বাক্সা জিলাৰ ভাৰত-ভূটান সীমান্তৱৰ্তী উত্তৰকুছিত যোৱা ১ নৱেম্বৰৰ পৰা পোন্ধৰ দিনীয়াকৈ বনৰীয়া মৌ পালন আৰু পৰিচৰ্যাৰ ওপৰত অনুষ্ঠিত এক প্ৰশিক্ষণ শিবিৰৰ আজি সামৰণি পৰে ৷ অসম বিজ্ঞান প্ৰযুক্তিবিদ্যা আৰু পৰিৱেশ পৰিষদৰ উদ্যোগত আৰু গ্ৰীণ এনভাইৰ্ণমেন্ট টাস্ক ফৰ্চৰ সহযোগত গ্ৰীণ স্কীল ডেভলপমেণ্ট প্ৰগ্ৰেমৰ অধীনত অনুষ্ঠিত এই প্ৰশিক্ষণ শিবিৰত জিলাখনৰ ভিন্ন প্ৰান্তৰ ২০ গৰাকী প্ৰশিক্ষাৰ্থীয়ে অংশগ্ৰহণ কৰে । উক্ত প্ৰশিক্ষণ শিবিৰত প্ৰশিক্ষাৰ্থী সকলক বিজ্ঞানসন্মতভাৱে মৌ পালন কৰি অৰ্থনৈতিকভাৱে কিদৰে লাভৱান হ’ব পাৰে তাৰ ওপৰত তাত্বিক শিক্ষা প্ৰদান কৰাৰ লগতে মৌ-মাখি ধৰা, মৌ ৰস সংগ্ৰহ কৰা আদি বিষয়ত ব্যৱহাৰিক শিক্ষাদানৰ উদ্দেশ্যে জিলাখনৰ মৌ-গাঁও খ্যাত বৰবৰীৰ খামৰিগাঁওলৈ প্ৰশিক্ষাৰ্থী সকলক নিয়া হয় হয় ৷ পোন্ধৰ দিনীয়া এই প্ৰশিক্ষণ শিবিৰৰ অন্তত প্ৰশিক্ষাৰ্থী সকলক মানপত্ৰৰ লগতে বিনামূলীয়াকৈ মৌ পালন সম্পৰ্কীয় গাইডবুক, মৌবাকচ, মৌ মাখি ধৰা তথা মৌ ৰস সংগ্ৰহত ব্যৱহৃত বিভিন্ন সা-সজুলি আদি বিতৰণ কৰা হয় ৷ উল্লেখ্য যে এই প্ৰশিক্ষণ শিবিৰত প্ৰকৃতিপ্ৰেমী স্বেচ্ছাসেৱী সংগঠন মানাস-চৌকী ইক’ ট্যু’ৰিজিম চছাইটি, মানাস-দাৰাগাঁও ইক’ ট্যু’ৰিজিম চছাইটি আৰু মানাস-চৌচি খংখৰ ইক’ ট্যুৰিজিম চছাইটিৰ সদস্য সকলেও সহযোগিতা আগবঢ়ায়৷ 

বিগত ৮ ছেপ্টেম্বৰত সংঘটিত নিমাতীঘাটৰ দুৰ্ভাগ্যজনক নাও দুৰ্ঘটনাত অকাল মৃত্যুক আকোৱালি লৈছিল ৩ গৰাকীকৈ লোকে। দুৰ্ঘটনাটোত নি:স্বাৰ্থভাৱে পীড়িতসকলক উদ্ধাৰ কৰিবলৈ চেষ্টা কৰাসকলৰ সাহসিকতাক বৃহস্পতিবাৰে অভিবাদন জনাই মূখ্যমন্ত্ৰী ড০হিমন্ত বিশ্ব শৰ্মাই। কৃতজ্ঞতাৰ চিনস্বৰূপে মাজুলীত এনে ৫০গৰাকী সাহসী লোকক ২৫,০০০ টকাৰ চেক প্ৰদান কৰে মূখ্যমন্ত্ৰীয়ে । তেখেতসকলৰ সাহসিকতাই মানৱতাৰ বাবে কাম কৰি যাবলৈ সকলোকে অনুপ্ৰাণিত কৰিব বুলি মন্তব্য কৰে মূখ্যমন্ত্ৰী গৰাকীয়ে ।ইয়াৰ লগতে মাজুলীৰ ৫৯খন ৰাস মহোৎসৱ আয়োজক সমিতিক ৫০,০০০ টকাৰ বিত্তীয় সাহায্য বিতৰণ কৰে। অহা বছৰৰ পৰা মাজুলীৰ ৰাস মহোৎসৱক ৰাষ্ট্ৰীয় তথা আন্তঃৰাষ্ট্ৰীয় পৰ্যায়ত উজলাই তোলাৰ ক্ষেত্ৰত পদক্ষেপ গ্ৰহণ কৰা হ’ব বুলি ঘোষণা মূখ্যমন্ত্ৰীৰ । অনুষ্ঠানটোত সতীৰ্থ মন্ত্ৰীদ্বয় শ্ৰীবিমল বৰা, শ্ৰীপীযুষ হাজৰিকা, মাননীয় সাংসদ শ্ৰীপ্ৰদান বৰুৱাও উপস্থিত আছিল।

নিশাটো মাজুলিতে থাকিব মূখ্যমন্ত্ৰী ।বালিজকাইবোৱা গাঁৱৰ প্ৰণৱ পায়েঙৰ ঘৰত নিশা কটাব মূখ্যমন্ত্ৰী ড০হিমন্ত বিশ্ব শৰ্মাই। উত্তৰ কমলাবাৰী সত্ৰত অনুস্থিত ৰাস মহোৎসৱ উদ্বোধণ কৰিব মূখ্যমন্ত্ৰী ড০হিমন্ত বিশ্ব শৰ্মাই।