পিছুৱাই দিয়া হ’ল গুৱাহাটী পৌৰ নিগমৰ নিৰ্বাচন। ২২ এপ্ৰিলত অনুষ্ঠিত হ’ব গুৱাহাটী পৌৰ নিগমৰ নিৰ্বাচন। পূৰ্বে ১৯ এপ্ৰিলত অনুষ্ঠিত হোৱা কথা আছিল নিৰ্বাচন। আনহাতে ২৪ এপ্ৰিলত অনুষ্ঠিত হ’ব নিৰ্বাচনৰ ভোটগণনা।
পূৰ্বৰ তাৰিখ অনুসৰি ২১ এপ্ৰিলত আছিল ভোটগণনাৰ তাৰিখ। বিহুৰ বাবে দিন সলনি কৰা হৈছে নিৰ্বাচনৰ। উল্লেখ্য যে, বিহুৰ বাবে নিৰ্বাচনৰ দিন পিছুৱাবলৈ অনুৰোধ জনাইছিল বিজেপিয়ে।
অসমৰ কেইবাখনো জিলাৰ পৰা আঁতৰিল সামৰিক বাহিনীৰ বিশেষ ক্ষমতা আইন (AFSPA)। অসমৰ ২৩ জিলাৰ পৰা সম্পূৰ্ণৰূপে প্ৰত্যাহাৰ সামৰিক বাহিনীৰ বিশেষ ক্ষমতা আইন। আনহাতে ৯ জিলাত আৰু এটা মহকুমাত বাহাল থাকিব এই সামৰিক বাহিনীৰ বিশেষ ক্ষমতা আইন। সেই জিলা কেইখন হৈছে- যোৰহাট, গোলাঘাট, শিৱসাগৰ, চৰাইদেও, তিনিচুকিয়া, ডিব্ৰুগড়, পশ্চিম কাৰ্বি আংলং, পূৱ কাৰ্বি আংলং, ডিমা হাছাও জিলা।
আনহাতে লক্ষিপুৰ মহকুমাত বাহাল থাকিব সামৰিক বাহিনীৰ বিশেষ ক্ষমতা আইন। ইপিনে বাক্সা, ওদালগুৰি, কৰিমগঞ্জ, হাইলাকান্দি, কোকৰাঝাৰ, চিৰাং, ধেমাজি, লক্ষীমপুৰ, মাজুলী, বিশ্বনাথ, শোণিতপুৰ, নগাওঁ, হোজাই, মৰিগাওঁ, দৰং, নলবাৰী, বঙাইগাওঁ, ধুবুৰী, দ:শালমাৰা, গোৱালপাৰা, বৰপেটা, কামৰূপ, কামৰূপ মেট্ৰ পৰা সম্পূৰ্ণ ৰূপে প্ৰত্যাহাৰ AFSPA আইন। কাৰ্বি আংলং আৰু উজনী অসমৰ কেইখন মান জিলাত উগ্ৰপন্থীৰ সমস্যা এতিয়া সমাধান হোৱা নাই বাবেই এই আইন বাহাল ৰখা হৈছে। প্ৰধানমন্ত্ৰীক কৃতজ্ঞতা জ্ঞাপন কৰি সংবাদমেলযোগে এই কথা সদৰি কৰে মুখ্যমন্ত্ৰী হিমন্ত বিশ্ব শৰ্মাই।
উল্লেখ্য যে, ১৯৯০ চনৰ পৰা এই আইন বলবৎ হৈ আছিল। বৃহস্পতিবাৰে কেন্দ্ৰীয় গৃহ মন্ত্ৰী অমিত শ্বাহে টুইট যোগে সদৰি কৰে যে, অসম, নাগালেণ্ড আৰু মণিপুৰত সেনা বাহিনীৰ বিশেষ ক্ষমতা আইনৰ অধীনত থকা অশান্ত জৰ্জৰ অঞ্চলৰ পৰিসৰ হ্ৰাস কৰাৰ বাবে কেন্দ্ৰ চৰকাৰে সিদ্ধান্ত গ্ৰহণ কৰিছে। সেই সিদ্ধান্তৰ পাছতে অসমৰ মুখ্যমন্ত্ৰী হিমন্ত বিশ্ব শৰ্মাই এক সংবাদমেল যোগে এই সন্দৰ্ভত সবিশেষ তথ্য দাঙি ধৰে।
য়েহ নহী, ৱো।
-লেকিন আপতো হমেছা য়েহী লেতী থী..
মনত পৰিছেনে কিবা? ‘৯০ৰ দশকৰ দূৰদৰ্শনৰ এটা ক্লাছিক বিজ্ঞাপনৰ এইবাৰ পুনৰ নিৰ্মাণ কৰা হৈছে। ঢকঢকীয়া বগা শাড়ী পৰিপাটিকৈ পিন্ধি গাড়ীৰ পৰা নামি গৈ দিপীকা চিখলিয়াই দোকানত নিৰ্মা ছুপাৰ ডিটাৰজিণ্ট বিচৰা জনপ্ৰিয় বিজ্ঞাপনটো সময়ৰ লগে লগে সকলোৱে পাহৰিছিলোঁ। সেইটোকে পুনৰ নিৰ্মাণ কৰা হৈছে এইবাৰ ক্ৰেডিটকাৰ্ড মেনেজমেণ্ট প্লেটফ’ৰ্ম ক্ৰেডৰ বিজ্ঞাপনৰ বাবে। এইবাৰ বিজ্ঞাপনটোত দেখা গৈছে কৰিশ্মা কাপুৰক।
নিৰ্মাৰ মূল বিজ্ঞাপনটোৰ সেই গোটেই পৰিৱেশ, বাক্য, ধাৰা একেই ৰখা হৈছে। প্ৰায় ৩০ বছৰ পুৰণি সেই বিজ্ঞাপনটো মনত পৰাত যিসকল নষ্টালজিক হৈছে তেওঁলোকৰ ভিতৰত ময়ো এজন। মুম্বাই পুলিচেও পথত ছাইবাৰ ছিকিউৰিটীৰ সজাগতা আনিবলৈ সেই পুৰণি বিজ্ঞাপনটোৱে ব্যৱহাৰ কৰা বুলি আজি পালোঁ। বৰ স্মৃতিকাতৰ মই। ইয়াৰ পাছতে গুগলত সেই সময়ৰ দূৰদৰ্শনৰ জনপ্ৰিয় তথা ক্লাছিক এডভাৰটাইজ বিচাৰি আজি ভালেখিনি সময় তাকেই উপভোগ কৰিলোঁ। সঁচাকৈ, ‘৯০ৰ সময়ছোৱা কিবা বেলেগেই আছিল। দূৰদৰ্শনৰ সোণালী সময় আছিল। সেই সময়ৰ বিজ্ঞাপনবোৰো উপভোগ কৰিবলগীয়াই আছিল।
ভাৰত চৰকাৰৰ পৰিবেশ আৰু জলবায়ু পৰিৱৰ্তন মন্ত্ৰালয়ৰ অধীনত অসম বিজ্ঞান প্ৰযুক্তিবিদ্যা আৰু পৰিবেশ পৰিষদ সৌজন্যত উত্তৰ পূৰ্বাঞ্চলৰ অন্যতম আগশাৰীৰ বেচৰকাৰী সংস্থা এছিয়ান মিছন ইনষ্টিটিউটৰ উদ্যোগত বৰপেটা জিলাৰ বাঘবৰ পাহাৰৰ দাঁতিতে থকা মৰাভাজ বজাৰত স্বচ্ছতা একছন প্লেন কাৰ্যসূচীৰ সফল ৰূপায়ন কৰা হয়। তদুপলক্ষে ৰাতিপুৱা ৯.০০ বজাত জনকল্যাণ জাতীয় বিদ্যালয়ত প্ৰধান শিক্ষক শ্ৰীযুত গীয়াছ উদ্দিনৰ পৌৰহিত্যত এখন সজাগতা সভা অনুষ্ঠিত হয়। উক্ত সভাত উপস্থিত থাকি প্লাষ্টিক ব্যৱহাৰৰ ভয়াবহতা, পৰিবেশ প্ৰদূষণ আৰু বৃক্ষৰোপনৰ প্ৰয়োজনীয়তা সম্পৰ্কে বক্তব্য আগবঢ়ায় ক্ৰমে বিজ্ঞান শিক্ষক ক্ৰমে শ্ৰীযুত আশ্রফুল ৰহমান আৰু আজাহাৰুল ইছলাম, এছিয়ানৰ সমন্বয়ক এডভোকেট মেহবুব শ্বহীদ, সহ:শিকয়ত্ৰী এছমিনা পাৰবিন আদি কৰি ভালে সংখ্যক স্হানীয় গন্য-মান্য ব্যক্তিয়ে।
ইয়াৰ পিছত ছাত্ৰ ছাত্ৰী সকলে প্লাস্টিক বৰ্জন, বৃক্ষৰোপনৰ বিভিন্ন শ্লোগান সম্বলিত প্লেকাৰ্ড প্ৰদৰ্শনেৰে শিক্ষকবৃন্দ আৰু স্হানীয় ৰাইজৰ উপস্থিতিত মৰাভাজ বজাৰৰ মাজৰে সজাগতা শোভাযাত্ৰা, বাটৰ নাট প্ৰদৰ্শন কৰি শেষত মৰাভাজ বজাৰৰ প্লাষ্টিক সমুহ পৰিস্কাৰ কৰা পৰিলক্ষিত হয়। সদৌশেষত জনকল্যাণ জাতীয় বিদ্যালয়ৰ চৌহদত শিক্ষক শিক্ষয়িত্ৰী আৰু ছাত্র ছাত্ৰী সকলৰ দ্বাৰা বৃক্ষৰোপন কাৰ্যসূচী ৰূপায়ণ কৰা হয়। আজিৰ এই অনুষ্ঠানৰ আত ধৰে এছিয়ান মিছন ইনষ্টিটিউটৰ উপ-সভানেত্ৰী বৰষা পাঠক আৰু সম্পাদক দিপাংকৰ দাসে । উল্লেখ্য যে এছিয়ান মিছন ইনষ্টিটিউটৰ উদ্যোগত অনুষ্ঠিত এই কাৰ্য্যসূচীক স্হানীয় ৰাইজে ভূয়সী প্ৰশংসা কৰে।
বিৰোধী দলপতি দেবব্ৰত শইকীয়াই ছিদ্দেক আহমেদৰ ওপৰত ব্যবস্থা ল’বলৈ সভাপতিলৈ পত্ৰ প্ৰেৰণ ।
কংগ্ৰেছ দলৰ ২৫ জন বিধায়কে ৰিপুন বৰাক ভোট দিছে। ৰহা আৰু পশ্চিম কৰিমগঞ্জৰ বিধায়কে ভোট দিয়া নাই। ৰহাৰ বিধায়ক শশীকান্ত দাসে বিজেপিক ভোট দিছে। দক্ষিণ কৰিমগঞ্জৰ বিধায়ক ছিদ্দেক আহমেদে ভোট দিলে বিজেপিৰ সমৰ্থনত
শশীকান্ত দাসৰ ভোট বাতিল কৰিবলৈ নিৰ্বাচন আয়োগক জনাব। পশ্চিম কৰিমগঞ্জৰ বিধায়ক ছিদ্দিক আলী আহমেদৰ বিধায়ক পদ বাতিল কৰা হ’বএ আই ইউ ডি এফ দলৰ ১৫ জন বিধায়কে ৰিপুন বৰাক ভোট দিলে বিজয়ী হব। অখিল গগৈ আৰু মনোৰঞ্জন তালুকদাৰ আমাৰ পক্ষত আছে।
বিৰোধী দলপতি দেবব্ৰত শইকীয়াই ছিদ্দেক আহমেদৰ ওপৰত ব্যবস্থা ল’বলৈ সভাপতিলৈ পত্ৰ প্ৰেৰণ। পত্ৰত দেবব্ৰত শইকীয়াই ছিদ্দেক আহমেদে One লিখা বুলি উল্লেখ কৰিছে ।আনহাতে মুখ্যমন্ত্রী হিমন্ত বিশ্ব শৰ্মাই সংবাদ মাধ্যমৰ আগত জনোৱা মতে, কংগ্ৰেছৰ ৭ টা ভোট পৰিছে মিত্ৰজোঁটৰ পক্ষত । এই কথা পীযুষ হাজৰিকা আৰু দিগন্ত কলিতাই তেওঁক জনাইছে ।
মুখ্যমন্ত্ৰীয়ে লগতে কয় যে ৯-১০টা ভোটৰ ব্যৱধানত জয়ী হ’ব মিত্ৰজোঁটৰ প্ৰাৰ্থী। কংগ্ৰেছৰ দুজন বিধায়কে বেলট ফলাৰ উপৰি এজনে আখৰেৰে ‘one’ লিখিছে বুলি তেওঁ উল্লেখ কৰে ।বিধায়ক ছিদ্দেক আহমেদক দল বিৰোধী কাৰ্যৰ বাবে দলৰ প্ৰাথমিক সদস্যৰ পৰা নিলম্বন কৰিছে। নিলম্বন পাছত প্ৰথম প্ৰতিক্ৰিয়া প্ৰকাশ কৰি ছিদ্দিক আহমেদে কয় “মই কোনো ধৰণৰ ভুল কৰা নাই। পৃথ্বিৰাজ সাথে আৰু বিধায়ক কমলাক্ষ দে পুৰকায়স্থৰ শত্ৰুতাৰ বলি হলো মই”।
পশ্চিম গুৱাহাটীৰ অসম-মেঘালয় সীমান্তৰ গাতে লগা নতুন ৰাণীৰ পৰা জালুকপাহামলৈ স্বাধীনতাৰ ৭৫ বছৰ পাছত প্ৰথমবাৰৰ বাবে নির্মাণ হৈ আছে এটি নতুন পৰিৱেশ অনুকূল পথ। পশ্চিম গুৱাহাটী সমষ্টিৰ বিধায়ক ৰমেন্দ্ৰ নাৰায়ণ কলিতাৰ বিশেষ উদ্যোগত ‘প্রধানমন্ত্রী গ্ৰামীণ চড়ক যোজনা’ চমুকৈ পি এম জি এছ বাই আঁচনিৰ অধীনত নতুন বাণীৰ পৰা জালুক পাহামলৈ ১৯.৮৮ কৌটি টকা ব্যয়েৰে নিৰ্মাণ কৰি থকা ২৪.২ কিঃমিঃ দৈৰ্ঘ্যৰ পথছোৱা নির্মাণ সম্পূর্ণ হলে অসম-মেঘালয় সীমান্তৰ এক বৃহৎ অঞ্চলৰ – নৰলিং , আমৰিং , কণ্ঠমপাহাম , ডুমোপাহাম , ভালুকখোৱা , কায়ংপথাৰ , জালুকপাহাম নতুনবস্তি , পুৰাণগাঁও , মাতাং আদিকে ধৰি মেঘালয় সীমান্তৰ প্ৰায় ২৫ খন গাঁৱৰ ৰাইজৰ পথ যোগাযোগৰ ক্ষেত্ৰত নতুন দিগন্তৰ সূচনা হব । ভাৰত চৰকাৰৰ গ্ৰাম্য উন্নয়ন মন্ত্রালয়ৰ অধীনৰ পুঁজিৰে অসম চৰকাৰৰ লোকনিৰ্মাণ পথ বিভাগৰ পশ্চিম গুৱাহাটী ক্ষেত্ৰীয় পথ সংমণ্ডলৰ অধীনত নিৰ্মাণ হৈ থকা পথছোৱা মুঠ বহল হব ৬ মিটাৰ । ইয়াৰে ৩.৭৫ মিটাৰ অংশ পৰিবেশ অনুকূল পেভাৰ ব্লকৰে নিৰ্মাণ কৰা হব । পথ নিৰ্মাণ কাৰ্যৰ তদাৰক কৰি থকা পশ্চিম গুৱাহাটী ক্ষেত্ৰীয় পথ উপ সংমণ্ডলৰ ( ৩ ) সহকাৰী কাৰ্যবাহী অভিযন্তা কুশল কাকতিয়ে জানিবলৈ দিয়া মতে পৰিবেশ অনুকূলভাবে নিৰ্মাণ কৰিবলগীয়া হোৱা আৰু বনাঞ্চলৰ মাজৰ পাহাৰীয়া ঠাইৰ মাজেৰে যথেষ্ট প্ৰতিকূল পৰিস্থিতিৰ সতে যুঁজি পথছোৱাৰ নিৰ্মাণ কাৰ্য অব্যাহত ৰাখিব লগা হৈছে । বৰ্তমান প্ৰায় ১২ কিঃমিঃ অংশৰ পাহাৰৰ মাটি কটা কাম শেষ হৈছে ।
বিশেষকৈ পূৰ্বতে মেঘালয় সীমান্তৰ দাঁতিয়েদি যোৱা দক্ষিণ ৰাণীৰ পৰা গণপতি, নৰ্লং, নাহৰপানী, আমলিং, নুমলিপথাৰ হৈ জালুকৰাহামলৈ যোৱা লুংলুঙিয়া আৰু খৰালিৰ দিনত কেৱল খোজকাঢ়ি যাব পৰা পথছোৱাক লোকনির্মাণ বিভাগৰ প্ৰাককলন অনুসৰি ভৌগোলিক দুর্গমতা , হাতীকে ধৰি বিভিন্ন বনৰীয়া জীৱ-জন্তুৰ ভাবুকি স্বত্ত্বেও পৰিৱেশ অনুকূলভাৱে পথৰ নির্মাণ কার্য অব্যাহত ৰাখিব লগা হৈছে । উল্লেখ্য গড়ভাংগা আৰু ৰাণী বনাঞ্চলকে ধৰি বৃহত্তৰ অঞ্চলটোৰ অসম-মেঘালয় সীমান্তত বাস কৰা পোন্ধৰখনৰো অধিক গাঁৱৰ ৰাইজে অঞ্চলটোক পথ যাতায়তৰে সংযোগ কৰিবলৈ বহু বছৰৰ পৰা স্থানীয় বিধায়ক ৰমেন্দ্ৰ নাৰায়ণ কলিতাক দাবী জনাই আহিছিল। অৱশেষত ৰাইজৰ দাবী অনুসৰি বিধায়ক কলিতাই বনাঞ্চলৰ মাজেৰে পথ নির্মাণত থকা কাৰিকৰী জটিলতা থাকিলেও মুখ্যমন্ত্ৰীৰ জৰিয়তে কেন্দ্ৰীয় বন আৰু পৰিৱেশ মন্ত্ৰালয়কে ধৰি বিভিন্ন মন্ত্ৰালয়ৰ পৰা পথ নিৰ্মাণৰ বাবে সেউজ সংকেত আৰু অনুমতি আদায় কৰে । পথছোৱা প্রথম পর্যায়ত জালুকপাহামৰ মাটাংঙলৈ নিৰ্মাণ কৰা হব । আনহাতে লখৰাৰ সমীপৰ পৰা গড়ভাংগা, নতুন গড়ভাংগা, জালুকপাহামৰ মাতাংঙলৈ একেই আঁচনিৰ অধীনত নিৰ্মাণ হৈ আছে আন এটা পথ ।
আনহাতে ডুমোপাহাম অঞ্চলৰ উদীয়মান যুৱ সমাজকর্মী উদ্ৰেণ ৰংপী , নৰলং , ডুমোপাহাম আৰু কণ্ঠমপাহাম গাঁওৰ গাওঁবুঢ়া ক্ৰমে – লোকেন কিলিং , চার্জন ইংতি , ৱানফৰ মাৰাকে জানিবলৈ দিয়া মতে মাজে সময়ে মেঘালয় আৰক্ষীৰ লোক আহি মেঘালয়ৰ ভিতৰত পথ নিৰ্মাণ কৰা বুলি ঠিকাদাৰ – শ্ৰমিকক বাধা প্ৰদান কৰে যদিও বিভাগে তাত গুৰুত্ব নিদি পথৰ নিৰ্মাণ কাৰ্য অব্যাহত ৰাখিছে । ৰংপীৰ মতে দুয়োটা পথৰ নিৰ্মাণ কার্য সম্পূৰ্ণ হলে ৰাণীলৈ যান-বাহনেৰে পোনপটীয়া যাতায়ত সম্ভব হৈ উঠিব। নিশ্চিতভাৱে পথটো নির্মাণ হোৱাৰ পাছত নয়নাভিৰাম প্ৰাকৃতিক সৌন্দৰ্য্যৰে ভৰপূৰ ৰাজধানী গুৱাহাটীৰ গাতে লগা বৃহত্তৰ অঞ্চলটোত দেশী-বিদেশী পর্যটক , গৱেষকৰ আগমণ হোৱাটো নিশ্চিত। আনহাতে সহকাৰী কাৰ্যবাহী অভিযন্তা কুশল কলিতাই সদৰি কৰা অনুসৰি বিধায়ক ৰমেন্দ্ৰ নাৰায়ণ কলিতাৰ উপৰি লোকনির্মাণ পথ বিভাগৰ গুৱাহাটী মহানগৰ চক্ৰৰ অধীক্ষক অভিযন্তা হেমন্ত দেউৰী ভৰালী , পশ্চিম গুৱাহাটী পথ সংমণ্ডলৰ কাৰ্যবাহী অভিযন্তা জয়ন্ত গোস্বামীকে ধৰি বিভাগীয় অভিযন্তা সকলে মাজে সময়ে আহি পথ নিৰ্মাণ কার্য পৰ্যবেক্ষণ কৰিছে ।
সশস্ত্ৰ সীমা বল চমুকৈ এছ এছ বিয়ে অপৰাধিক আটক কৰাৰ লগতে মাদক দ্ৰব্য আৰু বিস্ফোটক সামগ্ৰি উদ্ধাৰৰ বাবে ব্যবহাৰ কৰা কুকুৰৰ প্ৰশিক্ষন তথা দক্ষতা মূল্যাংকন নিৰুপনৰ আজি সফল সামৰনি পৰে ৷ এছ এছ বিৰ ফ্ৰন্টিয়াৰ গুৱাহাটীৰ অন্তৰ্গত আঠ টা বাহিনীৰ ১৭ টা কুকুৰ আৰু ২৪ গৰাকী কুকুৰ পৰিচালকে অংশ গ্ৰহন কৰে ৷ এই উপলক্ষে গোসাইগাঁও মহকুমাৰ মাটিয়াজুৰি স্থিত এছ এছ বিৰ ৩১ নম্বৰ বাহিনীৰ মুখ্য কাৰ্যালয়ত অনুষ্ঠিত সামৰনি অনুষ্ঠানৰ আতধৰে এছ এছ বিৰ চিকিৎসক ড° ললিত দেউৰীয়ে ৷
অনুষ্ঠানত উপস্থিত এছ এছ বিৰ চিকিৎসক ড° কে কে সিং,এছ কে মন্ডল,চি অ চিৰঞ্জীৱ ভট্টাচাৰ্জী,ড° টি টি হাটজা আৰু উপ নিৰ্দেশক দিব্যৰঞ্জন সিঙে মন্তব্য আগবঢ়ায় ৷ সামৰনি অনুষ্ঠানত প্ৰশিক্ষনত ভাগ লোৱা কুকুৰ কেইটাই তেওলোকৰ পাৰদৰ্শিতা দেখুয়ায় ৷ বিগত ২১ মাৰ্চৰ পৰা আজি লৈকে চলা দহ দিনীয়া প্ৰশিক্ষত তথা দক্ষতা মূল্যাংকন নিৰুপনত শ্ৰেষ্ঠতা প্ৰদৰ্শন কৰা কুকুৰ তথা পৰিচালকক পুৰস্কাৰ তথা মানপত্ৰ প্ৰদান কৰা হয় ৷
চৰাইদেউ জিলাৰ জিলা দণ্ডাধীশ পল বৰুৱাই যোৱা ৩০ মাৰ্চত জাৰি কৰা এক আদেশ যোগে ফৌজদাৰী কাৰ্যবিধি আইনৰ ১৪৪ ধাৰাৰ অধীনত তথা অসম মীন নীতি, ১৯৫৩ আৰু অসম মীন (সংশোধিত) নীতি ২০০৫ অনুসৰি সমগ্র চৰাইদেউ জিলাতে বলবৎ হোৱাকৈ ১ এপ্ৰিল ২০২২ ৰ পৰা ১৫ জুলাই ২০২২ লৈকে মাছৰ প্ৰজনন ঋতুৰ সময়ত বিশেষ ধৰণৰ আৰু বিভিন্ন আকৃতিৰ মাছ ধৰা আৰু মাছৰ জালৰ ব্যৱহাৰৰ ওপৰত কেতবোৰ নিষেধাজ্ঞা আৰোপ কৰিছে।
এই নিষেধাজ্ঞা অনুসৰি চৰাইদেউ জিলাত ১ এপ্ৰিল ২০২২ ৰ পৰা ১৫ জুলাই, ২০২২ লৈকে ৭ ছে:মি: বাৰ/১৪ ছে:মি: তকৈ কম পাহিৰ বৰজাল, মহাজাল, ফাঁচিজাল বা অন্য যিকোনো জাল মাছৰ প্ৰজনন ঋতুৰ সময়ত ঘোষিত মীন মহল বা জলাশয়ত ব্যৱহাৰ কৰা নিষেধ।
লগতে ১ এপ্ৰিল ২০২২ ৰ পৰা ১৫ জুলাই, ২০২২ লৈকে মাছৰ প্ৰজনন ঋতুৰ হোৱা হেতুকে ৰৌ, বাহু, মিৰিকা, মালি, চিতল, খৰিয়া, পিঠিয়া, ঘৰীয়া আৰু কুঢ়ি প্ৰজাতিৰ কণী বা শুক্ৰ থকা গাভিনী মাছ ঘোষিত মীন মহল বা জলাশয়ত ধৰিব বা মাৰিব নোৱাৰিব।
তদুপৰি, ১ এপ্ৰিল ২০২২ ৰ পৰা ১৫ জুলাই, ২০২২ লৈ কোনো নদী, ডোবা, বিল বা মীন মহলত ৭ বৰ্গ ছে:মি: তকৈ সৰু ফাঁকৰ “অস্থাৱৰ বানা” (বাঁহেৰে তৈৰাৰী মাছ ধৰা সঁজুলি) মাছ ধৰাৰ বাবে ব্যৱহাৰ কৰিব নোৱাৰিব ।
এই নিষেধাজ্ঞা সমগ্ৰ জিলাখনতে তৎকালে বলৱৎ হোৱাৰ লগতে পৰৱৰ্তী ৬০ দিনৰ বাবে বাহাল থাকিব। এই আদেশ ভংগ কৰিলে আদেশ ভংগকাৰীৰ বিৰুদ্ধে ভাৰতীয় দণ্ডবিধি আইনৰ ১৮৮ ধাৰাৰ অধীনত শাস্তিমূলক ব্যৱস্থা গ্ৰহণ কৰা হ’ব।
আৰআৰআৰ বক্স অফিচ সংগ্ৰহৰ দিন ৬: এছ এছ ৰাজামৌলীৰ পৰিচালনা ২০০ কোটি টকাৰ দিশে আগবাঢ়ি যোৱাৰ বাবে অপ্ৰতিৰোধ্য যেন লাগিছে। জে আৰ এন টি আৰ-ৰাম চৰণ ছবিখনে বুধবাৰে প্ৰায় ১৪ কোটি টকা সংগ্ৰহ কৰিছিল।এছ এছ ৰাজামৌলীপৰিচালিত আৰআৰআৰে বক্স অফিচত ইয়াৰ উৰ্ধমুখী সুইং অব্যাহত ৰাখিছে। ই ইতিমধ্যে বাহুবলী: দ্য কনক্লুচনৰ প্ৰথম দিনৰ ঘৰুৱা বক্স অফিচ সংগ্ৰহৰ অভিলেখ ভংগ কৰিছে, আৰু দিন যোৱাৰ লগে লগে জুনিয়ৰ এনটিআৰ-ৰাম চৰণ চলচ্চিত্ৰখনে নতুন উচ্চতা অৰ্জন কৰি আছে।বক্স অফিচ ইণ্ডিয়াৰ এক প্ৰতিবেদন অনুসৰি, ৰাম চৰণ আৰু জুনিয়ৰ এনটিআৰ অভিনীত ছবিখনে বুধবাৰে প্ৰায় ১৩.৫-১৪ কোটি টকা সংগ্ৰহ কৰে আৰু ইয়াৰ হিন্দী সংগ্ৰহ প্ৰায় ১২০ কোটি টকাৰ নেট সংগ্ৰহ কৰে।বক্স অফিচ ইণ্ডিয়াই জনোৱা অনুসৰি বক্স অফিচত মহাকাব্যিক নাটকখনৰ প্ৰথম সপ্তাহত চলি থকা প্ৰায় ১৩২ কোটি টকা বন্ধ হোৱাৰ সম্ভাৱনা আছে।
আৰ.আৰ.আৰ.-য়ে বিবেক অগ্নিহোত্ৰীৰ বিতৰ্কিত চলচ্চিত্ৰ দ্য কাশ্মীৰ ফাইলছক শক্তিশালী ভাৱে অনুসৰণ কৰিব বুলি আশা কৰা হৈছে, কিয়নো বাণিজ্য বিশ্লেষকসকলে আশা কৰিছে যে এই সুবিধাটোৱে অতি সোনকালেই 200 কোটি টকাৰ আকাংক্ষিত সীমা অতিক্ৰম কৰিব। আৰ.-য়ে গুজৰাট, দিল্লী, উত্তৰ প্ৰদেশ আৰু থানেৰ দৰে ক্ষেত্ৰত ভাল ব্যৱসায় কৰি আছে।
ৰিণিমা বেগম হত্যাকাণ্ডঃ বৰপেটা মেডিকেল কলেজ হস্পিটালৰ চিকিৎসকসহ ৬ জনক গ্ৰেপ্তাৰ ৷১জন পলাতক ৷
১৩ লাখ টকাত ৰিণিমা হত্যাৰ চুপাৰী ৷৮ মাহ পূৰ্বে হত্যাৰ পৰিকল্পনা ৷ৰবিয়াল আলীয়ে হত্যা কৰিছিল ৰিণিমাক ৷
হত্যাকাণ্ডৰ সৈতে জুম্মা জৰিত থকাৰ কোনো প্ৰমান পোৱা নাই আৰক্ষীয়ে ৷ হত্যাৰ অভিযোগত জুম্মাক গ্ৰেপ্তাৰ কৰিছিল আৰক্ষীয়ে ৷
বৰপেটা আৰক্ষীৰ বৃহৎ সাফল্য ৷ বৰপেটাৰ যুৱতী অধিবক্তা ৰিণিমা বেগম হত্যাকাণ্ডৰ ৰহস্য ফাদিল ৷
হত্যাৰ ১০ দিনৰ ভিতৰতেই হত্যাকাণ্ডৰ ৰহস্য ফাদিল বৰপেটা আৰক্ষীৰ ৷
বৰপেটাৰ আৰক্ষী অধীক্ষক অমিতাভ সিনহাই সংবাদমেল যোগে সদৰি কৰিলে ৰিণিমা বেগম হত্যাৰ তদম্তৰ সকলো ৰহস্য ৷
বৰপেটাৰ আৰক্ষী অধীক্ষকৰ মতে-
ভূমিক লৈ সৃষ্ট সংঘাতৰ বাবেই হত্যাৰ বলি হবলগীয়া হ’ল ৰিণিমা বেগম ৷
২০১৯ চনত ৰিণিমা বেগমৰ পৰা ৫ বিঘা মাটি ক্ৰয় কৰিচিল ডাঃ মকদম আলীয়ে ৷ তাৰবাবে আগধন হিচাপে ১ কোটি ১৩ লাখ টকা আদায় দিয়াৰ পিচত ৰিণিমা বেগমে আন লোকৰ ওচৰত মাটিখিনি বিক্ৰীৰ চেষ্টা চলায় ৷ বাৰম্বাৰ অনুৰোধৰ পিচতো মাটি চমজাই নিদিলে ডাঃ মকদম আলীক ৷
আনকি বিষয়টোক লৈ আদালতৰ কাষ চপা ডাঃ মকদম আলীৰ বিৰুদ্ধে ওলোটাৰৈ গোচৰ ৰুজু কৰিছিল ৰিণিমাই ৷
পিছে আদালতে ৰায়দান কৰাৰ পূৰ্বেই ডাঃ মকদম আলীয়ে খুলশালীয়েক মহিবুল হক ওৰফে মনিৰ সৈতে লগলাগি ৰিণিমাক হত্যাৰ ব্লুপ্ৰিন্ট ৰচনা কৰি অৱশেষত সেয়া কাৰ্যত ৰূপায়ন কৰা হয় ৷
আৰক্ষী অধীক্ষকগৰাকীয়ে জনোৱা মতে, ডাঃ মকদম আলীৰ খুলশালীয়েক মহিবুল হকৰ জৰিয়তে ১৩ লাখ টকাৰ বিনিময়ত ৰিণিমা হত্যাৰ চুপাৰী লৈছিল ৰকিবুল ইছলামে ৷
প্ৰায় ৮ মাহ পূৰ্বে ৰকিবুল ইছলামে ১৩ লাখ টকাত ৰিণিমা হত্যাৰ চুপাৰী লৈ আব্বাছ আলীক হত্যাকাৰী বিচৰাৰ ভাৰ দিয়ে ৷
সেইমতে আব্বাছ আলীয়ে ৰবিয়াল আলীক হত্যাৰ দায়িত্ব দিয়ে ৷
উক্ত পৰিকল্পনা অনুসৰিয়েই ২১ মাৰ্চৰ সন্ধিয়া ৰকিবুল, আব্বাছ, ৰফিকুল ইছলাম আৰু মুস্তাফ আলীৰ সহযোগত ৰবিয়াল আলিয়ে চোকা অস্ত্ৰৰে হানি ৰিণিমা বেগমক হত্যা কৰিছিল ৷
ইতিমধ্যে ভেলেঙী নদীত ডুবাৰু নমাই হত্যাত ব্যৱহৃত চোকা অস্ত্ৰখনো উদ্ধাৰ কৰিবলৈ সক্ষম হৈছে আৰক্ষীয়ে ৷ ইতিমধ্যে ৰিণিমা বেগম হত্যাৰ অভিযোগত বৰপেটা মেডিকেল কলেজ হস্পিটালৰ চিকিৎসক ডাঃ মকদম আলী, খুলশালীয়েক মহিবুল হক, ৰবিয়াল আলী, আব্বাছ আলী, ৰকিবুল ইছলাম, মুস্তাব আলীসহ মুঠ ৬ জনক গ্ৰেপ্তাৰ কৰিছে আৰক্ষীয়ে ৷
অবশ্যে হত্যাকাণ্ডটোৰ আন এজন অভিযুক্ত পাঠশালাৰ ৰফিকুল আলি এতিয়াও পলাতক হৈ আছে ৷
ইপিনে আৰক্ষী অধীক্ষক অমিতাভ সিনহাই জনোৱামতে ৰিণিমা হত্যাৰ পিচতে ৰিনিমাৰ জ্যেষ্ঠ ভগ্নীৰ অভিযোগৰ ভিত্তিত আব্দুৰ ৰহমান ওৰফে জুম্মা নামৰ এজন লোকক গ্ৰেপ্তাৰ কপিছিল আৰক্ষীয়ে ৷ সম্প্ৰতি ১০ দিনৰ আৰক্ষী জিম্মাত থকা জুম্মা হত্যাকাণ্ডটোৰ সৈতে কোনো ধৰনে জৰিত থকা নাই আৰক্ষীয়ে ৷ জুম্মাৰ নিৰ্দোষিতাৰ বিষয়ে আৰক্ষীয়ে আদালতক জনাব বুলি সদৰি কৰে আৰক্ষী অধীক্ষক অমিতাভ সিনহাই ৷
