কামৰূপ জিলা সাহিত্য সভা,মণিকূট সাহিত্য সমাজ আৰু হাজো সাংবাদিক সন্থাৰ সমূহীয়া উদ্যোগত আজি ভাৰত ৰত্ন ডঃ ভূপেন হাজৰিকাৰ দশম বাৰ্ষিক মৃত্যুতিথিত স্মৃতিচাৰণ সভা খনি হাজো ভৰালীটোলা প্ৰাথমিক বিদ্যালয়ত অনুস্থিত হ’য় । সেই অনুসৰি পুৱা বন্তি প্ৰজ্বলনৰে অনুস্থানটি মুকলি কৰে মণিকূট সাহিত্য সমাজৰ সভাপতি প্ৰকাশ দাসে ।প্ৰতিচ্ছবিত পুস্পঞ্জলী আগবঢ়াই হাজো সাংবাদিক সন্থাৰ সভাপতি গোবিন্দ দাসে । ইয়াৰ পিছত কামৰূপ জিলা সাহিত্য সভাৰ সভাপতি নৃপেন্দ্ৰ কুমাৰ ভাগৱতীৰ সভাপতিত্বত স্মৃতি চাৰণ সভা খনি অনুস্থিত হ’য় ।সভাখনি উদ্বোধন কৰে হাজো ভৰালীটোলা প্ৰাথমিক বিদ্যালয়ৰ প্ৰধান শিক্ষক ৰবীন চন্দ্ৰ দাসে । এই সভাত আলোচক ৰূপে অংশগ্ৰহণ কৰি শিক্ষক ৰাজীৱ বৰুৱা ,হাজো সাংবাদিক সন্থাৰ সম্পাদক আব্দুল গণিখান চৌধুৰী, আৰু হাজো সুৰেন দাস মহাবিদ্যালয়ৰ অধ্যাপক ডঃ জয়ন্ত কুমাৰ দাসে বিশ্ব বৰেণ্য শিল্পী ড° ভূপেন হাজৰিকাৰ জীৱন দৰ্শনৰ ওপৰত আলোকপাত দাঙি ধৰে । এই সভাতে হৰমোহন ডেকাৰ ৰচিত “আধাৰুৱা সপোন ” শীৰ্ষক কবিতা পুথি খনি উন্মোচন কৰে বিশিষ্ট সাহিত্যিক নৃপেন্দ্ৰ কুমাৰ ভাগৱতীয়ে । গ্ৰন্থখনি উন্মোচন কৰি ভাগৱতীয়ে কয় “আমি বিশ্ব বৰেণ্য ভাৰতৰত্ন ভূপেন হাজৰিকাৰ জীৱন দৰ্শন অনুধাৱন কৰিব লাগিব । প্ৰজন্মৰ ব্যৱধান বাঢ়ি আহিছে । গ্ৰন্থ অধ্যয়নৰ পৰিবেশ গঢ়িবলৈ সকলোৱে আগবাঢ়ি আহিব লাগিব ।নেতিবাচক দিশ আতৰাই মানুহে ইতিবাচক দিশটো অনুধাৱন কৰাটো অতি প্ৰয়োজন । ইয়াৰ পিছতে অনুস্থিত “কবিতা আৰু গীতৰ অনুস্থান ” মুকলি কৰে হাজো মণিকূট সাহিত্য সমাজৰ উপ-সভাপতি ডাঃ বিপুল চন্দ্ৰ মেধিয়ে । এই অনুষ্ঠানত বৰছলি সাহিত্য সভাৰ সম্পাদক আটাউৰ ৰহমান, শিল্পী পেন্সনাৰ স্বৰ্ণলতা মালাকাৰ , নৰেশ্বৰ ৰাজবংশী , বিশ্বজিত বিশ্বাসী , অৰ্চনা ঠাকুৰীয়া দাস , ডিম্বেশ্বৰ ভৰালীকে ধৰি নৱীন প্ৰৱীন কেৱাগৰাকী লোকে গীত পৰিবেশন কৰাৰ লগতে কবিতা পাঠ কৰি উপস্থিত সাহিত্য প্ৰেমীসকলক আপ্লুত কৰে ।

অসমৰ অন্যতম সৰ্ববৃহৎ ৰাস বিশ্বানাথৰ উত্তৰ চাৰিআলি সাৰ্বজনীন ৰাসোৎসৱৰ আজি লাই খুটা স্থাপন কৰা হয়। বিশ্বনাথৰ ৰেল গেট ৰাস বাকৰিত গায়ন বায়নৰ গুৰু ঘাটৰ মাজৰে এই লাই খুটা ভাগ স্থাপন কৰে উত্তৰ চাৰিআলি সাৰ্বজনীন ৰাসোৎসৱ সমিতিৰ সভাপতি নিৰঞ্জন হাজৰিকাই। লাই খুটা স্থাপন কৰি হাজৰিকাই অহা ১৮আৰু১৯ নৱেম্বৰ ত দুদিনীয়াকৈ অনুষ্ঠিত হব লগীয়া শ্ৰী শ্ৰীকৃষ্ণৰ ৰাস লীলা সফল কৰি তুলিবৰ বাবে ৰাইজলৈ আহ্বান জনায়। ৰাস উদযাপন সমিতিৰ অন্যতম সম্পাদক গৌতম দাধৰাই আঁত ধৰা অনুষ্ঠান ত কাৰ্যকৰী সভাপতি বসন্ত বৰা, সম্পাদক ঈশ্বৰ শইকীয়া,দিলীপ শইকীয়া,ধনটি দত্ত,বিচিত্ৰ ভূঞা প্রাক্তন সম্পাদক,ভাওনা সমিতিৰ সভাপতি বোধন বৰুৱা,সংগীত সমিতিৰ সভাপতি ৰঞ্জিত দাসকে ধৰি বহু সংখ্যক বিষয় ববীয়া উপস্থিতি থাকে।উল্লেখ্য যে অহা১৮আৰু ১৯নৱেম্বৰত দুদিনীয়া কৈ আয়োজন কৰা হৈছে  বিশ্বনাথ ৰ উত্তৰ চাৰিআলি সাৰ্বজনীন ৰাসোৎসৱ সমিতিৰ ২৪সংখ্যক ৰাসোৎসৱৰ।ৰূপালী জয়ন্তী আদৰণি বৰ্ষ হিচাবে লৈ আয়োজন কৰা এই ৰাস মহোৎসৱ ক লৈ ইতিমধ্যে ব্যাপক উৎসাহ উদ্দীপনাৰ সৃষ্টি হৈছে ৰাইজৰ মাজত।দুইটা নিশাই শ্ৰীমন্ত শংকৰদেৱৰ কেলি গোপাল নাটৰ উপৰি  দৈৱকীৰ বিবাহ , পুতনা বধ, নন্দোৎসৱ নাটিকা ৰ আয়োজন কৰা হৈছে। ৰাস মহোৎসৱ সফল কৰি তুলিবলৈ আহ্বান জনাইছে উদ্যোগতা 

ৰাজ্য চৰকাৰৰ নিৰ্দেশত অসম আৰক্ষীৰ বৃহৎ অভিযানৰ পিচতো বন্ধ হোৱা নাই নিষিদ্ধ ড্ৰাগছৰ ব্যৱসায় ৷বৰপেটাত অব্যাহত থকা ড্ৰাগছ ব্যৱসায়ৰ মাজতেই বৰপেটা আৰক্ষীৰ জালত পৰিল দুটা ড্ৰাগছ ব্যৱসায়ী ক্ৰমে তাৰবাৰী হৰিপুৰৰ জাবেদ মিয়া আৰু শফিকুল। গোপন সূত্ৰৰ অনুসৰি বৃহস্পতিবাৰে সন্ধিয়া ৫ বজাত  শফিকুল আৰু জাবেদ আলিয়ে বাইকেৰে নগাঁও অভিমুখে আহি থকা অৱস্থাত ড্ৰাগছ সহকাৰে আটক কৰিবলৈ সক্ষম হয়। ধৃত ড্ৰাগছ ব্যৱসায়ী দুজনৰ পৰা সন্ধেযুক্ত ৩০ টা হেৰোইনৰ কংতেইনাৰ জব্দ কৰে। ইতিমধ্যে বৰপেটা আৰক্ষীয়ে গোচৰ ৰূজু কৰে।

গোৱালপাৰাৰ মাটিয়া আৰক্ষী থানাৰ অধীনৰ সুতাৰ পাৰা এখন অতি ভিতৰুৱা আৰু তেনেই পিছপৰা অঞ্চল | যাতায়তৰ ক্ষেত্ৰত যমৰ যাতনা ভোগ কৰা অঞ্চলটোৰ ৰাইজৰ সুবিধাৰ্থে মহাবীৰ টি ভি এছ কোম্পানীয়ে আজি সুতাৰ পাৰা বজাৰ প্ৰাঙ্গণত দুচকীয়া বাহনৰ শ্ব ৰূম এটা মুকলি কৰে | উল্লেখ্য যে , সুতাৰ পাৰাকে ধৰি ইয়াৰ পাৰশ্বৱৰ্তী শিমলীতোলা , নৱাগত শিমলীতোলা , হেপছা পাৰা , বৰবড়ী , গেৰুৱা , বৰপাথাৰ , জিবাৰাঙা , দিঘলী বড়ী , টিপলাই , বহতী , শালমাৰা আদি প্ৰায় অৰ্ধ শতাধিক গাঁওৰ ৰাইজে দুচকীয়া বাহন ক্ৰয় কৰাৰ বাবে দুধনৈ , কৃষ্ণাই , গোৱালপাৰা আদি ঠাইলৈ যাৱলগীয়া হৈছিল | শ্ব ৰূমটো মুকলি হোৱাৰ পিছত অঞ্চলটোৰ ৰাইজ স্বস্থিৰ নিশ্বাস পেলাইছে | উল্লেখ্য যে , মুকলি হোৱাৰ দিনাই শ্ব ৰূমটোৰ পৰা দুখনকৈ বাইক বিক্ৰি হয় আৰু এখন বাইক বুকিং হয় | 

 বিশ্ব বৰণ্য সুধাকণ্ঠ ড॰ ভূপেন হাজৰিকাৰ একাদশ সংখ্যক মৃত্যু দিৱস অন্যান্য ঠাইৰ লগতে বাসুগাঁও চহৰৰ ৩ নং ওৱাৰ্ড বাসুগাঁও উচ্চতৰ মাধ্যমিক বিদ্যালয়ৰ খেলপথাৰৰ পশ্চিম দিশেৰে বাসুগাঁও মহাবিদ্যালয়লৈ যোৱা পথছোৱা সুধাকণ্ঠ ড’ ভূপেন হাজৰিকা পথ নামাকৰণ কৰা হৈছে । উক্ত পথছোৱা ছাফ-চিকুণ কৰি কাষে কাষে বিভিন্ন প্ৰজাতিৰ ফুল ৰোপন কৰাৰ উপৰি ড’ ভূপেন হাজৰিকাৰ প্ৰতিচ্ছবি অংকন, অসমৰ জাতীয় উৎসৱ বিহুকে আদি কৰি অসমৰ কৃষ্টি-সংস্কৃতি প্ৰতিফলিত হোৱাকৈ চিত্ৰ অংকন কৰি সৌন্দৰ্য্য বৰ্ধন কৰা হয় । উক্ত পথত আজি ড’ ভূপেন হাজৰিকাৰ একাদশ সংখ্যক মৃত্যু দিৱসত পথৰ কাষত অংকন কৰা ড’ ভূপেন হাজৰিকাৰ প্ৰতিচ্ছবিত বন্তি প্ৰজ্বলন, পুস্পাঞ্জলী অৰপনেৰে কাৰ্য্যসূচীৰ শুভাৰম্ভ কৰে চাৰ্কোল অফিচাৰ অমিত ৰঞ্জন বৰ্মন । তেওঁ ড’ ভূপেন হাজৰিকাৰ বৰ্ণাঢ্য জীৱনৰ ওপৰত চমু বক্তব্য আগবঢ়াই উদ্যোক্তা সমিতিৰ কাৰ্য্যক ভূয়সী প্ৰশংসা কৰে । বৰুণ বৰ্মনে আঁতধৰা অনুষ্ঠানটিত বিশিষ্ট অতিথি হিচাপে উপস্থিত থকা অৱসৰপ্ৰাপ্ত জিলা শিক্ষা বিষয়া ৰবীন্দ্ৰ কুমাৰ চৌধুৰী, সমাজকৰ্মী সম্ভু ৰাজবংশী, বাসুগাঁও উচ্চতৰ মাধ্যমিক বিদ্যালয়ৰ অৱসৰপ্ৰাপ্ত উপাধক্ষ অমৃত নাৰায়ণ পাটগিৰি আদিও বহুমুখী প্ৰতীভাধৰ বিশ্ব বৰণ্য সুধাকণ্ঠ ড’ ভূপেন হাজৰিকাৰ জীৱন-কৃতিৰ ওপৰত চমু বক্তব্য দাঙি ধৰে । অনুষ্ঠানৰ মাজতে বাসুগাঁও গুৰুকূল নেচনেল স্কুলৰ দ্বিতীয় শ্ৰেণীৰ কণমানি ছাত্ৰী নিলাক্ষী ৰায়ে ড’ ভূপেন হাজৰিকাৰ গীতৰ ওপৰত নৃত্য প্ৰদৰ্শন কৰি উপস্থিত সকলোৰে দৃষ্টি আকৰ্ষণ কৰিবলৈ সক্ষম হয় । সুধাকণ্ঠ ড’ ভূপেন হাজৰিকা পথৰ অন্ততঃ বাসুগাঁও উচ্চত্তৰ মাধ্যমিক বিদ্যালয়ৰ সম্মুখত অৱস্থিত ড’ ভূপেন হাজৰিকা স্থায়ী প্ৰতিমূৰ্তিত বন্তি প্ৰজ্বলন, মালৰ্কপন আদিৰ অন্ততঃ বাসুগাঁও শাখা সাহিত্য সভা ভৱনত নৃত্য-গীত, কবিতা আবৃত্তি, ড’ ভূপেন হাজৰিকাৰ জীৱনা দৰ্শৰ ওপৰত বক্তব্য দান আদি কাৰ্য্যসূচী পৰম উচ্ছাস-উদ্দীপনাৰ মাজেৰে সামৰণি পৰে । ড’ ভূপেন হাজৰিকা স্মৃতি সংৰক্ষণ সমিতিৰ সভাপতি অমৃত পাটগিৰিৰ সভাপতিত্বত অনুষ্ঠিত সভাৰ উদ্দেশ্য ব্যাখ্যা কৰে স্মৃতি সংৰক্ষণ সমিতিৰ সম্পাদক শৈলেন দাসে । সভাৰ অন্ততঃ শলাগৰ শৰাই আগবঢ়ায় স্মৃতি সংৰক্ষণ সমিতিৰ সহ সম্পাদক ভৃগু মুনি ৰায়ে । অৱশেষত মানুহে মানুহৰ বাবে শীৰ্ষক সমজুৱা ভাৱে গীতটি পৰিবেশন কৰাৰ অন্তত অনুষ্ঠানৰ সামৰণি পৰে ।