গোলাঘাট জিলাৰ ব্ৰক্ষ্মপুত্ৰ আঞ্চলিক ছাত্ৰ সন্থাৰ শিক্ষা সম্পাদক অনিমেষ ভূঞা  যোৰহাটৰ ৰাজপথত একাংশৰ গনপ্ৰহাৰত মৃত্যু হোৱাত এতিয়া সমগ্ৰ অসমতে প্ৰতিক্ৰিয়াৰ সৃষ্টি হৈছে আৰু তাৰে সমান্তৰাল ভাৱে সমগ্র অসমৰ লগতে মৰিগাঁৱতো মৰিগাওঁ জিলা ছাত্ৰ সন্থাই ছাত্র নেতা অনিমেষ ভূঞাৰ হত্যাকাৰীক অতিশিগ্ৰে শাস্তি প্ৰদানৰ দাবীত প্ৰতিবাদী মানৱ শৃংখল কাৰ্য্যসূচী ৰূপায়ন কৰে |মৰিগাঁও চহৰৰ মাজমজিয়াত এক প্ৰতিবাদী কাৰ্য্যসূচী দ্বাৰা দোষীক শাস্তি দিয়া আৰু অসমত যাতে পুনৰ এনে ধৰণৰ জঘন্য কাৰ্য্য সংঘটিত নহয় তাৰ বিৰুদ্ধে প্ৰতিবাদ সাব্যস্ত কৰিলে মৰিগাঁও জিলা ছাত্ৰ সন্থাই | 

শিখ গুৰু টেগ বাহাদুৰৰ ৩৪৬ সংখ্যক ‘ছহিদি গুৰপূৰৱ’ অৰ্থাৎ ছহিদ  দিৱস উদযাপন সন্দৰ্ভত আলোচনা কৰিবলৈ ধুবুৰী জিলা উপায়ুক্ত কাৰ্যালয়ৰ সভাকক্ষত সোমবাৰে সন্ধিয়া এখন বৈঠক অনুষ্ঠিত হয়৷ জিলা উপায়ুক্ত অন্বামুথন এম পিৰ অধ্যক্ষতাত অনুষ্ঠিত বৈঠকখনত  ধুবুৰীৰ ঐতিহাসিক টেগ বাহাদুৰ গুৰুদ্বাৰত  অহা ৬ ৰ পৰা ৮ ডিচেম্বৰলৈ অনুষ্ঠিত হ’বলগীয়া ছহিদ দিৱসৰ কাৰ্যসূচীসমূহ সম্পূৰ্ণ কোভিড বিধি মানি পালনৰ সিদ্ধান্ত লোৱা হয়৷ বৈঠকত জিলা প্ৰশাসনে স্পষ্ট কৰি দিয়ে যে শিখ ধৰ্মাৱলম্বীৰ পবিত্ৰ উৎসটোলৈ অহা সকলো সকলো ভক্তই কমেও এপালি কোভিড ভেকচিন ল’ব লাগিব৷ যিসকল ভক্তই ভেকচিন লৈছে তেওঁলোকে লগত প্ৰমাণপত্ৰ ৰাখিব লাগিব৷ ভেকচিন নোলোৱাসকলে গুৰুদ্বাৰৰ সমীপত স্বাস্থ্য বিভাগে স্থাপন কৰিবলগীয়া কোভিড প্ৰতিষেধক কেন্দ্ৰত ভেকচিন ল’ব লাগিব৷ প্ৰতিষেধক কেন্দ্ৰৰ লগতে কোভিডৰ ৰেপিড এন্টিজেন পৰীক্ষা কেন্দ্ৰ এটাও স্থাপন কৰা হ’ব৷ আনহাতে ছহিদ দিৱসৰ বাবে নিযুক্ত হ’বলগীয়া স্বেচ্ছাসেৱকসকলক জিলা প্ৰশাসনে পৰিচয় পত্ৰ প্ৰদান কৰিব৷ বৈঠকত উপস্থিত থকা গুৰুদ্বাৰৰ প্ৰৱন্ধকে জনায় যে এইবাৰ পাঁচ হাজাৰৰ পৰা দহ হাজাৰ ভক্তৰ সমাগম হ’ব বুলি তেওঁলোকে অনুমান কৰিছে৷ বৈঠকত ছহিদ দিৱস উপলক্ষে হ’বলগীয়া মেলা, ভক্তৰ যান-বাহন পাৰ্কিং সন্দৰ্ভতো বিশদভাৱে আলোচনা কৰা হয়৷ বৈঠকত জিলা আৰক্ষী অধীক্ষক অভিজিত গুৰাৱ, অতিৰিক্ত উপায়ুক্তদ্বয় নিত্য বিনোদ ৱাৰী আৰু মানস শইকীয়া প্ৰমুখ্যে জিলা প্ৰশাসন আৰু বিভিন্ন বিভাগৰ বিষয়া, ধুবুৰী টাউন ক্লাৱ, অশোকাষ্টমী মেলা সমিতিৰ প্ৰতিনিধি উপস্থিত থাকে৷

অসমৰ  মুখ্যমন্ত্ৰী হিমন্ত বিশ্ব শৰ্মাদেৱৰ নিৰ্দেশ ক্ৰমে  ২৯ নৱেম্বৰৰ পৰা সমগ্ৰ ৰাজ্যজুৰি আৰম্ভ হোৱা ‘হৰ ঘৰ ডষ্টক’ শীৰ্ষক ক’ভিড ভেকচিনৰ ভেৰিফিকেশ্বন কাৰ্যসূচী যোৰহাট জিলাৰ টীয়কৰ কাৱৈমাৰী অঞ্চলটো সক্ৰিয়তাৰে আৰম্ভ হৈছে।মুখ্যমন্ত্ৰীৰ নিৰ্দেশ মৰ্মে শিক্ষক, স্বাস্থকৰ্মী, আশা কৰ্মী, অঙ্গনবাড়ী কৰ্মীৰে গঠিত ভেকচিন ভেৰিফিকেশ্বন অফিচাৰ (ভি ভি অ’)সহ একোটাকৈ ৫/৬জনীয়া দলে নিজ নিজ এলেকাৰ প্ৰতিটো পৰিয়াললৈ গৈ ক’ভিড ভেকচিনৰ প্ৰথম ড’জ পোৱাটো নিশ্চিত কৰাৰ লগতে এতিয়াও এটাও ড’জ নোলোৱা সকলক ঘৰতে দিয়াৰ ব্যৱস্থা কৰিছে। সেই অনুসৰি টীয়ক সমষ্টিৰ অন্তৰ্গত ৪১(ক) নং ভোট কেন্দ্ৰৰ কাৱৈমাৰী গোঁহাইগাঁও মধ্য ইংৰাজী বিদ্যালয়(উত্তৰ) অংশৰ চিনাতলী আৰু হাতীপৰা গাঁৱত নিয়োজিত ভেকচিন ভেৰিফিকেশ্বন অফিচাৰ (ভি ভি অ’) তথা কুমাৰভেটি প্ৰাথমিক বিদ্যালয়ৰ প্ৰধান শিক্ষক দিগন্ত চাংমাইৰ নেতৃত্বত স্থানীয় বি এল অ’ ৰুবি কলিতা, আশাকৰ্মী গুণমাই কলিতা, অঙ্গনবাড়ী কৰ্মী অনিমা কলিতাই প্ৰায় ৩৫ টা পৰিয়ালত উপস্থিত হৈ ১০০ শতাংশ প্ৰথম ড’জ ভেকচিন প্ৰাপ্তিৰ নিশ্চিতি সম্পন্ন কৰে। যাত্ৰা কালত দলটিয়ে কাৱৈমাৰী চিনাতলী গাঁৱৰ প্ৰায় ৮০বছৰীয়া গেৰেলী কলিতা নামৰ ভয়তে ভেকচিন নোলোৱাকৈ থকা আইতা এগৰাকী বুজাই বঢ়াই স্বাস্থ্যকৰ্মী এ এন এম মিনালী বৰুৱা আৰু কবিতা দলেৰ লগতে অন্য এগৰাকী শিক্ষয়িত্ৰী ৰেখা বৰুৱাৰ সহযোগত ভেকচিনৰ প্ৰথম ড’জ প্ৰদান কৰিবলৈ সক্ষম হয়। অহা ৫ ডিচেম্বৰলৈকে চলিবলগা কাৰ্যসূচীটোৱে ৪১(ক) নং ভোটকেন্দ্ৰৰ অন্তৰ্গত কাৱৈমাৰী চিনাতলী আৰু হাতীপৰা গাঁৱৰ প্ৰতিটো পৰিয়ালক চুই যোৱাৰ লগতে প্ৰথম ড’জ ক’ভিড ভেকচিন ১০০ শতাংশ নিশ্চিত কৰিব বুলি ভি ভি অ’ দিগন্ত চাংমায়ে জানিবলৈ দিছে।

ভাৰতীয় জনতা পাৰ্টিৰ ৰাষ্ট্ৰীয় সাধাৰণ সম্পাদক তথা মঙ্গলদৈ লোকসভা সমষ্টিৰ সাংসদ দিলীপ শইকীয়াই ওদালগুৰি জিলাৰ মাজবাট বিধানসভা সমষ্টিৰ সকলো ধৰণৰ উন্নয়ন মূলক আঁচনি সমূহৰ মনিটৰ কৰাৰ লগতে সাংসদৰ নমিনি হৈ তেওঁৰ অনুপস্থিতিত  সকলো সভা সমিতিত  অংশগ্ৰহণ কৰাৰ বাবে মাজবাটৰ যুৱ নেতা কিশোৰ শৰ্মাক দায়িত্ব অৰ্পণ কৰিছে ।ৰাষ্ট্ৰীয় সাধাৰণ সম্পাদক জনে  ২৯ নবেম্বৰত  কিশোৰ শৰ্মাক দায়িত্ব প্ৰদান কৰাত সমগ্ৰ ওদালগুৰি জিলা বিজেপিৰ কাৰ্যকৰ্তা সকলৰ লগতে সমগ্ৰ  মাজবাট বাসী ৰাইজে শলাগিছে ৷ উল্লেখযোগ্য যে মাজবাটৰ উদ্যমী যুৱ ব্যৱসায়  হিচাপে পৰিচিত হোৱাৰ লগতে বিজেপিৰ যুব  নেতা হিচাপে নিজৰ পৰিচয় দাঙি ধৰিবলৈ সক্ষম হোৱা মাজবাট বিধানসভা সমষ্টিৰ ওৰাঙৰবিজেপি দলৰ সাংগঠনিক ভেটি সক্ৰিয় কৰাত প্ৰায়ে ১২ বছৰত পশ্চিম বঙ্গতো দলৰ কাৰ্যকৰ্তা সকলৰ মাজত নিজৰ নাম জিলিকাবলৈ সক্ষম হোৱা মাজবাটৰ যুৱ নেতা কিশোৰ শৰ্মায়ে অসমতো ৰাজনীতি পথাৰত নিজকে চিনাকি কৰিবলৈ সক্ষম হৈছে । বিগত কেইবাবছৰ আগৰ পৰাই মাজবাট বিধানসভা সমষ্টিত বিজেপি দলৰ সাংগঠনিক ভেটি সক্ৰিয় কৰাত ৰাইজক লগত লৈ নানান ধৰণৰ  উন্নয়ন চেষ্টা কৰাৰ লগতে মাজবাট মণ্ডলৰ যুৱ মৰ্চাৰ সভাপতিৰ দৰে গুৰুত্বপূৰ্ণ আসনত থাকিও দলৰ সেৱাৰ লগতে যুৱ প্ৰজন্মক বিজেপি দলৰ প্ৰতি আকৰ্ষিত কৰিছিল । পৰৱৰ্তী কালত  চলিত বৰ্ষত ৰাজ্যিক তথা ওদালগুৰি জিলা বিজেপিয়ে যুৱ নেতা কিশোৰ শৰ্মাক  জিলাৰ মুখপাত্ৰ , সমল ব্যক্তিৰ দৰে গুৰুত্বপূৰ্ণ দায়িত্ব দিয়াৰ লগতে বৰ্তমান ওদালগুৰি জিলা বিজেপিৰ সামাজিক মাধ্যমৰ জিলা আহ্বায়কৰ দৰে গুৰুত্বপূৰ্ণ পদত অধিষ্ঠিত  কৰে ৷ মাজবাটৰ যুৱক কিশোৰ শৰ্মাক ৰাষ্ট্ৰীয় সাধাৰণ সম্পাদক তথা যুৱ সাংসদ দিলীপ শইকীয়াই তেওঁৰ ন’মিনি হিচাপে দায়িত্ব অৰ্পণ কৰাৰ জিলা বিজেপিৰ লগতে সমগ্ৰ মাজবাট বাসী ৰাইজে শলাগিছে আৰু কিশোৰ শৰ্মাৰ নেতৃত্বত মাজবাট বিধানসভা সমষ্টিৰ সকলো ধৰণৰ উন্নয়ন সুচাৰুভাৱে ৰূপায়ন কৰাত উদ্যমী যুৱক কিশোৰ শৰ্মা সফল হব বুলি অঞ্চলৰ সৰ্ব সাধাৰণ ৰাইজে আশা ব্যক্ত কৰিছে উক্ত উদ্যমী যুৱক জনে বিগত কেইবছৰ  আগৰে পৰা ৰাষ্ট্ৰীয় স্বয়ং সেৱক RSS ৰ দৰে বৃহৎ  সংগঠনতো এজন স্বয়ং সেৱক  হিচাপে বৰ্তি আছিল  । ২০১৮ চনত RSS ৰ প্ৰথম বাৰ্ষিক প্ৰশিক্ষণ প্ৰাপ্ত কিশোৰ শৰ্মাক সাংসদ দিলীপ শইকীয়াই এই গুৰুত্বপূৰ্ণ দায়িত্ব প্ৰদান কৰাত  মাজবাট বিধানসভা সমষ্টিৰ বিভিন্ন জাতীয় সংগঠন সমূহৰ লগতে অসম নেপালী সাহিত্য সভা ওদালগুৰি জিলা ,ওৰাং অঞ্চলিকৰ লগতে অসম গোর্খা ছাত্ৰ সংগঠন,সচেতন নাগৰিক  সমাজৰ পৰাও অভিনন্দন ,আৰু আন্তৰিক ধন্যবাদ  জ্ঞাপন কৰিছে ৷মাজবাট মণ্ডল বিজেপিৰ হৈ সভাপতি  জীবন ডেকাই কিশোৰ শৰ্মাক  ৷শৰ্মাক  এই দায়িত্ব অৰ্পন কৰাত মাজবাট মণ্ডলে আনন্দিত  হৈছে বুলি প্ৰকাশ কৰিছে ৷ ৰাইজৰ অভাব অভিযোগ বোৰ সঠিক ভাৱে সাংসদ সম্মূখত উপস্হাপন কৰি মাজবাটবিধান সভা সমষ্টিটোৰ উন্নয়নত সঠিক ভূমিকা ল’ব | লগতে দলৰ সাংগঠনিক ভেটি আৰু অধিক সূদৃঢ় হ’ব  বুলি জীবন ডেকাই প্ৰকাশ কৰিছে ৷

বঙাইগাঁও জিলা উপায়ুক্তৰ সভাকক্ষত সোমবাৰে সন্ধিয়াৰ ভাগত বঙাইগাঁও জিলাৰ কোভিড পৰিস্থিতি পৰ্যবেক্ষণৰ দায়িত্ব লাভ কৰা ভাৰতীয় প্ৰশাসনীয় সেৱাৰ বিষয়া তথা পৰিৱেশ আৰু বন বিভাগৰ  অতিৰিক্ত মুখ্য সচিব ৰবি শংকৰ প্ৰসাদ আৰু অসম অসামৰিক সেৱাৰ বিষয়া তথা হাউচিং আৰু নগৰ পৰিক্ৰমা বিভাগৰ সচিব আৰু চাহ জনজাতি কল্যাণ বিভাগৰ  সঞ্চালক  ভাস্কৰ ফুকনৰ লগতে জিলা উপায়ুক্ত ডাঃ এম এছ লক্ষ্মীপ্ৰিয়াই  একেলগে এখন সংবাদ মেল সম্বোধন কৰি জিলাখনৰ কোভিড- ১৯ টিকাকৰণ সন্দৰ্ভত শেহতীয়া তথ্য দাঙি ধৰে ৷ দেশৰ আন ৰাজ্যৰ তুলনাত অসমে কোভিড পৰিস্থিতি ভালদৰে মোকাবিলা কৰাৰ লগতে কোভিড টিকাকৰণতো উল্লেখযোগ্য কৃতিত্ব প্ৰদৰ্শন কৰাৰ কথা উল্লেখ কৰি সোমবাৰৰ পৰা আৰম্ভ হোৱা ঘৰে ঘৰে গৈ টিকা প্ৰদান কৰা কোভিড – ১৯ সম্পূৰ্ণ টিকাকৰণ অভিযান ”হৰ ঘৰ দস্তক” অভিযানো সফলতাৰে সম্পন্ন হ’ব বুলি জ্যেষ্ঠ পৰ্যবেক্ষক তথা বন আৰু পৰিৱেশ বিভাগৰ অতিৰিক্ত মুখ্য সচিব ৰবিশংকৰ  প্ৰসাদে সংবাদ মেলত আশা ব্যক্ত কৰে।লগতে কোভিড টিকাকৰণৰ ক্ষেত্ৰত ৰাজ্যখনৰ আন আগশাৰীৰ জিলাসমূহৰ লগতে বঙাইগাঁও জিলাও সফল হৈছে বুলি মন্তব্য কৰে ৷ আনহাতে  হাউচিং আৰু নগৰ পৰিক্ৰমা বিভাগৰ সচিব তথা আনগৰাকী পৰ্যবেক্ষক ভাস্কৰ ফুকনে সংবাদ মেলত সাংবাদিকসকলক তেওঁলোকৰ বাতৰিৰ জৰিয়তে এতিয়ালৈকে কোভিড টিকা নোলোৱা লোকসকলক প্ৰতিষেধকটো ল’বলৈ উৎসাহিত কৰিবলৈ আহ্বান জনায়। তেওঁ কয় যে ৰাইজৰ মাজত সংবাদ মাধ্যমৰ বিশেষ ভূমিকা আছে।উল্লেখ্য যে বঙাইগাঁও জিলাত পৰ্যবেক্ষকদ্বয়ে কেবাটাও স্থান পৰিদৰ্শন কৰে। বঙাইগাঁও জিলাত ঘৰে ঘৰে গৈ সৰ্বসাধাৰণ ৰাইজে কোভিড-১৯ টিকা লৈছে নে নাই সেয়া পৰিদৰ্শন কৰে। ১০০ শতাংশ টিকাকৰণ নিশ্চিত কৰাৰ বাবে চৰকাৰে সোমবাৰৰ পৰা ৫ ডিচেম্বৰলৈ কোভিড -১৯ সম্পূৰ্ণ টিকাকৰণ সন্দৰ্ভত”হৰ ঘৰ দস্তক” কাৰ্যসূচী গ্ৰহণ কৰিছে আৰু ইয়াৰ জৰিয়তে কোভিডৰ পৰা সকলো ৰাইজক সুৰক্ষিত ৰখাটো চৰকাৰৰ উদ্দেশ্য বুলিও পৰ্যৱেশকদ্বয়ে কয় ৷ ইপিনে  বঙাইগাঁও জিলাত এতিয়ালৈকে কোভিডৰ প্ৰথম পালি টিকা এশ শতাংশৰো অধিক লোক আৰু দ্বিতীয় পালি প্ৰায় ৫০ শতাংশ লোকে গ্ৰহণ কৰা বুলি সংবাদ মেলত উপায়ুক্ত ডা: এমএছ লক্ষ্মীপ্ৰিয়াই প্ৰকাশ কৰে ৷ জিলা উপায়ুক্তই সংবাদ মেলত সদৰি কৰা মতে বঙাইগাঁও জিলাত সোমবাৰৰ দিনটোত মুঠ ৪,৮৮৯ পালি কোভিড প্ৰতিষেধক প্ৰদান কৰা হয় ৷ আনহাতে জিলাখনত বৰ্তমানলৈকে মুঠ ৮,১৬,৯৮০পালি কোভিড প্ৰতিষেধক প্ৰদান কৰা হৈছে ৷ জিলা উপায়ুক্তগৰাকীয়ে জিলাখনত এশ শতাংশ কোভিড প্ৰতিষেধক প্ৰদানৰ ক্ষেত্ৰত সফল হ’ব বুলিও আশা ব্যক্ত কৰে ৷

দৰঙৰ প্ৰয়াত সাহিত্যিক, সাংবাদিক কৃতী শিক্ষক দীপক কুমাৰ শৰ্মাৰ এক স্মৃতিচাৰণ অনুষ্ঠান অনুষ্ঠিত হয় পশ্চিম দৰঙৰ বুঢ়াত ।প্ৰকৃতি বন্ধু নামৰ প্ৰকৃতি প্ৰেমী সংগঠনৰ উদ্যোগত বুঢ়া আৰক্ষী চকী চৌহদত অনুষ্ঠিত সভাত  অঞ্চলটোৰ বিশিষ্ট ব্যক্তি সকলে অংশগ্ৰহণ কৰে  ।২০২০ বৰ্ষৰ ২১ ডিচেম্বৰত মৃত্যু হোৱা  শিক্ষকগৰাকী ৰ স্মৃতি চাৰণ সভাত  অসম সাহিত্য সভাৰ প্ৰধান সম্পাদক যাদৱ শৰ্মাই প্ৰয়াত সাংবাদিক গৰাকীৰ প্ৰতিচ্ছবিত বন্তি প্ৰজ্বলন কৰি মাল্যপৰ্ণ কৰাৰ লগতে সাহিত্য ক্ষেত্ৰলৈ আগবঢ়ো বৰঙণি বিষয়ে উল্লেখ কৰে ।বুঢ়া আৰক্ষী চকীৰ ভাৰপ্ৰাপ্ত বিষয়া অলি কুমাৰে দোচাডে উদ্বোধন কৰা স্মৃতি চাৰণ সভাত সাহিত্যিক তথা পাথৰিঘাট উচ্চতৰ মাধ্যমিক বিদ্যালয়ৰ সহ শিক্ষক  কমলাকান্ত ডেকাই দীপক কুমাৰ শৰ্মাৰ জীৱন, কৃতি আৰু সাহিত্য সৃষ্টি সন্দৰ্ভত বিস্তৃত ভাৱে ব্যাখ্যা কৰি শ্ৰদ্ধাৰে স্মৰণ কৰে ।বিশিষ্ট চিকিৎসক,কবি ডাঃ কমলা শৰ্মাই সঞ্চালনা কৰা স্মৃতি চাৰণ সভাত অখিল ৰঞ্জন ভট্ৰ,ডাঃ মৃন্ময় নাথ,নাট্যকাৰ নৰেশ্বৰ কলিতা,অৱসৰী আৰক্ষী বিষয়া চক্ৰধৰ ডেকাই বিশেষ ভাৱে অংশগ্ৰহণ কৰে ।আনহাতে প্ৰকৃতি বন্ধু সংস্থা ই প্ৰয়াত শিক্ষক সাংবাদিক গৰাকীক “চিন্তা বৃক্ষ” উপাধি মৰোনত্তৰ ভাৱে প্ৰদান কৰাৰ কথা ৰাজহুৱা ভাৱে প্ৰকাশ কৰে ।