অসমৰ অন্যতম সাংস্কৃতিক অনুষ্ঠান এড্যু কালচাৰেল পইন্টৰ উদ্যোগত আৰু সৰভোগৰ বৰনগৰ মাঘী উৎসৱত  যোৱা ১৯ ফেব্ৰুৱাৰীত অসমৰ অন্যতম বিহু ঢুলীয়া শিল্পী চামতাৰ জিতেন বর্মনক  নামনি বিহুৰত্ন প্রদান কৰা হয়৷ যি গৰাকী বিহু ঢুলীয়া শিল্পীক এইবেলি নামনি বিহুৰত্ন বঁটা প্রদান কৰিলে তেখেতে অসমৰ বিভিন্ন বিহু মঞ্চত বিহু হুচৰী দলৰ উপৰিও অকলে বিহু ঢোল বজাই অসমৰ মানুহক আকর্ষিত কৰিছিল ৷ নলবাৰী জিলাৰ যিটো বিহু হুচৰী দলত জিতেন বর্মনে বিহু ঢোল বজাইছিল সেই দলটোৰ পৰিবেশন চোৱাৰ বাবে আজিৰ পৰা দুই দশকৰ আগতে মানুহে অপেক্ষা কৰিছিল ,কাৰন জিতেন বর্মনৰ লগত সমানে ঢোল বজোৱা ঢুলীয়া হয়টো উজনী বিহুহুচৰী দলতো নাছিল ৷

তেখেতৰ সুন্দৰ ঢোল বজোৱা দৃশ্য আজিও অসমৰ মানুহৰ মনত ৰৈ আছে ৷গতিকে এইবেলি নামনি বিহুৰত্ন  বঁটা চামতাৰ জিতেন বর্মনক প্রদান কৰাত অঞ্চলটো গৌৰাম্বিত হৈ পৰা দেখা যাই ৷ বর্তমানো জিতেন বর্মনে ঢোল বজোৱা চর্চা অব্যাহত ৰাখিছে ৷ অসমৰ বিভিন্ন যুৱক যুৱতীক বিহু ঢোলৰ প্রশিক্ষন দিয়াৰ উপৰি  বহাগ বিহুৰ সময়ত বিভিন্ন বিহুত অনুষ্ঠিত হোৱা বিহুনৃত্য ,ঢোলবাদন ,হুচৰী প্রতিযোগিতাৰ বিচাৰক হিচাপে আমন্ৰীত অতিথি হিচাপে উপস্থিত থাকিও চর্চা অব্যাহত ৰাখিছে ৷এই বেলি নামনি বিহুৰত্ন ২০২২ বঁটা হিচাপে জিতেন বর্মনলৈ আগবঢ়াই ফুলাম জাপি, চেলেং, মানপত্র ,নগদ ধন আদি ৷ এইবেলি  নামনি অসমৰ নামনি বিহুৰত্ন বঁটাতো উপযুক্ত শিল্পীয়ে লাভ কৰা বুলি একাংশ সাংস্কৃতিক লোকে উল্লেখ কৰে ৷

মাৰ্ঘেৰিটা বিধানসভা সমষ্টিৰ অন্তৰ্গত বিভিন্ন ঠাইত দিহিং আৰু টিৰাপ নৈয়ে সৄষ্টি কৰা বান আৰু গৰাখহনীয়া সমস্যাৰ লগতে বিভিন্ন জলন্ত সমস্যাৰ স্থায়ী সমাধানৰ দাবীত অসম জাতীয়তীবাদী যুৱ-ছাত্ৰ পৰিষদৰ মাৰ্ঘেৰিটা আঞ্চলিক সমিতিয়ে এক বিক্ষোভ কাৰ্যসূচী হাতত লয়। ছাত্ৰ সংগঠনটোৰ শতাধিক কৰ্মীয়ে মাৰ্ঘেৰিটা নগৰৰ মাজমজিয়াত হাতে হাতে বিভিন্ন শ্ল’গান সম্বলিত পষ্টাৰ, বেনাৰ আদি লৈ তীব্ৰ প্ৰতিবাদ সাব্যস্ত কৰে।

প্ৰতিবাদকাৰী সকলে দিহিং আৰু টিৰাপ নৈয়ে সৄষ্টি কৰা বান আৰু গৰাখহনীয়া সমস্যাৰ সমাধান কৰক, বিজেপিৰ চৰকাৰ হায়! হায়! অসম চৰকাৰ মুৰ্দাবাদ আদি শ্ল’ গানেৰে মাৰ্ঘেৰিটা নগৰ উত্তাল কৰি তুলে। বানপানী আৰু গৰাখহনীয়া সমস্যা অনতিপলমে সমাধান কৰিবলৈ ছাত্ৰ সংগঠনটোৱে বিভাগীয় কৰ্তৃপক্ষলৈ তথা চৰকাৰলৈ দাৱী জনাইছে। অন্যথা সংগঠনটোৱে চৰকাৰ বিৰোধী তীব্ৰ গণতান্ত্ৰিক আন্দোলনৰ কাৰ্যসূচী গ্ৰহণ কৰিবলৈ বাধ্য হব বুলি হুংকাৰ প্ৰদান কৰিছে। 

সময়ৰ সোঁতত লুকাই গৈছে বহু প্ৰতিভাৰ অন্তৰংগ। এজন হস্তশিল্প তথা গায়ক । আজি আমি আপোনালোকক এনে এজন খুবেই দৰিদ্ৰ ব্যক্তিৰ সৈতে চিনাকি কৰাই দিব ওলাইছোঁ, যিজন ব্যক্তিৰ আছে এনে বহু প্ৰতিভা । সততে বহুতে ভাৱে গান গায় ভাইৰেল হৈ পৰা গীতিকাৰ বোৰকেই শিল্পী বুলি কয় । কিন্তু আপুনি ভৱাটো মুঠেই সমোচিত নহয় । শিল্পী হ’ল ড° ভূপেন হাজৰিকা, অৰ্চনা মহন্ত, খগেন মহন্ত, জয়ন্ত হাজৰিকা, জুবিন গাৰ্গ, জ্যোতিপ্ৰসাদ আগৰৱালা, বিষ্ণুপ্ৰসাদ ৰাভা, দীপালী বৰঠাকুৰ আৰু বহু ন-পুৰনি। এওলোকৰ সমাজৰ প্ৰতি থকা অৱদানে চিৰ যুগমীয়া কৰে অসম খনক । সহজ অৰ্থত এওলোকহে শিল্পী । কাৰোবাৰ বাদ্য যন্ত্ৰই , কাৰোবাৰ সুৰে, আকৌ কাৰোবাৰ শিল্প কলাই স্থান পায় বহুতৰে হৃদয় । কিন্তু অসংখ্য গুণ থাকিলেও অৱহেলিত, লাঞ্চিত, বঞ্চিত হয় চৰকাৰৰ পৰা । চিনি নাপায় বহুলোকে । তেনে এজন অতি দৰিদ্ৰতাত নিজৰ শিল্প সত্তাক ধৰি ৰখা এজন শিল্পীক চিনাকী কৰাই দিব লৈছো।

মৰিগাঁও জিলাৰ মিকিৰভেটা অঞ্চলৰ ফলিয়ামাৰি গাওঁৰ বাসিন্দা এও অনন্ত মেধী । বয়স ৭০ উদ্ধৰ। এই ব্যক্তি জনে নিজ হাতেৰে বিভিন্ন মূৰ্তি কাঠেৰে  তৈয়াৰ কৰা উপৰিও বিভিন্ন বাদ্যযন্ত্ৰ ঘৰতেই সাজি ওলায়াইছে । তাৰ উপৰিও তেওঁ ঢোল,খোল,কালি আদিকে ধৰি বিভিন্ন বাদ্যযন্ত্ৰ বোৰ নিজে সঁজা উপৰিও তেওঁ গায়ক হিচাপে পৰিগণিত আছিল এটা সময়ত । নিজ হাতেৰে বনোৱা বাদ্য যন্ত্ৰ লৈয়ে বহুলোক গীত পৰিৱেশন কৰে বহু বেচৰকাৰী অনুষ্ঠানত । পাৰিশ্ৰমীকৰ নামত কেৱল ফুটাকৰী । চৰকাৰী আঁচনীয়ে ঢুকি নাপাই এওঁলোকক। নাই আজিলৈকে চৰকাৰী ঘৰ। বহুবাৰ আবেদন কৰিও নাপালে শিল্পী পেঞ্চন। আছে মাথোঁ কেৱল এটা ভঙা চিঙা জুপুৰি। বোকাতেই পদুম ফুলাৰ দৰেই ফুলি থকা এইজন লোক বাদ্য শিল্পী হেৰাই গৈছে কেৱল মাত্ৰ এটা পপীয়া তৰা হৈ। অজস্ৰ প্ৰতিভা থকাৰ সত্বেও অৱহেলিত আজিও চৰকাৰী অভিলাষী আঁচনিৰ পৰা। এই বাতৰি পঢ়াৰ পিছত এবাৰ দৃষ্টি পৰিবনে ৰজাঘৰীয়াৰ ।