰ অভিযোগ উত্থাপন কৰিচে বিজেপিয়ে।অনিয়মৰ অভিযোগ তুলি নিৰ্বাচন পুনৰ অনুষ্ঠিত কৰাৰ দাবী জনাইছে গেৰুৱা দলটোৱে। নিৰ্বাচন প্ৰক্ৰিয়াৰ সময়ত আম আদমী পাৰ্টীয়ে অনিয়ম কৰাৰ অভিযোগ উত্থাপন কৰি বিজেপিৰ সাংসদ পৰবেশ বাৰ্মা আৰু সাংসদ মনোজ তিৱাৰীয়ে এখন সংবাদমেলত কয় যে বিজেপিৰ কাউঞ্চিলৰৰ আপত্তি স্বত্বেও আপৰ নৱনিৰ্বাচিত মেয়ৰ শ্বেলী অবেৰয়ে সদস্যসকলক ভোট দানৰ সময়ত বুথ এলেকালৈ মোবাইল ফোন কঢ়িয়াই নিয়াৰ অনুমতি দিছিল। দিল্লী বিজেপিৰ সাধাৰণ সম্পাদক হৰ্ষ মালহোত্ৰাই কয় যে আপে নিৰীক্ষণ সমিতিৰ বাবে চাৰিজন আৰু বিজেপিয়ে তিনিজন প্ৰাৰ্থী প্ৰদান কৰিছে, য’ত ছয়জন সদস্য থাকিব পাৰে। আপে প্ৰয়োজনীয় সংখ্যক ভোটৰ অভাৱৰ বাবে দলটোৰ প্ৰাৰ্থীয়ে পৰাজয়ৰ সন্মুখীন হ’ব বুলি ভয় খাইছিল ।
যাৰ বাবে তেওঁলোকৰ সদস্যই ভোটকেন্দ্ৰ চৌপাশে “হুলস্থুল” আৰম্ভ কৰিছিল। বাৰ্মাই দাবী কৰিছিল যে পৌৰ সচিবে কৰ্তৃপক্ষক দিয়া প্ৰতিবেদনত স্থায়ী সমিতিৰ সদস্য নিৰ্বাচনত বিসংগতিৰ ইংগিত দি নতুনকৈ ভোটদানৰ পৰামৰ্শ দিছে।বাৰ্মাই দাবী কৰে যে ভোট দান কৰা আপৰ কাউঞ্চিলৰসকলে ফটো তুলি তেওঁলোকৰ দলৰ নেতা অৰবিন্দ কেজৰিৱাল, মনীষ চিছোদিয়া আৰু সঞ্জয় সিঙলৈ প্ৰেৰণ কৰিছিল। এয়া নীতি বিৰুদ্ধ বুলিও তেওঁ কয়। বাৰ্মাই লগতে দাবী কৰে যে নিৰ্বাচনৰ বাবে মুঠ ৫৫ খন বেলট বিতৰণ কৰা হৈছিল যাৰ ভিতৰত ৪৫ খন ভোট দানৰ বাবে ব্যৱহাৰ কৰা হৈছিল আৰু বাকীবোৰৰ হিচাপ পোৱা হোৱা নাই। তেওঁ এইবুলিও দাবী কৰিছে যে কোনো বিজেপি কাউন্সিলাৰৰ উপস্থিতি অবিহনেই মেয়ৰৰ নিৰ্দেশনাৰ পিছত ভোট বাকচ বন্ধ কৰা হৈছিল। উল্লেখ্য শেহতীয়াকৈ অনুষ্ঠিত দিল্লীৰ মেয়ৰ নিৰ্বাচনত আম আদমি পাৰ্টিয়ে বিজয় সাৱস্ত্য কৰিবলৈ সক্ষম হৈছে। আপৰ প্ৰাৰ্থী শ্বেলী অ’বেৰয়ে বিজেপিৰ প্ৰাৰ্থী ৰেখা গুপ্তাক পৰাস্ত কৰি দিল্লীৰ প্ৰথম মহিলা মেয়ৰ হিচাবে নিৰ্বাচিত হয়।
নতুন দিল্লীৰ ডাঃ এছ পি মুখাৰ্জী চিভিক চেণ্টাৰত অনুষ্ঠিত হোৱা মেয়ৰ নিৰ্বাচনত আপৰ প্ৰাৰ্থী শ্বেলী অ’বেৰয়ে বিজেপিৰ প্ৰাৰ্থী ৰেখা গুপ্তাক ৩৪ টা ভোটৰ ব্যৱধানত পৰাজিত কৰি বিজয়ৰ হাঁহি মাৰে। আপৰ প্ৰাৰ্থীয়ে শ্বেলী অ’বেৰয়ে ১৫০ টা ভোট লাভ কৰাৰ বিপৰীতে বিজেপি প্ৰাৰ্থী ৰেখা গুপ্তাই লাভ কৰে ১১৬ টা ভোট ।
ষ্টকহোমত আৱদ্ধ যাত্ৰীক ভাৰতলৈ ওভতাই আনিবলৈ খালী বিমান প্ৰেৰণ কৰিলে এয়াৰ ইণ্ডিয়াই ! বিমানৰ জৰুৰী অৱতৰণৰ বাবে বহু যাত্ৰী এতিয়া আবদ্ধ হৈ পৰিছে ষ্টকহোমত। ষ্টকহোমত আৱদ্ধ যাত্ৰীক ভাৰতলৈ ওভতাই আনিবলৈ খালী বিমান প্ৰেৰণ কৰিলে এয়াৰ ইণ্ডিয়াই। এয়াৰ ইণ্ডিয়াই দিল্লী-নেৱাৰ্ক বিমানযাত্ৰীসকলক ষ্টকহোমত আৱদ্ধ কৰি ঘূৰাই আনিবলৈ খালী বিমান প্ৰেৰণ কৰাৰ কথা আজি ঘোষণা কৰিছে। উল্লেখ্য ২২ ফেব্ৰুৱাৰীত এয়াৰ ইণ্ডিয়াৰ নেৱাৰ্কৰ পৰা দিল্লীলৈ অহা এখন বিমান চুইডেনৰ ষ্টকহোমলৈ নিয়া হৈছিল। বোয়িং ৭৭৭-৩০০ইআৰ বিমান খনৰ তেল লিক হোৱাৰ পিছতে ষ্টহোমত বিমান খনৰ জৰুৰী অৱতৰণ কৰো হৈছিল। ডিজিচিএৰ শীৰ্ষ বিষয়াৰ মতে, ইঞ্জিন ফ্লাইট এএআই১০৬ -ত ২৮৪ গৰাকী যাত্ৰী আৰু আঠজন ক্ৰু সদস্য আছিল।
জৰুৰী অৱতৰণৰ পিছত তেওঁলোক এতিয়াও ষ্টকহোমতে আবদ্ধ হৈ আছে। এয়াৰ ইণ্ডিয়াই মুম্বাইৰ পৰা চুইডেনলৈ এখন খালী বিমান প্ৰেৰণ কৰি আৱদ্ধ যাত্ৰীসকলক ঘূৰাই আনিবলৈ পদক্ষেপ গ্ৰহণ কৰিছে। বৃহস্পতিবাৰে দুপৰীয়া ২ বজাত মুম্বাইৰ পৰা ষ্টকহোমলৈ বি ৭৭৭ বিমান খনে উৰা মাৰে আৰু নিশা ১১ বজাত ষ্টকহোমত উপস্থিত হয়। বিমান যাত্ৰীসকলে শুক্ৰবাৰে পুৱতি নিশা ১ বজাত ষ্টহোমৰ পৰা ভাৰতলৈ উৰা মৰাৰ কথা । পৰিকল্পনা অনুসৰি পুৱা ৮ বজাত যাত্ৰীসকলে দিল্লীত উপস্থিত হ’ব। এয়াৰ ইণ্ডিয়াই সকলো যাত্ৰীৰ বাবে হোটেলত থকাৰ ব্যৱস্থা কৰি দিছে।
