৬ আমলখিৰ ৰস খোৱাৰ প্ৰতিশ্ৰুতিপূৰ্ণ লাভালাভ
ৰোগ প্ৰতিৰোধ কাৰ্য তৰ্ক কৰে। আমলখিৰ ৰস হৈছে ভিটামিন চি-ৰ এক উৎকৃষ্ট উৎস, যি হৈছে এক পানীত দ্ৰৱণীয় ভিটামিন যি এণ্টিঅক্সিডেণ্ট হিচাপে কাম কৰে (1) ।
যকৃতৰ স্বাস্থ্য বৃদ্ধি কৰে।
স্বাস্থ্যকৰ হজম সমৰ্থন কৰে ।
হৃদযন্ত্ৰৰ স্বাস্থ্য বৃদ্ধি কৰে।
চুলিৰ বিকাশ বৃদ্ধি কৰিব পাৰে ।
বৃক্কৰ স্বাস্থ্য উন্নত কৰে ।
অসমবাসীৰ বাবে এক সু-খবৰ।তেলেংগানা উচ্চ ন্যায়ালয়ৰ মুখ্য ন্যায়াধীশ হ’ব অসম সন্তান ন্যায়াধীশ উজ্বল ভূঞ। ১৯৬৪ চনত গুৱাহাটীত জন্মগ্রহণ কৰা ন্যায়াধীশ উজ্বল ভূঞাই গুৱাহাটী বিশ্ববিদ্যালয়ৰ পৰা এলএলএম ডিগ্রী গ্ৰহণ কৰিছিল। তাৰ পিচত ১৯৯১ চনত তেওঁ গুৱাহাটীৰ লগতে উত্তৰ-পূৰ্বাঞ্চলৰ বাকী ৰাজ্যসমূহৰ বাৰ কাউন্সিলৰ সৈতে জড়িত হৈছিল।২০১১ চনত তেওঁ গুৱাহাটী উচ্চ ন্যায়ালয়ৰ অতিৰিক্ত ন্যায়াধীশ হিচাপে নিযুক্তি লাভ কৰে আৰু ২০১৯ চনত তেওঁ ব’ম্বে উচ্চ ন্যায়ালয়ৰ ন্যায়াধীশ হিচাপে দায়িত্ব গ্রহণ কৰে।
২০২১ চনৰ অক্টোবৰ মাহত তেলেংগানা উচ্চ ন্যায়ালয়ৰ ন্যায়াধীশ হিচাপে শপতগ্ৰহণ কৰিছিল ন্যায়াধীশ উজ্বল ভূঞাই।তেলেংগানা উচ্চ ন্যায়ালয়ৰ ন্যায়াধীশ তথা অসম সন্তান উজ্বল ভূঞাক ন্যায়ালয়খনৰ মুখ্য ন্যায়াধীশ হিচাপে নিযুক্তি দিয়াৰ বাবে পৰামৰ্শ আগবঢ়াইছে উচ্চতম ন্যায়ালয়ৰ কলেজিয়ামে।
তামুলপুৰ জিলাৰ ভাৰত-ভূটান সীনান্তৰ আঙাৰকাটা নতুন বস্তিত নিশা বনৰীয়া হাতীৰ উপদ্ৰৱ৷ খাদ্যৰ সন্ধানত ভূটান পাহাৰৰ পৰা নামি অহা বনৰীয়া হাতীৰ বৃহৎ জাক এটাই আঙাৰকাটা অঞ্চলত উপদ্ৰৱ চলাই ৭ টাকৈ পৰিয়ালৰ বাসগৃহ,ভড়াল ঘৰ ভাঙি লণ্ড ভণ্ড কৰাৰ লগতে তামোলবাৰী,কলৰ বাগান, পাচলি খেতি খাই ,গচকি তহিলং কৰে ৷ হাতীৰ আক্ৰমণৰ পৰা কথমপি প্ৰাণ ৰক্ষা শিশু মহিলা সহ কেবাজনো লোকৰ৷
জানিব পৰা মতে নিশা ৮ মান বজাতে অঞ্চলটোত বনৰীয়া হাতীৰ বৃহৎ জাকটোলে প্ৰবেশ কৰাত বন বিভাগৰ মানুহ আহি হাতীৰ জাক টোক খেদি পঠিয়াই যদিও নিশা ১২ মান বজাত পুনৰ হাতীৰ জাকটো ঘুৰি আহি উপদ্ৰৱ চলায়। হাতীৰ জাক টোত পোৱালি সহ প্ৰায় ১৫০টা অনুমান কৰিছে গাঁৱ খনৰ ৰাইজে ৷
মহান বেটছমেন শচীন তেণ্ডুলকাৰৰ পুত্ৰ অৰ্জুন তেণ্ডুলকাৰ যোৱা দুবছৰ ধৰি মুম্বাই ইণ্ডিয়ানছ দলৰ অংশ হৈ আছে, কিন্তু তেওঁ এতিয়াও আত্মপ্ৰকাশ কৰাৰ সুযোগ পোৱা নাই। মুম্বাইয়ে এই বছৰ অৰ্জুনক ৩০ লাখ টকাৰ নিবিদাত ক্ৰয় কৰিছিল। মুম্বাই ইণ্ডিয়ানছে এই ছিজনত এতিয়ালৈকে 13 খন মেচ খেলিছে, কিন্তু অৰ্জুন তেণ্ডুলকাৰে খেলিবলৈ সুযোগ পোৱা নাই। আই পি এল ২০২২ ৰ প্লে অফ দৌৰৰ পৰা বাহিৰ হোৱা মুম্বাই ইণ্ডিয়ানছে ২১ মে’ত দিল্লী কেপিটেলছৰ বিৰুদ্ধে তেওঁলোকৰ অন্তিমখন মেচ খেলিব লাগিব আৰু সেই খেলখনত অৰ্জুনে আত্মপ্ৰকাশ কৰাৰ সম্পূৰ্ণ সম্ভাৱনা আছে। মুম্বাই ইণ্ডিয়ানছৰ অধিনায়ক ৰোহিত শৰ্মাই নিজেই কোনো ক্ৰিকেটাৰৰ নাম নোলোৱাকৈ এইটো ইংগিত দিছে।মঙলবাৰে ছানৰাইজাৰ্ছ হায়দৰাবাদৰ বিৰুদ্ধে খেলখনত টছত জয়ী হোৱাৰ পিছত ৰোহিতে কয় যে তেওঁ তেওঁৰ প্লেয়িং ইলেভেনত দুটা পৰিৱৰ্তন কৰিছে। তেওঁ কয় যে হৃত্বিক শোকিন, কুমাৰ কাৰ্তিকেয়াৰ পৰিৱৰ্তে মায়াংক মাৰ্কান্দে আৰু সঞ্জয় যাদৱে দলত প্ৰৱেশ কৰিছে। আমি পৰৱৰ্তী ছিজনৰ বাবে এই পৰীক্ষাটো কৰিব বিচাৰো আৰু পৰৱৰ্তী বছৰৰ বাবে খেলুৱৈসকলক পৰীক্ষা কৰিব বিচাৰো। তেওঁ আৰু কৈছিল যে ইয়াৰ পিছত আমাৰ আৰু এখন খেল আছে আৰু আমি সেই খেলখনত আৰু কিছু লোকক চেষ্টা কৰিব পাৰোঁ।
ৰোহিতৰ মন্তব্যৰ পৰা এনে লাগিছে যে অলৰাউণ্ডাৰ অৰ্জুনে পৰৱৰ্তী মেচখনত মুম্বাই ইণ্ডিয়ানছৰ প্লেয়িং ইলেভেনত সুযোগ পাব পাৰে। অৰ্জুন তেণ্ডুলকাৰক পাঁচবাৰৰ চেম্পিয়ন মুম্বাই ইণ্ডিয়ানছে যোৱা ছিজনতো ২০ লাখ টকাত ক্ৰয় কৰিছিল, কিন্তু তেওঁ কোনো মেচ খেলিবলৈ সুযোগ পোৱা নাছিল আৰু এই ছিজনতো তেওঁৰ ক্ষেত্ৰতো একেই ঘটিছে। ৰোহিতৰ বক্তব্যৰ বাবে অৰ্জুন তেণ্ডুলকাৰে যিকোনো ধৰণে টুইটাৰত ট্ৰেণ্ড কৰা আৰম্ভ কৰিছে। ব্যৱহাৰকাৰীসকলে অনুভৱ কৰিছে যে অৰ্জুনে পৰৱৰ্তী খেলখনত নিশ্চিত আত্মপ্ৰকাশ কৰাৰ সুযোগ পাব।
গোসাঁইগাঁৱৰ শ্ৰীৰামপুৰ আৰক্ষী অভিযানত আটক কৰে পাচলি কঢ়িওৱা এখন গাড়ী ।গাড়ীৰ ভিতৰৰ পৰা উদ্ধাৰ হয় ১৪ টা গৰু মহ।WB 63 B -1388 নম্বৰৰ পাচলি সৰবৰাহ কৰা গাড়ীৰ ভিতৰত আছিল ১৪ টা গৰু – মহ।গাড়ীখনত মুঠ ১৪ টা গৰু – মহ ভৰি বন্ধা থকা অৱস্থাত শিমুলটাপু আৰক্ষীয়ে উদ্বাৰ কৰে ।গাড়ীখনত দহটা মহ – চাৰিটা গৰু আছিল।
গাড়ীখনৰ চালক আমিৰ হুছেইন আৰু সহ চালক অসীম বৰ্মণক ইতিমধ্য আৰক্ষীয়ে গ্ৰেপ্তাৰ কৰে কৰিছে।
বিদ্যুতৰ খুটা কঢ়িয়াই অনা এখন ট্ৰেলাৰে মহতিয়াই নিলে স্কুটী আৰোহীক।বৃহস্পতিবাৰে বিয়লি বৰপথাৰ নগৰৰ হস্পিটেল তিনিআলিত সংঘটিত হৈছে এই দুৰ্ঘটনাটো।স্কুটী চলাই অহা দীপ বৰগোহাঁই নামৰ যুৱকজনৰ এটা ভৰিৰ ওপৰেৰে পাৰ হৈ যায় as 03b 1047 নম্বৰৰ ট্ৰাকখনে টানি লৈ অনা ট্ৰেলাৰ খনৰ চকা।দুৰ্ঘটনাৰ ফলত যুৱকজনৰ বাওঁ ভৰিটো সম্পূৰ্ণৰূপে ভাঙি যায়।বৰপথাৰ মৌজাৰ অন্তৰ্গত দুই নং টেঙানিৰ বাসিন্দা দীপ বৰগোহাঁই মাতৃৰ সৈতে আহিছিল বজাৰ কৰিবলৈ।দুৰ্ঘটনা সংঘটিত কৰিয়েই পলায়ন কৰে ট্ৰেলাৰখনৰ চালক আৰু হেণ্ডিমেনে ততাতৈয়াকৈ ওচৰতে থকা বৰপথাৰ ক্ষুদ্ৰ প্ৰাৰ্থমিক স্বাস্থ্য কেন্দ্ৰলৈ যুৱকজনক লৈ যোৱা হয় যদিও স্বাস্থ্য কেন্দ্ৰটো তলা বন্ধ হৈ আছিল।দিন দুপৰতেজৰুৰীকলীন বিভাগত চিকিৎসক বা চিকিৎসা কৰ্মী নথকা ঘটনাই এতিয়া স্বাস্থ্য বিভাগৰ ফোপোলা স্বৰূপ উদঙাই দিছে।যুৱকজনক উন্নত চিকিৎসাৰ বাবে গোলাঘাটলৈ লৈ যায় পৰিয়ালৰ লোকে।
ইপিনে দুৰ্ঘটনাত সংঘটিত হোৱা ঠাইডোখৰত বৃহস্পতিবাৰৰ দিনটোত সাপ্তাহিক বজাৰ বহাৰ ফলত যথেষ্ট জনসমাগম হয় যদিও আৰক্ষীৰ লোক উপস্থিত নথকাৰ বাবেই এনে ঘটনা সংঘটিত হ’বলৈ পালে বুলি স্থানীয় লোকে প্ৰকাশ কৰিছে।
পদ্মাঝাৰত বানত উটি গৈ মৃত্যু হোৱা লোকৰ পৰিয়ালৰ ঘৰত বিধায়ক পৰমানন্দ ৰাজবংশী।আগবঢ়ালে চৰকাৰী সাহাৰ্য , চাৰি লাখ টকাৰ চেক।মঙ্গলবাৰে সন্ধিয়া পদ্মাঝাৰত বানত উটি গৈছিল কৰুণা কলিতা নামৰ এজন লোক।SDRFৰ তৎপৰতাত উদ্ধাৰ হৈছিল লোকজনৰ মৃতদেহ। আবেলি লোকজনৰ পৰিয়ালৰ ওচৰত উপস্থিত হয় স্থানীয় বিধায়ক ড° পৰমানন্দ ৰাজবংশী।
অতি তাৎক্ষণিক ভাৱে বিধায়ক গৰাকীয়ে মৃত কৰুণা কলিতাৰ পত্নী আৰু পুত্ৰৰ হাতত অৰ্পণ কৰে মুখ্যমন্ত্ৰীৰ সাহাৰ্যৰ চাৰিলাখ টকাৰ চেক।
পশ্চিম দৰঙৰ দিমীলা নদীৰ বানত ক্ষতিগ্ৰস্ত হৈছে প্ৰায় পশিচখনকৈ ৰাজহ গাঁও।ক্ষতিগ্ৰস্ত লোকসকলৰ হৈ যিমান পাৰি সিমান সোনকালে সকলো ব্যৱস্থা গ্ৰহণৰ আস্বাস দিয়ে বিধায়কগৰাকীয়ে।
উত্তৰ লক্ষীমপুৰৰ নিহাৰীকা দত্ত নামৰ মহিলা এগৰাকীয়ে সামাজিক মাধ্যম আপদেটৰ পৰা সংগৃহীত ভিদিঅ৷ ল’ৰাজন কোন চিনি নাপাই বুলি উল্লেখ কৰি সামাজিক মাধ্যমত প্ৰচাৰ কৰিছে যাতে দুধৰ্ষ ব্যক্তিজনে উচিত শাস্তি পায়৷ মানুহক জীৱশ্ৰেষ্ঠ আখ্যা দিয়াৰ পিচতো এনে জীৱৰ ওপৰত অমানৱীয় অত্যাচাৰ চলাই কি শ্ৰেষ্ঠতা দেখুৱাব খুজিছে৷
সুন্দৰ ভাৱে নিজৰ কামত ব্যস্ত থকা কুকুৰটোৱে কাকো একো হানি নকৰাকৈ বহি থকা সেই জীৱটোক এনে ব্যৱহাৰ কিয় কৰিলে ল’ৰাজনে ? ইয়াৰ বিচাৰ ৰাইজৰ হাতত৷
দুমুনিচকীৰ বদিয়াসিঁচাত নিৰ্মীয়মান অৱস্থাত থকা কামাখ্যা বায়ুফিউলচ প্ৰকল্পত এক অঘটন সংঘটিত হয়।প্ৰকল্পটোৰ বৃহৎ কণ্টেইনাৰ কঢ়িয়াই থকাৰ সময়তে চাৰিগৰাকীকৈ থলুৱা শ্ৰমিক বিদ্যুৎস্পৃষ্ট হয়।
বিদ্যুৎস্পৃষ্ট হোৱা শ্ৰমিক চামচুল আলী (৪৮), কুশেশ্বৰ বৰুৱা(৫০), হিতেশ্বৰ বৰুৱা(৫৫) যাদব বৰুৱা(৪৭)ক সংকটজনক অৱস্থাত গুৱাহাটী চিকিৎসা মহাবিদ্যালয় হস্পিতাললৈ প্ৰেৰণ কৰা হৈছে।।
মৰিয়নি নকছাৰি দেবেৰাপাৰা চাৰি আলিৰ দিশৰ পৰা মৰিয়নী দিশে গৈ থকা এখন বলেৰ’ পিকআপ নিয়ন্ত্ৰণ হেৰুৱাই দুৰ্ঘটনাত পতিত হয়। পথৰ ওপৰত বাগৰি পৰা বাহন খনত ৰাজৈ চাহ বাগিচাৰ পৰা ৩৫ জনকৈ শ্ৰমিকক কঢ়িয়াই আনিছিল বলৰ বাহন খনে। দুৰ্ঘটনাস্থলীত ৩ খনকৈ ১০৮ জৰুৰীকালীন এম্বুলেন্স সেৱাৰ সহায়ত আহত লোক সকলক সংকটজনক অৱস্থাত দেবেৰাপাৰ মহাত্মাগান্ধী আদৰ্শ হস্পিতালত ভৰ্ত্তি কৰোৱা হয়। অতি সংকটজনক ৮ জন শ্ৰমিকক যোৰহাট চিকিৎসা মহাবিদ্যালয়লৈ প্ৰেৰণ কৰা হৈছে৷
আনহাতে বলেৰ বাহন খনৰ চালকে সুৰাৰ ৰাগীত মাতাল হৈ গাড়ী চলোৱাৰ বাবে দুৰ্ঘটনা সংঘটিত হোৱা বুলি জানিবলৈ দিয়ে।
