একমুখী নীতি-নিয়মেৰে এখন সমাজে আন এখন সমাজক বিপদে-আপদে উদ্ধাৰ কৰিব পৰাকৈ নটা মৌজাৰ এশ বাইশখনৰো অধিক গাঁৱৰ প্ৰতিনিধি মিলি প্ৰতি বছৰে পৃঠক নামঘৰত যোৰহাট জিলাৰ সাৰ্বজনীন আঞ্চলিক ভিত্তিত অখণ্ড ভাগৱত পাঠ অনুষ্ঠান অনুষ্ঠিত কৰি আহিছে। এইবাৰ ৰূপালী জয়ন্তী বৰ্ষ দক্ষিণ যোৰহাটৰ নামনি তিমতিমীয়া নামঘৰত আয়োজন চলিছে। শিশু-মহিলা সকলোকে সমানে অগ্ৰাধিকাৰ প্ৰদানেৰে ৩০ জানুৱাৰীৰ পৰা ১৪ ফেব্ৰুৱাৰীলৈ ষোল্ল দিনীয়া বিভিন্ন কাৰ্যসূচী হাতত লোৱা হৈছে। বিস্তৃত কাৰ্যসূচীৰ প্ৰচাৰ সমল গায়ন-বায়ন, দবা-শংখ বাদন তথা আধ্যাত্মিকতাৰে শুভাৰম্ভ হৈ যায়। কেন্দ্ৰীয় সমিতিৰ সভাপতি ভোলাৰাম গগৈ, সাধাৰণ সম্পাদক ডম্বৰুধৰ গগৈ, উপ-সভাপতি ঠগীৰাম বৰা, গাণনিক আনন্দৰাম গগৈ, চক্ৰ সভাপতি হিৰেণ বৰুৱা, পুলিন গগৈ, খগেশ্বৰ গগৈকে ধৰি ভক্ত প্ৰতিনিধি, আই-মাতৃসকলে তথ্য-সমল উন্মোচন কৰে। উদযাপন সমিতিৰ কাৰ্যকৰী সভাপতি প্ৰফুল্ল প্ৰাণ গগৈ আৰু সাহিত্য সমিতিৰ সম্পাদক বিনোদ গগৈ পৰিচালনাত অনুষ্ঠিত উন্মোচনী অনুষ্ঠানত নামঘৰৰ সম্পাদক টেপুৰাম গগৈ, স্মৃতিগ্ৰন্থৰ সহযোগী সম্পাদক ৰাণাজিৎ গগৈ, উত্তম কুমাৰ শইকীয়া, নৱজ্যোতি গগৈ, দিহানাম প্ৰতিযোগিতাৰ কাৰ্যকৰী সভাপতি বিনয় কুমাৰ শইকীয়া প্ৰমুখ্যে বিভিন্ন বিষয়ববীয়াসকল উপস্থিত থাকে।

ধুবুৰী জিলাৰ চাপৰ ৰাজহ চক্ৰৰ অন্তৰ্গত তহচিল বিভাগে দীৰ্ঘ দিনৰ পৰা মাটিৰ খাজনা দিবলৈ অহা সাধাৰণ জনতাক হাৰাশাস্থি কৰাৰ এক গুৰুতৰ অভিযোগ উত্থাপন হৈছে । বৃহত্তৰ অঞ্চলৰ ৰাইজে চৰকাৰী নিৰ্দেশ অনুযায়ী বছৰেকীয়া ভুমিৰ খাজনা দিবলৈ আগবাঢ়ি আহে যদিও প্ৰতিদিনে কাৰ্যালয়ত সময় মতে উপস্থিত নহয় বিষয়া কৰ্মচাৰী সকল । বিভিন্ন অঞ্চলৰ পৰা খাজনা পৰিশোধ কৰিবলৈ অহা ৰাইজে খাজনা দিবলৈ আহি বিমুখ হৈ উভতি যোৱাৰ অভিযোগ উদত্থাপন ।খাজনা লবলৈ কৰ্মচাৰী সকলে যি ক্ষিপ্ৰতা দেখুৱাব লাগিছিল তাকে নকৰি শামুকীয়া গতিৰে খাজনা লোৱা বুলিও অভিযোগ উদত্থাপিত হৈছে।যাৰ বাবে ৰাতিপুৱা খাজনা দিবলৈ অহা ৰাইজ দিনৰ দিনটো অতিবাহিত কৰাৰ পিছত বিমুখ হৈ উভতি যাব লগা হৈছে।জানিব পৰা মতে কাৰ্যালয়টোত চাৰিগৰাকী বিষয়া কৰ্মৰত নিয়োজিত হৈ আছে, তেখেতৰ নাম ক্ৰমে ৰমেন দাস, নিখিল ব্ৰহ্ম, শীলা চক্ৰবৰ্তী আৰু নমিতা দাস । কিন্তু ৰাতিপুৱা ১১ বজাৰ পিছত কেৱল মাত্ৰ নমিতা দাসক হে কাৰ্যালয়ত উপস্থিত থকা পৰিলক্ষিত হল। বাকি কৰ্মচাৰী সকল চৰকাৰৰ নিৰ্দেশনাক বৃদ্ধাংগুষ্ঠ দেখুৱাই সময়ত কাৰ্যালয়ত উপস্থিত নহোৱাত যামৰ যাতনা ভুগিছে স্হানীয় ৰাইজ।যি সময়ত সাধাৰণ জনতাই নিজৰ মাটিৰ কৰ আদায় দিয়াত নিজৰ দায়িত্ব পালন কৰা দেখা গৈছে তেনে সময়ত এই সকল বিষয়া কৰ্মচাৰীৰ কৰ্মকাণ্ডই অতিষ্ঠ কৰি তুলিছে সাধাৰণ জনতাক।গতিকে এই সকল কৰ্তব্যত ফাকি দি অহা বিষয়া কৰ্মচাৰীৰ ওপৰত বিহীত ব্যৱস্থা গ্রহন কৰিবলৈ ৰাজহ মন্ত্ৰীক দাবী জনাইছে সচেতন মহলে ।

বৰ্ধিত নিবনুৱা সমস্যাই ৰাজ্যবাসীক চিন্তিত কৰি তোলা সময়তে ওদালগুৰি জিলাৰ ওৰাঙৰ উদ্যমী যুৱক দিপক বৰ্মন নামৰ লোকজনে আৰম্ভ কৰিছে “মা ফুড ডিপুট “নামৰ এক প্ৰশংসনীয় সেৱা মুলক ব্যৱসায় প্ৰতিষ্ঠান । ৭০ন মাজবাট  বিধান সভা সমষ্টিৰ তথা বিটিআৰৰ পাঁচনৈ চেৰফাং সমষ্টিৰ  অন্তৰ্গত ওৰাং  মাজবাট ৰোডত শুভাৰম্ভণি  কৰা উক্ত সেৱা মুলক ব্যৱসায় প্ৰতিষ্ঠান টোত মানুহৰ  দৈনন্দিন জীৱনত  অৰ্হনিশে  ব্যৱহাৰ হোৱা সকলো ধৰণৰ খাদ্য সামগ্ৰী যেনে ডাইল ,চেনী,চাউল আদি সকলো সামগ্ৰী পেকেটিং কৰি গ্ৰাহক সকলক  সুলভ মুল্যত যোগান ধৰিছে  । ওৰাঙৰ  উদ্যমী যুৱক দিপক বৰ্মনৰ “মা ফুড ডিপুট নামৰ ব্যৱসায় প্রতিষ্ঠান খনে খাদ্য সামগ্ৰীৰ লগতে দৈনন্দিন জীৱনত নিত্য নৈমিত্তিক প্ৰয়োজনীয় সকলো ধৰণৰ সা – সামগ্ৰী যোগান ধৰি ৰাইজক নিষ্ঠা ,দায়িত্ব সহকাৰে সেৱা কৰাৰ লগতে নিজা নিজা  সেৱামূলক প্ৰতিষ্ঠান আগুৱাই লৈ যোৱাৰ প্ৰয়াস কৰিছে । ৰাজ্যত বহিৰাজ্যৰ পৰা আহি বহু লোকে ব্যৱসায় কৰি থকা সময়তে অসম সন্তান খিলঞ্জীয়া যুৱক সকলে অকল চৰকাৰী চাকৰিৰ ওপৰত নিৰ্ভৰ নাথাকি এইধৰণৰ ব্যৱসায় আৰম্ভ কৰাত অঞ্চল বাসীয়ে উদ্যমী যুৱক তথা  নিবনুৱা যুৱক যুৱতী সকলৰ বাবে এক উদাহৰণ স্বৰূপ হৈ উঠা উক্ত ব্যৱসায়ৰ স্থলীৰ স্বত্বাধিকাৰী বৰ্মনক স্থানীয় ৰাইজে শলাগিছে । স্বত্বাধিকাৰী বৰ্মনে জানিব দিয়া মতে তেওঁৰ দোকানত মাহেলি অতি কমেও এবাৰত ১০০০ টকাৰ সামগ্ৰী ক্ৰয় কৰা গ্ৰাহক সকলৰ মাজত লটাৰী খেল পাতি প্ৰতিমাহে গ্ৰাহক সকলক উপহাৰ দিয়াৰো চিন্তা চর্চা আগবঢ়াইছে ।

১৫নবেম্বৰত অসমীয়া আৰু বডো ভাষাৰ বিশিষ্ট লেখক নন্দেশ্বৰ দৈমাৰীৰ চুটি গল্পৰ কিতাপ জিউ সফৰনি দাখোনৰ ওদালগুৰি স্থিত লেখকৰ নিজ বাস ভৱনত অনুষ্ঠিত সাহিত্য অনুষ্ঠানত লেখক তথা সাংবাদিক বৈদ্যনাথ উপাধ্যায়ে উন্মোচন কৰে। একেখন সভাত নৱ লেখিকা ধনুশ্ৰী বসুমতাৰীৰ চুটি গল্পৰ কিতাপ ‘আং থৈনায়নি উনাৱ’ খনো বৈদ্যনাথ উপাধ্যায়ে উন্মেচন কৰে। তেখেতে লেখকক শুভেচ্ছা প্ৰদান কৰি আশা ব্যক্ত কৰে যে বডো পাঠক সমাজে চুটি গল্প সমূহ পঢিব আৰু বডো ভাষা সাহিত্যৰ উত্তৰনৰ বাবে চিন্তা কৰিব। সভাত অধ্যক্ষতা কৰে বডো সাহিত্য সভাৰ প্ৰাক্তন সম্পাদক নীলকান্ত গয়াৰীয়ে। সভাত বডোলেণ্ড স্বায়ত্ত শাসনৰ পূৰ্বৰ উপ প্ৰমূখ প্ৰদীপ কুমাৰ দৈমাৰী, লিখক নবীন মল্ল বৰো, পালক জিত্চন দৈমাৰী, হেমন্ত স্বৰ্গিয়াৰী আৰু ওদালগুৰি কলেজৰ অধ্যক্ষ ড. লুক দৈমাৰীয়ে লেখক নন্দেশ্বৰ দৈমাৰীৰ লিখনিবোৰৰ ওপৰত বক্তব্য আগবঢায়। ২৫ মে ১৯৫৫ চনত ওদালগুৰি জিলাৰ অম্বাগাওঁৰ ওচৰৰ ঝকৰা গাওঁত জন্মগ্ৰহণ কৰা নন্দেশ্বৰ দৈমাৰীয়ে পঞ্চম মান শ্ৰেণীত পঢি থকা অৱস্থাৰ পৰাই চেগা চোৰোকাকৈ লিখিবলৈ আৰম্ভ কৰিছিল। এখেতে লিখা উপন্যাস মঞ্জুবালা দেবী গুৱাহাটী বিশ্ববিদ্যালয়ৰ বডো পাঠ্যক্ৰমত অন্তৰ্ভুক্ত কৰা হৈছে। তেখেতৰ আন গ্ৰন্থবোৰ হৈছে- থাংনায়নি দাৱহা, বক্সিং, অবে নেনায় দালাঙা বায়গ্ৰেবনায়চো, হাদাননি ফানজাৰি, আং খুদ্ৰিদোং, বৰবাদ আৰু অসমীয়া ভাষাত নৰেশ্বৰৰ পৰা ভুপেন হাজৰিকালৈ আৰু প্ৰাসংগিক প্ৰসংগ। অসম চৰকাৰে তেখেতৰ সাহিত্যিক অবদানৰ বাবে চন ২০০০ চনত সাহিত্যিক পেঞ্চন প্ৰদান কৰিছে। ২০০৯ চনত ৰাজ্যিক শিক্ষক পুৰস্কাৰো প্ৰদান কৰা হৈছে। নন্দেশ্বৰ দৈমাৰীয়ে চুটি গল্পৰ বাবে ১৯৭১ চনত দৈনিক অসমৰ পুৰস্কাৰ, ১৯৯৫ চনত বডো সাহিত্য সভাৰ সোমেশ্বৰী ব্ৰহ্ম পুৰস্কাৰ, ২০০৭ চনত মংগলচণ্ডি ব্ৰহ্ম পুৰস্কাৰ, ২০১৮ চনত শ্বহীদ ফোৰদানা দৈমাৰী পুৰস্কাৰ, ২০১৯ ত বডো ৰাইটাৰ্চ একাদেমী পুৰস্কাৰ প্ৰাপ্ত কৰিছে। নন্দেশ্বৰ দৈমাৰীক মানুহে সহজ সৰল স্বভাৱ আৰু তেওঁৰ গল্পবোৰৰ বাবে জানে।

ওদালগুৰি জিলা ভেৰগাঁ‌ও আঞ্চলিক আদিবাসী ছাত্ৰ সন্থা চমুকৈ আছা’ৰ উদ্যোগত সোমবাৰে ১৪৬ তম ৰাষ্ট্ৰীয় শ্বহীদ বীৰ ”বিৰছা মুণ্ডাৰ জন্ম জয়ন্তী দিৱস পালন কৰে।হয়””!! আদিবাসী সম্প্ৰদায়ৰ  এগৰাকী  মহান ৰাষ্ট্ৰীয় শ্বহীদ বীৰ, বিৰছা মুণ্ডাই উনোবিংশ শতিকাত আদিবাসী সম্প্ৰদায়ক দি যোৱা অৱদানৰ বাবে তেখেতৰ জন্ম দিৱস বিগত ১৪৫ টা বছৰে আদিবাসী সকলে উলহ-মালহৰে উদযাপন কৰি আহিছে।পৰিপেক্ষিতত বিভিন্ন প্ৰান্তৰ লগতে এইবেলিও ওদালগুৰি জিলা ভেৰগাঁ‌ও আঞ্চলিক আছা’ৰ উদ্যোগতো ভেৰগাঁ‌ও আছা কাৰ্যালয়ত অনুষ্টুপীয়াকৈ ৰাষ্ট্ৰীয় শ্বহীদ বীৰ ‘বিৰছা মুণ্ডাৰ ১৪৬ তম জন্ম জয়ন্তী দিৱস উদযাপন কৰে।

পুত্ৰৰ জন্মদিনত ঘৰলৈ অহাৰ কথা আছিল জোৱান সুমন স্বগীয়াৰীৰ ।জন্মদিনৰ আয়োজন কৰিবলৈ পত্নীক দিছিল দায়িত্ব, কিন্তু মুহুৰ্ততে থানবান হৈ গ’ল এই সপোন।পঞ্চভূতত বিলীন শ্বহীদ সুমন স্বগীয়াৰীৰ নশ্বৰ দেহ।পিতৃক সেৱা কৰি বিদায় জনালে এতিয়াও মৃত্যু কি বুজি নোপোৱা সুমন স্বগীয়াৰীৰ কণমানি পুত্ৰই।আনহাতে স্বামীক শেষবাৰৰ বাবে বিদায় জনালে পত্নীয়ে।
উল্লেখযোগ্য যে,মণিপুৰত উগ্ৰপন্থীৰ এম্বুশ্বত নিহত সুমন স্বৰ্গীয়াৰীৰ ঘৰত কেৱল কান্দোন আৰু কান্দোন।পুত্ৰৰ জন্মদিনত চুটি লৈ ঘৰলৈ অহাৰ কথা আছিল জোৱান সুমন স্বগীয়াৰী৷শেষবাৰৰ বাবে বিগত জুলাই মাহৰ ১০ তাৰিখে ঘৰত চুটিত আহি প্ৰায় ১৫ দিন পৰিয়ালৰ সৈতে থাকি পুনৰ কৰ্তব্যত যোগদান কৰিছিল৷তিনি বছৰীয়া পুত্ৰৰ জন্মদিনত ডিচেম্বৰৰ ৫ তাৰিখে পুনৰ চুটিত ঘৰলৈ অহাৰ কথা আছিল৷নিজ কৰ্তব্যৰ পৰাই পুত্ৰ জন্মদিনৰ বিশেষ আয়োজন কৰিবলৈ পত্নীক দিছিল দায়িত্ব৷জন্মদনিৰ আয়োজনত ব্যস্ত হৈ পৰিছিল পৰিয়ালবৰ্গ৷পিছে এই সপোন যেন মুহুৰ্ততে থানবান হৈ গ’ল৷উখল-মাখল পৰিবেশৰ মাজতে অহা এটি ফোনকলে সকলো স্তব্ধ কৰি তুলিছিল

ধুবুৰী জিলাৰ চাপৰ ৰাজহ চক্ৰৰ অন্তৰ্গত তহচিল বিভাগে দীৰ্ঘ দিনৰ পৰা মাটিৰ খাজনা দিবলৈ অহা সাধাৰণ জনতাক হাৰাশাস্থি কৰাৰ এক গুৰুতৰ অভিযোগ উত্থাপন হৈছে  । বৃহত্তৰ অঞ্চলৰ ৰাইজে চৰকাৰী নিৰ্দেশ অনুযায়ী বছৰেকীয়া ভুমিৰ খাজনা দিবলৈ আগবাঢ়ি আহে যদিও  প্ৰতিদিনে কাৰ্যালয়ত সময় মতে উপস্থিত নহয় বিষয়া কৰ্মচাৰী সকল । বিভিন্ন অঞ্চলৰ পৰা খাজনা পৰিশোধ কৰিবলৈ অহা ৰাইজে খাজনা দিবলৈ আহি বিমুখ হৈ উভতি যোৱাৰ অভিযোগ উদত্থাপন ।খাজনা লবলৈ কৰ্মচাৰী সকলে যি ক্ষিপ্ৰতা দেখুৱাব লাগিছিল তাকে নকৰি শামুকীয়া গতিৰে খাজনা লোৱা বুলিও অভিযোগ উদত্থাপিত হৈছে।যাৰ বাবে ৰাতিপুৱা খাজনা দিবলৈ অহা ৰাইজ দিনৰ দিনটো অতিবাহিত কৰাৰ পিছত বিমুখ হৈ উভতি যাব লগা হৈছে।জানিব পৰা মতে কাৰ্যালয়টোত চাৰিগৰাকী বিষয়া কৰ্মৰত নিয়োজিত হৈ আছে, তেখেতৰ নাম ক্ৰমে ৰমেন দাস, নিখিল ব্ৰহ্ম, শীলা চক্ৰবৰ্তী আৰু নমিতা দাস  । কিন্তু ৰাতিপুৱা ১১ বজাৰ পিছত কেৱল মাত্ৰ নমিতা দাসক হে কাৰ্যালয়ত উপস্থিত থকা পৰিলক্ষিত হল। বাকি কৰ্মচাৰী সকল চৰকাৰৰ নিৰ্দেশনাক বৃদ্ধাংগুষ্ঠ দেখুৱাই সময়ত কাৰ্যালয়ত উপস্থিত নহোৱাত যামৰ যাতনা ভুগিছে স্হানীয় ৰাইজ।যি সময়ত সাধাৰণ জনতাই নিজৰ মাটিৰ কৰ আদায় দিয়াত নিজৰ দায়িত্ব পালন কৰা দেখা গৈছে তেনে সময়ত এই সকল বিষয়া কৰ্মচাৰীৰ কৰ্মকাণ্ডই অতিষ্ঠ কৰি তুলিছে সাধাৰণ জনতাক।গতিকে এই সকল কৰ্তব্যত ফাকি দি অহা বিষয়া কৰ্মচাৰীৰ ওপৰত  বিহীত ব্যৱস্থা গ্রহন কৰিবলৈ ৰাজহ মন্ত্ৰীক দাবী জনাইছে সচেতন মহলে ।