প্ৰধানমন্ত্ৰী মোডী, অমিত শ্বাহ, অজিত ডোভালে আজি লক্ষ্ণৌত ৫৬ সংখ্যক ডিজিপি সন্মিলনত অংশগ্ৰহণ কৰিব।প্ৰধানমন্ত্ৰী শ্ৰী নৰেন্দ্ৰ মোদীয়ে কেন্দ্ৰীয় গৃহমন্ত্ৰী অমিত শ্বাহ আৰু ৰাষ্ট্ৰীয় নিৰাপত্তা উপদেষ্টা অজিত ডোভালৰ সৈতে শনিবাৰে, ২০ নৱেম্বৰ, ২০২১ তাৰিখে লক্ষ্ণৌৰ আৰক্ষী মুখ্য কাৰ্যালয়ত আৰক্ষী সঞ্চালক প্ৰধান (ডিজিপি) আৰু আৰক্ষী মহাপৰিদৰ্শক (আইজিপি)ৰ ৫৬ সংখ্যক সন্মিলনত অংশগ্ৰহণ কৰিব।সন্মিলনখন ২০ ৰ পৰা ২১ নৱেম্বৰ, ২০২১ লৈ অনুষ্ঠিত হ’ব। সন্মিলনখন দুদিনধৰি হাইব্ৰিড শৈলীত অনুষ্ঠিত হ’ব।ৰাজ্য আৰু কেন্দ্ৰীয় শাসিত অঞ্চলৰ শীৰ্ষ আৰক্ষী বা ডিজিপি, লগতে কেন্দ্ৰীয় সশস্ত্ৰ আৰক্ষী বাহিনী আৰু কেন্দ্ৰীয় আৰক্ষী সংগঠনৰ মুৰব্বীসকলে লক্ষ্ণৌত ব্যক্তিগতভাৱে সন্মিলনত অংশগ্ৰহণ কৰিব, আনহাতে বাকী আমন্ত্ৰণকাৰীসকলে আইবি/এছআইবি মুখ্য কাৰ্যালয়ৰ ৩৭ টা বিভিন্ন স্থানৰ পৰা অনলাইনত অংশগ্ৰহণ কৰিব।গৃহমন্ত্ৰী অমিত শ্বাহ আৰু ৰাষ্ট্ৰীয় নিৰাপত্তা উপদেষ্টা অজিত ডোভালো শীৰ্ষ নিৰাপত্তা সন্মিলনৰ বাবে লক্ষ্ণৌত উপস্থিত থাকিব।সন্মিলনত চাইবাৰ অপৰাধ, তথ্য শাসন, সন্ত্ৰাসবাদ বিৰোধী প্ৰত্যাহ্বান, বাওঁপন্থী উগ্ৰবাদ, নিচাজাতীয় সামগ্ৰী সৰবৰাহৰ উদীয়মান প্ৰৱণতা, কাৰাগাৰ সংস্কাৰৰ দৰে বিষয়বোৰ আলোচনা কৰা হ’ব,প্ৰধানমন্ত্ৰীয়ে ২০১৪ চনৰ পৰা ডিজিপিৰ সন্মিলনত তীব্ৰ আগ্ৰহ লৈ আহিছে। তেওঁৰ পূৰ্বৰ সাংকেতিক অংশগ্ৰহণৰ বিপৰীতে, প্ৰধানমন্ত্ৰী মোডীয়ে সন্মিলনৰ সকলো অধিৱেশনত অংশগ্ৰহণ কৰে আৰু মুক্ত আৰু অনানুষ্ঠানিক বাৰ্তালাপৰ প্ৰচাৰ কৰে যিয়ে শীৰ্ষ আৰক্ষী বিষয়াসকলক দেশত প্ৰভাৱ পেলোৱা গুৰুত্বপূৰ্ণ আৰক্ষী আৰু আভ্যন্তৰীণ নিৰাপত্তা বিষয়ত প্ৰধানমন্ত্ৰীক পোনপটীয়াকৈ আপডেট কৰিবলৈ অনুমতি দিয়ে।প্ৰধানমন্ত্ৰীৰ দৃষ্টিভংগী অনুসৰি, পূৰ্বতে দিল্লীত অনুষ্ঠিত হোৱা বাৰ্ষিক সন্মিলনসমূহ ২০১৪ চনৰ পৰা দিল্লীৰ বাহিৰত আয়োজন কৰা হৈছে, ২০২০ চনৰ বাহিৰে, যেতিয়া কোভিড-১৯ মহামাৰীৰ প্ৰতি লক্ষ্য ৰাখি অনলাইনত সন্মিলন অনুষ্ঠিত হৈছিল।

ওদালগুৰি জিলাৰ ৰৌতা চাৰিআলিৰ সমীপৱৰ্তী   ইকৰাবাৰী সাহিত্য সভাৰ  সদস্য তথা ২ নং বঁটা বাৰী গাঁৱৰ নিবাসী আৰু গাঁওৰক্ষী বাহিনীৰ সম্পাদক ,ধৰ্মপ্ৰাণ ব্যক্তি পূৰণ ডেকাৰ সোঁৱৰণত  ১৮ নবেম্বৰত এখন স্মৃতিচাৰণ সভা অনুষ্ঠিত হৈ যায় । বঁটাবাৰীৰ  প্ৰয়াত ডেকাৰ নিজা বাসগৃহত এক গাম্ভীৰ্যপূৰ্ণ পৰিৱেশত শিক্ষক ডালিম কছাৰীয়ে আঁত ধৰা  এই স্মৃতিচাৰণ সভাত পৌৰহিত্য কৰে ২ নং বটাঁবাৰী শ্ৰীমন্ত শঙ্কৰদেৱ সত্ৰৰ পাঠক নৰেন ডেকাই । ৰৌতা গাঁওৰক্ষী বাহিনী আৰু বটাবাৰী গাওঁ উন্নয়ন সমিতিৰ যুটীয়া উদ্যোগত অনুষ্ঠিত হোৱা স্মৃতিচাৰণ সভাত উপস্থিত হৈ গাওঁৰক্ষীৰ উপদেষ্টা সমিতিৰ সভাপতি নিৰ্মল দাসে  বৈকুণ্ঠগামী পূৰণ  ডেকাৰ জীৱনৰ কৰ্মৰাজিৰ ওপৰত আলোকপাত  কৰাৰ উপৰিও প্ৰয়াত ডেকাই সমাজত আগবঢ়াই যোৱা ত্যাগৰ কথা স্মৰণ কৰে । বিটিএডিৰ প্ৰাক্তন কাৰ্যবাহী সদস্য মিঠাৰাম বসুমতাৰীও এই স্মৃতি চাৰণসভাত অংশ গ্ৰহণ কৰি মাৰ্জিত, অমায়িক দায়িত্ব আৰু নিষ্ঠাসহকাৰে নিজৰ কৰ্তব্য পালন কৰা ডেকাৰ মৃত্যুত ৰৌতা গাওঁৰক্ষী বাহিনীৰ অপূৰণীয় ক্ষতি হোৱা বুলি উল্লেখ কৰে । তদুপৰি তেওঁ  ২ নং বটাবাৰী গাওঁ উন্নয়ন সমিতিয়ে এজন নিষ্ঠাৱান কৰ্মী অকালতে হেৰুৱাব লগা হ’ল বুলি মৃত পৰিয়াল বৰ্গক প্ৰাক্তন   সমবেদনা জ্ঞাপন কৰে । পুৱা  প্ৰয়াত পূৰণ চন্দ্ৰ ডেকাৰ সহধৰ্মিনী গুণেশ্বৰী ডেকাই তেখেতৰ স্বামীৰ প্ৰবিত্ৰ  স্মৃতিত পুস্পাঞ্জলী অৰ্পণ কৰি এক মিনিট সময় মৌন প্ৰাৰ্থনা জনায় । ইয়াৰ  পিছতে  অনুষ্ঠিত হোৱা এই স্মৃতি চাৰণ সভাত  ওদালগুৰি জিলা আক্ৰাছুৰ সম্পাদক মিঠুন বৰুৱা, ৰৌতা কোচ ৰাজবংশী সন্মিলনীৰ সভাপতি পবিত্ৰ ডেকা, কুদ্দুচ আলিৰ লগতে অঞ্চলটোৰ বিভিন্ন অনুষ্ঠান প্ৰতিষ্ঠানৰ বিষয়ববীয়া আৰু কেবাখনো সত্ৰৰ ভক্তসকল উপস্হিত আছিল । উক্ত  ম্মৃতি চাৰণ সভাতেই  মৃত পূৰণ  ডেকাৰ সোঁৱৰণীত কেবাখনো  সম্বৰ্ধনা পত্ৰ পৰিয়ালক বৰ্গৰৰ হাতত  প্ৰদান কৰে ।

 স্বচ্চ ভাৰত অভিযান আচঁনিৰ অংশ হিচাপে চৰকাৰে জিলা সমূহৰ জনস্বাস্থ্য কাৰিকৰী বিভাগৰ জৰিয়তে অনাময় আঁচনিৰ অধীনত দৰিদ্ৰ লোক  সকলৰ পৰিয়ালত নিৰ্মাণ কৰা অনাময়ৰ বাৰ হাজাৰ টকীয়া বিনামূলীয়া শৌচাগাৰ পশ্চিম দৰঙত  ব্যৰ্থ হোৱাৰ অভিযোগ উত্থাপন হৈছে। উল্লেখ্য যে জাতিৰ পিতা মহাত্মা গান্ধীৰ জন্ম দিনত গাঁও পঞ্চায়ত সমূহত গাঁও সভা অনুষ্ঠিত কৰি ৰাইজৰ দৃষ্টিৰ বাবে খন্তেকীয়া চাফাইকে ধৰি স্বচ্চতাৰ ওপৰত বিভিন্ন কাৰ্যসূচী গ্ৰহন কৰা দেখা যায়। কিন্তু বাস্তৱ ক্ষেত্ৰত মূৰকত গৈ ভেঁকোভাওনা স্পষ্ট হৈ পৰে।   দৰঙৰ পশ্চিমাঞ্চলৰ গাঁও পঞ্চায়তৰ কাৰ্যালয়ৰ সন্মুখত জনস্বাস্থ্য কাৰিকৰী বিভাগে   মলত্যাগমুক্ত গাঁও পঞ্চায়ত হিচাপে চিহ্নিত কৰি বৃহৎ আকাৰৰ ছাইনবোৰ্ড একোখন আঁৰি দিয়া দেখা গৈছে। কিন্তু বাস্তৱ ক্ষেত্ৰত গাঁও পঞ্চায়তৰ কিমান শতাংশ দৰিদ্ৰ পৰিয়ালে প্ৰকৃতাৰ্থত অনাময়ৰ শৌচাগাৰ লাভ কৰিছে।এক উদাহৰণ স্বৰূপে ছিপাঝাৰ উন্নয়ন খণ্ডৰ চেঙেলীয়াঝাৰ গাঁও পঞ্চায়তৰ বন্যাক্ৰান্ত গাঁও দুৰদুৰীয়া গাঁৱৰ অতিকৈ ডাল দৰিদ্ৰ মৎস্য ব্যৱসায়ী আলী, বিভক্ষু ছাইফুদ্দিন আহমেদ, আতোৱাৰ ৰহমান,ঘোপেলীৰ ভবেন ডেকাকে পঞ্চায়ত খনৰ গাঁৱে গাঁৱে বহু দৰিদ্ৰ পৰিয়ালে চৰকাৰৰ অনাময়ৰ  বিনামূলীয়া শৌচাগাৰৰ বঞ্চিত হৈ অহাত আজিও মুকলি ঠাইত শৌচ-প্ৰচাৱ কৰি আহিবলগীয়া হৈছে। আশ্বৰ্যজনক কথা যে    গাঁও পঞ্চায়তখনত মলত্যাগমুক্ত পঞ্চায়ত হিচাপে বিভাগে কিয় বৰ বৰ আখৰেৰে বৃহৎ ছাইনবোৰ্ড আঁৰি দিলে ই এক নুবুজা সাঁথৰ। ইফালে যি সকল হিতাধিকাৰীৰ অনাময়ৰ বিনামূলীয়া শৌচাগাৰ এন জি অ’ৰ ঠিকাদাৰৰ জৰিয়তে কৰিছে সেইবোৰ ব্যৱহাৰ নৌকৰোতেই ভাগি যোৱাৰ অভিযোগ উঠিছে। উদাহৰণ হিচাপে কুমাৰপাৰা গাঁৱৰ ৰূপা ডেকা নামৰ এজন অতিকৈ দৰিদ্ৰ পৰিয়ালৰ ঘৰত নিৰ্মাণ কৰা অনাময় শৌচাগাৰ নিৰ্মাণ শেষ হোৱাৰ পাছত ব্যৱহাৰ কৰিব নোৱাৰি ভাগি পেলাই দিয়াৰ ঘটনাই দুৰ্নীতি অনিয়মৰ ছবিখন স্পষ্ট ৰূপত উদঙাই দেখুৱাইছে। তদুপৰি বিভাগৰ মনেমিলা এন জি অ’ৰ তথাকথিত ঠিকাদাৰ সকলে আঁচনিৰ নীতি নিয়মক জাঁৱৰেৰে ঢাকি প্ৰয়োজনীয় সামগ্ৰী ব্যৱহাৰ নকৰি পালমাৰি কৰিয়েই বিষয়া-কৰ্মচাৰীৰ সহযোগত আঁচনিৰ বিপৰীতে আবন্টিত ধন মুকলি কৰিবলৈ সৌভাগ্য ঘটিছে।ইয়াত হিতাধিকাৰী কিম্বা ৰাইজৰ কোনো অভিযোগক গুৰুত্ব দিয়া নহয়। ইফালে একাংশ দুখীয়া দৰিদ্ৰলোক এটা পকী চৰকাৰী শৌচাগাৰৰ বাবে কান্দি থাকি মুকলি ঠাইত দিন ৰাতি  মলত্যাগ কৰি আহিবলগীয়া হোৱাৰ  পাছতো বিভাগে বাঃ বাঃ লোৱাৰ যুক্তি ক’ত বুলি সচেতন লোক সকলে প্ৰশ্ন উত্থাপন কৰিছে।