দৰঙৰ বিদ্যুৎ বিভাগৰ কৰ্ম কাণ্ডই অতিষ্ঠ  কৰিছে গাঁওবাসী ৰাইজক। মাছুল পৰিশোধ কৰাৰ পিছতো বিদ্যুৎ সংযোগ  কৰ্তন কৰাত  কেইবা দিন ধৰি অন্ধকাৰত  আছে এখন গাওঁ । বিদ্যুৎ নথকাৰ ফলত নিশা পঢ়া-শুনাৰ পৰা বঞ্চিত হৈ আছে  শিক্ষাৰ্থী সকল।

 অভিযোগ অনুসৰি , দৰঙৰ মঙলদৈ বিদ্যুৎ উপ  সংমণ্ডলৰ অধীনস্থ ধূলা আৰক্ষী থানাৰ অন্তৰ্গত লটাখাট গাঁৱৰ বিদ্যুৎ সংযোগ কৰ্তন কৰাকলৈ তীব্ৰ প্ৰতিক্ৰিয়াৰ সৃষ্টি হৈছে গাওঁ খনত । গাঁওখনৰ  সৰহ সংখ্যক  গ্ৰাহকে  বিদ্যুৎ মাছুল পৰিশোধ কৰাৰ পিছতো তিনি দিন পূৰ্বে গাওঁ খনৰ বিদ্যুৎ সংযোগ কৰ্তন কৰে । বিদ্যুৎ বিভাগৰ স্থানীয় দুজন কৰ্মচাৰীয়ে নিজৰ খেয়ালখুছি মতে বিদ্যুৎ কৰ্তন কৰাক লৈ সৃষ্টি হৈছে তীব্ৰ প্ৰতিক্ৰিয়াৰ । গাওঁ খনত বছৰত দুবাৰকৈ বিনা কাৰণত বিদ্যুৎ সংযোগ কৰ্তন কৰাটো যেন এটা নিয়মত পৰিণত হৈছে  ।

বিদ্যুৎ সংযোগ কৰ্তনৰ পিছত পুনৰ  বিদ্যুৎ সংযোগ দিবলৈ প্ৰতিজন গ্ৰাহকে দিব লাগে ৩০০ ৰ পৰা ৫০০ কৈ টকা ।  বিদ্যুৎ সংযোগ কৰ্তন কৰি ধন ঘটাৰ অভ্যাসত পৰিণত হোৱাৰ অভিযোগ উত্থাপিত হৈছে  । উল্লেখযোগ্য যে , কেইবাদিনো ধৰি  বিদ্যুৎ কৰ্তন কৰাৰ ফলত গাওঁৰ শিক্ষাৰ্থী সকলে ৰাতি  পঢ়া-শুনাৰ  পৰা বঞ্চিত হব লগীয়া হৈছে  । মাথো এয়াই নহয় বৰ্তমান জীৱনৰ অতি লাগতিয়াল  মোবাইল ফোন চাৰ্জ কৰিবলৈ আন  গাঁৱলৈ যাবলগীয়া হৈছে  গাঁওখনৰ লোক সকল । সেয়ে  ছাত্ৰ-ছাত্ৰীৰ শৈক্ষিক দিশৰ প্ৰতি লক্ষ্য ৰাখি শীঘ্ৰে বিদ্যুৎ সংযোগ দি শিক্ষাৰ্থীৰ লগতে গাঁওবাসীক সকাহ দিবলৈ বিভাগীয় কৰ্তৃপক্ষৰ ওচৰত দাবী জনাইছে ভুক্তভোগী ৰাইজে  ।

উচ্চতৰ মাধ্যমিক চূড়ান্ত পৰীক্ষাত বিশেষ মূল্যায়ন ব্যৱস্থাৰে সদ্যঘোষিত ২০২১ বৰ্ষৰ ফলাফলত শীৰ্ষ এশ গৰাকী ছাত্ৰ ছাত্ৰী ৰ ভিতৰত দৰং জিলাৰ দলগাঁও আদৰ্শ জাতীয় বিদ্যালয়ৰ  উচ্চতৰ মাধ্যমিক শিক্ষান্ত পৰীক্ষা (বিজ্ঞান শাখাৰ ) কৃতীমান ছাত্ৰ চৰিফুল ইছলাম ,বেছিমাৰী জাতীয় বিদ্যালয়ৰ উচ্চতৰ মাধ্যমিক চূড়ান্ত পৰীক্ষাত বানিজ্য শাখাৰ জমছেদ আলী, দলগাঁও আঞ্চলিক জাতীয় বিদ্যালয়ৰ উচ্চতৰ মাধ্যমিক চুড়ান্ত পৰীক্ষাত কলা শাখাৰ ফৰিদা ইয়াছমিন ক সদৌ অসম ছাত্ৰ সন্থাৰ অভিনন্দন আৰু শুভেচ্ছা  জ্ঞাপন কৰে নিজ নিজ বিদ্যালয় ত গৈ দৰং জিলা ছাত্ৰ সন্থাৰ নেতৃত্বই।

ইয়াৰোপৰি বিদ্যালয় ৰ মুৰব্বী কো সম্বৰ্ধনা জ্ঞাপন কৰে‌। দলগাঁও আঞ্চলিক জাতীয় বিদ্যালয়ৰ অধ্যক্ষ বাছিৰ আহমেদ, দলগাঁও আদৰ্শ জাতীয় বিদ্যালয়ৰ অধ্যক্ষ ফিলচুব উদ্দিন আহমেদ,বেছিমাৰী জাতীয় বিদ্যালয়ৰ অধ্যক্ষ আছাউদ্দিন আহমেদ কো সম্বৰ্ধনা জ্ঞাপন কৰে‌। সদৌ অসম ছাত্ৰ সন্থাৰ বিশেষ অভিনন্দন অনুষ্ঠান ৰ অভিনন্দন জ্ঞাপন কৰা কাৰ্যসূচী ত উপস্থিত থাকি অভিনন্দন জ্ঞাপন কৰে সদৌ অসম ছাত্ৰ সন্থাৰ বিত্ত সম্পাদক খনিন্দ্ৰ ৰাজবংশী, ৰাজ্যিক কাৰ্যনিৰ্বাহক সদস্য নিৰঞ্জন শইকীয়া, সদৌ দৰং জিলা ছাত্ৰ সন্থা সভাপতি পৰাগ কুমাৰ চহৰীয়া, সাধাৰণ সম্পাদক সত্যৰঞ্জন ডেকা ৰ লগতে জিলা ছাত্ৰ সন্থাৰ বিষয়ববীয়া, দলগাঁও আঞ্চলিক ছাত্ৰ সন্থাৰ বিষয়ববীয়া, আন্তঃমঙলদৈ ছাত্ৰ সন্থাৰ বিষয়ববীয়া উপস্থিত থাকি বিদ্যালয়ত গৈ কৃতী ছাত্ৰ ছাত্ৰী আৰু শিক্ষা গুৰু ক অভিনন্দন জ্ঞাপন কৰে।

কভিড-১৯ ৰ পৰিস্থিতিৰ বাবে কৃতী ছাত্ৰ ছাত্ৰী আৰু শিক্ষানুষ্ঠান ৰ শিক্ষাগুৰুলৈ নিজ নিজ বিদ্যালয় আৰু নিজ গৃহত গৈ এই কাৰ্যসূচী ৰূপায়ন কৰা ৰ সিদ্ধান্ত গ্ৰহণ কৰিছিল সদৌ অসম ছাত্ৰ সন্থাই। আজি সদৌ অসম ছাত্ৰ সন্থাৰ আহ্বানমৰ্মে সদৌ দৰং জিলা ছাত্ৰ সন্থাই ও এই কাৰ্যসূচী ৰূপায়ন কৰে। দৰং জিলাৰ পৰা এইবাৰ ১০০ গৰাকী কৃতী ছাত্ৰ-ছাত্ৰী ৰ বাচনি তালিকাত দৰং জিলাৰ ৯ গৰাকী ছাত্ৰ ছাত্ৰীয়ে লাভ কৰিবলৈ সক্ষম হয়।আজি দলগাঁও আঞ্চলিক ছাত্ৰ সন্থাৰ অন্তৰ্গত ৩ গৰাকী ছাত্ৰ ছাত্ৰীক নিজ বিদ্যালয় ত গৈ অভিনন্দন জ্ঞাপন কৰে সদৌ দৰং জিলা ছাত্ৰ সন্থাৰ নেতৃত্বই।